(اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 5 - ماجىلىسىندە 2022 - جىلى 1 - ايدىڭ 25 - كۇنى ماقۇلداندى)
جۇڭگو حالىق ساياسي ءماسليحات كەڭەسى شينجياڭ ۇيعۇر اۆتونوميالى رايوندىق 12 - كەزەكتى كوميتەتىنىڭ 5 - ءماجىلىسى 2022 - جىلى 1 - ايدىڭ 22 - كۇنىنەن 1 - ايدىڭ 25 - كۇنىنە دەيىن ۇرىمجىدە وتكىزىلدى.
ءماجىلىس كەزىندە اۆتونوميالى رايوندىق پارتكومنىڭ شۋجيى ما شيڭرۇي قاتارلى اۆتونوميالى رايونداعى باسشى جولداستار ماجىلىسكە قاتىناسىپ، ماجىلىستەگى سوزدەردى تىڭداپ، كەڭەسۋ قيمىلدارىنا قاتىناستى.ءماجىلىس ءتوراعا نۇرلان ءابىلماجىننىڭ ساياسي كەڭەس شينجياڭ ۇيعۇر اۆتونوميالى رايوندىق 12 - كەزەكتى كوميتەتى تۇراقتى كوميتەتى اتىنان جاساعان قىزمەت بايانداماسىن قاراپ بەكىتتى، ورىنباسار ءتوراعا ما شيۇڭچىڭنىڭ ساياسي كەڭەس شينجياڭ ۇيعۇر اۆتونوميالى رايوندىق 12 - كەزەكتى كوميتەتى تۇراقتى كوميتەتى اتىنان جاساعان ۇسىنىس جوبا قىزمەتى جاعدايى بايانداماسىن قاراپ بەكىتتى، قاتىستى كادرلار ىستەرىن قاراپ ماقۇلدادى، سايلاۋ مىندەتىن تولىق تابىسپەن ورىندادى. مۇشەلەر اۆتونوميالى رايوندىق 13 - كەزەكتى حالىق قۇرىلتايىنىڭ 5 - ماجىلىسىنە سىرتتاي قاتىناسىپ، ۋاقىتشا ءتوراعا ەركىن تۇنياز جاساعان ۇكىمەت قىزمەتىنەن باياندامانى تىڭدادى جانە تالقىلادى، اۆتونوميالى رايوندىق جوعارى حالىق سوتى مەكەمەسىنىڭ قىزمەت بايانداماسىن، اۆتونوميالى رايوندىق حالىق پروكۋراتۋراسىنىڭ قىزمەت بايانداماسىن جانە باسقا قاتىستى باياندامالاردى كەڭەستى جانە تالقىلادى، اتالعان باياندامالاردى قۇپتايتىندىقتارىن ءبىلدىردى، سونداي - اق پىكىرلەر مەن ۇسىنىستارىن ورتاعا قويدى. مۇشەلەر وسكەلەڭ ساياسي جاۋاپكەرشىلىك سەزىممەن جانە تاريحي بورىشتىلىق سەزىممەن قىزمەت جاۋاپكەرشىلىگىن مۇقيات وتەپ، ۇسىنىس جوبا قويۋ، ماجىلىستە ءسوز سويلەۋ، گرۋپپا تالقىسى، ينتەرنەتتە ۇكىمەت ءىسىن كەڭەسۋ سياقتى فورمالار ارقىلى بەلسەندى تۇردە ۇكىمەت ءىسىن اقىلداسىپ، كەڭەسىپ، كەڭ كولەمدە ورتاق تانىم ۇيىستىرىپ، ماڭىزدى جەتىستىكتەرگە قول جەتكىزدى. ءماجىلىس ناقتى، جوعارى ءونىمدى، ستيلى پاك، سالتى دۇرىس، تولىق تابىستى بولدى، تۋدى بيىك ۇستاعان، ىنتىماقتى، تەبىندى، دەموكراتيا ساۋلەلەنگەن، شىندىققا جۇگىنىپ ناقتى ءىس ىستەلگەن، ءورىس اشا ەكپىندەي ىلگەرىلەگەن ءماجىلىس بولدى.
ءماجىلىس بىلاي دەپ قارادى: وتكەن ءبىر جىل پارتيا مەن مەملەكەت تاريحىنداعى بەلەستىك مانگە يە ءبىر جىل بولدى. جۇڭگو كوممۋنيستىك پارتياسى 100 جىلدىق مەرەيتويىن قارسى الدى، پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسى پارتيانىڭ 3 - تاريحي قارارىن قاراپ ماقۇلدادى، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل ەلدەگى ءار ۇلت حالقىن ىنتىماقتاستىرىپ، باستاپ، 100 جىلدىق وزگەرىسكە جانە عاسىرلىق ىندەتكە بايسالدىلىقپەن توتەپ بەرىپ، دۇنيە جۇزىندە سيرەك كەزدەسەتىن حاۋىپ - قاتەر، سىن - سايىستاردى جەڭىپ، ءبىرىنشى 100 جىلدىق كۇرەس نىساناسىن ۋاعىندا جۇزەگە اسىرىپ، جاپپاي دوڭگەلەك داۋلەتتى قوعامنىڭ جەتىستىكتەرىمەن جالپى حالىقتى يگىلىككە كەنەلدىرىپ، جۇڭحۋا ۇلتىنىڭ ۇلى گۇلدەنۋىنىڭ وشپەس ەسكەرتكىشىن سومدادى، جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىنا قاراي شەرۋ تارتۋدىڭ جاڭا جورىعىن باستادى. اۆتونوميالى رايوندىق پارتكومنىڭ باسشىلىعىندا، ساياسي كەڭەس شينجياڭ ۇيعۇر اۆتونوميالى رايوندىق كوميتەتى مەن ونىڭ تۇراقتى كوميتەتى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ىنتىماق جانە دەموكراتيا سىندى ەكى ۇلكەن نەگىزگى تاقىرىپقا تاباندى بولىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنا قىزمەت وتەۋ جانە ونى تياناقتاندىرۋ سىندى وسى قىزمەت نەگىزگى جەلىسىن مىقتاپ يگەرىپ، جالپى بارىستىق حالىق دەموكراتياسىن بەلسەنە امالياتتا ايگىلەپ، اۆتونوميالى رايوندىق پارتكومنىڭ وزەكتى قىزمەتىمەن تىعىز بايلانىستىرىپ مىندەت وتەپ، جاۋاپكەرشىلىگىن ادا ەتىپ، قوعامداعى كەلەلى ىستەرگە قاداعالاي نازار اۋدارىپ، يدەيالىق - ساياسي جەتەكشىلىكتى كۇشەيتىپ، ارناۋلى كەڭەستىك قۇرىلىم قۇرىلىسىن مىقتى يگەرىپ، قىزمەت ساپاسى مەن ونىمدىلىگىن كۇشەيتىپ، ”14 - بەسجىلدىقتىڭ“ تاماشا باستاماسىن اشۋدى جۇزەگە اسىرۋعا ماڭىزدى ۇلەس قوستى.
ءماجىلىس مىنالاردى اتاپ كورسەتتى: بيىل جۇڭگو كوممۋنيستىك پارتياسى مەملەكەتتىك 20 - قۇرىلتايىن اشادى. بيىلعى قىزمەتتەردى ويداعىداي ىستەۋدىڭ ماڭىزى زور. تۇتاس رايونداعى ءار دارەجەلى ساياسي كەڭەستەر شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتتىڭ ءار رەتكى جالپى ماجىلىستەرىنىڭ رۋحىن دايەكتىلەندىرىپ، تياناقتاندىرىپ، ورتالىقتىڭ ساياسي كەڭەس قىزمەتى ءماجىلىسىنىڭ، ورتالىقتىڭ ەكونوميكالىق قىزمەت ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، تياناقتاندىرىپ، ”ەكىنى تۇراقتاندىرۋدى“ باتىل قورعاپ، ”ەكىنى قورعاۋدى“ ادالدىقپەن امالياتتا ايگىلەپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋدى ارقاۋ ەتىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، شينجياڭدى زاڭمەن جونگە سالىپ، شينجياڭدى ىنتىماقتاسا ورنىقتىرىپ، شينجياڭدى مادەنيەتپەن نارلەندىرىپ، حالىقتى بايىتىپ، شينجياڭدى گۇلدەندىرىپ، شينجياڭدى باياندى كوركەيتىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، ارناۋلى كەڭەستىك قۇرىلىمنىڭ ەرەكشەلىگىن كورنەكتىلەندىرىپ، قوس باعىتتا كۇش سالۋ باسىمدىعىن ايگىلەپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن جانە حالىق ساياسي كەڭەس قىزمەتى جونىندەگى تالاپتارىن تياناقتاندىرۋ، بۇكىل رايونداعى ءار ۇلت حالقىنىڭ اقىل - پاراساتى مەن كۇش - قۋاتىن ۇيىستىرۋ سىندى ساياسي جاۋاپكەرشىلىكتى شىن مانىندە ارقالاپ، جاڭا ەمتيحان تاپسىرۋ جولىندا جاڭا بەينەنى، جاڭا ىسكەرلىكتى ايگىلەۋى كەرەك.
ءماجىلىس مىنالاردى باسا دارىپتەدى: حالىق ساياسي كەڭەسى ارناۋلى كەڭەستىك قۇرىلىم رەتىندە، پارتيانىڭ باسشىلىعىنداعى ساياسي ۇيىم جانە دەموكراتيا فورماسى، جالپى بارىستىق حالىق دەموكراتياسىن دامىتۋداعى ماڭىزدى تۇزىمدىك ورنالاستىرۋ. ساياسي قۇرىلىستى كورنەكتىلەندىرىپ، پارتيا تاريحىن ۇيرەنۋ تاربيەسى جەتىستىگىن بەكەمدەپ، كەڭەيتىپ، پارمەندى ساياسي قۇرىلىس ارقىلى ىنتىماقتاسا كۇرەس جاساۋدىڭ دۇرىس بەتالىسىنا كەپىلدىك ەتىپ، پارمەندى يدەيالىق قۇرىلىس ارقىلى نيەتتەس، باعىتتاس بولعان يدەيالىق نەگىزدى بەكەمدەپ، پارمەندى ۇيىمدىق قۇرىلىس ارقىلى سەلبەسىپ بىرگە ءىس تىندىرۋدىڭ جالپىلىق بىرىككەن كۇشىن ۇيىستىرىپ، پارمەندى ستيل قۇرىلىسى ارقىلى زەيىن - زەردەنى شوعىرلاندىرىپ، كۇش - قۋاتتى ۇيىستىرۋ ونىمدىلىگىن كۇشەيتىپ، ساياسي كەڭەس جۇيەسىندە پارتيا قۇرىلىسىن جاپپاي كۇشەيتۋ جاعىندا دەڭگەيىن اناعۇرلىم كۇشەيتۋ كەرەك. ساياسي كەڭەس قىزمەتىن جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋدىڭ كەلەلى جاعدايى اياسىندا جوسپارلاۋعا، ىلگەرىلەتۋگە تاباندى بولىپ، جۇڭحۋا ۇلتى ورتاق تۇلعا تانىمىن بەرىك ورناتۋ، شينجياڭدا ءىسلام ءدىنىن جۇڭگوشالاندىرۋدى ىلگەرىلەتۋ، مادەنيەتپەن شينجياڭدى نارلەندىرۋ ينجەنەرياسىن اتقارۋ سياقتى ۇزاق بولاشاققا قاتىستى ماسەلەلەردى ارقاۋ ەتە وتىرىپ كەڭەسىپ، ۇكىمەت ءىسىن اقىلداسىپ، زەيىن - زەردەنى شوعىرلاندىرىپ، كۇش - قۋاتتى ۇيىستىرىپ، قوعام ورنىقتىلىعى مەن باياندى تىنىشتىق باس نىساناسىن تياناقتاندىرۋعا قىزمەت وتەۋ جاعىندا اناعۇرلىم زور رول اتقارۋ كەرەك. جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، اۆتونوميالى رايوننىڭ ”14 - بەسجىلدىق“ جوباسىن اتقارۋ، شارۋاشىلىق - ساۋدا ورتاسىن ساپالىلاندىرۋ، جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەلدەتۋ، وسى زامانعى كاسىپ سالاسى جۇيەسىن قالىپتاستىرۋ، اۋىل - قىستاقتى گۇلدەندىرۋدى جاپپاي ىلگەرىلەتۋ، ”التىنى ورنىقتىرۋ“، ”التىنى قامتاماسىز ەتۋ“ سياقتى قىزمەتتەردى ويداعىداي ىستەۋمەن تىعىز بايلانىستىرا وتىرىپ ىشكەرىلەي تەكسەرۋ - زەرتتەۋ جۇرگىزىپ، ناقتى باقىلاپ، قۋزاپ، دالمە - ءدال كەڭەس بەرىپ، حالىق تۇرمىسىمەن تىعىز جاناستىرا جوعارى ساپالى دامۋدى ىلگەرىلەتۋ جاعىندا اناعۇرلىم زور ىسكەرلىك كورسەتۋ كەرەك.
ءماجىلىس مىنالاردى باسا دارىپتەدى: جاڭا داۋىردەگى پارتيانىڭ شينجياڭدى جونگە سالۋ جالپى جوباسىنا قىزمەت وتەۋ، ءبىر نيەتپەن ىنتىماقتاسىپ، جاڭا داۋىردەگى جۇڭگوشا سوتسياليستىك شينجياڭ قۇرۋ − جاڭا داۋىردەگى شينجياڭ ساياسي كەڭەسىنىڭ تاريحي جاۋاپكەرشىلىگى جانە قاسيەتتى بورىشى. ساياسي دەڭگەيدى اناعۇرلىم جوعارىلاتىپ، ”ەكى كەلەلى جاعدايدى“ كوكەيدە ساقتاپ، ”مەملەكەتتىڭ زور ءىسىن“ ەستە بەرىك ساقتاپ، ىنتىماقتاسۋعا بولاتىن بارلىق كۇشتەردى ىنتىماقتاستىرىپ، جۇمىلدىرۋعا بولاتىن بارلىق بەلسەندى فاكتورلاردى جۇمىلدىرىپ، باس شۋجي شي جينپيڭنىڭ شينجياڭ ءۇشىن جاساعان ايبىندى جوباسىن نىق قاداممەن تاماشا رەالدىققا اينالدىرۋ كەرەك. پارتيانىڭ ساياسي كەڭەس قىزمەتىنە جاپپاي باسشىلىعىنا ەش بۇلجىماستان تاباندى بولىپ، اۆتونوميالى رايوندىق پارتكوم، ۇكىمەت، ساياسي كەڭەس باسشىلارىنىڭ ءتۇيىندى ۇسىنىس جوبالاردى باستاماشىلدىقپەن ۇشتاستىرۋ، بىتىرۋگە قۋزاۋ ءتۇزىمىن تياناقتاندىرىپ، پارتيا ورتالىق كوميتەتىنىڭ كەلەلى ساياسات - باعىتتارى مەن اۆتونوميالى رايوندىق پارتكومنىڭ ورنالاستىرۋلارىن، تالاپتارىن ناقتاپ دايەكتىلەندىرۋدى، ناقتاپ تياناقتاندىرۋدى ىلگەرىلەتۋ؛ ورتاق تانىم ۇيىستىرۋ قىزمەتىن ىشكەرىلەي ويداعىداي ىستەپ، ماڭىزدى شەپتى بەكەمدەپ، ماڭىزدى تۇعىردى نىعايتىپ، ماڭىزدى ارنانى ىركىلىسسىزدەندىرىپ، جۇدىرىقتاي جۇمىلىپ، پارتياعا ىلەسىپ ەكپىندەي ىلگەرىلەۋدىڭ تەلەگەي كۇشىن كەڭ كولەمدە ۇيىستىرۋ؛ مۇشەلەردىڭ باتىل جاۋاپكەرشىلىك ارقالاۋىن كۇشەيتىپ، جۇيە وي جەلىسىن كۇشەيتىپ، شىندىقتى ءىس جۇزىنەن ىزدەپ، بارلىعىندا ءىس جۇزىندىكتى شىعار ءتۇيىن ەتىپ، ”جاۋاپكەرشىلىك ارقالاۋعا پەيىل“ سانالىلىق، ”جاۋاپكەرشىلىك ارقالاۋعا شەبەر“ قابىلەت، ”جاۋاپكەرشىلىكتى شىنايى ارقالايتىن“ ارەكەت ارقىلى حالىق ساياسي كەڭەس ءتۇزىمىنىڭ قاتىسۋشىسى، امالياتتا ايگىلەۋشىسى، ىلگەرىلەتۋشىسى بولۋ كەرەك.
ءماجىلىس مىناعان ۇندەدى: تۇتاس رايونداعى ءار دارەجەلى ساياسي كەڭەس، ساياسي كەڭەسكە قاتىناسۋشى ءارقايسى ورىندار جانە ءار ۇلت، ءار سالا مۇشەلەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، اۆتونوميالى رايوندىق پارتكومنىڭ باسشىلىعىندا، اۋەلگى ماقساتتى ۇمىتپاي، بورىشتى ەستە بەرىك ساقتاپ، تاريحتى اينا ەتىپ بولاشاق اشىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋ جولىندا قۇلشىنا كۇرەس جۇرگىزىپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الۋ كەرەك!
