− اۆتونوميالى رايوندىق ەكى ماجىلىستەن قيىقتار
□ انار بۇلت / شينجياڭ گازەتىنىڭ ءتىلشىسى رىن جياڭ
ءتۇرلى كەڭەس تارتىپتەرىن ءساتتى ورىنداعان اۆتونوميالى رايوندىق ەكى ءماجىلىس جەڭىسپەن جابىلدى! كۇن نۇرىنىڭ شۇلەن شۇعىلاسىندا ۋاكىلدەر مەن مۇشەلەر كوكىرەك تولى سەنىمگە بولەنىپ، ارشىندى قاداممەن العا بەت الدى.
جاڭا عانا وتكەن ءبىر جىلدا، شينجياڭنىڭ قوعامدىق كەلەلى جاعدايى ءۇرتىس ورنىقتى بولىپ، ەكونوميكاسى ءۇرتىس اقاۋسىز دامىدى، ءتۇرلى ىستەرى ۇزدىكسىز العا باسىپ، ءار ۇلت حالقى تىنىش ءومىر، شات - شادىمان تىرشىلىك كەشىرىپ، بۇكىل ەلمەن بىرگە جاپپاي دوڭگەلەك داۋلەتتى قوعام ورناتىپ، ”14 - بەسجىلدىقتىڭ“ تاماشا باستاماسىن جۇزەگە اسىردى.
بيىل پارتيا 20 - قۇرىلتايى اشىلاتىن جىل، سونداي - اق شينجياڭداعى ءار ۇلت حالقىنىڭ جاڭا جورىققا اسقاق جىگەرمەن قايراتتانا ۇمتىلىپ، ءبىر نيەتپەن ىنتىماقتاسىپ بولاشاققا بەت الاتىن شەشۋشى جىل. وسى ءبىر بەلەستىك مانگە يە تاريحي تۇيىندە، ۋاكىلدەر مەن مۇشەلەر ۇسىنىس - پىكىرلەردى ورتاعا قويىپ، ورەلى اقىل - كەڭەس بەرىپ، ناقتى شارا الىپ شىعىپ، بورىشتارىن وتەپ، مىندەتتەرىن اتقارىپ، جاۋاپكەرشىلىكتەرىن ادا ەتىپ، بۇكىل شينجياڭداعى ءار ۇلت حالقىن اسقاق جىگەرمەن قايراتتانا ۇمتىلىپ، مويىماس تاباندىلىقپەن العا باسۋعا، قولايلى ساتتەن ۇتىمدى پايدالانىپ، ۇزدىكسىز كۇرەس جاساۋعا، ءبىر نيەتپەن سەلبەسىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا اتتانىسقا كەلتىردى جانە ىنتىماقتاستىردى!
جاڭا ءداۋىر دابىلى الدەقاشان قاعىلدى، ”ەكىنشى 100 جىلدىق“ كۇرەس نىساناسىنا قاراي شەرۋ تارتقان جاڭا جورىق الدەقاشان باستالدى. بەرىك سەنىممەن جوبا - جوسپار جاساپ، ىنتىماقتاسا قايراتتانىپ بولاشاققا بەت الدىق. شينجياڭنىڭ ەكونوميكالىق، قوعامدىق دامۋىنىڭ جوبا - جوسپارى جاسالدى، بۇل رۋحىمىزدى سەرپىلتىپ، ۋاقىتتى قولدان بەرمەي، بىلەك سىبانا قايراتتانا ىستەۋىمىزگە مۇمكىندىك جاسادى.
ورتاق تانىمدى ۇيىستىرىپ جاڭا جاعداي اشىپ، كۇش - قۋات توپتاپ جاڭا جورىققا اتتاندى. جاڭا ەمتيحان تاپسىرۋ جولىندا اۋەلگى ماقساتتى ۇمىتپاي، بورىشتى ەستە بەرىك ساقتاپ، ”ەكى كەلەلى جاعدايدى“ كوكەيگە ۇيالاتىپ، ”مەملەكەتتىڭ زور ءىسىن“ ەستە بەرىك ساقتاپ، جاڭا داۋىردە كۇرەس جاساپ، جاڭا جورىقتا ەكپىندەي ىلگەرىلەپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەمەن قارسى الايىق!
1 - ايدىڭ 27 - كۇنى اۆتونوميالى رايوندىق 13 - كەزەكتى حالىق قۇرىلتايىنىڭ 5 - ءماجىلىسى شينجياڭ حالىق سارايىندا جابىلدى. سۋرەتتە: ءماجىلىس ءساتى.
1 - ايدىڭ 24 - كۇنى اۆتونوميالى رايوندىق 13 - كەزەكتى حالىق قۇرىلتايىنىڭ 5 - ماجىلىسىنە قاتىناسقان اقسۋ ايماعى ۋاكىلدەر ۇيىرمەسىنىڭ ۋاكىلدەرى گرۋپپالارعا ءبولىنىپ قاراعان ارەدىكتە ۇكىمەت قىزمەتىنەن باياندامانى قىزۋ تالقىلادى.
1 - ايدىڭ 25 - كۇنى اۆتونوميالى رايوندىق ساياسي كەڭەس 12 - كەزەكتى كوميتەتى 5 - ءماجىلىسىنىڭ جابىلۋ جيىنىنا قاتىناسقان مۇشەلەر شينجياڭ حالىق سارايىنان شىعىپ كەلەدى.
1 - ايدىڭ 26 - كۇنى ۋاكىل اينيسا ءيۇسۇپ تۇرپان قالاسى ۋاكىلدەر ۇيىرمەسىنىڭ باياندامانى گرۋپپالارعا ءبولىنىپ قاراۋىنا قاتىناسقاندا، اۋىل شارۋاشىلىعى، اۋىل - قىستاق رەفورماسىن ۇزدىكسىز تەرەڭدەتۋ جونىندە ءسوز سويلەدى.
1 - ايدىڭ 22 - كۇنى مۇشە ابليكىم قۇسايىن گرۋپپالارعا ءبولىنىپ تالقى ورىستەتكەندە، وڭىرلىك ورتاق ماركا قۇرىلىسىنا ءمان بەرۋ توڭىرەگىندە ۇسىنىس بەردى.
1 - ايدىڭ 23 - كۇنى مۇشە سەرجان ۇعىباي گرۋپپالارعا ءبولىنىپ تالقى ورىستەتكەندە، قورعاس زات تاسىمالداۋ، جيناۋ - جونەلتۋ ورتالىعىن قۇرۋ جونىندە ءسوز سويلەدى.
1 - ايدىڭ 27 - كۇنى اۆتونوميالى رايوندىق 13 - كەزەكتى حالىق قۇرىلتايىنىڭ 5 - ءماجىلىسى شينجياڭ حالىق سارايىندا جابىلدى. سۋرەتتە: ۋاكىلدەر سايلاۋعا داۋىس بەرۋدە.
□ بۇل بەتتەگى سۋرەتتەردى انار بۇلت / شينجياڭ گازەتىنىڭ تىلشىلەرى لۋ مين - ي، سۇي جىجيان، جوۋ پىڭ، تاڭ يۇڭ، وتكىر نيجات تۇسىرگەن
