كوپتىڭ اقىلىن قورىتۋ
سيفرلى ۇكىمەت قۇرىلىسىن كۇش سالا ىلگەرىلەتۋ − بيىلعى ۇكىمەت قىزمەتىنەن بايانداماداعى جارقىن تۇيىندەردىڭ ءبىرى. بايانداما بيىل رايونىمىزدىڭ سيفرلى ۇكىمەت قۇرىلىسىن كۇش سالا ىلگەرىلەتۋىنىڭ ”قۇرىلىس چەرتوجىن“ جوبالاپ، شينجياڭنىڭ جەر - جەرىنىڭ، قاتىستى تاراۋلارىنىڭ ”ينتەرنەت + اكىمشىلىك قىزمەت وتەۋدى“ ىلگەرىلەتۋىنە ايقىن جول كورسەتتى.
ۋاكىلدەر مەن مۇشەلەر سيفرلى ۇكىمەت قۇرىلىسى تۋرالى قىزۋ تالقى جۇرگىزگەندە بۇل ۇكىمەتتىك باسقارۋدىڭ وسىزاماندانۋ دەڭگەيىن جاپپاي جوعارىلاتۋدىڭ، شارۋاشىلىق - ساۋدا ورتاسىن ساپالىلاندىرۋدىڭ، ەكونوميكانىڭ جوعارى ساپالى دامۋىن ىلگەرىلەتۋدىڭ ماڭىزدى تۇتقاسى دەپ قارادى. كوپشىلىك مىنالاردى ءبىلدىردى: ۇستانىمدى جاڭالاپ، كۇشتى شوعىرلاندىرىپ قامال الىپ، سيفرلى ۇكىمەت قۇرىلىسىنىڭ دەڭگەيىن جوعارىلاتۋعا كۇش قوسۋ كەرەك.
□ انار بۇلت / شينجياڭ گازەتىنىڭ ءتىلشىسى فان چيۇڭيان
نەگىزدى بەكەمدەپ، الەۋمەتتىك بۇلتتىق قىزمەت وتەۋ
سيفرلى شينجياڭ ستراتەگياسىن اتقارىپ، جاڭا نەگىزدىك قۇرىلعىلار قۇرىلىسىنا كۇش سالىپ، 5Gدىڭ جاڭا بيىگىن يەلەۋدە بازالىق ستانسيا قۇرىلىسى نەگىز سانالادى.
بيىل ۇكىمەت قىزمەتىنەن باياندامادا 5G ينتەرنەتىنىڭ قامتۋ كولەمى مەن قولدانىلۋ اۋماعىن كەڭەيتۋ ورتاعا قويىلدى. 5G بازالىق ستانسيالار قۇرىلىسىن ىلگەرىلەتىپ، نەگىزدى بەكەمدەۋ رايونىمىزدىڭ سيفرلى ۇكىمەت قۇرۋ، سيفردىڭ ومىرشەڭدىگىن قاۋلاتۋ بەكىمىن كورسەتتى.
”سيفرلاندىرۋ بويىنشا ارنايى رەفورمانى تۇيىندە سىناق ەتەتىن بۇكىل شينجياڭداعى بىردەن - ءبىر قالا رەتىندە، قارامايلى قالاسى سيفرلى ۇكىمەت قۇرىلىسىن جەدەل ىلگەرىلەتۋدە، نەگىز كۇن سايىن بەكەمدەلىپ كەلەدى“. اۆتونوميالى رايوندىق حالىق قۇرىلتايىنىڭ ۋاكىلى، قارامايلى قالاسىنىڭ ورىنباسار باستىعى پان رۇيدىڭ تانىستىرۋىنشا، قازىرگە دەيىن اتالعان قالادا 5G بازالىق ستانسيالارىنان 460ى سالىنىپ بولىپ، ونى قولدانۋشىلاردىڭ سانى 235 مىڭنان اسقان؛ ”تيانشان بۇلت اڭعارى“ قارامايلى وزەك بازاسىنىڭ ساندى مالىمەت ورتالىعىندا 16 مىڭ جابدىق سورەسى ورناتىلىپ، جابدىق سورەلەرىنىڭ ورتاشا پايدالانىلۋ مولشەرى ％70تەن اسقان، وعان قازىرگە دەيىن 130دان استام ينفورماتسيالىق كاسىپورىن شوعىرلانعان.
پان رۇي بىلاي دەدى: بۇل قارامايلى قالاسىنىڭ سيفرلى ۇكىمەت قۇرىلىسىنا پارمەندى تەحنيكا، جابدىق، دارىندى نەگىزىن جانە تىرەگىن ۇسىنۋمەن قاتار، سيفرلى شينجياڭ ستراتەگياسىن اتقارۋعا دا دەم بەرىپ، ”ءبىر بەلدەۋ، ءبىر جول“ قۇرىلىسىنا قىزمەت وتەۋگە تىرەك ازىرلەدى.
جۇڭگو جىلجىمالى حابارلاسۋى شينجياڭ سەرىكتەستىگىنەن كەلگەن اۆتونوميالى رايوندىق حالىق قۇرىلتايىنىڭ ۋاكىلى عالىپ مامەتتىڭ تانىستىرۋىنشا، جۇڭگو جىلجىمالى حابارلاسۋى (شينجياڭ قارامايلى) ساندى مالىمەت ورتالىعى مەن جۇڭگو جىلجىمالى حابارلاسۋى (شينجياڭ سانجى) ساندى مالىمەت ورتالىعى الەۋمەتتىك بۇلتتىق قىزمەت وتەۋ قابىلەتىن جوعارىلاتۋدا، بۇل ەكى ورتالىق بيىل 56 مىڭ وزەكتەن (بۇلتتىق قىزمەت وتەۋ بىرلىگى) جوعارى الەۋمەتتىك قىزمەت وتەۋ بايلىعىمەن قامداپ، اۆتونوميالى رايوننىڭ سيفرلانۋعا قاراي تيپ وزگەرتۋىن جەدەل ىلگەرىلەتۋگە، سيفرلى ۇكىمەت قۇرىلىسىنا قۋات ۇستەيدى، سونىمەن بىرگە مەملەكەتتىڭ ”شىعىستىڭ ساندى مالىمەتتەرىن باتىستا ەسەپتەۋ“ ينجەنەرياسىنا بۇلتتىق تىرەك ازىرلەيدى ەكەن.
ونىمدىلىكتى ارتتىرىپ، تاماشا سيفرلاندىرۋ ەكولوگياسىن قالىپتاستىرۋ
بىلتىردان بەرى بۇقارانىڭ ءتول مۇددەسىنە قاتىستى ءبىر توپ اكىمشىلىك قىزمەت وتەۋ ىستەرىندە ”ءبىر جەلىدە ءبىر تۇتاس ءبىتىرۋ“، ”ولكە اتتاپ ءبىر تۇتاس ءبىتىرۋ“ جۇزەگە اسىپ، ءار ۇلت بۇقاراسىنا بارىنشا قولايلىلىق اكەلدى.
”رايونىمىز 30 ولكە، رايون، قالامەن ادەتتەگى امبولاتوريادا ەمدەلۋدىڭ ەسەبىن تىكەلەي جابۋدى جانە ءدارىحانادان ءدارى ساتىپ الۋدى جۇزەگە اسىردى“. اۆتونوميالى رايوندىق ساياسي كەڭەستىڭ مۇشەسى، اۆتونوميالى رايوندىق ەمدەۋ قامتاماسىزداندىرۋ مەكەمەسى پارتيا باسشىلىق گرۋپپاسىنىڭ شۋجيى شىڭ يانجياڭنىڭ تانىستىرۋىنشا، ەمدەۋ قامتاماسىزداندىرۋ مەكەمەسى ”زەردەلى ەمدەۋ قامسىزداندىرۋى“ قۇرىلىسىن جەدەلدەتىپ، ۇلكەن ساندى مالىمەت، ينتەرنەت، بۇلتتىق ەسەپتەۋ، بلوكچەين قاتارلى سيفرلىق تەحنيكالاردان پايدالانىپ، ەمدەۋ قامسىزداندىرۋىندا ”شەشىم قابىلداۋدىڭ سيفرلانۋىن، باسقارۋدىڭ ەگجەي - تەگجەيلى بولۋىن، قىزمەت وتەۋدىڭ زەردەلىلەنۋىن“ جۇزەگە اسىرادى ەكەن.
اكىمشىلىك قىزمەت وتەۋدى نەگىزگى ساتىعا قاراي كەڭەيتۋ − نەگىزگى ساتى بۇقاراسىنىڭ قاجەتى، سونداي - اق جاڭا جاعدايداعى ۇكىمەت قۇرىلىمدارىن ىقشامداۋ، ۇقىقتى تومەنگە بەرۋ رەفورماسىنىڭ تالابى. ينتەرنەتتەگى اكىمشىلىك قىزمەت وتەۋ ۇكىمەتتىك قامداۋدان بۇقارانىڭ ءۇمىت - تىلەگىن قاناعاتتاندىرۋعا، ينفورماتسيالىق قىزمەت وتەۋدى نەگىز ەتكەن ءبىر باعىتتى قىزمەت وتەۋدەن ءوڭىر اتتاعان، تاراۋ اتتاعان، ساتى اتتاعان ءبىر تۇلعالانعان اكىمشىلىك قىزمەت وتەۋدى ەرەكشەلىك ەتكەن جالپى تۇلعالىق قىزمەت وتەۋگە بۇرىلىس جاساۋعا قادام تاستادى.
قارامايلى قالاسى بۇكىل شينجياڭنىڭ ”كوپ بولعاندا ءبىر رەت بارۋ“ رەفورماسىنىڭ سىناق ءتۇيىنى رەتىندە، اكىمشىلىك قىزمەت وتەۋلەردى ءبىر جەلىدە ءبىر تۇتاس ءبىتىرۋدى بەلسەنە تەرەڭدەتتى. ”نەگىزگى ساتىنىڭ اۋىرتپالىعىن جەڭىلدەتۋدىڭ ءبىر كەستەسى“ رەفورماسىن تۇيىندە سىناق ەتۋدى ىلگەرىلەتۋ بارىسىندا، الەۋمەتتىك اۋماق جازىپ مالىمدەيتىن ساندى مالىمەتتەر 461دەن 108گە ازايىپ، ساندى مالىمەت جيناۋ مولشەرى ％77 تومەندەدى. قالا باسقارۋدى ينفورماتسيالاندىرۋ تۇعىرى ارقىلى پارتيا قۇرىلىسى، جالپىلىق باسقارۋ، قالا باسقارۋ سىندى ”كوپ جەلىنى بىرىكتىرۋدى“ جۇزەگە اسىرعان قارامايلى قالاسى شينجياڭ بويىنشا تۇڭعىش مەملەكەتتىك، اۆتونوميالى رايوندىق تۇعىرمەن 3 دارەجە بويىنشا جالعاسقان ايماق دارەجەلى قالا سانالادى.
”كوپ جىلدىق دامۋ ارقىلى قارامايلى قالاسىنىڭ سيفرلى ۇكىمەتتىك قىزمەت وتەۋ جاعدايى ۇزدىكسىز مولايىپ، ينتەرنەتتە بىتىرۋگە بولاتىن ىستەر سالىستىرماسى ％96تەن استى، 93 ءتۇرلى قىزمەت وتەۋ ءىسىن ’بۇكىل قالا اۋماعىندا ءبىر تۇتاس ءبىتىرۋ‘، 82 ءتۇرلى قىزمەت وتەۋ ءىسىن ’ولكە اتتاپ ءبىر تۇتاس ءبىتىرۋ‘ جۇزەگە استى“، - دەدى پان رۇي.
”قازىر بۇقارا انىقتاما الۋ ءۇشىن سيفرلى - زەردەلى اۋىل - قىستاق بۇلتتىق تۇعىرى ارقىلى ءوتىنىش تاپسىرادى، قىزمەتكەر ارتقى تۇعىردا دەر كەزىندە جاۋاپ قايتارادى. كوپ جاعدايدا تۇرعىندار قىستاققا (الەۋمەتتىك اۋماق) بارماي جاتىپ - اق، قىزمەتكەرلەر قاتىستى راسمياتتى ءبىتىرىپ دايىنداپ بولادى“، - دەدى عالىپ مامەت، - ”كەيبىر قىستاقتاردىڭ سيفرلى - زەردەلى اۋىل - قىستاق بۇلتتىق تۇعىرى قولدانىسقا ەنگەن سوڭ، قىستاق (الەۋمەتتىك اۋماق) كادرلارىندا ’ءبىر ساندى مالىمەت ءۇشىن ءبىر كۇن سابىلۋ، ءبىر جاڭارتىلسا ءبىر جۇگىرۋ‘ سىندى قايتالامالى قىزمەت جاعدايى بەلەڭ بەرمەيتىن بولىپ، قىزمەت اناعۇرلىم جوعارى ونىمدىلىكپەن ءبىتىپ، بۇقارانىڭ ءىس ءبىتىرۋى دە اناعۇرلىم ىركىلىسسىزدەندى“.
بۇقارانى سابىلتقاننان گورى ساندى مالىمەتپەن قولايلىلىق جاساۋ
”بارلىق جۇمىستاردى قول تەلەفون APPلارى ارقىلى ءبىتىرۋدى ءۇمىت ەتەمىن، سوندا جۇمىستاردى الاقاندا - اق وڭاي شەشىپ، ’بۇقارانى سابىلتقاننان گورى ساندى مالىمەتپەن قولايلىلىق جاساۋدى‘ جۇزەگە اسىرۋعا بولادى“. بۇل اۆتونوميالى رايوندىق حالىق قۇرىلتايىنىڭ ۋاكىلى اينۇر ابباستىڭ ءۇمىتى ەدى.
”رايونىمىزدىڭ ’ءبىر جەلدە ءبىر تۇتاس ءبىتىرۋ‘، ’ولكە اتتاپ ءبىر تۇتاس ءبىتىرۋ‘ نەگىزىندە، ’ەڭ كوپ بولعاندا ءبىر رەت بارۋدان‘، ’جاقىن ماڭعا ءبىر رەت بارۋدان‘’ءبىر رەت تە بارماۋ‘ نىساناسىنا قاراي بۇرىلىس جاساۋدى جەدەل جۇزەگە اسىرۋىن ءۇمىت ەتەمىن“. بۇل جونىندە اۆتونوميالى رايوندىق ساياسي كەڭەستىڭ مۇشەسى مۇتالىپ تۇرسۇن مول ءۇمىت ارتىپ وتىر.
بيىل 1 - ايدا اۆتونوميالى رايوندىق دامۋ جانە رەفورما كوميتەتى، اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى سياقتى تاراۋلار قىزمەتكەرلەردى گۋاڭدۇڭعا، جىجياڭعا بارىپ سيفرلى ۇكىمەت، سونداي - اق سيفرلى ەكونوميكانى دامىتۋعا ىشكەرىلەي تەكسەرۋ - زەرتتەۋ جۇرگىزۋگە ۇيىمداستىرىپ، ولشەمگە تۋرالانىپ پارىقتى تاۋىپ، تۇتاس تۇلعالىق جوسپارلاۋدى كۇشەيتتى.
بيىلعى قىزمەتتەردى ورنالاستىرعاندا، ۇكىمەت قىزمەتىنەن باياندامادا بىلاي دەپ ورتاعا قويىلدى: اكىمشىلىك ىستەر جونىندەگى سيفردان ورتاق يگىلىكتەنۋدى سايكەستىرۋ مەحانيزمىن اقاۋسىزداندىرىپ، اكىمشىلىك قىزمەت جونىندەگى سيفردان پايدالانۋ جاعدايىندا جاڭالىق اشىپ، سيفردان ءتارتىپتى ورتاق پايدالانۋدى جەدەلدەتۋ. الەۋمەتتىك بايلىقتى بىرىكتىرۋدى، ودان بىرگە يگىلىكتەنۋدى ۇزدىكسىز تەرەڭدەتىپ، ساۋدا ايىرباسىندا جالپى بارىستى ەلەكترونداندىرۋ جانە ساۋدا ايىرباسىندا سيفردى پايدالانۋدى جاپپاي ىلگەرىلەتۋ، باقىلاۋ - باسقارۋدى كۇشەيتىپ، ونىمدىلىگىن جوعارىلاتۋ. «12345» اكىمشىلىك قىزمەت وتەۋ ماركاسىن كورنەكتىلەندىرىپ، ”ارىزدى الىسىمەن ءبىر جاقتى ەتۋ“ قىزمەت مەحانيزمىن تەرەڭدەتىپ، ىستىق لەنيادا قابىلداۋ مەن تەكشە ارتىندا ءبىر جاقتى ەتۋ سىندى قىزمەت وتەۋدى تىعىز ۇشتاستىرىپ، كاسىپورىن مەن بۇقارانىڭ رازىلىعىن شىن مانىندە جوعارىلاتۋ.
شىڭ يانجياڭ بىلاي دەدى: بيىل اۆتونوميالى رايوندىق ەمدەۋ قامتاماسىزداندىرۋ مەكەمەسى بۇكىل رايوندا ءبىر تۇتاس ءبىتىرۋ جۇيەسىن جەدەل قۇرىپ، ەمدەۋ قامسىزداندىرۋىنىڭ ”ولكە اتتاپ ءبىر تۇتاس ءبىتىرۋ“ قىزمەتىن جاقسى ىستەپ، ەمدەۋ قامسىزداندىرۋىن ءبىتىرۋدىڭ ولشەمدەنۋ، ارناعا ءتۇسۋ، قولايلىلانۋ ورەسىن جوعارىلاتادى.
”بيىل ءبىز 3 ءتۇرلى قىزمەتتى ءتۇيىندى تۇردە ىلگەرىلەتەمىز، ياعني ’حاۋىپسىز ۇلكەن مي. اكىمشىلىك ىستەر ۇلكەن ميى‘ قوس قۇرىلىمدى قالا ۇلكەن ميى قۇرىلىسى؛ ’گۇل كەستەلەگەندەي ىجداعاتتى‘ قالا باسقارۋ جۇيەسىن تۇلعالاۋ؛ اكىمشىلىك ىستەردەن قىزمەت وتەۋدى ۇزدىكسىز تەرەڭدەتىپ، شارۋاشىلىق - ساۋدا ورتاسىن جاقسارتىپ، ’ەڭ كوپ بولعاندا ءبىر رەت بارۋدان‘’ءبىر رەت تە بارماۋعا‘ قاراي دارەجە جوعارىلاتۋدى قۇلشىنا جۇزەگە اسىرامىز“، - دەدى پان رۇي.
”وتكەن بىرنەشە كۇندە شينجياڭ اكىمشىلىك ىستەر قىزمەت وتەۋ سالاماتتىق ءجۇرۋ كودى شينجياڭدىقتاردىڭ دوستىق شەڭبەرىندە كەڭ تارالدى. بۇكىل شينجياڭدى ءبىر كودپەن ءجۇرۋدى قامتاماسىز ەتۋ ءۇشىن، ءبىز جوعارى قارقىندى ينتەرنەت جانە بۇلتتىق قىزمەت وتەۋ قولداۋىن ازىرلەدىك. مۇنان سىرت، بيىل ءبىز كەيبىر اۋىل - قىستاقتارمەن سيفرلى اۋىل - قىستاق تۇعىرىن قۇرۋ كەلىسىمىن جالعاستىرىپ جاسايمىز، سيفرلى اۋىل - قىستاق قۇرىلىسىنىڭ بولاشاعى جارقىن“، - دەدى عالىپ مامەت.
