انار بۇلت / شينجياڭ گازەتى تىلشىلەرىنىڭ 1 - ايدىڭ 24 - كۇنى ۇرىمجىدەن بەرگەن جيناق حابارى. 1 - ايدىڭ 24 - كۇنى اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 5 - ماجىلىسىنە قاتىناسىپ جاتقان ءار ۇلت، ءار سالا ساياسي كەڭەس مۇشەلەرى ۇكىمەت قىزمەتىنەن بايانداما سياقتىلاردى ۇزدىكسىز تالقىلادى، اۆتونوميالى رايوندىق پارتكومنىڭ تۇراقتى مۇشەلەرى جاڭ جۋ، تيان شياڭلي، چىن ۋيجۇن، ءيۇسۇپجان مامەت، ەلزات احمەتجان ءار ۇلت، ءار سالا ساياسي كەڭەس مۇشەلەرىنە جەكە - جەكە امانداسا باردى ءارى تالقىعا قاتىناسىپ، پىكىر - ۇسىنىستاردى تىڭدادى.
جاڭ جۋ جۇڭگو كوممۋنيستىك پارتياسىنىڭ، دەموكراتيالىق پارتيا - توپتاردىڭ، پارتيادا، توپتا جوق قايراتكەر مۇشەلەردىڭ بىرلەسكەن گرۋپپا تالقىسىنا قاتىناسقاندا بىلاي دەپ اتاپ كورسەتتى: جۇڭگو كوممۋنيستىك پارتياسىنىڭ باسشىلىعىنداعى ساياسي كەڭەستىڭ ابزالدىلىعىن جانە جۇڭگوشا سوتسياليستىك ءتۇزىمنىڭ ابزالدىلىعىن ساۋلەلەندىرىپ، ءار جاقتىڭ اقىل - پاراساتى مەن كۇش - قۋاتىن ۇيىستىرىپ، قوعامداعى ءار سالانىڭ ويدى ءبىر اراعا شوعىرلاندىراتىن، كۇشتى ءبىر اراعا جۇمسايتىن قۋاتتى بىرىككەن كۇشىن قالىپتاستىرۋ كەرەك. جۇڭگو كوممۋنيستىك پارتياسىنىڭ باسشىلىعىنا تاباندى بولىپ، دۇرىس ساياسي بەتالىسقا شىنايى كەپىلدىك ەتىپ، ”ەكىنى تۇراقتاندىرۋدى“ باتىل قورعاۋ، ”ەكىنى قورعاۋدى“ ادالدىقپەن امالياتتا ايگىلەۋ كەرەك. جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋدى ارقاۋ ەتىپ مىندەت وتەپ، جاۋاپكەرشىلىكتى ادا ەتىپ، اۆتونوميالى رايوننىڭ دامۋىنا كوبىرەك سىندارلى كەڭەس بەرۋ، كوبىرەك ناقتى شارا ۇسىنۋ كەرەك. حالىقتى وزەك ەتۋ، جالپى بارىستىق حالىق دەموكراتياسىن امالياتتا ايگىلەۋدى ارقاۋ ەتىپ، ۇكىمەت ىسىنە سىندارلى اقىل - كەڭەس بەرىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك. جاڭا داۋىردەگى جۇڭگوشا سوتسياليستىك شينجياڭ قۇرۋدى ارقاۋ ەتىپ ورتاق تانىم ۇيىستىرىپ، جاڭا داۋىردەگى جۇڭگوشا سوتسياليستىك شينجياڭ قۇرۋدىڭ قۋاتتى كۇشىن توپتاۋ كەرەك.
تيان شياڭلي شيپاگەرلىك، دارىگەرلىك، دەنساۋلىق ساقتاۋ سالاسىنداعى، دەنە تاربيە سالاسىنداعى، قوعامدىق يگىلىك سالاسىنداعى مۇشەلەردىڭ بىرلەسكەن گرۋپپا تالقىسىنا قاتىناستى. ول بىلاي دەپ اتاپ كورسەتتى: وتكەن ءبىر جىلدا، شينجياڭ ەكونوميكالىق، قوعامدىق دامۋدا جانە حالىق تۇرمىسىن جاقسارتۋدا وتە زور تابىسقا قول جەتكىزدى، اسىرەسە، وقۋ - اعارتۋ، ەمدەۋ سياقتى حالىق تۇرمىسى سالاسىندا ۇسىنىلىمدى ءۇرتىس ارتتىردى، حالىق تۇرمىسى وتكەن ءبىر جىلدا كورنەكتى جاقساردى. وسىندا وتىرعان ءاربىر ساياسي كەڭەس مۇشەسىنىڭ بارلىعى حالىق تۇرمىسىنا قاتىستى سالالاردان كەلگەن، كوپشىلىكتىڭ ءسوز سويلەگەندە ماسەلەگە بەتپە - بەت كەلىپ، كولەگەيلەمەي تىكە ايتىپ، ماسەلەنى باعدار ەتىپ، بۇقارانىڭ تالاپ - تىلەگىن، كاسىپورىنداردىڭ قاجەتىن، سونداي - اق بولاشاق دامۋعا قاتىستى پىكىرلەردى، ۇسىنىستاردى ۇسىنۋ كەرەك. ماجىلىستەن كەيىن كوپشىلىك اۆتونوميالى رايوندىق ەكى ءماجىلىستىڭ رۋحىن مۇقيات ۇيرەنىپ، دايەكتىلەندىرىپ، قىزمەت جاۋاپكەرشىلىگىن، بورىشىن باتىلدىقپەن ارقالاپ، شەبەرلىكپەن قامال الىپ، قيىندىقتى جەڭىپ، ۇكىمەت قىزمەتىنەن بايانداماداعى ءتۇرلى شارالاردىڭ تياناقتانۋىن كۇش سالا ويداعىداي يگەرۋ كەرەك.
چىن ۋيجۇن ەكونوميكا سالاسىنداعى، ساۋدا - ونەركاسىپشىلەر بىرلەستىگى سالاسىنداعى مۇشەلەردىڭ بىرلەسكەن گرۋپپا تالقىسىندا سويلەگەن سوزدەرىن تىڭداعاننان كەيىن بىلاي دەپ اتاپ كورسەتتى: ءاربىر ساياسي كەڭەس مۇشەسىنىڭ ءسوزى رايونىمىزدىڭ ەكونوميكالىق، قوعامدىق دامۋداعى رەال جاعدايلارى مەن ناقتى ماسەلەلەرىن تولىق، وبيەكتيۆ تۇردە بەينەلەدى. جاڭا جاعدايدا ءاربىر ساياسي كەڭەس مۇشەسىنىڭ بۇكىل رايوننىڭ كەلەلى جاعدايىن تياناق ەتىپ، نازاردى ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋعا، دامۋ مەن حاۋىپسىزدىكتى ءبىر تۇتاس جوسپارلاۋعا شوعىرلاندىرىپ، ستراتەگيالىق ورايدى يگەرىپ، ويداعىداي پايدالانىپ، تىڭعىلىقتى مىندەت وتەپ، جاۋاپكەرشىلىكتى ادا ەتىپ، ەرەكشە، باسىمدىققا يە كاسىپ سالالارىنىڭ دامۋىن ءونىمدى ىلگەرىلەتىپ، رەفورما جاساۋدى، جاڭالىق اشۋدى كۇشەيتىپ، بۇكىل رايون ەكونوميكاسىنىڭ جاقسى باستاما اشۋىنا دەم بەرىپ، اۆتونوميالى رايون ەكونوميكاسىنىڭ، قوعامىنىڭ ورنىقتى، اقاۋسىز دامۋىنا كۇش قوسۋىن ءۇمىت ەتەمىن. ساياسي ءماسليحات ءتۇزىمى ابزالدىلىعىن تولىق ساۋلەلەندىرىپ، قوعامداعى ءار سالانىڭ كۇشىن ەڭ جوعارى شەكتە ۇيىستىرىپ، ىرىقتىلىقپەن سىندارلى اقىل - كەڭەس بەرىپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الۋ كەرەك.
ءيۇسۇپجان مامەت مادەنيەت، كوركەمونەر سالاسىنداعى، اقپارات - باسپا ءسوز سالاسىنداعى، چياۋميندەر بىرلەستىگى، تايۋاندىق باۋىرلاستار دوستىق بىرلەستىك قوعامى، شەتەلدەرمەن دوستىق سالاسىنداعى مۇشەلەردىڭ بىرلەسكەن گرۋپپا تالقىسىنا قاتىناستى. ول بىلاي دەپ اتاپ كورسەتتى: شينجياڭ قىزمەتىن جاقسى ىستەۋدە، ءسوز جوق، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ەكىنى تۇراقتاندىرۋدى“ باتىل قورعاپ، ”ەكىنى قورعاۋدى“ ادالدىقپەن امالياتتا ايگىلەپ، ”ەكى كەلەلى جاعدايدى“ ەستە بەرىك ساقتاپ، ”مەملەكەتتىڭ زور ءىسىن“ كوكەيدە ساقتاپ، مەملەكەتتى جاپپاي زاڭمەن باسقارۋ تالابىن شينجياڭ قىزمەتىنىڭ ءار سالاسىندا تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى مادەنيەتپەن نارلەندىرۋگە، حالىقتى بايىتىپ، شينجياڭدى گۇلدەندىرۋگە، شينجياڭدى باياندى كوركەيتۋگە تاباندى بولىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋ، دامۋ مەن حاۋىپسىزدىكتى ءبىر تۇتاس جوسپارلاۋ كەرەك. سەنىمدى اناعۇرلىم بەكەمدەپ، باتىلدىقپەن العا ىلگەرىلەپ، ستيل قۇرىلىسىن مىزعىماي كۇشەيتىپ، اناعۇرلىم بەلسەندى دە ءونىمدى شارالار ارقىلى رەفورما، دامۋ، ورنىقتىلىق ىستەرىندە جاڭا تابىسقا قول جەتكىزۋدى ىلگەرىلەتۋ كەرەك.
ەلزات احمەتجان باس جۇمىسشى ۇيىمى، كوممۋنيستىك جاستار وداعى، جاستار بىرلەستىگى، ايەلدەر بىرلەستىگى سالاسىنداعى مۇشەلەردىڭ بىرلەسكەن گرۋپپا تالقىسىندا سويلەگەن سوزدەرىن تىڭداعاننان كەيىن، بىلاي دەپ اتاپ كورسەتتى: ساياسيلىق − بۇقارالىق توپتاردىڭ، ۇيىمداردىڭ جانى، پارتيانىڭ بۇقارالىق ۇيىمدار قىزمەتىنىڭ ساياسيلىعىن ساقتاۋدا جانە كۇشەيتۋدە، ەڭ ماڭىزدىسى، بۇقارالىق توپتار، ۇيىمدار، ءسوز جوق، جۇڭگو كوممۋنيستىك پارتياسىنىڭ باسشىلىعىنا سانالى تۇردە تاباندى بولىپ، بۇقارانى پارتيانىڭ سوزىنە قۇلاق اسۋعا، پارتياعا ىلەسۋگە جەتەكتەۋ ساياسي مىندەتىن ارقالاپ، ورتاق تانىم ۇيىستىرۋ قىزمەتىن ىشكەرىلەي ويداعىداي ىستەپ، ىنتىماقتاسۋعا بولاتىن بارلىق كۇشتەرمەن ىنتىماقتاسىپ، جۇمىلدىرۋعا بولاتىن بارلىق بەلسەندى فاكتورلاردى جۇمىلدىرىپ، جۇدىرىقتاي جۇمىلا وتىرىپ پارتياعا ىلەسىپ ەكپىندەي ىلگەرىلەۋدىڭ تەلەگەي كۇشىن توپتاپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الۋ كەرەك.
(ءتىلشى جاڭ يۇنمەي، قاتىناسقان تىلشىلەر ميھىرگۇل عوپۇر، فان چيۇڭيان، ما ينيڭ، گو ليڭ، ۋاڭ جيڭجيڭ)
