□ حوۋ حۇي
اۆتونوميالى رايوندىق ەكى ءماجىلىس اشىلۋدان ءبىر كۇن بۇرىن، شينجياڭ اكىمشىلىك ىستەر قىزمەت وتەۋ تۇعىرىنىڭ سالاماتتىق كودى تۋرالى حابار ۋيچات دوستار شەڭبەرىندە كەڭ تارالدى. اتالعان سالاماتتىق كودىنىڭ سونشالىق قىزۋ قارسى الىنۋىنىڭ سەبەبى ونىڭ شينجياڭ العا قويعان تۇڭعىش ”بۇكىل شينجياڭدا ءبىر كودپەن جۇرەتىن“ سالاماتتىق كودى بولۋىندا ەدى. بۇل حالىقتىڭ قالاۋى بولۋمەن بىرگە، ونان دا ماڭىزدىسى، ول شينجياڭنىڭ سيفرلى ۇكىمەت قۇرىلىسىن بار كۇشپەن ىلگەرىلەتۋ بەكىمىن ايگىلەدى.
جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، سالاماتتىق كودى ءار ۇلت بۇقاراسىنىڭ تۇرمىسىمەن بىتە قايناستى. مۇندا ”ءبىر كودپەن ءجۇرۋ“ سالاماتتىق كودىنىڭ ينفورماتسيا اعىنىنىڭ ستەرەولدى، جوعارى ءونىمدى بولۋىنا ۇيلەسكەن - ۇيلەسپەگەندىگىن تارازىلايتىن ماڭىزدى ولشەم سانالادى. وسىنىڭ الدىندا شينجياڭنىڭ جەر - جەرىندە ”كود كوپ بولۋ“، ”ءبىرىن - ءبىرى مويىنداماۋ“ جايتتەرى ەكىنىڭ بىرىندە قايتالانىپ جاتاتىن. ءار قيلى سالاماتتىق كودتارى ءار ۇلت بۇقاراسىنىڭ ءجۇرىس - تۇرىسىنا ءبىرتالاي قولايسىزدىق اكەلدى دە. بۇل جولى ءتارتىپتى ساقتاۋ مەن ومىرشەڭدىكتى كۇشەيتۋدىڭ، قاتاڭ ساقتانۋ - تىزگىندەۋ مەن بۇقاراعا قولايلى بولۋدىڭ قاتىناسىن دۇرىس ءبىر جاقتى ەتۋ العى شارتىندا، شينجياڭنىڭ ادامدار كەڭ كولەمدە ارلى - بەرلى اعىلاتىن كوكتەم مەرەكەسى تۇسىنداعى تاسىمال كەزىندە سالاماتتىق كودىندا ”ءبىر كودپەن ءجۇرۋ“ ءتارتىبىن اتقارا باستاۋى بۇرىن سالاماتتىق كودىن قولدانۋدا ”قايتا - قايتا اۋرە - سارساڭعا سالاتىن“ بوگەت تۇيىندەرىن شىن مانىندە اشتى. قايتالاماي، اۋرە - سارساڭعا سالماي، بىرەۋى پىسىپ - جەتىلسە بىرەۋىن جالپىلاستىرۋ سيفرلى ۇكىمەت قۇرىلىسىندا بويسۇنۋعا ءتيىستى ولشەم بولىپ تابىلادى.
سالاماتتىق كودىندا ”ءبىر كودپەن ءجۇرۋ“ سيفرلى ۇكىمەت قۇرىلىسىنداعى بولماشى ءبىر قادام عانا بولعانىمەن، ءبىز ونان شينجياڭنىڭ سيفرلى ۇكىمەت قۇرىلىسى ۇدەرىسىندەگى يدەيا - كوزقاراستى ازات ەتۋ جانە وندا بۇرىلىس جاساۋ تالپىنىسىن كوردىك، بۇنىڭ ءوزى سيفرلى ۇكىمەت قۇرىلىسىن جەدەلدەتۋدىڭ ارشىندى قادامى بولىپ تابىلادى. بۇدان تىس، سالاماتتىق كودىندا ”كود كوپ بولۋدان“ ”ءبىر كودپەن جۇرۋگە“ دەيىن، قىزمەت وتەۋ كولەمى اناعۇرلىم كەڭەيىپ، ينفورماتسيانىڭ مازمۇنى اناعۇرلىم مولايا ءتۇستى، سوندىقتان دا بۇل كوپتەگەن جەرلەردىڭ، كوپتەگەن تاراۋلاردىڭ ساندى مالىمەتتەردى ونان ارى دالمە - ءدال ساناققا الۋىن، تەرەڭدەي سايكەسىپ، بىرگە يگىلىكتەنۋىن قاجەت ەتەتىندىگى ءشۇباسىز، قاراماققا تەحنيكالىق جاڭارۋ سياقتى كورىنگەنىمەن، شىن مانىندە ول سيفرلى ۇكىمەت قۇرىلىسى قابىلەتىنىڭ جوعارىلاۋى سانالادى.
اۆتونوميالى رايوننىڭ ۇكىمەت قىزمەت بايانداماسى بيىلعى قىزمەتتەردى ورنالاستىرۋ كەزىندە ”سيفرلى ۇكىمەت“ قۇرىلىسىن كۇش سالا ىلگەرىلەتۋدى العا قويدى. ”بۇقارانى سابىلتقاننان“ گورى ساندى مالىمەت جاعىنان قولايلىلىق جاساۋ، ”ءبىر جەلىدە ءبىر تۇتاس ءبىتىرۋ“، ”ولكە اتتاپ ءبىر تۇتاس ءبىتىرۋ“، ”باسقا جەردە بىتىرۋگە بولۋ، رايون ىشىندە ءبىر تۇتاس ءبىتىرۋ“، ”ءبىر ءىستى ءبىر جولدا ءبىتىرۋ“... ءبىرسىپىرا تالاپتار بىزگە شينجياڭنىڭ سيفرلى ۇكىمەت قۇرىلىسىن تەزدەتەتىن كوكەي تەستىلىك سەزىمىن كورسەتتى.
وسى رەتكى ”ءبىر كودپەن ءجۇرۋدىڭ“ شينجياڭنىڭ سيفرلى ۇكىمەت قۇرىلىسىن كۇش سالا ىلگەرىلەتەتىندىگىنىڭ شاعىن كورىنىسى بولارى داۋسىز. بۇدان وزگە تاعى تالاي كوكەي تەستى ماسەلەلەر ۇكىمەتتىڭ سيفرلاندىرىپ باسقارۋ قابىلەتىن كۇشەيتۋى ارقىلى شەشۋدى كۇتىپ تۇر. سيفرلى ۇكىمەت قۇرىلىسىن زور كۇشپەن ىلگەرىلەتۋ شينجياڭنىڭ قوعامدىق باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدىڭ قاجەتتى تالابى عانا ەمەس، ونان دا ماڭىزدىسى، ءار ۇلت بۇقاراسىنىڭ تاماشا تۇرمىسقا دەگەن تالپىنىسىن جۇزەگە اسىرۋدىڭ ماڭىزدى جولى بولىپ تابىلادى.
