تيانشان تورى
تيانشان تورى   ›   جاڭالىقتار   ›   شينجياڭ حابارلارى

جۇڭگو حالىق ساياسي ءماسليحات كەڭەسى شينجياڭ ۇيعۇر اۆتونوميالى رايوندىق 12 - كەزەكتى كوميتەتى ۇسىنىس جوبا كوميتەتىنىڭ ساياسي كەڭەس 12 - كەزەكتى كوميتەتى 5 - ءماجىلىسىنىڭ ۇسىنىس جوبالاردى تەكسەرۋ جاعدايى جونىندەگى بايانداماسى

(اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 5 - ماجىلىسىندە 2022 - جىلى 1 - ايدىڭ 25 - كۇنى ماقۇلداندى)

  اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 5 - ءماجىلىسى كەزىندە ءار ۇلت، ءار سالا ساياسي كەڭەس مۇشەلەرى، ساياسي كەڭەسكە قاتىناسۋشى ورىندار جانە ساياسي كەڭەستىڭ ءارقايسى ارناۋلى كوميتەتتەرى تاقىرىپتاردى دەن قويا تاڭداپ، مۇقيات تەكسەرۋ - زەرتتەۋ جۇرگىزىپ، ۇسىنىس جوبالار ارقىلى بەلسەنە ورەلى اقىل - كەڭەس بەردى. 2022 - جىلى 1 - ايدىڭ 24 - كۇنى ساعات 12گە دەيىن جيىنى 727 ۇسىنىس جوبا تاپسىرىپ الىندى. تەكسەرۋ ارقىلى 633 ۇسىنىس جوبا ەستەلىككە الىندى، 94ى ەستەلىككە الىنبادى (مۇنىڭ ىشىندە 45ى پىكىر جانە ۇسىنىس رەتىندە قارالدى، 49ى كۇشىنەن قالدىرىلدى). ەستەلىككە الىنعان ۇسىنىس جوبالاردىڭ ىشىندە مۇشەلەر قويعان ۇسىنىس جوبا 474 بولىپ، %74.9تى يەلەدى، مۇنىڭ ىشىندە مۇشەلەر بىرلەسىپ قويعان ۇسىنىس جوبا 83 بولىپ، %17.5تى يەلەدى؛ كوللەكتيۆ قويعان ۇسىنىس جوبا 159 بولىپ، %25.1تى يەلەدى. جالپى تۇلعالىق جاقتان قاراعاندا، مۇشەلەردىڭ ۇسىنىس جوبا تاپسىرۋى، تاقىرىپ تاڭداۋى ءتىپتى دە دالمە - ءدال بولىپ، ۇسىنىستارى اناعۇرلىم ناقتى بولعان، ساپاسى كورنەكتى جوعارىلاعان.

  ەستەلىككە الىنعان ۇسىنىس جوبالاردىڭ ىشىندە ەكونوميكالىق قۇرىلىس تۇرىندەگى ۇسىنىس جوبا 266 بولىپ، جالپى ساننىڭ %42.0ىن يەلەدى؛ ساياسي قۇرىلىس تۇرىندەگى ۇسىنىس جوبا 49 بولىپ، %7.7تى يەلەدى؛ قوعامدىق قۇرىلىس تۇرىندەگى ۇسىنىس جوبا 214 بولىپ، %33.8تى يەلەدى؛ مادەنيەت قۇرىلىسى تۇرىندەگى ۇسىنىس جوبا 68 بولىپ، %10.8تى يەلەدى؛ ەكولوگيالىق وركەنيەت قۇرىلىس تۇرىندەگى ۇسىنىس جوبا 36 بولىپ، %5.7تى يەلەدى؛ قويىلعان ۇسىنىستار تومەندەگى بىرنەشە جاقتا شوعىرلى كورنەكتىلەندى:

  ءبىرىنشى، ەكونوميكالىق قۇرىلىس جاعىندا. باستى ۇسىنىستار: ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ، دامۋدى جانە حاۋىپسىزدىكتى ءبىر تۇتاس جوسپارلاپ، حالىق تۇرمىسىمەن تىعىز جاناسا وتىرىپ جوعارى ساپالى دامۋدى ىلگەرىلەتۋ؛ جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەلدەتىپ، اشىق ەكونوميكا تۇزىلىسىندە جاڭالىق اشۋ؛ كاسىپورىننىڭ جاڭالىق اشۋداعى تۇلعالىق ورنىن كۇشەيتىپ، عىلىم - تەحنيكادان قامال الۋ تەبىنىن ارتتىرىپ، شينجياڭنىڭ ەرەكشە، باسىمدىققا يە كاسىپ سالالارىن جەتىلدىرۋ، نىعايتۋ؛ ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتىپ، شارۋاشىلىق - ساۋدا ورتاسىن ۇزدىكسىز ساپالىلاندىرىپ، ساۋداگەر شاقىرىپ قارجى ەنگىزۋ تەبىنىن كۇشەيتىپ، نىسانداردىڭ تياناقتانۋىن، ءونىم بەرۋىن ىلگەرىلەتۋ؛ كولەمدەنگەن، كاسىپ سالالانعان، وسىزاماندانعان دامۋ جولىنا تاباندى بولىپ، 1 -، 2 -، 3 - كاسىپتەردىڭ توعىسا دامۋىن ىلگەرىلەتىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋ، ت.ب.

  ەكىنشى، ساياسي قۇرىلىس جاعىندا. باستى ۇسىنىستار: نازاردى 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىنا شوعىرلاندىرىپ، قوعامدىق كەلەلى جاعدايدىڭ ۇزدىكسىز ورنىقتى، ۇزاق ۋاقىت ورنىقتى بولۋىن ساقتاۋ؛ پارتيانىڭ باسشىلىعىن كۇشەيتىپ جانە جاقسارتىپ، نەگىزگى ساتى پارتيا ۇيىمدارىنىڭ جاۋىنگەر قورعاندىق رولىن ساۋلەلەندىرىپ، نەگىزگى ساتىنىڭ نەگىزىن بەكەمدەۋ؛ زاڭمەن باسقارۋ يدەياسىن بەرىك ورناتىپ، شينجياڭدى زاڭمەن باسقارۋ قىزمەت تەبىنىن كۇشەيتىپ، عىلمي زاڭ شىعارۋدى، زاڭدى قاتاڭ اتقارۋدى، ءادىليانى ءادىل جۇرگىزۋدى، جالپى حالىقتىڭ زاڭعا بويسۇنۋىن ءبىر تۇتاس جوسپارلاپ ىلگەرىلەتۋ؛ ادۆوكاتتار قوسىنى مەن زاڭدىق قىزمەت وتەۋ تۇعىرى قۇرىلىسىن كۇشەيتىپ، الەۋمەتتىك يگىلىك ارىز - شاعىم ءتۇزىمىن كەمەلدەندىرىپ، ازاماتتىق ىستەر ارىز - شاعىمىن باقىلاۋ، دەلولاردى ءبىر جاقتى ەتۋ قىزمەتىن كۇشەيتۋ؛ مەملەكەتتە ءبىر تۇتاس قولدانىلاتىن ءتىل - جازۋدى جالپىلاستىرۋدى كۇشەيتىپ،ءار ۇلتتىڭ ارالاسۋىن، ىشتەسۋىن، توعىسۋىن جەبەۋ؛ شينجياڭدا ءىسلام ءدىنىن جۇڭگوشالاندىرۋدى ىلگەرىلەتۋ، ت.ب.

  ءۇشىنشى، قوعامدىق قۇرىلىس جاعىندا. باستى ۇسىنىستار: باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتىپ، بىرگە قۇراتىن، بىرگە باسقاراتىن، بىرگە يگىلىكتەنەتىن قوعامدىق باسقارۋ ارناسىن قالىپتاستىرۋ؛ حالىقتى وزەك ەتۋ سىندى دامۋ يدەياسىنا تاباندى بولىپ، جۇمىستاندىرۋ، وقۋ - اعارتۋ، ەمدەۋ، بەيقۇت ءۇي، زەينەتكەرلىك سىندى حالىق تۇرمىسى ينجەنەرياسىن جوعارى ساپالى دامىتۋدى تىڭعىلىقتى ىلگەرىلەتۋ؛ شينجياڭنىڭ كاسىپتىك وقۋ - اعارتۋىن جەدەل دامىتۋدى ىلگەرىلەتىپ، كاسىپتىك وقۋ - اعارتۋ ارقىلى شينجياڭعا باعىتتامالى كومەكتەسۋ تەبىنىن ارتتىرىپ، كاسىپتىك وقۋ - اعارتۋدىڭ دەڭگەيىن جوعارىلاتۋ ارناسىن اشۋ؛ ىندەتتەن ساقتانۋ - تىزگىندەۋدى زاڭ بويىنشا، عىلمي، دالمە - ءدال ويداعىداي ىستەپ، الەۋمەتتىك دەنساۋلىق ساقتاۋ بويىنشا توتەنشە جاعدايعا توتەپ بەرۋ ساقتانۋ - تىزگىندەۋ جۇيەسىن ورناتىپ، كەمەلدەندىرىپ، ەلەۋلى شۇعىل ۋاقيعالارعا توتەپ بەرۋ قابىلەتى مەن ورەسىن جوعارىلاتۋ؛ پارمەندى شارالار ارقىلى جوعارى دەڭگەيلى دارىندىلاردى باۋلۋ، باۋراۋ، قابىلداۋ، جاڭالىق اشاتىن دارىندىلاردى شوعىرلاندىرۋدى كۇشەيتۋ، ت. ب.

  ءتورتىنشى، مادەنيەت قۇرىلىسى جاعىندا. باستى ۇسىنىستار: جۇڭحۋا ۇلتى ورتاق تۇلعا تانىمىن بەرىك ورناتىپ، شينجياڭدى مادەنيەتپەن نارلەندىرۋ ينجەنەرياسىن كۇش سالا اتقارۋ؛ تاڭداۋلى ءداستۇرلى مادەنيەت تاربيەسىن كۇشەيتىپ، ەرەكشە مۇراجايدى دامىتۋدى جەدەلدەتىپ، بەيزاتتىق مادەنيەت مۇرا بايلىعىن جانداندىرىپ، ودان ويداعىداي پايدالانۋ، اۋىل - قىستاق مادەنيەتىن گۇلدەندىرىپ، شينجياڭ حيكاياسىن جاقسى بايانداپ، مادەنيەت پەن ساياحاتتىڭ تەرەڭ توعىسپالى دامۋىن ىلگەرىلەتۋ؛ شينجياڭدى ساياحات ارقىلى گۇلدەندىرۋ ستراتەگياسىن ىلگەرىلەتىپ، ءتۇيىندى ساياحات نىساندارىن، قاتىناس نەگىزدىك قۇرىلعىلار قۇرىلىسىن كۇشەيتۋ؛ قۇمدى ءشول ساياحاتى، قىزىل ساياحات، ونەركاسىپ ساياحاتى، قار - مۇز ساياحاتى سياقتى ساياحات كاسىپ كۇيىن تۇلعالاپ، كوركەم شينجياڭدى ايگىلەۋ؛ جاستار مەن ورەندەرگە وتانشىلدىق تاربيەنى كۇشەيتىپ، قىزىل گەندى ۇزدىكسىز جالعاستىرۋ، ت. ب.

  بەسىنشى، ەكولوگيالىق وركەنيەت قۇرىلىسى جاعىندا. باستى ۇسىنىستار: ەكولوگيالىق وركەنيەت تۇزىلىسىندە جاڭالىق اشۋدى كۇشەيتىپ، ەكولوگيانى قورعاۋدىڭ قىزىل سىزىعىن قاتاڭ ساقتاپ، بايلىق قاينارىن ۇنەمدەپ، جوعارى ءونىمدى تۇردە پايدالانۋدى كۇشەيتۋ؛ سيفرلانىپ تيبىن جاڭالاۋدى جەدەلدەتىپ، كومىر قىشقىل گازىن شىعارۋدى ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ نىساناسىن جۇزەگە اسىرۋعا دەم بەرۋ؛ ەنەرگيانىڭ جاسىلدىققا قاراي تيبىن وزگەرتۋىن جەدەلدەتىپ، كاسىپورىنداردىڭ لاستانۋدى جونگە سالۋىنا قولداۋ كورسەتۋ جانە كومەكتەسۋ - سۇيەمەلدەۋ تەبىنىن كۇشەيتۋ؛ تاۋ، سۋ، ورمان، اتىز، كول، جايلىم، ءشول ەكولوگياسىن قورعاۋ، قالپىنا كەلتىرۋ ينجەنەرياسىن ىشكەرىلەي اتقارىپ، جايلىم ەكولوگياسىن قاداعالاۋدى توراپتاندىرا، زەردەلىلەندىرە قاداعالاۋدى، ساراپتاۋدى قالىپتاستىرىپ، كول، وزەن، ورمان باستىعى ءتۇزىمىن تياناقتاندىرۋ؛ قالا، اۋىل قونىس ورتاسىن ۇزدىكسىز جاقسارتىپ، كوركەم شينجياڭ قۇرىلىسىنا دەم بەرۋ، ت. ب.

  ءماجىلىس جابىلعاننان كەيىن اۆتونوميالى رايوندىق ساياسي كەڭەس ۇسىنىس جوبالاردى تاپسىرۋ جيىنىن اشىپ، وسى رەتكى ءماجىلىس كەزىندە ەستەلىككە الىنعان ۇسىنىس جوبالاردى قاتىستى ورىنداردىڭ بىتىرۋىنە ۇسىنادى. وسى رەتكى ءماجىلىستىڭ ۇسىنىس جوبالاردى قابىلداۋ ۋاقىت شەگىنەن كەيىن تاپسىرىپ الىنعان ۇسىنىس جوبالاردى اۆتونوميالى رايوندىق ساياسي كەڭەستىڭ ۇسىنىس جوبا كوميتەتى دەر كەزىندە تەكسەرىپ، ەستەلىككە الادى، سونداي - اق اۆتونوميالى رايونداعى ءبىر جايلى ەتۋدى ۇستىنە الاتىن قاتىستى ورىنداردىڭ ءبىر جايلى ەتۋىنە تاپسىرادى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.