اۆتونوميالى رايوندىق 13 - كەزەكتى حالىق قۇرىلتايىنىڭ 5 - ءماجىلىسى 14 كەڭەستىك جوبانى تۇراقتاندىردى
380 ۇسىنىس، سىن، پىكىر تاپسىرىپ الدى
انار بۇلت / شينجياڭ گازەتىنىڭ ءتىلشىسى ۋاڭ نا 1 - ايدىڭ 26 - كۇنى ۇرىمجىدەن حابارلايدى. اۆتونوميالى رايوندىق 13 - كەزەكتى حالىق قۇرىلتايى 5 - ءماجىلىسىنىڭ حاتشىلار باسقارماسىنان ۇعىسۋىمىزشا، ءماجىلىس ءتوراعالار القاسى بەلگىلەگەن ۋاكىلدەردىڭ كەڭەستىك جوباسىن العا قوياتىن كەسىمدى ۋاقىتى تولعانعا دەيىن وسى رەتكى ءماجىلىس ۋاكىلدەردىڭ العا قويعان العاشقى كەڭەستىك جوباسىنان 19ىن تاپسىرىپ العان، «شينجياڭ ۇيعۇر اۆتونوميالى رايوندىق حالىق قۇرىلتايى ۋاكىلدەرىنىڭ كەڭەستىك جوباسىن ءبىر جاقتى ەتۋ ادىسىندەگى» بەلگىلەمە بويىنشا مۇنىڭ 14ى ۋاكىلدەردىڭ كەڭەستىك جوباسى بولىپ تۇراقتاندىرىلدى.
كەڭەستىك جوبا، باستىسى، «شينجياڭ ۇيعۇر اۆتونوميالى رايونىنىڭ ءونىم ساپاسىن جەبەۋ ەرەجەسى»، «شينجياڭ ۇيعۇر اۆتونوميالى رايونىنىڭ اۋىل - قىستاق تاس جولى ەرەجەسى» سياقتىلاردى جاساۋى جانە «شينجياڭ ۇيعۇر اۆتونوميالى رايونىنىڭ وتانشىلدىق تازالىق قىزمەت ەرەجەسى» سياقتىلارعا وزگەرىس ەنگىزۋى سياقتىلاردى قامتىدى، نەگىزىنەن زاڭمەن باسقارۋ قۇرىلىسى، جوعارى ساپالى دامۋ، اۋىل - قىستاقتى گۇلدەندىرۋ، قورشاعان ورتانى قورعاۋ، حالىق تۇرمىسىن قامتاماسىز ەتۋ جانە الەۋمەتتىك دەنساۋلىق ساقتاۋ سياقتى جاقتارعا سايادى. 14 كەڭەستىك جوبا جەكە - جەكە اۆتونوميالى رايوندىق حالىق قۇرىلتايىنىڭ قاتىستى ارناۋلى كوميتەتتەرىنىڭ قاراۋىنا تاپسىرىلادى.
وسى رەتكى ءماجىلىس تاعى 380 ۇسىنىس، سىن، پىكىر تاپسىرىپ الدى، باستىسى، دامۋدى ىلگەرىلەتۋ، زاڭمەن باسقارىلاتىن ۇكىمەت قۇرىلىسى، قوعامدىق باسقارۋ، اۋىل - قىستاقتى گۇلدەندىرۋ، شينجياڭدى مادەنيەتپەن نارلەندىرۋ سياقتى سالالارعا سايدى. «شينجياڭ ۇيعۇر اۆتونوميالى رايوندىق حالىق قۇرىلتايى ۋاكىلدەرىنىڭ ۇسىنىس، سىن، پىكىرلەرىن ءبىتىرۋ ەرەجەسى» بويىنشا ۋاكىلدەردىڭ اۆتونوميالى رايوننىڭ ءار جاقتاعى قىزمەتتەرىنە بەرگەن ۇسىنىس، سىن، پىكىرلەرىنە ماجىلىستەن كەيىن اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىلەر ءماجىلىسى اقىلداسىپ ۇيعارىم جاساپ، اۆتونوميالى رايوندىق حالىق ۇكىمەتىنىڭ، شينجياڭ ءوندىرىس - قۇرىلىس بيڭتۋانىنىڭ، اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ جانە قاتىستى ورگانداردىڭ، ۇيىمداردىڭ، توپتاردىڭ، سونداي - اق اۆتونوميالى رايوندىق حالىق قۇرىلتايى تۇراقتى كوميتەتىنىڭ قاتىستى قىزمەت قۇرىلىمدارىنىڭ مۇقيات اقىلداسىپ بىتىرۋىنە ءارى ۋاكىلدەرگە جاۋاپ قايتارۋىنا ءبىر تۇتاس تاپسىرىپ بەرەدى.
