تيانشان تورى   ›   جاڭالىقتار   ›   شينجياڭ حابارلارى

اۆتونوميالى رايوندىق 13 - كەزەكتى حالىق قۇرىلتايى 5 - ءماجىلىسى جابىلدى

اۆتونوميالى رايوندىق 13 - كەزەكتى حالىق قۇرىلتايى 5 - ءماجىلىسى جابىلدى

ما شيڭرۇي، ەركىن تۇنياز، نۇرلان ءابىلماجىن، شوكىرات زاكىر، نايىم ياسىن، جاڭ چۇنلين، حى جۇڭيوۋ قاتىناستى، شاۋكەت يمىن باسقاردى ءارى ءسوز سويلەدى

ەركىن تۇنياز اۆتونوميالى رايوننىڭ ءتوراعالىعىنا سايلاندى، تيان شياڭلي اۆتونوميالى رايوندىق باقىلاۋ - تەكسەرۋ كوميتەتىنىڭ مەڭگەرۋشىلىگىنە سايلاندى، اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى تولىقتىرىلىپ سايلاندى

ءتۇرلى قارارلاردى جانە اۆتونوميالى رايوننىڭ اۋىل - قىستاقتى گۇلدەندىرۋدى جەبەۋ ەرەجەسىن داۋىسقا سالىپ ماقۇلدادى

  1 - ايدىڭ 27 - كۇنى اۆتونوميالى رايوندىق 13 - كەزەكتى حالىق قۇرىلتايى 5 - ءماجىلىسى شينجياڭ حالىق سارايىندا جابىلدى. سۋرەتتە: ءماجىلىس زالى.

□ سۋرەتتى انار بۇلت / شينجياڭ گازەتىنىڭ ءتىلشىسى جوۋ پىڭ تۇسىرگەن

  انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 1 - ايدىڭ 27 - كۇنى ۇرىمجىدەن حابارلايدى. اۆتونوميالى رايوندىق 13 - كەزەكتى حالىق قۇرىلتايى 5 - ءماجىلىسى ءتۇرلى كەڭەستىك تارتىپتەرىن تابىسپەن ورىنداپ بولعاننان سوڭ، 1 - ايدىڭ 27 - كۇنى تۇستەن بۇرىن ۇرىمجىدە جابىلدى.

  ءماجىلىس ءتوراعالار القاسىنىڭ تۇراقتى ءتوراعالارى، اتقارۋشى ءتوراعالارى ما شيڭرۇي، شاۋكەت يمىن، جاڭ چۇنلين، حى جۇڭيوۋ، جاڭ جۋ، لي شۋەجۇن، سارقىت اقان، دۇڭ شينگۋاڭ، باداي، سو يۋە، لي نيڭپيڭ، توحتى ياقۇپ، مۇقيات جارمۇقامەت، ءمۇتالىپ روزى ءتوراعالار مىنبەسىنىڭ الدىڭعى قاتارىنان ورىن الدى، شاۋكەت يمىن جابىلۋ ءماجىلىسىن باسقاردى.

  ەركىن تۇنياز، نۇرلان ءابىلماجىن، شوكىرات زاكىر، نايىم ياسىن، تيان شياڭلي، چىن ۋيجۇن، ءزۇمىرات وبۇل، ياڭ فاسىن، ءيۇسۇپجان مامەت، ەلزات احمەتجان، قادەن كابەن جانە ءماجىلىس ءتوراعالار القاسىنىڭ قۇرامىنداعىلار ءتوراعالار مىنبەسىنەن ورىن الدى.

  ماجىلىسكە قاتىناسۋعا ءتيىستى ۋاكىل 546، ناقتى قاتىناسقانى 498، بۇل زاڭدا بەلگىلەنگەن ادام سانىنا ۇيلەسەدى.

  تۇستەن بۇرىن ساعات 10دا جابىلۋ ءماجىلىسى باستالدى. ءماجىلىس بادايدىڭ اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى، اۆتونوميالى رايوندىق 13 - كەزەكتى حالىق قۇرىلتايى ارناۋلى كوميتەتىنىڭ مەڭگەرۋشى مۇشەسى مىندەتىنەن بوساۋ ءوتىنىشىن قابىلداۋ جونىندەگى قاۋلىنى جانە دۇڭ شينگۋاڭنىڭ اۆتونوميالى رايوندىق 13 - كەزەكتى حالىق قۇرىلتايى ارناۋلى كوميتەتىنىڭ مەڭگەرۋشى مۇشەسى مىندەتىنەن بوساۋ ءوتىنىشىن قابىلداۋ جونىندەگى قاۋلىنى داۋىسقا سالىپ ماقۇلدادى؛ جاۋ چيڭنىڭ، قادىلبەك قامزانىڭ اۆتونوميالى رايوننىڭ ورىنباسار ءتوراعاسى مىندەتىنەن بوساۋ ءوتىنىشىن قابىلداۋ جونىندەگى قاۋلىنى داۋىسقا سالىپ ماقۇلدادى؛ باس بەلەت باقىلاۋشىلاردىڭ، بەلەت باقىلاۋشىنىڭ ەسىمدىگىن ماقۇلدادى.

  ءماجىلىس جاسىرىن داۋىس بەرۋ ءتاسىلى ارقىلى ەركىن تۇنيازدى اۆتونوميالى رايوننىڭ ءتوراعالىعىنا سايلادى؛ تيان شياڭليدى اۆتونوميالى رايوندىق باقىلاۋ - تەكسەرۋ كوميتەتىنىڭ مەڭگەرۋشىلىگىنە سايلادى؛ سارقىت اقاندى، جاۋ چيڭدى، قادىلبەك قامزانى اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلىگىنە تولىقتاپ سايلادى؛ چىن يشىنى، زاڭ اي - ۋدى، ايشام ءيۇنۇستى اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ مۇشەلىگىنە تولىقتاپ سايلادى.

  ءماجىلىس اۆتونوميالى رايوندىق 13 - كەزەكتى حالىق قۇرىلتايى ارناۋلى كوميتەتتەرىنىڭ مەڭگەرۋشى مۇشەلەرىنىڭ ەسىمدىگىن داۋىسقا سالىپ ماقۇلدادى؛ اۆتونوميالى رايوننىڭ اۋىل - قىستاقتى گۇلدەندىرۋدى جەبەۋ ەرەجەسىن داۋىسقا سالىپ ماقۇلدادى؛ ۇكىمەت قىزمەتىنەن بايانداما جونىندەگى، اۆتونوميالى رايوننىڭ 2021 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ احۋالى جانە اۆتونوميالى رايوننىڭ 2022 - جىلعى حالىق شارۋاشىلىعى مەن قوعامدىق دامۋ جوسپارى جونىندەگى، اۆتونوميالى رايوننىڭ 2021 - جىلعى مەجە ەسەبىنىڭ اتقارىلۋ احۋالى جانە اۆتونوميالى رايوننىڭ 2022 - جىلعى مەجە ەسەبى جونىندەگى، اۆتونوميالى رايوندىق حالىق قۇرىلتايى تۇراقتى كوميتەتىنىڭ قىزمەتىنەن بايانداما، اۆتونوميالى رايوندىق جوعارى حالىق سوتى مەكەمەسىنىڭ قىزمەتىنەن بايانداما، اۆتونوميالى رايوندىق حالىق پروكۋراتۋراسىنىڭ قىزمەتىنەن بايانداما جونىندەگى قارارلاردى داۋىسقا سالىپ ماقۇلدادى.

  ءماجىلىس ءتۇرلى كەڭەستىك تارتىپتەرىن ورىنداپ بولعاننان سوڭ، نەگىزگى زاڭعا سەرت بەرۋ سالتىن وتكىزدى. جاڭادان سايلانعان اۆتونوميالى رايوننىڭ ءتوراعاسى، اۆتونوميالى رايوندىق باقىلاۋ - تەكسەرۋ كوميتەتىنىڭ مەڭگەرۋشىسى، اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى جانە مۇشەلەرى ماجىلىسكە قاتىناسقان ۋاكىلدەردىڭ كۋا بولۋىندا سالتاناتپەن سەرت بەردى. ەركىن تۇنياز باستاپ سەرت بەردى.

  سەرت بەرۋ سالتى اياقتاعاننان كەيىن شاۋكەت يمىن ءسوز سويلەدى. ول بىلاي دەدى: اۆتونوميالى رايوندىق 13 - كەزەكتى حالىق قۇرىلتايى 5 - ءماجىلىسى كەزىندە ۋاكىلدەر مۇقيات تالقىلاپ، قاراپ، بەلسەنە سىندارلى اقىل - كەڭەس بەرىپ، زاڭ بويىنشا قىزمەت ۇقىعىن اتقاردى، ءماجىلىس تولىق تابىسقا جەتتى. بۇل ءبىر رەتكى ”ەكىنى تۇراقتاندىرۋدى“ باتىل قورعاعان، ”ەكىنى قورعاۋدى“ ادالدىقپەن امالياتتا ايگىلەگەن ءماجىلىس، ءبىر رەتكى زاڭمەن باسقارۋ تۋىن بيىك ۇستاعان، زاڭمەن باسقارۋ رۋحىن اسقاقتاتقان ءماجىلىس، ءبىر رەتكى زەيىن - زەردەنى، كۇش - قۋاتتى ۇيىستىرعان، ىنتىماقتاسا ناقتى ىستەر ىستەگەن ءماجىلىس، ءبىر رەتكى رۋحتى سەرپىلتكەن، قايراتتانا العا ىلگەرىلەگەن ءماجىلىس بولدى، بۇكىل شينجياڭداعى ءار ۇلت كادر - جۇرتشىلىعىن جاڭا داۋىرگە ۇلەس قوسۋعا، جاڭا جورىقتا ەكپىندەي ىلگەرىلەۋگە، جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋعا شابىتتاندىراتىندىعى داۋسىز.

  شاۋكەت يمىن بىلاي دەپ اتاپ كورسەتتى: بيىل پارتيامىزدىڭ 20 - قۇرىلتايى اشىلادى. ايبىندى دا سالتاناتتى جاڭا جورىق − مىندەت اۋىر، جول ۇزاق جاڭا جورىق. ءبىز ستراتەگيالىق تاباندىلىقتى ساقتاپ، سەنىمدى، بەكىمدى نىعايتىپ، اقىل - پاراساتتى، كۇش - قۋاتتى شوعىرلاندىرىپ، اسقاق جىگەرمەن قايراتتانا ۇمتىلىپ، مويىماس تاباندىلىقپەن جاڭا داۋىردەگى جاڭا جورىقتا جاڭا بەينە، جاڭا ىسكەرلىك كورسەتۋىمىز كەرەك. بەتالىستى مىقتى يگەرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى مادەنيەتپەن نارلەندىرۋگە، حالىقتى بايىتىپ شينجياڭدى گۇلدەندىرۋگە، شينجياڭدى باياندى كوركەيتۋگە تاباندى بولىپ، ايبىندى جوبانى نىق قاداممەن تاماشا رەالدىققا اينالدىرۋىمىز؛ اۋەلگى ماقساتقا بولاتتاي بەرىك بولىپ، حالىقتىڭ تاماشا تۇرمىسقا دەگەن تىڭ ارمانىن قاناعاتتاندىرۋدى شىعار ءتۇيىن جانە تابان تىرەر تياناق ەتىپ، حالىق تۇرمىسىمەن تىعىز جاناسىپ، جوعارى ساپالى دامۋدى ىلگەرىلەتىپ، بىرگە بايۋدى تىڭعىلىقتى ىلگەرىلەتىپ، حالىق تۇرمىسىنداعى ناقتى ىستەردى تىنباي جاقسى ىستەپ، جۇڭحۋا ۇلتى ورتاق تۇلعا تانىمىن بەرىك ورناتىپ، ءار ۇلت حالقىن اناعۇرلىم تاماشا تۇرمىستى بىرگە جاراتۋعا ىنتىماقتاستىرۋىمىز، ۇيىستىرۋىمىز؛ زاڭمەن باسقارۋدى بۇلجىتپاي اتقارىپ، مەملەكەتتى جاپپاي زاڭمەن باسقارۋ تالابىن شينجياڭ قىزمەتىنىڭ ءارقايسى سالاسىندا تياناقتاندىرىپ، شينجياڭدى زاڭمەن باسقارۋدى، زاڭ بويىنشا بيلىك جۇرگىزۋدى، زاڭ بويىنشا اكىمشىلىك جۇرگىزۋدى بىرگە ىلگەرىلەتۋگە، زاڭمەن باسقارىلاتىن شينجياڭدى، زاڭمەن باسقارىلاتىن ۇكىمەتتى، زاڭمەن باسقارىلاتىن قوعامدى ءبىر تۇلعالاندىرا قۇرۋعا تاباندى بولىپ، زاڭمەن باسقارۋ ارناسىندا شينجياڭدى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋىمىز؛ ايانباي كۇرەس جۇرگىزىپ، تاۋقىمەت تانىمىن كۇشەيتىپ، كۇرەسكەرلىك رۋحتى ساۋلەلەندىرىپ، باتىلدىقپەن جاۋاپكەرشىلىك ارقالاپ، جاۋاپكەرشىلىكتى ارقالاي الىپ، شىندىقتى ءىس جۇزىنەن ىزدەپ، شىنايى يگەرىپ ناقتى ءىس ىستەپ، فورماشىلدىقتى، تورەشىلدىكتى باتىل تيىپ، تاريحتىڭ ۇمىتىنەن شىعاتىن، ءداۋىردىڭ ۇمىتىنەن شىعاتىن، حالىقتىڭ ۇمىتىنەن شىعاتىن جاۋاپناما تاپسىرۋعا قۇلشىنىپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الۋىمىز كەرەك.

  ءماجىلىس ايبىندى مەملەكەت ءانى ءۇنى ىشىندە جابىلدى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.