ما شيڭرۇي شينجياڭ ءوندىرىس - قۇرىلىس بيڭتۋانى ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ باسا دارىپتەدى
توراڭعى رۋحى مەن بيڭتۋان رۋحىن امالياتتا ايگىلەپ، رەفورمانى ۇزدىكسىز تەرەڭدەتىپ، وڭتۇستىككە قاراي دامۋدى ىلگەرىلەتىپ، ەرەكشە رولىن اناعۇرلىم ويداعىداي ساۋلەلەندىرۋ كەرەك
لي يفي باياندامانى قاراۋعا قاتىناستى
1 - ايدىڭ 25 - كۇنى اۆتونوميالى رايوندىق پارتكومنىڭ شۋجيى ما شيڭرۇي اۆتونوميالى رايوندىق 13 - كەزەكتى حالىق قۇرىلتايىنىڭ 5 - ماجىلىسىندەگى شينجياڭ ءوندىرىس - قۇرىلىس بيڭتۋانى ۋاكىلدەر ۇيىرمەسىنىڭ باياندامانى قاراۋىنا قاتىناستى.
□سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 1 - ايدىڭ 25 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 1 - ايدىڭ 25 - كۇنى تۇستەن كەيىن اۆتونوميالى رايوندىق 13 - كەزەكتى حالىق قۇرىلتايى 5 - ماجىلىسىندەگى شينجياڭ ءوندىرىس - قۇرىلىس بيڭتۋانى ۋاكىلدەر ۇيىرمەسىنىڭ باياندامانى قاراۋىنا قاتىناسىپ، باس شۋجي شي جينپيڭنىڭ شينجياڭ قىزمەتى، بيڭتۋان قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن ىشكەرىلەي ۇيرەنىپ، دايەكتىلەندىرىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، تياناقتاندىرىپ، ”ەكى كەلەلى جاعدايدى“ كوكەيگە ۇيالاتىپ، ”مەملەكەتتىڭ زور ءىسىن“ ەستە بەرىك ساقتاپ، ورنىقتىلىقتى قورعاۋ، شەكارانى كۇزەتۋ قابىلەتىن ۇزدىكسىز كۇشەيتىپ، جالپىلىق ناقتى قۋاتتى زورايتىپ، رەفورمانى تەرەڭدەتۋدى ىلگەرىلەتىپ، وڭتۇستىككە قاراي دامۋدى بۇلجىماستان ىلگەرىلەتىپ، جۇمىسشى - قىزمەتكەرلەر قوسىنىن كۇشەيتىپ، بيڭتۋاننىڭ ەرەكشە رولىن شىنايى ساۋلەلەندىرۋ كەرەكتىگىن باسا دارىپتەدى.
اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي باياندامانى قاراۋعا قاتىناستى.
باياندامانى قاراعاندا ليۋ شينجيان، سۇڭ شياۋليڭ، حوۋ شۇيجيە، سۋ شيڭۋاڭ، كۇڭ شيڭلۇڭ قاتارلى ۋاكىلدەر جوعارى ساپالى بيڭتۋان جۇمىسشى - قىزمەتكەرلەر قوسىنىن قۇرۋ، وقۋ - اعارتۋدى بار كۇشپەن دامىتىپ، وڭتۇستىك شينجياڭنىڭ ەكونوميكالىق، قوعامدىق دامۋىنا قىزمەت وتەۋ، جاسىل، تومەن كومىر قىشقىل گازدى ونەركاسىپ، اۋىل شارۋاشىلىعى ءبىر تۇلعالانعان كاسىپ سالاسى توبىن قۇرۋ، اۋىل - قىستاق ساياحاتىن ىلگەرىلەتىپ، شەكارانى گۇلدەندىرىپ، حالىقتى بايىتۋ، بيڭتۋاننىڭ قىزمەت جاۋاپكەرشىلىگىن، بورىشىن اناعۇرلىم ويداعىداي اتقارۋ سياقتىلاردى ارقاۋ ەتىپ ءسوز سويلەدى. ما شيڭرۇي ۋاكىلدەرمەن قاتىستى ماسەلەلەر جونىندە پىكىر اۋىستىرىپ، تالقى ورىستەتتى.
ۋاكىلدەردىڭ ءسوزىن مۇقيات تىڭداعاننان كەيىن، ما شيڭرۇي بيڭتۋاننىڭ تىڭ يگەرىپ، شەكارانى كۇزەتۋ، شينجياڭنىڭ گۇلدەنۋىن، دامۋىن جانە باياندى تىنىشتىعىن جەبەۋ جاقتارىنداعى ماڭىزدى رولىن تولىق تۇراقتاندىردى. ما شيڭرۇي بىلاي دەپ اتاپ كورسەتتى: بيڭتۋان − شينجياڭنىڭ ەكونوميكالىق، قوعامدىق دامۋىنداعى ماڭىزدى كۇش. ونىڭ ەرەكشە رولىن اناعۇرلىم ويداعىداي ساۋلەلەندىرىپ، ءتۇبىرلى، نەگىزگى، بولاشاقتىق ىستەرگە ساياتىن ماسەلەلەرگە كۇش شىعارىپ، بيڭتۋاننىڭ قوعامدىق قۇرىلىمدى رەتتەۋ، مادەنيەت اۋىس - كۇيىسىن ىلگەرىلەتۋ، وڭىرلىك سايكەسۋدى جەبەۋ، جان سانى بايلىعىن ساپالىلاندىرۋ سياقتى ەرەكشە رولىن ويداعىداي ساۋلەلەندىرىپ، بيڭتۋاندى دەسە دەگەندەي شەكارانى ورنىقتىرىپ - بەكەمدەۋدىڭ ورنىقتىرعىشىنا، ءار ۇلت بۇقاراسىن ۇيىستىراتىن دومنا پەشكە، وزىق وندىرگىش كۇش پەن وزىق مادەنيەتتەن ۇلگى كورسەتەتىن رايونعا اينالدىرۋ كەرەك؛ رەفورما جەتىستىگىن بەكەمدەپ، تەرەڭدەتىپ، رەفورما قىزمەتىنىڭ اياق الىسى مەن تاجىريبەسىن مۇقيات قورىتىندىلاپ، ”ۇكىمەتتىك“ باسقارۋ فۋنكتسياسىن جالعاستىرىپ، ويداعىداي جۇرگىزۋ، ”كاسىپورىننىڭ“ بازار نەگىزگى تۇلعاسى رەتىندەگى ورنىن تۇراقتاندىرۋ توڭىرەگىندە رەفورما شارالارىن ونان ارى كەمەلدەندىرىپ، دامۋ ومىرشەڭ كۇشىن، جاسامپازدىق كۇشىن جاپپاي تاسقىنداتىپ، جوعارى ساپالى دامۋدى ىلگەرىلەتۋدە بيڭتۋاننىڭ جالپىلىق ناقتى قۋاتىن زورايتۋ كەرەك؛ وڭتۇستىككە قاراي دامۋدان بۇلجىماي، ستراتەگيالىق ورنالاستىرۋدى ساپالىلاندىرىپ، ساياساتتىق تىرەكتى كۇشەيتىپ، دامۋداعى قيىن ماسەلەلەردى شەشىپ، بيڭتۋاننىڭ ۇيىمداستىرۋ باسىمدىعىن جانە اتتانىسقا كەلتىرۋ قابىلەتىن ۇزدىكسىز كۇشەيتىپ، ورنىقتىلىقتى قورعاپ، شەكارانى كۇزەتۋ نەگىزگى يقۋاتىن اناعۇرلىم ويداعىداي اتقارىپ، شينجياڭ قىزمەتىنىڭ باس نىساناسىنا اناعۇرلىم ويداعىداي قىزمەت وتەۋ كەرەك؛ بيڭتۋان مەن جەرگىلىكتى ورىننىڭ توعىسپالى دامۋىن ىلگەرىلەتىپ، بيڭتۋان مەن جەرگىلىكتى ورىننىڭ توعىسپالى دامۋى جالپىلىق رەفورما سىناق ءتۇيىنى جەتىستىگىنەن ويداعىداي پايدالانىپ، ورنىن دالمە - ءدال تاۋىپ، جايشىلىقتا مىقتاپ يگەرىپ، بيڭتۋان مەن جەرگىلىكتى ورىننىڭ دامۋ جوباسى، نەگىزدىك قۇرىلعى، الەۋمەتتىك قىزمەت وتەۋ، كاسىپ سالاسىن توعىستىرۋ، قالا - قالاشىقتاندىرۋ قۇرىلىسى سياقتى جاقتارداعى ۇلاستىرۋدى - تۇتاستىرۋدى، ءبىر تۇلعالاندىرا دامىتۋدى تەرەڭدەتۋ كەرەك؛ بيڭتۋاننىڭ قىزىل قان تامىرىن ۇزدىكسىز جالعاستىرىپ، توراڭعى رۋحى مەن بيڭتۋان رۋحىن بار كۇشپەن اسقاقتاتىپ جانە امالياتتا ايگىلەپ، وتاندى قىزۋ ءسۇيۋ، قالتقىسىز ۇلەس قوسۋ، قاجىرلىلىقپەن شارۋاشىلىق قۇرۋ، ءورىس اشا العا ىلگەرىلەۋدەي تاماشا ءداستۇردى جالعاستىرىپ، جوعارى ساپالى بيڭتۋان قوسىنىن قۇرىپ، بيڭتۋانداعى ءار ۇلت كادرلارىنا، جۇمىسشى - قىزمەتكەرلەرگە كوڭىل ءبولىپ، قامقورلىق جاساپ، ءتىپتى دە كوپ كادر - دارىندىلاردى بيڭتۋانعا كەلىپ قىزمەت ىستەۋگە باۋراۋ كەرەك.
ما شيڭرۇي بىلاي دەپ باسا دارىپتەدى: ءار دارەجەلى پارتكومدار مەن ۇكىمەتتەر، تاراۋلار ”بيڭتۋان مەن جەرگىلىكتى ورىن ءبىر تۇتاس جۇيە“ يدەياسىن بەرىك ورناتىپ، بيڭتۋاننىڭ رەفورمانى تەرەڭدەتۋىن جانە وڭتۇستىككە قاراي دامۋىن بار كۇشپەن قولداپ، ءبىر تۇتاس جوسپارلاۋ، سايكەستىرۋ نەگىزىندە ساياساتتىق تىرەكتى كۇشەيتىپ، بيڭتۋان مەن جەرگىلىكتى ورىننىڭ ىقپالداستىق مەحانيزمىن ورناتۋدى قاراستىرىپ، ءار ۇلت جۇمىسشى - قىزمەتكەرلەرى مەن بۇقاراسىنىڭ اۋىس - كۇيىس جاساۋىن جانە ءبىر - بىرىنە كومەكتەسۋىن كۇشەيتىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋ كەرەك.
قادەن كابەن، شۋە بين، پىڭ جيارۇي، كۇڭ شيڭلۇڭ، شاۋ فىڭ، ليۋ جيانميڭ قاتارلىلار باياندامانى قاراۋعا قاتىناستى. لي شينميڭ، ءمۇتالىپ ءماتتوحتى، جاڭ يۇڭ، لۋ شۇيپيڭ، جۇڭ بو سىرتتاي قاتىناستى.
