□ جاڭ بەي
قىزىل تۋلار جەلبىرەپ، تۇلپارلار دۇبىرلەتتى دالانى؛ كوز جەتكىسىز قارلى القاپ، شىن ىقىلاس تانىتتى − 1 - ايدىڭ 23 - كۇنى ”شينجياڭ مالشىلارى اتقا ءمىنىپ، مەملەكەت تۋىن كوتەرىپ، قىسقى وليمپيادا سپورت جارىسى ساڭلاقتارىن ساپارعا اتتاندىرىپ سالدى“ دەگەن تاقىرىپتاعى بەينەجازبا دەرەۋ ءارقايسى ۇلكەن ينتەرنەت تۇعىرلارىنىڭ قىزۋ ىزدەستىرۋ تۇيىنىنە اينالدى. وسى قىسقا عانا 25 سەكۋندتىق بەينەجازبا توراپكەرلەردىڭ جىگەرىن تاسقىنداتتى، ونان دا ماڭىزدىسى، سانسىز جۇڭگولىق جەر جۇزىندە الاۋلاعان قىزىلدى كورىپ اسەرلەندى.
ءبىز نە ءۇشىن ”مەملەكەت تۋى جەلبىرەگەن سول ساتتە كوز جاسىمىزعا ەرىك بەرەمىز؟“ سەبەبى ءبىز شينجياڭدىق قاراپايىم مالشىلاردىڭ قىسقى وليمپيادا سپورت جارىسى ساڭلاقتارىنا دەگەن ەڭ شىنايى تىلەگىن سەزىندىك، ونان دا ماڭىزدىسى، وتانعا دەگەن وسى ەڭ رومانتيكالى تىلەك ءوز ۇندەستىگىن تاپقان.
بەينەجازبادا جۇڭگو دالالىق شاڭعى كومانداسى شينجياڭنىڭ اراسان اۋدانىنداعى جاتتىعۋىن اياقتاتقان كەزدە جەرگىلىكتى ءار ۇلت مالشىلارىنىڭ وزدىكتەرىنەن تۇلپارلار قوسىنىن ۇيىمداستىرىپ اتتاندىرىپ سالعانداعى كورىنىس ءتۇسىرىلدى. تۇلپارلار تۇياعىمەن قار بوراتقان، تەرىستىك جەلىمەن بىرگە جەلبىرەگەن قىزىل تۋ بەينە اسەم كارتيناداي كوز الدىعا كەلەدى. جان تەبىرەنتەرلىك بۇل كورىنىستەن ءبىز مالشى باۋىرلاستاردىڭ داڭق ساناعان، ماقتانىش ەتكەن كوڭىل كۇيىن سەزىندىك: ولار قىسقى وليمپيادا سپورت جارىسى ساڭلاقتارىمەن ماقتانادى، ولار ۇلى وتانىمىزدى ماقتانىش ەتەدى! سەبەبى ساڭلاقتار وتانىمىزعا ۋاكىل بولىپ جارىس الاڭىنا شىعاتىندىقتان، ولار، ءسوز جوق، ەڭ ادەمى تۋدى كوتەرىپ، ەڭ جۇيرىك اتتارىنا ءمىنىپ، وسكەلەڭ قۇرمەتپەن ساڭلاقتاردىڭ سالعان جەردەن جەڭىپ شىعۋىنا، لەزدە - اق جەڭىسكە جەتۋىنە تىلەكتەس بولۋىنا تۋرا كەلدى. وسى ساتتە كوپ وتپەي مالشىلاردىڭ قولىندا جەلگە قارسى جەلبىرەگەن بەس جۇلدىزدى قىزىل تۋلاردىڭ بەيجيڭ قىسقى وليمپيادا سپورت جارىسى الاڭىندا جاينايتىندىعىنا داۋسىز سەندىك.
شينجياڭ مالشىلارىنىڭ وتانعا دەگەن تەرەڭ ماحابباتىن وسىنداي رومانتيكالى فورمامەن ءبىلدىرۋى كەزدەيسوقتىق ەمەس. مەملەكەت تۋىنداعى قىزىل ءتۇس شينجياڭداعى ءار ۇلت بۇقاراسىنىڭ جۇرەك تۇكپىرىندەگى ەڭ ارداقتى ءتۇس، سانسىز جاندار ۇزدىكسىز العا ۇمتىلىپ، ومىرىمەن قورعاۋعا پەيىل بولعان بەس جۇلدىزدى قىزىل تۋ شاۋەشەكتەگى سالىقجان يمىن قارتتىڭ وتباسىنىڭ شاعىن اۋلاسىندا جەلبىرەدى، قۇلجالىق جىگىت وتكىر كابيدىڭ شي - انداعى ىندەتكە قارسى اتتانعان ەمدەۋ قىزمەتكەرلەرىنەن حال سۇراي بارعانداعى مەيىر جەتكىزۋ زاتتىق ماتەريالدارىنا جاپسىرىلدى، پارتيا مۇشەسى زناگىن كورسەتكەن اعاي ابدۇجاپپار مەڭدىنىڭ كوڭىل تۇكپىرىنەن كورىندى، ونان دا ماڭىزدىسى، ءار ۇلت تيانشان پەرزەنتتەرىنىڭ جۇرەگىنە بەرىك ورنادى. بەس جۇلدىزدى قىزىل تۋ جەلبىرەگەن جەر − وتباسى مەن وتاننىڭ تياناعى، بەس جۇلدىزدى قىزىل تۋ نۇسقاعان بەتالىس − جان دۇنيەنىڭ بەتالىسى.
وتاندى ءسۇيۋ ەجەلدەن ابستراكت ۇعىم ەمەس، وندا تەرەڭ سۇيىسپەنشىلىك پەن مازمۇن قامتىلعان، ونىڭ ۇستىنە ءار داۋىردە ۇقساماعان تالاپ قويىلعان. شينجياڭ مالشىلارىنىڭ وسى بەينەجازباسىنىڭ كەڭ تارالۋى ءدال اۆتونوميالى رايوننىڭ ەكى ءماجىلىسى اشىلعان مەزگىلگە تۋرا كەلدى، تۇتاس رايونداعى ۋاكىلدەر مەن مۇشەلەر ءبىر اراعا باس قوسىپ، ورەلى اقىل - كەڭەس بەرىپ، شينجياڭنىڭ دامۋىن بىرگە جوسپارلادى. جەر جۇزىندەگى ەڭ ادەمى وسى قىزىل ءتۇس مەيلى ينتەرنەت جەلىسىندە، الدە ينتەرنەت جەلىسىنەن تىسقارى بولسىن، تەرەڭ وتانشىلدىق سۇيىسپەنشىلىكتى كەڭ كولەمدە ۇيىستىردى ءارى جاڭا جورىق بارىسىندا وتان ءۇمىتىن اقتاۋ اسقاق جىگەرىنە اينالىپ، ءار ۇلت پەرزەنتتەرىن وتانىمىزدىڭ شينجياڭىن ويداعىداي قۇرۋ ءۇشىن ەكپىندەي العا ىلگەرىلەۋگە ىنتالاندىردى.
