انار بۇلت / شينجياڭ گازەتىنىڭ ءتىلشىسى ۋاڭ نا 1 - ايدىڭ 25 - كۇنى ۇرىمجىدەن حابارلايدى. اۆتونوميالى رايوندىق 13 - كەزەكتى حالىق قۇرىلتايى 5 - ءماجىلىسىنىڭ ءتوراعالار القاسى 1 - ايدىڭ 25 - كۇنى تۇستەن كەيىن 3 - جيىنىن وتكىزدى.
ءماجىلىس ءتوراعالار القاسىنىڭ تۇراقتى ءتوراعالارى ما شيڭرۇي، لي يفي، جاڭ چۇنلين، حى جۇڭيوۋ، جاڭ جۋ، لي شۋەجۇن، سارقىت اقان، دۇڭ شينگۋاڭ، باداي، سو يۋە، لي نيڭپيڭ، توحتى ياقۇپ، مۇقيات جارمۇقامەت، ءمۇتالىپ روزى جيىنعا قاتىناستى. ءماجىلىس ءتوراعالار القاسىنىڭ تۇراقتى ءتوراعاسى شاۋكەت يمىن جيىندى باسقاردى.
جيىن ءماجىلىس حاتشىلار باسقارماسىنىڭ ۇكىمەت قىزمەتىنەن باياندامانى قاراۋ جاعدايى جونىندەگى مالىمەتىن تىڭداپ، ۇكىمەت قىزمەتىنەن بايانداما جونىندەگى قارار جوباسىن ۋاكىلدەر ۇيىرمەلەرىنىڭ قاراۋىنا تاپسىرۋدى ۇيعاردى؛ اۆتونوميالى رايوندىق حالىق قۇرىلتايى قازىنا - ەكونوميكا كوميتەتىنىڭ جوسپار جوباسىن، مەجە ەسەپ جوباسىن تەكسەرۋ ناتيجەسى جونىندەگى بايانداماسىن تىڭداپ جانە قاراپ، جوسپار، مەجە ەسەپ جونىندەگى قارار جوباسىن ۋاكىلدەر ۇيىرمەلەرىنىڭ قاراۋىنا تاپسىرۋدى ۇيعاردى؛ ءماجىلىس حاتشىلار باسقارماسىنىڭ ءتۇرلى مىندەتتەن بوساۋ ەسىمدىگى جانە سايلاۋ، داۋىسقا سالۋ ىستەرى جونىندەگى تۇسىندىرمەسىن تىڭداپ، مىندەتىنەن بوساۋدى قابىلداۋ جونىندەگى قاۋلى جوبالاردى ۋاكىلدەر ۇيىرمەلەرىنىڭ قاراۋىنا تاپسىرۋدى، ءتۇرلى كانديداتتىققا ۇسىنىلعانداردى ۋاكىلدەر ۇيىرمەلەرىنىڭ اقىلداسۋىنا تاپسىرۋدى ۇيعاردى؛ جيىن ۋاكىلدەردىڭ بىرلەسىپ كانديدات كورسەتۋ ۋاقىتى 2022 - جىلى 1 - ايدىڭ 26 - كۇنى ساعات 12گە دەيىن بولادى دەپ ۇيعاردى.
