بەيجيڭ 2022 - جىلعى قىسقى وليمپيادا سپورت جارىسىنا دەم بەرىپ، ساياحاتشىلارعا قار - مۇز ساياحاتىنىڭ جاڭا تالعامىن ازىرلەۋ ءۇشىن، مادەنيەت جانە ساياحات مينيسترلىگى، مەملەكەتتىك دەنە تاربيە باس مەكەمەسى بۇگىن (1 - ايدىڭ 26 - كۇنى) بەيجيڭ يانچيڭ حايتو، حىبەي چۇڭلي، حىبەي لاييۋان، ىشكى موڭعۇل زالانتۇن، لياۋنيڭ كۋانديان تيانچياۋگوۋ، جيلين فۋسۇڭ چاڭبايشان تاۋى، جيلين فىڭمان سۇڭحۋاحۋ كولى، حيلۇڭجياڭ يابىل كولى، سىچۋان دايي شيليڭ قارلى تاۋى، شانشي تايباي اۋشان تاۋى، شينجياڭ التاي جانە ءۇرىمجى نانشان سياقتى 12 ورىندى قامتىعان تۇڭعىش توپتاعى مەملەكەت دارەجەلى قار شاڭعى ساياحات – دەمالىس ورنى تىزىمدىگىن جاريالادى.
وسى مەملەكەت دارەجەلى قار شاڭعى ساياحات – دەمالىس ورنى وزدەرى تۇرعان اۋداندى ارقاۋ ەتىپ، جوعارى دەڭگەيدەگى قار شاڭعى سپورتى قۇرىلعىلارى مەن جوعارى ساپالى ساياحات - دەمالىس قىزمەت وتەۋىن تۇلعالاپ، قار شاڭعى جانە دەمالىستىق تۇتىنۋ قاجەتىن قاناعاتتاندىرىپ، قار ـ مۇز كاسىپ سالاسىنىڭ ساپاسىن جوعارىلاتىپ، ورەسىن ءوسىرۋدى ىلگەرىلەتىپ، جەرگىلىكتى ورىننىڭ ەكونوميكالىق، قوعامدىق دامۋىن جەبەپ،”300 ميلليون ادامدى قار ـ مۇز سپورتىنا ات سالىسۋعا جەتەكتەۋدىڭ“ كەزەڭدىك نىساناسىن ورىنداۋدى تياناقتاندىرادى.
2021 ـ جىلى 2 ـ ايدا، مادەنيەت جانە ساياحات مينيسترلىگى، مەملەكەتتىك دامۋ جانە رەفورما كوميتەتى، مەملەكەتتىك دەنە تاربيە باس مەكەمەسى قاتارلى 3 تاراۋ بىرلەسىپ «قار ـ مۇز ساياحاتىن دامىتۋ ارەكەت جوسپارىن (2021 – 2023 جىل)» باسىپ تاراتىپ، 2023 ـ جىلعا بارعاندا قار ـ مۇز ساياحاتىنىڭ ٴبىرشاما ۇيلەسىمدى كەڭىستىك ورنالاسۋىن جانە ٴبىرشاما بىركەلكى كاسىپ قۇرىلىمىن قالىپتاستىرۋدى ىلگەرىلەتىپ، بەيجيڭ 2022 ـ جىلعى قىسقى وليمپيادا سپورت جارىسىنا دەم بەرىپ، قار ـ مۇز ساياحات ونىمدەرىمەن قامداۋدى كۇشەيتىپ، قار ـ مۇز ساياحاتىنىڭ جوعارى ساپالى دامۋىن ىلگەرىلەتىپ، حالىق بۇقاراسىنىڭ قار ـ مۇز ساياحاتى تۇتىنۋ قاجەتىن قاناعاتتاندىرىپ، جاڭا دامۋ ارناسىن قالىپتاستىرۋعا دەم بەرۋدى العا قويدى. وسىدان كەيىن مادەنيەت جانە ساياحات مينيسترلىگى قۇجاتتىڭ قاتىستى مازمۇندارىنا نەگىزدەلىپ، قار - مۇز ساياحاتىن دامىتۋ شارتىن ازىرلەگەن دەمالىس رايوندارىنىڭ، كورىنىس وڭىرلەرىنىڭ ٴتورت ماۋسىمدىق ساياحاتتى دامىتۋداعى قيىن ماسەلەلەردى شەشۋىنە ىشكەرىلەي جەتەكشىلىك ەتىپ، جوبالاۋ، ىسكە قوسۋ، باسقارۋ، ماركا، ساتۋ سياقتى جاقتاردا ٴتورت ماۋسىمعا ۇيلەسەتىن ساياحاتتى دامىتۋ جولىن جۇزەگە اسىردى.
وسى نەگىزدە 2021 ـ جىلى 10 ـ ايدا مادەنيەت جانە ساياحات مينيسترلىگى مەملەكەتتىك دەنە تاربيە باس مەكەمەسىمەن بىرگە «قار شاڭعى ساياحات - دەمالىس ورىندارىنىڭ دارەجەسىن ايىرۋ» （LB/T 083—2021） كاسىپتىك ولشەمىن جاساپ ٴارى جاريالاپ اتقارىپ، قار شاڭعى ساياحات - دەمالىس ورىندارىنىڭ انىقتاماسىن ايقىنداپ، ەلىمىزدە مەملەكەت دارەجەلى قار شاڭعى ساياحات - دەمالىس ورىندارىن، ولكە دارەجەلى قار شاڭعى ساياحات - دەمالىس ورىندارىن ايىرۋدى، سونداي ـ اق قار شاڭعى ساياحات - دەمالىس ورىندارىنىڭ كەڭىستىك قۇرىلىمى، قار شاڭعى ساياحات بايلىعى، جوبالاپ سالۋ سياقتىلاردى جۇيەگە ٴتۇسىرۋدى العا قويدى. 11 - ايدىڭ 18 - كۇنى ەكى تاراۋ «مادەنيەت جانە ساياحات مينيسترلىگى كەڭسەسى، مەملەكەتتىك دەنە تاربيە باس مەكەمەسى كەڭسەسىنىڭ مەملەكەت دارەجەلى قار شاڭعى ساياحات - دەمالىس ورىندارىن تۇراقتاندىرۋ قىزمەتىن ورىستەتۋ جونىندەگى ۇقتىرۋىن» باسىپ تاراتىپ، بەيجيڭ يانچيڭ حايتو، حىبەي چۇڭلي، حىبي لاييۋان، ىشكى موڭعۇل زالانتۇن، لياۋنيڭ كۋانديان تيانچياۋگوۋ، جيلين فۋسۇڭ چاڭبايشان تاۋى، جيلين فىڭمان سۇڭحۋاحۋ كولى، حيلۇڭجياڭ يابىل كولى، سىچۋان دايي شيليڭ قارلى تاۋى، شانشي تايباي اۋشان تاۋى، شينجياڭ التاي جانە شينجياڭ ءۇرىمجى نانشان سياقتى 12 قار شاڭعى ساياحات - دەمالىس ورنىن مەملەكەت دارەجەلى قار شاڭعى ساياحات – دەمالىس ورنى ەتىپ بەكىتتى ٴارى ەكى تاراۋ اتىندا رەسمي جاريالادى.
كەلەسى قادامدا مادەنيەت جانە ساياحات مينيسترلىگى، مەملەكەتتىك دامۋ جانە رەفورما كوميتەتىمەن، مەملەكەتتىك دەنە تاربيە باس مەكەمەسىمەن بىرگە قار ـ مۇز ساياحاتىن دامىتۋ شارالارىن ۇزدىكسىز كەمەلدەندىرىپ، « قار ـ مۇز ساياحاتىن دامىتۋ ارەكەت جوسپارىن (2021 - 2023 جىل)» اتقارۋ سەرپىنىن ارتتىرىپ، بەيجيڭ قىسقى وليمپيادا سپورت جارىس ورايىن يگەرىپ، ساپالى قار ـ مۇز ساياحات ونىمدەرىن شىعارىپ، قار ـ مۇزعا ساياتىن تۇتىنۋدىڭ ورەسىن جوعارىلاتۋدى جەبەپ، قار ـ مۇز ونىمدەرىن جالپىلاستىرۋدى كۇشەيتىپ، جارىستان كەيىنگى الاڭ ـ سارايلاردىڭ پايدالانىلۋىن ىلگەرىلەتەدى.
تۇڭعىش توپتاعى مەملەكەت دارەجەلى قار شاڭعى ساياحات – دەمالىس ورنى تىزىمدىگى:
1. بەيجيڭ يانچيڭ حايتو قار شاڭعى ساياحات – دەمالىس ورنى
2. حىبەي لاييۋان قار شاڭعى ساياحات – دەمالىس ورنى
3. حىبەي چۇڭلي قار شاڭعى ساياحات – دەمالىس ورنى
4. ىشكى موڭعۇل زالانتۇن قار شاڭعى ساياحات – دەمالىس ورنى
5. لياۋنيڭ كۋانديان تيانچياۋگوۋ قار شاڭعى ساياحات – دەمالىس ورنى
6. جيلين فىڭمان سۇڭحۋاحۋ كولى قار شاڭعى ساياحات – دەمالىس ورنى
7. جيلين فۋسۇڭ چاڭبايشان تاۋى قار شاڭعى ساياحات – دەمالىس ورنى
8. حيلۇڭجياڭ يابىل كولى قار شاڭعى ساياحات – دەمالىس ورنى
9. سىچۋان دايي شيليڭ قارلى تاۋى قار شاڭعى ساياحات – دەمالىس ورنى
10. شانشي تايباي اۋشان تاۋى قار شاڭعى ساياحات – دەمالىس ورنى
11. شينجياڭ التاي قار شاڭعى ساياحات – دەمالىس ورنى
12. شينجياڭ ءۇرىمجى نانشان قار شاڭعى ساياحات – دەمالىس ورنى
(باس ستانسيا ورتالىق تەلەۆيزياسىنىڭ تىلشىلەرى ۋىن تيانيۋە، شۇي پانپان، ۋ ۋي)
اۋدارعان: قادىر ماقان
