تيانشان تورى   ›   جاڭالىقتار   ›   ماڭىزدى حابارلار

كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ قىزمەتىن ىلگەرىلەتۋدە ءدوپ كەلگەن جاعداي مەن مىندەتتەرگە ىشكەرىلەي تالداۋ جاساپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن تىڭعىلىقتى تياناقتاندىرۋ كەرەك

شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 36 - رەتكى توپتىق ۇيرەنۋىندە بىلاي دەپ باسا دارىپتەدى

كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ قىزمەتىن ىلگەرىلەتۋدە ءدوپ كەلگەن جاعداي مەن مىندەتتەرگە ىشكەرىلەي تالداۋ جاساپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن تىڭعىلىقتى تياناقتاندىرۋ كەرەك

  شينحۋا اگەنتتىگىنىڭ 1 - ايدىڭ 25 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 1 - ايدىڭ 24 - كۇنى تۇستەن كەيىن كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ نىساناسىن جۇزەگە اسىرۋعا قۇلشىنۋ جونىندە 36 - رەتكى توپتىق ۇيرەنۋىن وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا بىلاي دەپ باسا دارىپتەدى: كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋدى، كومىر قىشقىل گازىن بەيتاراپتاندىرۋدى جۇزەگە اسىرۋ − جاڭا دامۋ ۇستانىمىن دايەكتىلەندىرۋدىڭ، جاڭا دامۋ ارناسىن قالىپتاستىرۋدىڭ، جوعارى ساپالى دامۋدى ىلگەرىلەتۋدىڭ ىشكى تالابى، پارتيا ورتالىق كوميتەتىنىڭ ەل ءىشى مەن حالىقارا سىندى ەكى كەلەلى جاعدايدى ءبىر تۇتاس جوسپارلاپ جاساعان كەلەلى ستراتەگيالىق شەشىمى. ءبىز كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ قىزمەتىن ىلگەرىلەتۋدە ءدوپ كەلگەن جاعداي مەن مىندەتتەرگە، ءسوز جوق، ىشكەرىلەي تالداۋ جاساپ، ”قوس كومىر قىشقىل گازى“ نىساناسىن جۇزەگە اسىرۋدىڭ كوكەي تەستىلىگىن جانە ماشاقاتتىلىعىن جىعا تانىپ، ويداعىداي ىستەۋگە ءتيىستى ءتۇيىندى قىزمەتتەردى اقىلداسىپ، يدەيا مەن تانىمدى بىرلىككە كەلتىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن تىڭعىلىقتى تياناقتاندىرۋ كەرەك.

  ورتالىق كوميتەت ساياسي بيۋروسىنىڭ وسى رەتكى توپتىق ۇيرەنۋىندە ورتالىق كوميتەت ساياسي بيۋروسىنداعى جولداستار وزدىگىنەن ۇيرەندى ءارى قىزمەت اسەرلەرى جونىندە پىكىر اۋىستىردى، ليۋ حى، لي چياڭ، لي حۇڭجۇڭ، حۋ چۇنحۋا جولداستار وزدەرى جاۋاپتى سالالاردىڭ جانە جەرگىلىكتى ورىنداردىڭ قىزمەتىمەن بىرلەستىرىپ ءسوز سويلەدى، كوپشىلىك پىكىر اۋىستىردى.

  شي جينپيڭ ۇيرەنۋدى باسقارعان كەزدە ماڭىزدى ءسوز سويلەدى. ول بىلاي دەپ اتاپ كورسەتتى: پارتيا 18 - قۇرىلتايىنان بەرى پارتيا ورتالىق كوميتەتى جاڭا دامۋ ۇستانىمىن دايەكتىلەندىرىپ، ەكولوگيانى الدىمەن ويلاستىرۋ، جاسىل، تومەن كومىر قىشقىل گازدى دامۋ جولىمەن بۇلجىماي ءجۇرىپ، ەكونوميكالىق، قوعامدىق دامۋدىڭ جاپپاي جاسىل تيپكە بۇرىلىس جاساۋىن كۇش سالا ىلگەرىلەتىپ، كورنەكتى ناتيجەگە قول جەتكىزدى. ءبىز جاسىل، تومەن كومىر قىشقىل گازدى، اينالمالى داميتىن ەكونوميكالىق جۇيەنى ورناتىپ، اقاۋسىزداندىرىپ، كاسىپ سالاسى قۇرىلىمى مەن ەنەرگيا قۇرىلىمىن رەتتەۋدى ۇزدىكسىز ىلگەرىلەتىپ، بۇكىل مەملەكەتتىك كومىر قىشقىل گازىن شىعارۋ ۇقىعى ساۋدا بازارى ايىرباسىن ىسكە قوسىپ، شەكارا سىرتىندا جاڭادان كومىر - ەلەكتر نىسانىن ەندىگارى سالماۋدى جاريالاپ، ”قوس كومىر قىشقىل گازى“ ساياسات جۇيەسىن جەدەل ورناتىپ، كليمات وزگەرىسى جونىندەگى حالىقارالىق كەلىسسوزدەرگە بەلسەنە ات سالىسىپ، جاۋاپكەرشىلىك ارقالايتىن ءىرى ەلدىڭ جاۋاپكەرشىلىگىن كورسەتتى. ”قوس كومىر قىشقىل گازى“ نىساناسىن جۇزەگە اسىرۋدى بىزگە باسقالار مىندەتتەپ وتىرعان جوق، قايتا ءبىزدىڭ ءوزىمىز، ءسوز جوق، ىستەۋىمىز كەرەك. ەلىمىز جاڭا دامۋ كەزەڭىنە قادام تاستادى، ”قوس كومىر قىشقىل گازى“ قىزمەتىن ىلگەرىلەتۋ − بايلىق پەن قورشاعان ورتانىڭ تەجەۋىنەن بولعان كورنەكتى ماسەلەلەردى شەشىپ، باياندى دامۋدى جۇزەگە اسىرۋدىڭ كوكەي تەستى قاجەتى، تەحنيكانىڭ العا باسۋ بەتالىسىنا ۇيلەسىپ، ەكونوميكالىق قۇرىلىمنىڭ تيبىن وزگەرتۋدى، دارەجەسىن جوعارىلاتۋدى ىلگەرىلەتۋدىڭ كوكەي تەستى قاجەتى، حالىق بۇقاراسىنىڭ كۇن سايىن ارتقان تاماشا ەكولوگيالىق ورتا قاجەتىن قاناعاتتاندىرىپ، ادام مەن تابيعاتتىڭ جاراسىمدى قاتار ءومىر ءسۇرۋىن جەبەۋدىڭ كوكەي تەستى قاجەتى، ءىرى ەلدىك جاۋاپكەرشىلىكتى ىرىقتىلىقپەن ارقالاپ، ادامزاتتىڭ تاعدىرلاس ورتاق تۇلعاسىن ورناتۋدى ىلگەرىلەتۋدىڭ كوكەي تەستى قاجەتى. ءبىز ”قوس كومىر قىشقىل گازى“ نىساناسىن جۇزەگە اسىرۋدىڭ ماڭىزدىلىعىن، ءسوز جوق، جىعا تانىپ، ”قوس كومىر قىشقىل گازى“ قىزمەتىن ىلگەرىلەتۋدىڭ سەنىمىن نىعايتۋىمىز كەرەك.

  شي جينپيڭ بىلاي دەپ باسا دارىپتەدى: ”قوس كومىر قىشقىل گازى“ نىساناسىن جۇزەگە اسىرۋ اۋقىمدى دا تەرەڭ وزگەرىس، جەڭىل - جەلپى، وڭاي - وسپاق جۇزەگە اسىرا سالاتىن ءىس ەمەس. ءبىز ستراتەگيالىق ويلاۋ قابىلەتىن جوعارىلاتىپ، جۇيە كوزقاراسىن ”قوس كومىر قىشقىل گازى“ قىزمەتىنىڭ جالپى بارىسىنا ءسىڭىرىپ، مىنا 4 ءتۇرلى قاتىناستى ويداعىداي ءبىر جاقتى ەتۋگە ءمان بەرۋىمىز كەرەك: ءبىرىنشى، دامۋ مەن كومىر قىشقىل گازىنىڭ شىعارىلۋىن ازايتۋدىڭ قاتىناسى. كومىر قىشقىل گازىنىڭ شىعارىلۋىن ازايتۋ وندىرگىش كۇشتى ازايتۋ ەمەس، كومىر قىشقىل گازىن شىعارماي قويۋ دا ەمەس، قايتا ەكولوگيانى الدىمەن ويلاستىراتىن، جاسىل، تومەن كومىر قىشقىل گازدى دامۋ جولىمەن ءجۇرىپ، ەكونوميكالىق دامۋ بارىسىندا جاسىل تيپكە بۇرىلىس جاساۋدى جەبەپ، جاسىل تيپكە بۇرىلىس جاساۋ بارىسىندا اناعۇرلىم زور دامۋدى جۇزەگە اسىرۋ بولىپ تابىلادى. ءبىر تۇتاس جوسپارلاۋعا تاباندى بولىپ، كومىر قىشقىل گازىن ازايتۋمەن ءبىر ۋاقىتتا ەنەرگيا حاۋىپسىزدىگىنە، كاسىپ سالاسى تىزبەگىنىڭ، قامداۋ تىزبەگىنىڭ حاۋىپسىزدىگىنە، استىق حاۋىپسىزدىگىنە شىنايى كەپىلدىك ەتۋ، بۇقارانىڭ قالىپتى تۇرمىسىنا شىنايى كەپىلدىك ەتۋ كەرەك. ەكىنشى، جالپىلىق پەن ءىشىنارالىقتىڭ قاتىناسى. بۇكىل مەملەكەت ءبىر تۇتاس جۇيە تانىمىن كۇشەيتىپ، ساياسات شارالاردىڭ ۇشتاسۋىن، سايكەسۋىن كۇشەيتىپ، بىرىككەن كۇش قالىپتاستىرۋعا شىنايى كەپىلدىك ەتۋ؛ سونىمەن بىرگە، وڭىرلەردەگى بايلىقتىڭ ورنالاسۋى مەن كاسىپ سالاسىنداعى جۇمىس ءبولىسىنىڭ وبيەكتيۆ رەالدىعىن تولىق ويلاستىرىپ، ءار جەردىڭ كاسىپ سالاسى قۇرىلىمىن رەتتەۋ بەتالىسىن جانە ”قوس كومىر قىشقىل گازى“ ارەكەت جوباسىن اقىلداسىپ بەلگىلەۋ، ءبىر قالىپتى ادىممەن جۇرۋدەن، ”ءبىر شىبىقپەن ايداۋدان“ اۋلاق بولۋ كەرەك. ءۇشىنشى، ۇزاق بولاشاقتىق نىسانا مەن قىسقا مەرزىمدىك نىسانانىڭ قاتىناسى. قازىرگى جاعدايدى تياناق ەتىپ، ناقتى ماسەلەلەردى ءار قادامدى نىق باسا وتىرىپ شەشىپ، ۇساق جەڭىستەردى جيناي كەلىپ كەسەك جەڭىسكە اينالدىرۋ؛ سونىمەن بىرگە، ۇزاق بولاشاقتى كوزدەپ، وڭاي ولجاعا ۇمتىلۋ، تەز بىتىرەمىن دەپ جانتالاسۋ يدەياسىن جويىپ، كومىر قىشقىل گازىن ازايتۋدىڭ ءريتىمى مەن سەرپىنىن ويداعىداي يگەرىپ، شىندىقتى ءىس جۇزىنەن ىزدەپ، بىرتىندەي ىلگەرىلەپ، ۇزدىكسىز كۇش سالۋ كەرەك. ءتورتىنشى، ۇكىمەت پەن بازاردىڭ قاتىناسى. ەكى جاعىنا دا كۇش سالۋعا تاباندى بولىپ، ىسكەر ۇكىمەت پەن ءونىمدى بازاردىڭ اناعۇرلىم ويداعىداي ۇشتاسۋىن ىلگەرىلەتىپ، ”قوس كومىر قىشقىل گازى“ قىزمەتىنىڭ ىنتالاندىرۋ، تەجەۋ مەحانيزمىن ورناتۋ، اقاۋسىزداندىرۋ كەرەك.

  شي جينپيڭ بىلاي دەپ اتاپ كورسەتتى: ”قوس كومىر قىشقىل گازى“ قىزمەتىن ىلگەرىلەتۋدە، ءسوز جوق، بۇكىل ەلدە ءبىر تۇتاس جوسپارلاۋ، ۇنەمدەۋدى الدىمەن ويلاستىرۋ، قوس قوزعالتقىشپەن دەمەۋ، ءىش پەن سىرت ىركىلىسسىز بولۋ، حاۋىپ - قاتەردەن ساقتانۋ پرينسيبىنە تاباندى بولىپ، ەلىمىزدىڭ تۇزىمدىك ابزالدىلىعىن، بايلىق شارت - جاعدايىن، تەحنيكالىق كومەسكى قۋاتىن، بازار ومىرشەڭدىگىن اناعۇرلىم ويداعىداي ساۋلەلەندىرىپ، بايلىقتى ۇنەمدەيتىن جانە قورشاعان ورتانى قورعاۋعا پايدالى كاسىپ سالاسى قۇرىلىمىن، ءوندىرىس ءتاسىلىن، تۇرمىس ءتاسىلىن، كەڭىستىكتىك ارنانى جەدەل قالىپتاستىرۋ كەرەك. ءبىرىنشى، ءبىر تۇتاس جوسپارلاۋدى، سايكەستىرۋدى كۇشەيتۋ كەرەك. ”قوس كومىر قىشقىل گازى“ قىزمەتىن ەكولوگيالىق وركەنيەت قۇرىلىسىنىڭ جالپىلىق ورنالاستىرۋىنا جانە ەكونوميكالىق، قوعامدىق دامۋدىڭ جالپى جاعدايىنا ەنگىزىپ، كومىر قىشقىل گازىن ازايتۋدى، لاستانۋدى ازايتۋدى، جاسىل جامىلعىنى كەڭەيتۋدى، ارتۋدى سايكەستىرە ىلگەرىلەتۋگە تاباندى بولىپ، قاتىستى جوبالاردى، اتقارۋ جوبالارىن جانە قامتاماسىز ەتۋ شارالارىن جەدەل جاساپ، جاريالاپ، ”كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋدىڭ 10 ۇلكەن ارەكەتىن“ ويداعىداي ۇيىمداستىرىپ، اتقارىپ، ساياساتتاردىڭ ۇشتاسۋىن كۇشەيتۋ كەرەك. وڭىرلەر، تاراۋلار جالپى جاعداي تانىمىندا بولىپ، كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋدىڭ ءريتىمىن عىلمي يگەرىپ، جاۋاپكەرشىلىك تۇلعالارىن، قىزمەت مىندەتتەرىن، ورىندالاتىن ۋاقىتتى ايقىنداپ، ورنىقتى، ءتارتىپتى تۇردە ىلگەرىلەتۋ كەرەك. ەكىنشى، ەنەرگيا توڭكەرىسىن ىلگەرىلەتۋ كەرەك. ەلىمىزدىڭ ەنەرگيا جانە بايلىق ارتىقشىلىعىن تياناق ەتىپ، الدىمەن جاڭاسىن ورناتۋعا، سوڭىنان ەسكىسىن جويۋعا، جالپى بەتتىك جوسپارلاۋعا تاباندى بولۋ، ءداستۇرلى ەنەرگيالاردى بىرتىندەپ قاتاردان قالدىرۋ، ءسوز جوق، جاڭا ەنەرگيا كوزدەرىمەن حاۋىپسىز، سەنىمدى تۇردە اۋىستىرۋ نەگىزىندە جۇرگىزىلۋى كەرەك. ءىرى تيپتەگى جەل ەلەكتر، فوتوۆولتتىق ەلەكتر بازالارىن نەگىز، ونىڭ توڭىرەگىندەگى تازا، جوعارى ءونىمدى، وزىق، ەنەرگيا ۇنەمدەيتىن كومىر ەلەكترىن تىرەك، ورنىقتى، حاۋىپسىز، سەنىمدى ەرەكشە جوعارى كەرنەۋ وزگەرتۋ، ەلەكتر جەتكىزۋ جەلىلەرىن دانەكەر ەتكەن جاڭا ەنەرگيامەن قامداۋ جانە ونى تۇتىنۋ جۇيەسىن سەرپىندى ارتتىرا وتىرىپ جوسپارلاۋ، ورناتۋ كەرەك. قازبا ەنەرگيالاردىڭ تۇتىنىلىمىن باتىل تىزگىندەۋ، اسىرەسە، كومىر تۇتىنىلىمىنىڭ ارتۋىن قاتاڭ، ۇيلەسىمدى تىزگىندەپ، جۇيەلى تۇردە مولشەرىن ازايتىپ، ورنىن باستىرىپ، كومىر ەلەكترىندە ەنەرگيا ۇنەمدەۋ، كومىر قىشقىل گازىن ازايتۋ باعىتىنداعى وزگەرتۋ، يكەمدى وزگەرتۋ، جىلۋمەن قامداۋ باعىتىنداعى وزگەرتۋ سىندى ”3 وزگەرتۋدە بىرلەسە قيمىلداۋدى“ زور كۇشپەن ىلگەرىلەتۋ كەرەك. ەل ىشىندەگى ەنەرگيا ءوندىرىسىنىڭ نەگىزىن بەكەمدەپ، كومىرمەن قامداۋدىڭ حاۋىپسىزدىگىن قامتاماسىز ەتىپ، شيكى مۇناي، تابيعي گاز ءوندىرىس قۋاتىنىڭ ورنىقتى ارتۋىن ساقتاپ، كومىردى، تابيعي گازدى، مۇنايدى زاپاس ساقتاۋ قابىلەتى قۇرىلىسىن كۇشەيتىپ، ەنەرگيا ساقتاۋدىڭ وزىق تەحنيكالارىن كولەمدەندىرىپ قولدانۋدى ىلگەرىلەتۋ كەرەك. جاڭا ەنەرگيا مەن تازا ەنەرگيانى دامىتۋدى جەبەۋدى اناعۇرلىم كورنەكتى ورىنعا قويىپ، جارىق ەنەرگياسىن، كرەمنيلى ەنەرگيانى، سۋتەگى ەنەرگياسىن، قايتا تۋىندايتىن ەنەرگيانى بەلسەندى، جۇيەلى تۇردە دامىتۋ كەرەك. ەنەرگيا تەحنيكاسىنىڭ وسى زامانعى ينفورماتسيا، جاڭا ماتەريال جانە وزىق جاساۋ تەحنيكاسىمەن تەرەڭدەي توعىسۋىن ىلگەرىلەتىپ، ەنەرگيانى ءوندىرۋدىڭ جانە تۇتىنۋدىڭ جاڭا ۇلگىلەرىن قاراستىرۋ كەرەك. كولەمگە، ونىمدىلىككە يە جەل ەنەرگياسى، كۇن ەنەرگياسى، بيو ەنەرگيا، جەر جىلۋى ەنەرگياسى، تەڭىز - مۇحيت ەنەرگياسى، سۋتەگى ەنەرگياسى سياقتى جاڭا ەنەرگيالاردى جەدەل دامىتىپ، سۋ ەلەكترىن دامىتۋ مەن ەكولوگيانى قورعاۋدى ءبىر تۇتاس جوسپارلاپ، يادرو ەلەكترىن بەلسەندى، حاۋىپسىز، جۇيەلى تۇردە دامىتۋ كەرەك. ءۇشىنشى، كاسىپ سالاسىن ساپالىلاندىرۋدى جانە ونىڭ دارەجەسىن جوعارىلاتۋدى ىلگەرىلەتۋ كەرەك. جاڭا كەزەكتى عىلىم - تەحنيكا توڭكەرىسىنىڭ جانە كاسىپ سالاسى وزگەرىسىنىڭ ورايىن مىقتى يگەرىپ، ينتەرنەت، ۇلكەن ساندى مالىمەت، جاساندى زەردە، 5 - بۋىن جىلجىمالى حابارلاسۋ (5G) سياقتى جاڭا وركەندەگەن تەحنيكالاردىڭ جاسىل، تومەن كومىر قىشقىل گازدى كاسىپ سالاسىمەن تەرەڭدەي توعىسۋىن ىلگەرىلەتىپ، جاسىل جاساۋ جۇيەسى مەن قىزمەت وتەۋ جۇيەسىن ورناتىپ، جاسىل، تومەن كومىر قىشقىل گازدى كاسىپ سالالارىنىڭ ەكونوميكانىڭ جالپى مولشەرىندەگى ۇلەسىن جوعارىلاتۋ كەرەك. جاڭادان قوسىلاتىن نىسانداردا كومىر قىشقىل گازىنىڭ شىعارىلۋ وتكەلىن قاتاڭ مەڭگەرىپ، ەنەرگيا جۇمسالىمى جوعارى، كومىر قىشقىل گازىن شىعارۋ مولشەرى جوعارى، دەڭگەيى تومەن نىسانداردىڭ كوزسىز دامۋىن باتىل تەجەۋ كەرەك. بولات - تەمىر، ءتۇستى مەتال، مۇناي حيمياسى، حيميا ونەركاسىبى، قۇرىلىس ماتەريالدارى سياقتى ءداستۇرلى كاسىپ سالالارىن ساپالىلاندىرۋدى جانە ونىڭ دارەجەسىن جوعارىلاتۋدى كۇش سالا ىلگەرىلەتىپ، ونەركاسىپ سالاسىندا تومەن كومىر قىشقىل گازدى تەحنولوگيالىق جاڭارۋدى جانە سيفرلانۋعا قاراي تيپ وزگەرتۋدى جەدەلدەتۋ كەرەك. قوقىستاردى بايلىققا اينالدىرىپ پايدالانۋ سەرپىنىن ارتتىرىپ، اينالمالى ەكونوميكانى زور كۇشپەن دامىتىپ، ەنەرگيانىڭ، بايلىقتىڭ ىسىراپ بولۋىن ازايتۋ كەرەك. تومەن كومىر قىشقىل گازدى قاتىناس جۇيەسى قۇرىلىسىن ءبىر تۇتاس جوسپارلاپ ىلگەرىلەتىپ، قالا، اۋىل قۇرىلىسىنىڭ جاسىل، تومەن كومىر قىشقىل گازدى دامۋ ساپاسىن جوعارىلاتۋ كەرەك. تاۋ، سۋ، ورمان، اتىز، كول، جايلىم، قۇمدى ءبىر تۇلعالاندىرىپ قورعاۋ جانە جۇيەلى جونگە سالۋدى ىلگەرىلەتىپ، ەكولوگيالىق جۇيەنىڭ كومىر قىشقىل گازىن جيناۋ قابىلەتىن بەكەمدەۋ جانە جوعارىلاتۋ كەرەك. قاراپايىم دا ۇيلەسىمدى، جاسىل ءارى تومەن كومىر قىشقىل گازدى، وركەنيەتتى دە سالاماتتى ءومىر سالتىن دارىپتەپ، جاسىل، تومەن كومىر قىشقىل گازدىق تۇتىنۋعا جەتەكتەپ، جاسىل ءجۇرىس - تۇرىسقا دەم بەرىپ، جاسىل، تومەن كومىر قىشقىل گازدى قوعامدىق ارەكەتتەن ۇلگى كورسەتىپ، وزات بولۋعا تالپىنۋدى ورىستەتىپ، جالپى حالىقتىڭ ۇنەمشىلدىك تانىمىن، ەكولوگيالىق قورشاعان ورتا تانىمىن كۇشەيتۋ كەرەك. ءتورتىنشى، جاسىل، تومەن كومىر قىشقىل گازدى عىلىم - تەحنيكا توڭكەرىسىن جەدەلدەتۋ كەرەك. جاسىل، تومەن كومىر قىشقىل گازدى تەحنيكالاردان قامال الۋدى مىقتاپ يگەرىپ، وزىق، قولدانىلمالى تەحنيكالاردى زەرتتەپ - اشۋدى جانە جالپىلاستىرۋدى، قولدانۋدى جەدەلدەتۋ كەرەك. جاسىل، تومەن كومىر قىشقىل گازدى تەحنيكالاردى ساراپتاۋ، ساۋدالاۋ جۇيەسىن ورناتىپ، كەمەلدەندىرىپ، جاڭالىق اشۋ جەتىستىكتەرىن كادەگە جاراتۋدى جەدەلدەتۋ كەرەك. دارىندىلاردى باۋلۋ ۇلگىسىندە جاڭالىق اشىپ، جوعارى مەكتەپتەردى قاتىستى ءپان قۇرىلىستارىن جەدەلدەتۋگە ىنتالاندىرۋ كەرەك. بەسىنشى، جاسىل، تومەن كومىر قىشقىل گازدى ساياسات جۇيەسىن كەمەلدەندىرۋ كەرەك. ەنەرگيا جۇمسالىمىنداعى ”قوس تىزگىندەۋ“ ءتۇزىمىن ونان ارى كەمەلدەندىرىپ، قايتا تۋىندايتىن ەنەرگيا مەن شيكىزاتتىڭ جاڭادان ارتقان ەنەرگيا جۇمسالىمىن ەنەرگيا تۇتىنۋ جالپى مولشەرىن تىزگىندەۋگە ەنگىزبەۋ كەرەك. ”قوس كومىر قىشقىل گازى“ ولشەمىن اقاۋسىزداندىرىپ، كومىر قىشقىل گازىنىڭ شىعارىلۋىن ساناققا الۋدىڭ، ەسەپتەۋدىڭ ءبىر تۇتاس، ارناعا تۇسكەن جۇيەسىن ورناتىپ، ەنەرگياداعى ”قوس تىزگىندەۋدىڭ“ كومىر قىشقىل گازىنىڭ شىعارىلۋىنىڭ جالپى مولشەرى مەن كۇشەمەلىلىگىنىڭ ”ەكەۋىن دە تىزگىندەۋگە“ قاراي بۇرىلىس جاساۋىن ىلگەرىلەتۋ كەرەك. زاڭداردى، زاڭ ەرەجەلەردى اقاۋسىزداندىرىپ، قازىنا - سالىق، باعا، قارجى قوسۋ، فينانس ساياساتتارىن كەمەلدەندىرۋ كەرەك. بازار مەحانيزمىنىڭ رولىن تولىق ساۋلەلەندىرىپ، كومىر قىشقىل گازىنىڭ شىعارىلۋى بويىنشا باعا بەلگىلەۋ مەحانيزمىن كەمەلدەندىرىپ، كومىر قىشقىل گازىن شىعارۋ ۇقىعى ساۋداسىن، ەنەرگيا تۇتىنۋ ۇقىعى ساۋداسىن، ەلەكتر قۋاتى ساۋداسىن ۇشتاستىرۋدى، سايكەستىرۋدى كۇشەيتۋ كەرەك. التىنشى، الەمدىك كليماتتى جونگە سالۋعا بەلسەنە ات سالىسۋ جانە وعان جەتەكشىلىك ەتۋ كەرەك. ادامزاتتىڭ تاعدىرلاس ورتاق تۇلعاسى ۇستانىمىن ۇستانىپ، اناعۇرلىم بەلسەندى بەينەمەن الەمدىك كليمات وزگەرىسى كەلىسسوزدەرىنىڭ كەڭەستىك ءتارتىبىن جانە حالىقارالىق ەرەجەلەرىن جاساۋعا ات سالىسىپ، الەمدىك كليماتتى جونگە سالۋدىڭ ءادىل، ۇيلەسىمدى، سەلبەسىپ، تەڭ يگىلىكتەنەتىن جۇيەسىن ورناتۋدى ىلگەرىلەتۋ كەرەك.

  شي جينپيڭ بىلاي دەپ باسا دارىپتەدى: پارتيانىڭ ”قوس كومىر قىشقىل گازى“ قىزمەتىنە باسشىلىعىن كۇشەيتىپ، ءبىر تۇتاس جوسپارلاۋدى، سايكەستىرۋدى كۇشەيتىپ، باقىلاۋدى، باعالاۋدى قاتايتىپ، قىزمەتتىڭ بىرىككەن كۇشىن قالىپتاستىرۋدى ىلگەرىلەتۋ كەرەك. پارتيا مەن ۇكىمەت تەڭ جاۋاپكەرشىلىك ارقالاپ، ءار جاقتىڭ جاۋاپكەرشىلىگىن ناقتىلاندىرىپ، ”قوس كومىر قىشقىل گازى“ قىزمەتىنىڭ قاتىستى كورسەتكىشتەرىن جەر - جەردىڭ وڭىرلىك ەكونوميكالىق، قوعامدىق دامۋىن جالپىلىق باعالاۋ جۇيەسىنە ەنگىزىپ، باعالاۋ سالماعىن ارتتىرىپ، كورسەتكىشتىك تەجەمدى كۇشەيتۋ كەرەك. ءار دارەجەلى باسشى كادرلار ”قوس كومىر قىشقىل گازى“ تۋرالى نەگىزدىك بىلىمدەردى، ونى جۇزەگە اسىرۋدىڭ جولدارىن جانە قىزمەت تالاپتارىن ۇيرەنۋدى كۇشەيتىپ، شىنايى ۇيرەنۋ، شىنايى ۇعىنۋ، شىنايى يگەرۋ، شىنايى قولدانۋ كەرەك. ”قوس كومىر قىشقىل گازى“ قىزمەتىن كادرلاردى تاربيەلەۋ - باۋلۋ جۇيەسىنىڭ ماڭىزدى مازمۇنى ەتىپ، ءار دارەجەلى باسشى كادرلاردىڭ جاسىل، تومەن كومىر قىشقىل گازدى دامۋدى ىلگەرىلەتۋ قابىلەتىن كۇشەيتۋ كەرەك.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.