ۋاكىل بايىنكىشىك:
تۇلپارلارىن قۇيعىتىپ اتتاندىرعان مالشىلار كورىندى اسقاق ارىنمەن، قار - مۇز قۇرسانعان بۇراتالا دالاسى لاۋلادى ىستىق ”جالىنمەن“
اراسان اۋدانىنداعى مالشىلار قىسقى وليمپيادا سپورت جارىسىنا قاتىناساتىن ساڭلاقتاردى اتتاندىرا شىقتى (بەينەجازبادان قيما سۋرەت).
□ انار بۇلت / شينجياڭ گازەتىنىڭ ءتىلشىسى لي ياڭ
”كوپشىلىك كورگەن بولارسىزدار؟ وسى بىرنەشە كۇندە ءبىزدىڭ بۇراتالا وبلىسىنداعى مالشىلار ەكراننان تۇسپەدى“!
1 - ايدىڭ 23 - كۇنى تۇستەن كەيىن اۆتونوميالى رايوندىق 13 - كەزەكتى حالىق قۇرىلتايىنىڭ 5 - ماجىلىسىندەگى بۇراتالا موڭعۇل اۆتونوميالى وبلىسى ۋاكىلدەر ۇيىرمەسىنىڭ گرۋپپالارعا ءبولىنىپ باياندامانى قاراۋى كەزىندە، اۆتونوميالى رايوندىق حالىق قۇرىلتايىنىڭ ۋاكىلى، بۇراتالا وبلىستىق پارتكومنىڭ ورىنباسار شۋجيى، وبلىس باستىعى بايىنكىشىكتىڭ ءبىر اۋىز ءسوزى ۋاكىلدەردىڭ قىزۋ ىنتاسىن قوزعادى.
ۋاكىل بايىنكىشىك تىلگە العان مالشىلار ”قارلى دالادا اتپەن قۇيعىتىپ، ازاماتتاردى جورىققا اتتاندىرعان“ اراسان اۋدانىنىڭ مالشىلارى ەدى. 1 - ايدىڭ 20 - كۇنى جۇڭگو دالالىق شاڭعى كومانداسى اراسان اۋدانىنداعى جاتتىعۋىن اياقتاتىپ، بەيجيڭ قىسقى وليمپيادا سپورت جارىسىنا اتتاندى. قىسقى وليمپيادا سپورت جارىسىنىڭ ساڭلاقتارىن اتتاندىرىپ سالۋ ءۇشىن، 22 مالشى مەملەكەت تۋىن بيىك ۇستاپ، قارلى القاپتا اتپەن قۇيعىتتى. شەتسىز دە شەكسىز اپپاق دالاداعى نارت قىزىل ءتۇستى كورگەن توراپكەرلەر كوزدەرىنە جاس الىپ، ”كورگەن ادامنىڭ جىگەرى تاسقىندايدى!“ دەستى.
”كوپشىلىك: تۇلپارلارىن قۇيعىتىپ اتتاندىرعان مالشىلار كورىندى اسقاق ارىنمەن، قار - مۇز قۇرسانعان بۇراتالا دالاسى لاۋلادى ىستىق ’جالىنمەن‘دەستى!“، - دەدى ۋاكىل بايىنكىشىك اسەرلەنە.
”شەتەلدىڭ قار - مۇز بايلىعى مول دەسەدى ەكەن، ءىس جۇزىندە، ءبىزدىڭ بۇراتالا وبلىسى الپى تاۋى، روككي تاۋى سياقتىلارمەن قارا تالاسا الاتىن قار - مۇز بايلىعىنا يە، تەك قانا شالعايدا بولعاندىقتان كوپ ادام بىلە بەرمەيدى“. ۋاكىل بايىنكىشىك بىلاي دەدى: بۇراتالا وبلىسىنىڭ قار - مۇز بايلىعى 4 ءتۇرلى ەرەكشەلىككە يە: قار ساپاسى جاقسى، قار مەزگىلى ۇزاق، تەمپەراتۋراسى جاقسى، جەر بەدەرى تاماشا. كۇرتىك قار ساپاسى، جارتى جىلدىق قار مەزگىلى، جانعا جايلى تەمپەراتۋرا، ءتۇرلى كولبەۋلىكتەگى جەر بەدەرى بۇراتالا وبلىسىن قار - مۇز اۋەسقويلارى اڭسايتىن جەرگە اينالدىرعان.
”اراسان دالالىق شاڭعى الاڭىن مەملەكەت كومانداسىنىڭ تاڭداۋى بولاشاقتا ۇنەمى وسىندا تۇرىپ جاتتىعۋ جاسايتىندىعىن، اراساننىڭ قار - مۇز بايلىعىنا نەمقۇرايدى قاراۋعا بولمايتىندىعىن بىلدىرەدى“. ۋاكىل بايىنكىشىك بىلاي دەدى: 2021 - جىلى اراسان دالالىق شاڭعى الاڭى سالىنىپ ىسكە قوسىلدى، ونىڭ تەڭىز دەڭگەيىنەن بيىكتىگى، جارىس جولىنىڭ جوبالانۋى قىسقى وليمپيادا سپورت جارىسىنىڭ قار الاڭىمەن بىردەيلىك دارەجەسى وتە جوعارى، حالىقارالىق قار سپورتتارى بىرلەستىگىنىڭ شينجياڭدا مويىنداعان تۇڭعىش دالالىق شاڭعى الاڭى، دالالىق شاڭعى دۇنيە جۇزىلىك لوڭقاسى سياقتى جوعارى دارەجەلى جارىستاردى وتكىزۋگە بولادى.
ۋاكىل بايىنكىشىك بىلاي دەدى: قازىر بۇراتالا وبلىسى سايرام كولى حالىقارالىق قاردا سىرعاناۋ تىنىعۋ اۋماعىن قۇرۋدى جەدەلدەتۋدە، بۇل سايرام كولى كورىنىس اۋماعىنىڭ كوكتەمدە گۇل تاماشالايتىن، جازدا سايالايتىن، كۇزدە تاۋعا شىعاتىن، قىستا قاردا سىرعانايتىن تۇتاس ماۋسىمدىق ساياحات ەرەكشەلىگىنە يە كورىنىس اۋماعىنا اينالۋىنا دەم بەرەدى.
بيىل 1 - ايدىڭ 16 - كۇنى ”بولاشاقتى بەتكە الىپ سىرعاناۋ“ تاقىرىبىنداعى 2022 - جىلعى دۇنيە جۇزىلىك قار كۇنى جانە حالىقارالىق بالالار قاردا سىرعاناۋ مەرەكەسىنىڭ جۇڭگوداعى نەگىزگى الاڭ قيمىلى اراساندا وتكىزىلىپ، بۇراتالا وبلىسىنىڭ قار - مۇز ساياحاتىنا تاعى ءبىر الاۋ ۇستەدى.
”بۇراتالا وبلىسى’ قار - مۇز + اراسان‘ ەرەكشە باسىمدىعىن تايانىش ەتىپ، قار - مۇز كاسىپ سالاسىن دامىتۋدىڭ جاڭا بيىگىن بار كۇشپەن تۇلعالايدى. ءبىز التاي ايماعىمەن، تارباعاتاي ايماعىمەن، ىلە قازاق اۆتونوميالى وبلىسىمەن بىرلەسىپ، التاي - تارباعاتاي - بۇراتالا - ىلە دەنە تاربيە، مادەنيەت كاسىپ سالاسى بەلدەۋىن جەدەل قۇرىپ، شينجياڭنىڭ ساياحاتىنىڭ ءتورت ماۋسىمدا دا قاۋىرت بولۋىن ىلگەرىلەتۋدى ءۇمىت ەتەمىز“، - دەدى ۋاكىل بايىنكىشىك.
