تيانشان تورى   ›   جاڭالىقتار   ›   شينجياڭ حابارلارى

اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 5 - ءماجىلىسى جابىلدى

اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 5 - ءماجىلىسى جابىلدى

ما شيڭرۇي، ەركىن تۇنياز، شاۋكەت يمىن، لي يفي، شوكىرات زاكىر، نايىم ياسىن، جاڭ چۇنلين، حى جۇڭيوۋ قاتىناستى

نۇرلان ءابىلماجىن باسقاردى ءارى ءسوز سويلەدى

  1 - ايدىڭ 25 - كۇنى اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 5 - ءماجىلىسى شينجياڭ حالىق سارايىندا جابىلدى. سۋرەتتە: ءماجىلىس زالى.

□ سۋرەتتى انار بۇلت / شينجياڭ گازەتىنىڭ ءتىلشىسى جوۋ پىڭ تۇسىرگەن

  انار بۇلت / شينجياڭ گازەتىنىڭ تىلشىلەرى لي ياڭ، جاڭ يۇنمەي 1 - ايدىڭ 25 - كۇنى ۇرىمجىدەن حابارلايدى. اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 5 - ءماجىلىسى ءتۇرلى كەڭەستىك تارتىپتەرىن تولىق ورىنداپ بولعان سوڭ، 1 - ايدىڭ 25 - كۇنى تۇستەن بۇرىن شينجياڭ حالىق سارايىندا جابىلدى. ءماجىلىس تۇتاس رايونداعى ءار دارەجەلى ساياسي كەڭەستەردى، ساياسي كەڭەسكە قاتىناسۋشى ءارقايسى ورىنداردى جانە ءار ۇلت، ءار سالا مۇشەلەرىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، اۆتونوميالى رايوندىق پارتكومنىڭ باسشىلىعىندا، اۋەلگى ماقساتتى ۇمىتپاي، بورىشتى ەستە بەرىك ساقتاپ، تاريحتى اينا ەتىپ بولاشاققا جول اشىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋ جولىندا قۇلشىنا كۇرەس جۇرگىزىپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الۋعا ۇندەدى.

  اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ءماجىلىستى باسقاردى ءارى ءسوز سويلەدى. اۆتونوميالى رايوندىق ساياسي كەڭەستىڭ ورىنباسار ءتوراعالارى پىڭ جيارۇي، كۇڭ شيڭلۇڭ، دوۋ ۋانگۇي، ياڭ يۇڭ، يىلحام سابىر، ابدۇرىقىپ ءتومۇرنياز، نۇرىم سىمايىلقان، ءدىلشات قىدىرقان، ازەز مۇسا، باس حاتشى گاۋ جياڭحۋاي ءتوراعالار مىنبەسىنىڭ الدىڭعى قاتارىنان ورىن الدى.

  ما شيڭرۇي، ەركىن تۇنياز، شاۋكەت يمىن، لي يفي، شوكىرات زاكىر، نايىم ياسىن، جاڭ چۇنلين، حى جۇڭيوۋ، جاڭ جۋ، تيان شياڭلي، چىن ۋيجۇن، ءزۇمىرات وبۇل، ياڭ فاسىن، ءيۇسۇپجان مامەت، ەلزات احمەتجان، قادەن كابەن قاتارلىلار ءتوراعالار مىنبەسىنەن ورىن الدى.

  اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 5 - ماجىلىسىنە قاتىناسۋعا ءتيىستى مۇشە 522 ادام، ناقتى قاتىناسقانى 461 ادام، بۇل بەلگىلەمەدەگى ادام سانىنا ۇيلەسەدى.

  ءماجىلىس اۆتونوميالى رايوندىق ساياسي كەڭەس 12 - كەزەكتى كوميتەتى 5 - ءماجىلىسىنىڭ ءجۇرات يمىننىڭ، ءمۇتالىپ وبۇلدىڭ، ما شيۇڭچىڭنىڭ ساياسي كەڭەس شينجياڭ ۇيعۇر اۆتونوميالى رايوندىق 12 - كەزەكتى كوميتەتىنىڭ ورىنباسار ءتوراعاسى، مۇشەسى مىندەتىنەن بوساۋ ءوتىنىشىن قابىلداۋ جونىندەگى قاراردى ماقۇلدادى؛ «ساياسي كەڭەس شينجياڭ ۇيعۇر اۆتونوميالى رايوندىق 12 - كەزەكتى كوميتەتى 5 - ءماجىلىسىنىڭ سايلاۋ ءادىسىن» جانە باس بەلەت باقىلاۋشىنىڭ، بەلەت باقىلاۋشىلاردىڭ ەسىمدىگىن ماقۇلدادى.

  ءماجىلىس تولىق اقىلداسۋ، دەموكراتيالىق كەڭەسۋ ارقىلى جاسىرىن داۋىس بەرۋ تاسىلىمەن جاروللا يسامديندى، ليۋ حۇيجۇندى ساياسي كەڭەس شينجياڭ ۇيعۇر اۆتونوميالى رايوندىق 12 - كەزەكتى كوميتەتىنىڭ ورىنباسار ءتوراعالىعىنا، لي چىنى ساياسي كەڭەس شينجياڭ ۇيعۇر اۆتونوميالى رايوندىق 12 - كەزەكتى كوميتەتى تۇراقتى كوميتەتىنىڭ مۇشەلىگىنە تولىقتاپ سايلادى. وسىدان كەيىن نۇرلان ءابىلماجىن جاڭادان سايلانعان اۆتونوميالى رايوندىق ساياسي كەڭەستىڭ ورىنباسار ءتوراعالارىن ءتوراعالار مىنبەسىنە وتىرۋعا ۇسىنىس ەتتى.

  ءماجىلىس اۆتونوميالى رايوندىق ساياسي كەڭەس 12 - كەزەكتى كوميتەتى 5 - ءماجىلىسىنىڭ تۇراقتى كوميتەتتىڭ قىزمەت بايانداماسى جونىندەگى قارارىن، اۆتونوميالى رايوندىق ساياسي كەڭەس 12 - كەزەكتى كوميتەتى 5 - ءماجىلىسىنىڭ اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 4 - ماجىلىسىنەن بەرگى ۇسىنىس جوبا قىزمەت جاعدايى بايانداماسى جونىندەگى قارارىن، اۆتونوميالى رايوندىق ساياسي كەڭەس ۇسىنىس جوبا كوميتەتىنىڭ اۆتونوميالى رايوندىق ساياسي كەڭەس 12 - كەزەكتى كوميتەتى 5 - ءماجىلىسىنىڭ ۇسىنىس جوبالاردى تەكسەرۋ جاعدايى جونىندەگى بايانداماسىن، اۆتونوميالى رايوندىق ساياسي كەڭەس 12 - كەزەكتى كوميتەتى 5 - ءماجىلىسىنىڭ ساياسي قارارىن ماقۇلدادى.

  نۇرلان ءابىلماجىن بىلاي دەدى: اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 5 - ءماجىلىسى جالپى مۇشەلەردىڭ بىرگە قۇلشىنۋىندا ءتۇرلى كەڭەس تارتىپتەرىن تولىق ورىندادى. ءار ۇلت، ءار سالا مۇشەلەرى وسكەلەڭ ساياسي سانالىلىقپەن، كۇشتى جاۋاپكەرشىلىكپەن ءماجىلىستىڭ ءتۇرلى بايانداما، حۇجاتتارىن مۇقيات قاراپ، بەلسەنە ۇسىنىس قويىپ، اقىل - كەڭەس بەرىپ، ورتاق تانىمدى كەڭ كولەمدە ۇيىستىرىپ، بەلسەندى جەتىستىكتەرگە قول جەتكىزدى. بۇل ءبىر رەتكى تۋدى بيىك ۇستاعان، ىنتىماقتى، جىگەرلەندىرەتىن، دەموكراتيا ساۋلەلەندىرىلگەن، شىندىققا جۇگىنىپ، ناقتى ءىس ىستەلگەن، ءورىس اشا ەكپىندەي ىلگەرىلەگەن ءماجىلىس بولدى.

  نۇرلان ءابىلماجىن بىلاي دەپ باسا دارىپتەدى: بيىل ءبىز پارتيا 20 - قۇرىلتايىنىڭ جەڭىسپەن اشىلۋىن قارسى العالى وتىرمىز، تۇتاس رايونداعى ءار دارەجەلى ساياسي كەڭەس، ساياسي كەڭەسكە قاتىناسۋشى ورىندار جانە ءار ۇلت، ءار سالا مۇشەلەرى ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، اسقاق جىگەرمەن قايراتتانا ۇمتىلىپ، مويىماس تاباندىلىقپەن العا باسىپ، پارتيا قۇرۋ ۇلى رۋحىن بارىنشا اسقاقتاتىپ، جاڭا داۋىردەگى جۇڭگوشا سوتسياليستىك شينجياڭ قۇرۋ ۇلى جورىعىندا ەرلىكپەن العا ىلگەرىلەۋ كەرەك. جاڭا ەمتيحان تاپسىرۋ جولىن جاقسى باسۋدا ايقىن تۋ ۇستاي وتىرىپ ساياسيدى دارىپتەپ، اناعۇرلىم سانالى تۇردە ”ەكىنى تۇراقتاندىرۋدى“ قورعاپ، ”ەكىنى قورعاۋدى“ امالياتتا ايگىلەپ، بۇلجىماستان شي جينپيڭ جاڭا ءداۋىر جۇڭگوشا سوتسياليزم يدەياسىن ساياسي كەڭەس قىزمەتىن ءبىر تۇتاس مەڭگەرەتىن باس تۇعىرناما ەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ىشكەرىلەي ۇيرەنىپ، ءتۇسىنىپ، تولىق، دالمە - ءدال دايەكتىلەندىرىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، باستان - اياق يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ كەرەك. ”ەكى كەلەلى جاعدايدى“ كوكەيدە ساقتاپ، ”مەملەكەتتىڭ زور ىستەرىنە“ قىزمەت وتەپ، اناعۇرلىم سانالى تۇردە نازاردى جاڭا داۋىردەگى پارتيانىڭ شينجياڭدى جونگە سالۋ جالپى جوباسىنا شوعىرلاندىرا وتىرىپ مىندەت وتەپ، جاۋاپكەرشىلىكتى ادا ەتىپ، شينجياڭدى زاڭمەن باسقارۋ، شينجياڭدى ىنتىماقتاسا ورنىقتىرۋ، شينجياڭدى مادەنيەتپەن نارلەندىرۋ، حالىقتى بايىتىپ شينجياڭدى گۇلدەندىرۋ، شينجياڭدى باياندى كوركەيتۋ ۇلى امالياتىنا بەلسەنە ات سالىسۋ كەرەك. ”مەملەكەت ءۇشىن مىندەت وتۋ، حالىق ءۇشىن جاۋاپكەرشىلىكتى ادا ەتۋ“ سۇيىسپەنشىلىگىن ونان ارى كۇشەيتىپ، حالىق ساياسي كەڭەسىنىڭ حالىق ءۇشىن قىزمەت ىستەۋىن اناعۇرلىم سانالى تۇردە ورىنداپ، باستان - اياق حالىق بۇقاراسىمەن بىرگە ويلاپ، بىرگە ىستەپ، پارتيانىڭ ساياساتىن ۇگىتتەۋشى، يدەيالىق - ساياسي جەتەكشى، سالالارداعى بۇقارانىڭ جاقىن جان اشىرى بولىپ، اناعۇرلىم كوپ ادامدى پارتيانىڭ توڭىرەگىنە ىنتىماقتاستىرۋ، ۇيىستىرۋ كەرەك.

  اۆتونوميالى رايوندىق حالىق قۇرىلتايى تۇراقتى كوميتەتىندەگى، ۇكىمەتتەگى، بيڭتۋانداعى باسشى جولداستار، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى باسشى جولداستار قاتارلىلار دا ءتوراعالار مىنبەسىنەن ورىن الدى.

  ءماجىلىس ايبىندى مەملەكەت انىمەن جابىلدى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.