نازاردى شوعىرلاندىرۋ
”مۇز جىبەك باۋ“ جولىندا ارمان قۋىپ، بولاشاققا بىرگە اتتاندى. ۇكىمەت قىزمەتىنەن باياندامادا مىنالار العا قويىلدى: ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارىپ، ساياحات نەگىزدىك قۇرىلعى قۇرىلىسىن جەدەلدەتىپ، مادەنيەت، ساياحات ونىمدەرىمەن قامداۋدى بايىتىپ، ساياحات بازارىنىڭ ورتاسىن ساپالىلاندىرىپ، ساياحاتتىق قىزمەت وتەۋ قابىلەتىن جوعارىلاتۋ. بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن وتكىزۋدى وراي ەتىپ، قار - مۇز ساياحاتىن ۇلعايتىپ، الۋەتتەندىرىپ، جۇڭگو (چاڭبايشان تاۋ سىلەمى - التاي تاۋ سىلەمى) قار - مۇز ەكونوميكاسىن جوعارى ساپالى دامىتۋ سىناق رايونى قۇرىلىسىن جەدەل ىلگەرىلەتۋ كەرەك.
وسى تاقىرىپ توڭىرەگىندە، ۋاكىلدەر مەن مۇشەلەر ءوز قىزمەتتەرىمەن بىرلەستىرە وتىرىپ، قايتكەندە ورايدى مىقتى يگەرىپ، قار - مۇز سپورتىن جانە قار - مۇز ساياحاتىن دامىتۋ، شينجياڭ قار - مۇز ەكونوميكاسىنىڭ جوعارى ساپالى دامۋىنا دەم بەرۋ جونىندە كوزقاراستارىن ورتاعا سالىپ، ۇسىنىستاردى العا قويدى.
انار بۇلت/ شينجياڭ گازەتىنىڭ ءتىلشىسى ۋاڭ جيڭجيڭ
قوس بىردەي تيىمدىلىك
قار - مۇز سپورتىنىڭ قوزعاۋشى ەنەرگياسىن توپتادى
1 - ايدىڭ 21 - كۇنى، 1 - كەزەكتى ”جيلين - شينجياڭ“ قار - مۇز سپورتى جاستار مەن ورەندەر دوستىق جارىسىنىڭ شىمىلدىعى التاي قالاسىندا جابىلدى، جارىس ىلگەرى - كەيىن جيليندە جانە شينجياڭدا ءوتتى، ەكى جەردەگى جاس جانە ورەن سپورتشىلار ءبىر الاڭدا ونەر سىناسىپ، مۇزدا تەز سىرعاناۋ، دالالىق قار شاڭعى سياقتى 4 ۇلكەن ءتۇر بويىنشا جارىس وتكىزدى.
”بۇل جارىستى جىل سايىن ءبىر كەزەك وتكىزۋدى جوسپارلاپ وتىرمىز، ونى شينجياڭ مەن جيلين كەزەكتەسىپ وتكىزەدى“. اۆتونوميالى رايوندىق ساياسي كەڭەستىڭ مۇشەسى، اۆتونوميالى رايوندىق دەنە تاربيە مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى ديڭ يوۋميڭ بىلاي دەدى: دوستىق جارىس ەكى جەردىڭ جۇڭگو (چاڭبايشان تاۋ سىلەمى - التاي تاۋ سىلەمى) قار - مۇز ەكونوميكاسىن جوعارى ساپالى دامىتۋ سىناق رايونىن بىرگە قۇرۋىن تياناقتاندىرۋ ءۇشىن وتكىزىلدى، جارىس ەكى جەردەگى جاستار مەن ورەندەردىڭ اراسىنداعى اۋىس - كۇيىستى جەبەۋمەن بىرگە، ەكى جەر سپورتشىلارىنىڭ جارىس الاڭىنا، جارىس جولىنا ۇيلەسۋ قابىلەتىن كۇشەيتىپ، الداعى جەردە ەل ىشىندەگى، حالىقاراداعى جارىس الاڭدارىنا جوعارى ساپامەن توعىسۋىنا نەگىز قالادى.
جۋىقتا شينجياڭ قار - مۇز ەكونوميكاسىنىڭ جوعارى ساپالى دامۋىنا دەم بەرۋ ءۇشىن، اۆتونوميالى رايوندىق دەنە تاربيە مەكەمەسى بۇكىل رايونداعى قار - مۇز سپورتى، جالپى حالىقتىڭ دەنە شىنىقتىرۋى، سپورتتىق دەنە تاربيە جانە دەنە تاربيە مادەنيەتى جونىندە باسى - قاسىندا تەكسەرۋ - زەرتتەۋ جۇرگىزىپ، تەكسەرۋ - زەرتتەۋ ناتيجەسىنە نەگىزدەلە وتىرىپ سايكەستى جوبا جاساپ، جۇڭگو (چاڭبايشان تاۋ سىلەمى - التاي تاۋ سىلەمى) قار - مۇز ەكونوميكاسىن جوعارى ساپالى دامىتۋ سىناق رايونى قۇرىلىسىن ىلگەرىلەتتى.
قىسقى وليمپيادا سپورت جارىسى مەن سىناق رايونى قۇرىلىسى شينجياڭنىڭ قار - مۇز سپورتىنىڭ دامۋىنا تىڭ قوزعاۋشى قۋات ۇستەدى. قىسقى وليمپيادا سپورت جارىسىن قارسى الۋ، قار - مۇز سپورتىنا ات سالىسۋ ماقساتىندا، شينجياڭنىڭ جەر - جەرى بۇقارالىق قىسقى سپورتتى جالپىلاستىرۋدى بەلسەنە ورىستەتتى، بيىلعى قار ماۋسىمىندا شينجياڭ كولەمدى قار - مۇز جارىس قيمىلدارىن 20 ءتۇر بويىنشا 22 رەت وتكىزبەك.
قار - مۇز سپورتىن جالپىلاستىرۋدا مەكتەپ شەشۋشى تەتىك. التاي ايماعىندا، مەملەكەت بويىنشا قار - مۇز ەرەكشەلىگىنە يە 33 مەكتەپ، اۆتونوميالى رايوننىڭ قارداعى ءداستۇرلى سپورت تۇرلەرى وقىتىلاتىن 20 مەكتەپ، اۆتونوميالى رايوننىڭ مۇزداعى ءداستۇرلى سپورت تۇرلەرى وقىتىلاتىن 22 مەكتەپ بار. ”التاي ايماعى وزگەشە دارا بايلىق باسىمدىعىنا سۇيەنىپ، قار - مۇز سپورتىن زور كۇشپەن دامىتىپ، ورتا، باستاۋىش مەكتەپ وقۋشىلارىنىڭ دەنە تاربيە ساباعىن مەكتەپتىڭ جاتتىعۋ الاڭىنان شاڭعى الاڭىنا، مۇز ايدىنىنا كوشىردى. بيىل شاڭعىمەن سىرعاناۋعا قاتىناسقان وقۋشىلار 35 مىڭ 200 ادام - رەتكە جەتتى“، - دەدى اۆتونوميالى رايوندىق حالىق قۇرىلتايىنىڭ ۋاكىلى، التاي ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى جەڭىس قادىس.
مادەنيەت پەن ساياحات توعىستى
قار - مۇز ساياحاتىنىڭ تارتىمدىلىعى اسا ءتۇستى
قىسقى وليمپيادا سپورت جارىسى تاياپ قالدى، جالپى حالىقتىڭ قار - مۇز سپورتىنا ات سالىسقان قىزۋ ىنتاسى شينجياڭنىڭ قار - مۇز ساياحاتىنىڭ دامۋىنا تاپتىرماس وراي اكەلدى.
جۋىقتا جاريالانعان «جۇڭگو قار - مۇز ساياحاتىنىڭ دامۋى تۋرالى باياندامادا (2022)» كورسەتىلۋىنشە، جۇڭگونىڭ قار - مۇز ساياحاتىندا ”وشاقتىڭ ءۇش بۇتىنداي ورنالاسىم، ەكى بەلدەۋدىڭ كوركەيۋى، جاپپاي شەشەك اتۋ“سىندى كەڭىستىكتى جاڭا جۇلگە قايتا قۇرىلىمدالدى. مۇنىڭ ىشىندە ”وشاقتىڭ ءۇش بۇتى“ دەگەنىمىز شىعىس سولتۇستىك ءوڭىر، بەيجيڭ - تيانجين - حىبەي جانە شينجياڭ سىندى 3 ءوڭىردى مەڭزەيدى.
قازىر بۇكىل شينجياڭدا جينى 72 شاڭعى الاڭى بار، 5S دارەجەلى 5 شاڭعى الاڭى، 4S دارەجەلى 5 شاڭعى الاڭى سالىنىپ، ”ءبىر وزەك، ەكى تاۋ، N ءتۇيىن“ سىندى قار - مۇز ساياحاتىنىڭ دامۋ جۇلگەسى قالىپتاسقان.
”التايعا كەلىپ شاڭعى تەبەتىن، كورىنىس ارالاپ ساياحاتتايتىن ادامداردىڭ جارتىسىنان كوبى شينجياڭ سىرتىنان كەلگەن ساياحاتشىلار“. اۆتونوميالى رايوندىق ساياسي كەڭەستىڭ مۇشەسى، التاي ايماقتىق ساياسي كەڭەس قىزمەت كوميتەتى پارتيا باسشىلىق گرۋپپاسىنىڭ ورىنباسار شۋجيى، مەڭگەرۋشىسى باقتيەۆ عينايات بىلاي دەدى: التاي − ادامزاتتىڭ قار شاڭعى مەكەنى، وسى ماركادان ويداعىداي پايدالانىپ، ”بايىرعى تەرى شاڭعى تەبۋدى“ اۆتونوميالى رايوندىق، اۋەلى، مەملەكەتتىك بەيزاتتىق مادەنيەت مۇرالارى تىزىمىنە ەنگىزۋدى ىلگەرىلەتىپ، ادامزاتتىڭ شاڭعى مەكەنى كورمە زالىن قۇرىپ، وسىعان قاتىستى قار - مۇز ساياحات جەلىلەرىن، ونىمدەرىن جاساپ، التايدىڭ قار - مۇز ساياحات مادەنيەتىنىڭ ىشكى ءمانىن كەڭەيتۋىمىز كەرەك.
التاي قار شاڭعى ساياحات - دەمالىس ورنىمەن بىرگە، ءۇرىمجى نانشان قار شاڭعى ساياحات - دەمالىس ورنى دا جۋىقتا مەملەكەت دارەجەلى تۇڭعىش توپتاعى 12 قار شاڭعى ساياحات - دەمالىس ورنىنىڭ ءبىرى بولىپ تاڭدالدى. اۆتونوميالى رايوندىق ساياسي كەڭەستىڭ مۇشەسى، ءۇرىمجى قالاسى مادەنيەت جانە ساياحات مەكەمەسى (قالالىق مادەني ەسكەرتكىشتەر مەكەمەسى) پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى ۋاڭ سۇڭيۋان قار - مۇز ساياحاتىن مادەنيەتپەن توعىستىرۋدى جەبەۋدە شينجياڭنىڭ تاريحي - مادەني بايلىعىن ىشكەرىلەي اشىپ، «كۇنلۇن ۋادەسى» شىنايى كورىنىستىك پيەساسىن بۇكىل شينجياڭنىڭ، ارىسى بۇكىل مەملەكەتتىڭ مادەنيەت ماركاسى ەتىپ قالىپتاستىرۋ؛ شينجياڭنىڭ ەرەكشە مادەنيەتىن قار - مۇز ەلەمەنتىمەن جاڭالىق اشا توعىستىرۋدى ىلگەرىلەتىپ، كوركەمدىك، وبرازدىق، حالىقارالىق تاسىلمەن شينجياڭنىڭ قار - مۇزىن ايگىلەپ، قار - مۇزعا قاتىستى ادەبي - كوركەمونەرلىك شىعارماشىلىق، قار - مۇز مۇراجايى، قار - مۇز كوركەمونەر ورتالىعى، جابىق ورىنداعى جانە اشىق اسپان استىنداعى مۇز ءۇستى ساعىم كوركەمونەرى سياقتى ەرەكشە نىسانداردى زور كۇشپەن دامىتىپ، شينجياڭنىڭ قار - مۇز ەرەكشەلىگىنە يە تاۋارلار جۇيەسىن جانە شينجياڭ قار - مۇزىنىڭ سۋپەرIPىن قالىپتاستىرۋ كەرەك دەپ سانايدى.
قولايلى جاعدايدان ۇتىمدى پايدالاندى
كوپ ساتىلى قار - مۇز ەكونوميكا جۇيەسىن ورناتۋ
دامۋدان كۇش - قۋات الۋ شينجياڭنىڭ قار - مۇز ەكونوميكاسىنىڭ توپ جارۋ باسىمدىعىن ىسكە قوسۋىنىڭ ماڭىزدى وي جەلىسى سانالادى.
اۆتونوميالى رايوندىق ساياسي كەڭەستىڭ مۇشەسى، اۆتونوميالى رايوندىق مادەنيەت جانە ساياحات مەڭگەرمەسى پارتيا باسشىلىق گرۋپپاسىنىڭ شۋجيى، ورىنباسار مەڭگەرمە باستىعى حوۋ حانمين مىنالاردى ءبىلدىردى: شينجياڭ «شينجياڭنىڭ قار - مۇز ساياحاتىن دامىتۋ جوباسىن»، «شينجياڭنىڭ دەنە تاربيە مەن ساياحاتتى توعىستىرا دامىتۋ جوباسىن» جاساپ شىقتى، شينجياڭ قار - مۇز ساياحاتىنىڭ كوزەۋلى جەرلەرى قۇرىلىسىن جەدەلدەتىپ، جەر - جەردىڭ ”5A دارەجەلى كورىنىس اۋماقتارى + شاڭعى الاڭدارى + ساياحات جانە سەيىل - سەرۋەن كوشە - اۋماقتارى“ سىندى قار - مۇز ساياحاتىنىڭ ۇيىرمە قۇراۋ فورماسىندا دامۋ ۇلگىسىن اتقارۋىنا جەتەكشىلىك ەتىپ، ءار ءتۇرلى جاس كەزەڭدەرىندەگى وقۋشىلار قاۋىمىنا ۇيلەسەتىن قار - مۇز زەرتتەۋ - ۇيرەنۋ ساياحات جەلىلەرىن شىعارىپ، ”قار - مۇز + سەرۋەندەۋ“، ”قار - مۇز + مەرەكەلىك قۇتتىقتاۋ شارالارى“، ”قار - مۇز + حالىقتىق سالت - سانا“، ”قار - مۇز + دەنە تاربيە“ جەلىلەس مەرەكەلىك قۇتتىقتاۋ قيمىلدارىن ورىستەتىپ، مەرەكەلىك قۇتتىقتاۋ شارالارى ارقىلى بازارعا تۇرتكى بولىپ، قار - مۇز كاسىپ سالاسىنىڭ توعىسپالى دامۋىن جەبەيدى.
قاجەتسىنۋ جاعىندا ورىن تەپكەن قار - مۇزعا قاتىستى جان سانى نەگىزىنىڭ ازدىعى، بازارعا ءسىڭۋ مولشەرىنىڭ تومەندىگى سياقتى ماسەلەلەرگە مەڭزەس، مۇشە باقتيەۆ عينايات سەرپىندى ارتتىرىپ قار - مۇز سپورتى بازارىن جەتىلدىرىپ، قار - مۇز سپورتىنىڭ قوعامعا جالپىلاسۋىن جەدەلدەتۋدى؛ قار - مۇز سپورتى مادەنيەتىن تاراتۋ ارنالارىن كەڭەيتىپ، وڭىرلىك ەرەكشەلىككە يە قار - مۇز سپورت - ساياحاتىنىڭ جاڭا ماركالارىن جاراتۋدى؛ بايلىق باسىمدىعىنان پايدالانىپ تاڭداۋلى جارىستار قالىپتاستىرىپ، حالىقارالىق جانە وڭىرلىك سپورتتىق دەنە تاربيە جارىستارىن بەلسەنە وتكىزىپ، ۇزدىك سپورتشىلاردىڭ قىسقى سپورت تۇرلەرىن جالپىلاستىرۋ قيمىلىنا جانە الەۋمەتتىك يگىلىك قيمىلىنا قاتىناسۋىنا قولداۋ كورسەتىپ جانە وعان ىنتالاندىرىپ، قار - مۇز سپورتىنىڭ ىقپال كۇشى مەن حالىقارالىق باسەكە قابىلەتىن كەڭەيتۋدى ۇسىندى.
كۇش - قايرات الۋ جاعىندا، مۇشە ۋاڭ سۇڭيۋان مىنانى ۇسىندى: شينجياڭ قار - مۇز جاعىندا ەسىك اشۋدى كەڭەيتۋ، جەر - جەر «جۇڭگو (چاڭبايشان تاۋ سىلەمى - التاي تاۋ سىلەمى) قار - مۇز ەكونوميكاسىن جوعارى ساپالى دامىتۋ سىناق رايونىن قۇرۋدىڭ جالپىلىق جوباسىن» ويداعىداي دايىنداۋعا بەلسەنە سايكەسىپ، ”قار - مۇز جىبەك جولىن“ كوپىرلىك دانەكەر ەتىپ، جيلين مەن شينجياڭ ەكى ولكە - رايوننىڭ قار - مۇز سىناق رايونىن بىرگە قۇرۋىن سەرپىلىس جانە جەتەك ەتىپ، جوعارى دەڭگەيدەگى ءماجىلىس، تالقى مىنبەرى، قار - مۇز بىرلەسكەن جارىستارى سياقتىلاردى دانەكەر ەتىپ، قار - مۇز كاسىپ سالاسى سەلبەستىگىن ىلگەرىلەتىپ، قار - مۇز ەكونوميكاسىنىڭ ”دوستار شەڭبەرىن“ كەڭەيتىپ، قار - مۇز ەكونوميكاسىنىڭ جالپى كاسىپ سالاسى تىزبەگىن ۇزارتۋدى جەبەۋى كەرەك.
