شينجياڭعا ساياتىن ماسەلەلەر جونىندەگى اقپار جاريالاۋ ءماجىلىسى بەيجيڭدە اشىلدى
شينجياڭداعى ءار ۇلت بۇقاراسى بەيجيڭ قىسقى وليمپيادا سپورت جارىسىنا جالىندى قايرات ۇستەدى
انار بۇلت/ شينجياڭ گازەتىنىڭ ءتىلشىسى جىڭ جو 1 - ايدىڭ 27 - كۇنى بەيجيڭنەن حابارلايدى. 1 - ايدىڭ 27 - كۇنى شينجياڭ ۇيعۇر اۆتونوميالى رايونى بەيجيڭدە شينجياڭعا ساياتىن ماسەلەلەر جونىندە اقپار جاريالاۋ ءماجىلىسىن اشىپ، شينجياڭنىڭ بەيجيڭ قىسقى وليمپيادا سپورت جارىسىنا قاتىناسۋى جانە شينجياڭنىڭ قار - مۇز سپورتى، قار - مۇز ساياحاتى جاعدايلارىن تانىستىردى ءارى امەريكانىڭ، باتىستاعى ءىشىنارا ەلدەردىڭ ايتىلمىس شينجياڭدا ”زورلىقپەن ەڭبەككە سالۋ“ ءومىر ءسۇرىپ وتىر دەگەندى سىلتاۋ ەتىپ، بەيجيڭ قىسقى وليمپيادا سپورت جارىسىن ”تەجەۋ“ دەگەن ايعاي - سۇرەن كوتەرگەن بوگدە ءۇنى جونىندە ايقىن پوزيتسيا ءبىلدىردى.
تاياۋدا بۇراتالا موڭعۇل اۆتونوميالى وبلىسى اراسان اۋدانىنداعى مالشىلاردىڭ قولدارىنا مەملەكەت تۋىن ۇستاپ وليمپيادا ساڭلاقتارىن اتپەن شىعارىپ سالعان قىسقا بەينەجازباسى الەۋمەتتىك جەلى تۇعىرىندا كەڭىنەن تارالدى. 1 - ايدىڭ 27 - كۇنى شينجياڭ ۇيعۇر اۆتونوميالى رايوندىق حالىق ۇكىمەتىنىڭ اقپارات مالىمدەمەشىسى يليجان انايات اقپار جاريالاۋ ماجىلىسىندە اقپارات مەديالارىنا قاتىستى جاعدايلاردى تانىستىردى. ”مەملەكەتتىك دالالىق قار شاڭعى كومانداسى سول ارادا ءبىر ايدان استام ۋاقىت شوعىرلى جاتتىعۋ جاساپ، جەرگىلىكتى ءار ۇلت بۇقاراسىمەن قويۋ سۇيىسپەنشىلىك ورناتتى“. يليجان انايات بىلاي دەدى: جەرگىلىكتى مالشىلار وليمپيادا ساڭلاقتارىنىڭ جولعا شىعاتىندىعىنان حابار تاپقاننان كەيىن، وزدىكتەرىنەن اتقا ءمىنىپ، مەملەكەت تۋىن كوتەرىپ، قۇيعىتا ارتتارىنان ەرىپ شىعارىپ سالىپ، بەيجيڭ قىسقى وليمپيادا سپورت جارىسىنىڭ وتكىزىلۋىنە قۋانىشتارى مەن تىلەكتەرىن ءبىلدىردى، بۇل شينجياڭداعى 25 ميلليوننان استام ءار ۇلت بۇقاراسىنىڭ دا ورتاق جۇرەك ءۇنى.
”شينجياڭ ىلگەرىندى - كەيىندى قىسقا ارالىقتا تەز سىرعاناۋ، دالالىق قار شاڭعى تەبۋ، اسقار تاۋدا قار شاڭعى تەبۋ جانە شاڭعىمەن تاۋعا شىعۋ كوماندالارىن ۇيىمداستىردى، جالپى تۇلعالىق ناقتى قۋاتى ۇزدىكسىز كۇشەيۋدە“. اۆتونوميالى رايوندىق دەنە تاربيە مەكەمەسىنىڭ باستىعى گۇلي ابلەم بىلاي دەپ تانىستىردى: قازىر شينجياڭدا ءبىر سپورتشى قىسقى وليمپيادا سپورت جارىسىنىڭ مۇزدا تەز سىرعاناۋ تۇرىندە جارىسقا قاتىناسۋ تولىمدىلىعىنا يە بولدى، 2 سپورتشىنىڭ دالالىق قار شاڭعى تەبۋ تۇرىندە جارىسقا قاتىناسۋ تولىمدىلىعىنا يە بولۋىنان ءۇمىت بار.
اقپار جاريالاۋ ءماجىلىسى التاي قالاسى گەنەرال تاۋى قار شاڭعى الاڭىنىڭ قىزمەتكەرلەرىمەن، سونداي - اق بايىرعى تەرى شاڭعى جاساۋ ونەرىنىڭ جالعاستىرۋشىسى سىلامبەك ساقىشپەن بەينە ەكراندا بايلانىسقا شىعىپ، قار - مۇز سپورتى بەينەجازبالارىن قويىپ، سول جەردە اقپارات مەديالارىنىڭ ”بۇلتتا“ شينجياڭدى ارالاۋىنا مۇمكىندىك جاسادى.
”شينجياڭ قار - مۇز التىن ەندىك بەلدەۋىنە ورنالاسقان، قار - مۇز بايلىعىنىڭ ەرەكشەلىگى توتەنشە ايقىن“. اۆتونوميالى رايوندىق مادەنيەت جانە ساياحات مەڭگەرمەسىنىڭ ورىنباسار باستىعى ليۋ چۋان بىلاي دەدى: قار - مۇز بايلىعىنىڭ ەرەكشەلىگى جاقسى بولۋدان تىس، قويۋ ۇلتتىق سالت - سانا، تاڭعاجايىپ قار - مۇز كورىنىس ءوڭىرى، اراسان جانە جاسىل ەكولوگيالىق ورگانيكالىق ازىق - تۇلىكتەرى ”قار - مۇز سپورتى + قار - مۇزدا سەرۋەندەۋ + ۇلتتىق سالت - سانانى سەزىنۋ + ەرەكشە كوشە اۋماعى + اراساندا ەمدەلۋ“ سياقتى كوپ نەگىز بىرىكتىرىلگەن قار - مۇز ساياحاتى ونىمدەرىن قۇراعان.
شينجياڭ ۇيعۇر اۆتونوميالى رايوندىق حالىق ۇكىمەتىنىڭ اقپارات مالىمدەمەشىسى شۇي گۇيشياڭ مىنالاردى ءبىلدىردى: بەيجيڭ قىسقى وليمپيادا سپورت جارىسى شينجياڭنىڭ قار - مۇز سپورتى مەن قار - مۇز ساياحات كاسىپ سالاسىنىڭ دامۋىنا ەلەۋلى وراي اكەلدى، قازىر التاي تاۋى، تيانشان تاۋى 2 قار - مۇز ساياحات بەلدەۋى قالىپتاسىپ، 72 قار شاڭعى الاڭى سالىنىپ، كوپ ءتۇرلى كاسىپ سالاسىنا بىرگە اسەر ەتىپ، كوپ نەگىزدى تۇتىنۋدى جەدەلدەتىپ، اناعۇرلىم كوپ جۇمىستانۋعا جەتەكتەپ، ”قارلى دالا، مۇزدى القاپ“ ءار ۇلت بۇقاراسىنىڭ كىرىستى ارتتىرىپ، بايۋداعى ”باعالى بايلىعىنا“ اينالدى.
امەريكانىڭ، باتىستاعى ءىشىنارا ەلدەردىڭ بەيجيڭ قىسقى وليمپيادا سپورت جارىسىن ”ديپلوماتيا ارقىلى تەجەۋ“ ايعاي - سۇرەنىن كوتەرگەن ارەكەتىنە مەڭزەس، جۋىقتا رەسەي، يتاليا، شۆەتساريا سياقتى كوپتەگەن ەلدەردىڭ باسشىلارى مەن ۇكىمەت ءمانساپتىلارى جابال مىنانى ءبىلدىردى: وليمپيادا سپورتى ساياسيلاندىرىلماۋ كەرەك، بەيجيڭ قىسقى وليمپيادا سپورت جارىسىنىڭ ءساتتى وتكىزىلۋىن قولدايمىز. بۇل جونىندە شۇي گۇيشياڭ مىنانى اتاپ كورسەتتى: بەيجيڭ قىسقى وليمپيادا سپورت جارىسى ساياسي جارنامالاۋدىڭ جانە ساياسي ويىن ويناۋدىڭ ساحناسى ەمەس. امەريكاداعى، باتىستاعى جۇڭگوعا قارسى كۇشتەر ساياسي احىلاقتان مۇلدە جۇرداي، ايتىلمىس شينجياڭدا ”زورلىقپەن ەڭبەككە سالۋ“ ءومىر ءسۇرىپ وتىر دەگەن ماسەلەنى بەيجيڭ قىسقى وليمپيادا سپورت جارىسىمەن بايلانىستىرىپ، قاساقانا بولشەكتەۋ، جاۋلاسۋ جانە قارسىلاسۋ تۋدىرماقشى، بۇل، ءىس جۇزىندە، ”قىرعي قاباقتىق سوعىس ويىن“ زىمياندىقپەن قايتا تىرىلتكەندىك، ”شينجياڭ ارقىلى جۇڭگونى شاۋجايلاۋدىڭ“ سۇرقيالىق ويىنى، الەمنىڭ بىلىعۋىن تىلەيتىن سۇرقيا سايقالدىق، «وليمپيادا سپورت جارىسى ەرەجەسى» رۋحىن الىمسىنباعاندىق، مۇنىڭ جۇڭگو حالقى مەن دۇنيە ءجۇزى حالقىنىڭ قارسىلىعىنا ۇشىرايتىندىعى داۋسىز.
