انار بۇلت / شينجياڭ گازەتى تىلشىلەرىنىڭ 1 - ايدىڭ 25 - كۇنى ۇرىمجىدەن بەرگەن جيناق حابارى. 1 - ايدىڭ 25 - كۇنى تۇستەن بۇرىن جانە تۇستەن كەيىن اۆتونوميالى رايوندىق 13 - كەزەكتى حالىق قۇرىلتايى 5 - ماجىلىسىنە قاتىناسقان ۋاكىلدەر ۇيىرمەلەرى جەكە - جەكە جالپى جيىن جانە گرۋپپالار جيىنىن وتكىزىپ، اۆتونوميالى رايوننىڭ اۋىل - قىستاقتى گۇلدەندىرۋدى جەبەۋ ەرەجەسىن (جوبا)، اۆتونوميالى رايوندىق حالىق قۇرىلتايى تۇراقتى كوميتەتىنىڭ قىزمەت بايانداماسىن، اۆتونوميالى رايوندىق جوعارى حالىق سوتى مەكەمەسىنىڭ قىزمەت بايانداماسىن، اۆتونوميالى رايوندىق حالىق پروكۋراتۋراسىنىڭ قىزمەت بايانداماسىن، ت.ب لاردى قارادى.
ۋاكىل شى ياحۇي بىلاي دەدى: اۆتونوميالى رايوندىق حالىق قۇرىلتايى تۇراقتى كوميتەتىنىڭ قىزمەت بايانداماسىن، اۆتونوميالى رايوندىق جوعارى حالىق سوتى مەكەمەسىنىڭ قىزمەت بايانداماسىن، اۆتونوميالى رايوندىق حالىق پروكۋراتۋراسىنىڭ قىزمەت بايانداماسىن قۇپتايمىن. اۆتونوميالى رايوننىڭ اۋىل - قىستاقتى گۇلدەندىرۋدى جەبەۋ ەرەجەسى (جوبا) شينجياڭنىڭ ەرەكشەلىگىنە، شينجياڭنىڭ سۇرانىسىنا اناعۇرلىم نازار اۋدارىپ، ناقتى ىستەۋگە بولاتىن جەتەكشىلىك مانگە يە بەلگىلەمەلەردى كىرىستىرىپتى، بۇل كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋعا ءتيىمدى. اۋىل شارۋاشىلىعى قىزمەتىمەن ۇزاق جىل اينالىسقان ول مىنالاردى ءبىلدىردى: تۇقىم شارۋاشىلىعى اۋىل شارۋاشىلىعىنىڭ وزەگى، اۋىل شارۋاشىلىعىنىڭ جوعارى ساپالى دامۋىن جۇزەگە اسىرۋدىڭ شەشۋشى فاكتورى، تۇقىم شارۋاشىلىعىن گۇلدەندىرۋدى ويداعىداي يگەرۋ اۋىل شارۋاشىلىعىنىڭ جوعارى ساپالى دامۋىن جەبەۋ، اۋىل - قىستاقتى گۇلدەندىرۋدى ىلگەرىلەتۋ جونىنەن ماڭىزدى مانگە يە. ءبىز تۇقىم ساپاسى بايلىعىن قورعاۋدى، پايدالانۋدى جانە جاڭالىق اشۋدى ويداعىداي يگەرىپ، تۇقىم شارۋاشىلىعىندا جاڭالىق اشۋدان قامال الۋدى زور كۇشپەن ىلگەرىلەتىپ، باسىمدىققا يە تۇقىم شارۋاشىلىعى كاسىپورىندارىنىڭ دامۋىن قولداۋ تەبىنىن ارتتىرىپ، تۇقىم شارۋاشىلىعىنىڭ گۇلدەنۋىنە تاماشا ورتا ازىرلەيمىز.
ۋاكىل ميھىرگۇل مامەت بىلاي دەدى: اۆتونوميالى رايوندىق حالىق قۇرىلتايى تۇراقتى كوميتەتىنىڭ قىزمەت بايانداماسىنىڭ ناتيجەلەردى قورىتىندىلاۋى شىندىقتى ءىس جۇزىنەن ىزدەگەن، وبيەكتيۆ، جان - جاقتى، قىزمەت ورنالاستىرۋ وي جەلىسى ايقىن، ناقتى دا جارامدى، ساياسي جەتەكشىلىككە تاباندى بولعان، زاڭمەن باسقارۋ رۋحىن ايگىلەگەن، حالىقشىلدىق ىنتا - ىقىلاس قامتىلعان جاقسى بايانداما بولدى.
ۋاكىل زۇلفيا يبىرايىم بىلاي دەدى: بىلتىر اۆتونوميالى رايوندىق حالىق قۇرىلتايى تۇراقتى كوميتەتى قىزمەتىنىڭ ونىمدىلىگى مول، جارقىن تۇيىندەرى كورنەكتى بولدى، بايانداما مۇنان كەيىنگى قىزمەتتىڭ ءتۇيىندى مىندەتتەرى جونىندە ايقىن تالاپتاردى ورتاعا قويىپ، شىندىققا جۇگىنىپ، ناقتى ءىس ىستەۋ رۋحىن تولىق ايگىلەدى. جاڭا ءبىر جىلدا اۋەلگىدەي مۇقيات مىندەت اتقارىپ، جاۋاپكەرشىلىكتى ادا ەتىپ، ۇيرەنۋدى كۇشەيتىپ، مىندەت اتقارۋ قابىلەتىمىزدى ۇزدىكسىز جوعارىلاتىپ، بيىلعى قىزمەت مىندەتتەرىن قۇلشىنا ورىندايمىز.
ۋاكىل احات ۇسەيىن بىلاي دەدى: ۋاكىلدىك مىندەت - جاۋاپكەرشىلىگىمدى زاڭ بويىنشا اتقارۋ مەن ءوز قىزمەتىمدى جاقسى ىستەۋدى جاندى ۇشتاستىرىپ، كەلەلى جاعدايعا ىرىقتىلىقپەن كىرىسىپ، بۇقارامەن بايلانىستى قويۋلاتىپ، بۇقارانىڭ ۇنىنە كەڭىنەن قۇلاق اسىپ، بۇقارانىڭ ارىز - ارمانىن جەتكىزىپ، حالىق قۇرىلتايى ۋاكىلىنىڭ كوپىرلىك، دانەكەرلىك رولىن ويداعىداي ساۋلەلەندىرەمىن.
ۋاكىل ما سۇنشيا بىلاي دەدى: وتكەن ءبىر جىلدا بۇكىل رايونداعى حالىق سوتى مەكەمەسى جانە پروكۋراتۋرا ورگاندارى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى، دامۋى كەلەلى جاعدايىنا قىزمەت وتەۋ، قامتاماسىز ەتۋ، زاڭدى قاتاڭ اتقارۋدى جەبەۋ، ءادىليادا ءادىل بولۋ سياقتى جاقتاردا زور مولشەردە ناقتى، ونىمدىلىگى كورنەكتى قىزمەتتەر ىستەدى. حالىق سوتى مەكەمەسى مەن حالىق پروكۋراتۋراسىنىڭ بايانداماسى ساندى مالىمەت، ناقتى مىسالدار ارقىلى سويلەدى، ناتيجەلەردى قورىتىندىلاۋى وبيەكتيۆ، ناقتى بولدى، قىزمەت ورنالاستىرۋىندا ماڭىزدى تۇيىندەر كورنەكتى بولدى، شىندىققا جۇگىنىپ ناقتى ءىس ىستەلگەن، باعىتتامالىلىعى كۇشتى ەكى تاماشا بايانداما بولدى، ءادىليانى حالىق ءۇشىن جۇرگىزۋ ۇستانىمىن ايگىلەپ، شينجياڭدى زاڭمەن جونگە سالۋ، شينجياڭدى ىنتىماقتاسا ورنىقتىرۋ، شينجياڭدى مادەنيەتپەن نارلەندىرۋ، حالىقتى بايىتىپ، شينجياڭدى گۇلدەندىرۋ، شينجياڭدى باياندى كوركەيتۋ نەگىزگى تاقىرىبىن كورنەكتىلەندىردى، مەن بۇكىلدەي قۇپتايمىن.
ۋاكىل ءجۇرات مامەتيمىن بىلاي دەدى: حالىق سوتى مەكەمەسى مەن حالىق پروكۋراتۋراسىنىڭ قىزمەت باياندامالارىنىڭ ساياسي دەڭگەيى جوعارى، مازمۇنى جان - جاقتى بولدى. شينجياڭ حالىق سوتى مەكەمەلەرى اۆتونوميالى رايون ەكونوميكاسىنىڭ جوعارى ساپالى دامۋىنا قىزمەت وتەۋدەگى، قامتاماسىز ەتۋدەگى ”N+1“ شاراسىن جولعا قويىپ، ماركا قورعاۋ سياقتى جاقتاردان كوپ نەگىزدى ءادىليالىق قىزمەت وتەۋ ازىرلەدى؛ شينجياڭ پروكۋراتۋرا ورگاندارىنىڭ جىبەك جولى ەكونوميكالىق بەلدەۋى وزەكتى رايونى قۇرىلىسىنا بەلسەندىلىكپەن قىزمەت وتەۋ، اۆتونوميالى رايوندىق ساۋدا - ونەركاسىپشىلەر بىرلەستىگىندە ”پروكۋراتۋرا بايلانىس كەڭسەسىن“ قۇرۋ سياقتى قىزمەتتەرى ”قوعامدى زاڭمەن باسقارۋ ەڭ جاقسى شارۋاشىلىق - ساۋدا ورتاسى“ ەكەندىگىن ءتۇسىندىردى. حالىق سوتى مەكەمەسى مەن حالىق پروكۋراتۋراسىنىڭ ءتارتىپتى ۇزدىكسىز جاقسارتۋ، ءادىليالىق ۇسىنىس جولداۋ سياقتى تاسىلدەر ارقىلى شينجياڭ كاسىپورىندارىنىڭ دامۋىنا زاڭمەن باسقارۋ قامتاماسىزدىعىن ۇزدىكسىز ازىرلەۋىن ءۇمىت ەتەمىن.
ۋاكىل ءراناحان ابدۇرەشيت بىلاي دەدى: حالىق سوتى مەكەمەسى مەن حالىق پروكۋراتۋراسىنىڭ قىزمەت باياندامالارى حالىقتى وزەك ەتۋگە تاباندى بولىپ، تيپتىك دەلو مىسالدارى ارقىلى سويلەدى، ساندى مالىمەتتەرى ناقتى، ءتىلى جاندى بولدى، ءادىليا ساپاسىن جوعارىلاتىپ، بۇقاراعا ءادىليانىڭ ادىلدىگىن، تۋراشىلدىعىن، مەيىرىن سەزىندىردى. جاڭا ءبىر جىلدا حالىق سوتى مەكەمەسى مەن حالىق پروكۋراتۋراسى نىسانالار مەن مىندەتتەردى ايقىنداپ، ءادىليانى حالىق ءۇشىن جۇرگىزۋ ۇستانىمىن ايگىلەدى. وقۋ - اعارتۋ قىزمەتكەرى رەتىندە، وسى ناقتى دەلو مىسالدارىن وقۋشىلارعا جەتكىزىپ، وقۋشىلاردىڭ زاڭدىق بىلىمدەردى كوپ ۇيرەنىپ، كىشكەنتايلارىنان زاڭ تانىمىن، زاڭمەن باسقارۋ ويىن قالىپتاستىرۋىنا مۇمكىندىك جاساپ، شينجياڭدى زاڭمەن باسقارۋ نەگىزىن بەكەمدەيمىن.
(ءتىلشى جاڭ يانفاڭ، قاتىناسقان تىلشىلەر حي حۇڭۋي، ليۋ شياڭ، ۋاڭ نا، لۋ فىڭباۋ، جاڭ شيۋ، چىن چياڭۋي، جىڭ جو)
