انار بۇلت / شينجياڭ گازەتى تىلشىلەرىنىڭ 1 - ايدىڭ 24 - كۇنى ۇرىمجىدەن بەرگەن جيناق حابارى. 1 - ايدىڭ 24 - كۇنى تۇستەن كەيىن اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 5 - ماجىلىسىنە قاتىناسىپ جاتقان ءار ۇلت، ءار سالا ساياسي كەڭەس مۇشەلەرى اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ قىزمەت باياندامالارىن گرۋپپالارعا ءبولىنىپ تالقىلادى، قاۋلىلار مەن بايانداما جوبالارىن قارادى.
مۇشەلەر بىلاي دەپ قارادى: وتكەن ءبىر جىلدا، اۆتونوميالى رايوندىق جوعارى حالىق سوتى مەكەمەسى، اۆتونوميالى رايوندىق حالىق پروكۋراتۋراسى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭنىڭ زاڭمەن باسقارۋ يدەياسىن ىشكەرىلەي دايەكتىلەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىردى. ەكى بايانداما ناتيجەلەردى شىندىقتى ءىس جۇزىنەن ىزدەي وتىرىپ قورىتىندىلاپ، حالىق سوتى مەكەمەسى مەن حالىق پروكۋراتۋراسىنىڭ فۋنكتسياسىن ادالدىقپەن اتقارىپ، ءادىليانى حالىق ءۇشىن جۇرگىزۋدى، ءادىليانى ءادىل جۇرگىزۋدى تىڭعىلىقتى ىلگەرىلەتۋدەگى ناقتى جاۋاپكەرشىلىك ارقالاۋدى تولىق ايگىلەدى؛ الداعى قىزمەتتەردى ورنالاستىرۋدا ءىس جۇزىندىكتى تياناق ەتىپ، تۇرعىنى بيىكتەتىپ، شىنايىلىققا، ىسكەرلىككە تالپىندى، بۇل حالىق بۇقاراسىنىڭ جاڭا تىلەگىنە، جاڭا تالابىنا ۇيلەسەدى.
مۇشە ابىلەت ماحسۇت بىلاي دەدى: حالىق سوتى مەكەمەسىنىڭ، حالىق پروكۋراتۋراسىنىڭ قىزمەت باياندامالارىنىڭ ءبىر كورنەكتى ەرەكشەلىگى كوپتەگەن جاندى، قوعامنىڭ نازارىن اۋدارۋ دەڭگەيى جوعارى دەلو مىسالدارى ارقىلى قىزمەتتەردى ەگجەي - تەگجەيلى بايانداپ، حالىق بۇقاراسىنىڭ حالىق سوتى مەكەمەسىنىڭ، حالىق پروكۋراتۋراسىنىڭ قىزمەتتەرى جونىندە اناعۇرلىم مول تۇسىنىككە يە بولۋىنا مۇمكىندىك بەرىپ، ادىلدىكتى، تۋراشىلدىقتى شىنايى سەزىندىردى. باياندامالار نازاردى قوعام ءجىتى قاداعالاپ وتىرعان قولامتالى، بوگەتتى، كەسىرلى تۇيىندەرگە شوعىرلاندىرىپ، بۇقارا نەگە نازار اۋدارسا سوعان جاۋاپ قايتارىپ، بۇقارا نەنى قاجەت ەتسە سونى قامتاماسىز ەتىپ، بۇقارا نەنى اڭساسا سونى ىلگەرىلەتىپ، ءادىليانى حالىق ءۇشىن جۇرگىزۋدى كۇشەيتىپ، ءار ۇلت بۇقاراسىنىڭ ءادىليالىق تابىس سەزىمىن كۇشەيتتى.
مۇشە جاۋ چۋان بىلاي دەپ قارادى: حالىق سوتى مەكەمەسىنىڭ، حالىق پروكۋراتۋراسىنىڭ قىزمەت باياندامالارىنىڭ مازمۇنى تولىق، جەلىسى انىق، نىساناسى ايقىن، ءسوزى قىسقا دا نۇسقا. حالىق سوتى مەكەمەسىنىڭ، حالىق پروكۋراتۋراسىنىڭ بۇقارا اڭىس ەتكەن زاڭعا نەگىزدەلمەۋ، زاڭدى قاتاڭ اتقارماۋ، زاڭعا قايشىلىق جاساعانداردى قۋزاستىرماۋ سىندى كورنەكتى ماسەلەلەردى جۇيەلى اقىلداسىپ، جوسپارلاپ جانە شەشىپ، ءادىليانىڭ دەلونى ءبىر جاقتى ەتۋ ساپاسىن الۋان ءتۇرلى شارالارمەن جوعارىلاتىپ، ءار ۇلت بۇقاراسىن اناعۇرلىم كوپ تابىس سەزىمىنە، باقىت سەزىمىنە، حاۋىپسىزدىك سەزىمىنە كەنەلدىرۋىن ۇسىنىس ەتەمىن.
مۇشە سۇن جىجۇن بىلاي دەدى: وتكەن ءبىر جىلدا، حالىق سوتى مەكەمەسى، حالىق پروكۋراتۋراسى جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، قوعام ورنىقتىلىعىن پارمەندى قورعاپ، ءادىليانىڭ ادىلدىگىن جەبەدى. ءار دارەجەلى سوت مەكەمەلەرىنىڭ اتقارۋ سەرپىنىن ارتتىرىپ، ”سوڭعى ۇكىم“ (وبيەكتيۆتىك جاقتان اتقارىلۋشى ادامدا شىنىمەن دە اتقارۋعا كەلەتىن مال - مۇلىك بولماعاندىقتان قولدانىلعان دەلونى ۋاقىتشا اياقتاتۋ شاراسى) شىعارىلعان دەلولاردى اتقارۋ سالىستىرماسىن تومەندەتىپ، اتقارۋدىڭ ساپاسى مەن ونىمدىلىگىن ونان ارى جوعارىلاتۋىن ۇسىنىس ەتەمىن.
”2021 - جىلى حالىق سوتى مەكەمەسىنىڭ، حالىق پروكۋراتۋراسىنىڭ قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، قوعامنىڭ ورنىقتىلىق، دامۋ كەلەلى جاعدايىنا قىزمەت وتەۋگە، ونى قامتاماسىز ەتۋگە قۇلشىنىپ، قول جەتكىزگەن كورنەكتى ناتيجەلەرى باياندامادا تولىق بەينەلەنىپ قالماستان، تۇرمىس بارىسىندا دا ەلگە ايان بولدى“. مۇشە جاڭ باۋجۇڭ بىلاي دەدى: جاڭا دامۋ كەزەڭىندە، شينجياڭدى زاڭمەن جونگە سالۋدى جاپپاي ىلگەرىلەتۋدە ءالى دە كوپتەگەن قىزمەتتەر ىشكەرىلەي كوز جۇگىرتىپ، ناقتاپ كىرىسۋدى قاجەت ەتەدى، حالىق ءۇشىن زاڭ اتقارۋ بارىسىندا سەرپىندى ونان ارى ارتتىرىپ، مەيىرىمدىلىكتى جوعارىلاتۋدى، ۇقىق پەن جاۋاپكەرشىلىكتى ايقىنداپ، ادىلەتتى زاڭ اتقارۋدى ۇسىنىس ەتەمىن. سونىمەن بىرگە حالىقتىق جاراستىرۋدى ونان ارى كۇشەيتىپ، زاڭ جالپىلاستىرۋ تاسىلىندە جاڭالىق اشىپ، قايشىلىقتار مەن داۋ - شارلاردى نەگىزگى ساتىدا شەشىپ، زاڭ تانىمى مەن زاڭمەن باسقارۋ كوزقاراسىن جۇرت جۇرەگىنە تەرەڭ ۇيالاتۋ كەرەك.
(ءتىلشى جاڭ يۇنمەي، قاتىناسقان تىلشىلەر لي ياڭ، سۇي يۇنيان، لي شيڭ، جاڭ جىلي، جاۋ شييا)
