شي جينپيڭ كوكتەم مەرەكەسى قارساڭىندا ورتا بولىك سوعىس رايونىن كوزدەن كەشىردى، حال سۇرادى
بارشا حالىق ازاتتىق ارمياسى كوماندير - جاۋىنگەرلەرىنىڭ، قارۋلى ساقشى بولىمدەرى وفيتسەر - جاۋىنگەرلەرىنىڭ، ارميانىڭ اكىمشىلىك قىزمەتكەرلەرىنىڭ، زاپاستاعى حالىق جاساقتارىنىڭ كوكتەم مەرەكەسىن قۇتتىقتادى
1 - ايدىڭ 28 - كۇنى جۇڭحۋا ۇلتىنىڭ ءداستۇرلى مەرەكەسى كوكتەم مەرەكەسى كەلۋ قارساڭىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ورتا بولىك سوعىس رايونىنا بارىپ كوزدەن كەشىردى، حال سۇرادى، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان بارشا حالىق ازاتتىق ارمياسى كوماندير - جاۋىنگەرلەرىنەن، قارۋلى ساقشى بولىمدەرى وفيتسەر - جاۋىنگەرلەرىنەن، ارميانىڭ اكىمشىلىك قىزمەتكەرلەرىنەن، زاپاستاعى حالىق جاساقتارىنان شىنايى حال سۇرادى جانە ولاردىڭ كوكتەم مەرەكەسىن قۇتتىقتادى. سۋرەتتە: شي جينپيڭ ورتا بولىك سوعىس رايونىنىڭ بىرلەسىپ سوعىس جۇرگىزۋ قولباسشىلىق ورتالىعىنا كەلىپ، سوعىس رايونىنىڭ شەتەلدەگى بەيبىتشىلىكتى قورعاۋ جاياۋ اسكەرلەر يىڭىمەن، ينجەنەريا اسكەرلەرى بولىمشە اترەتىمەن جانە ەمدەۋ بولىمشە اترەتىمەن، تىك ۇشاق بولىمشە اترەتىمەن بەينە ەكراندا سويلەستى.
□ سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن (بىرىكتىرىلگەن سۋرەت)
شينحۋا اگەنتتىگىنىڭ 1 - ايدىڭ 28 - كۇنى بەيجيڭنەن بەرگەن حابارى (ءتىلشى مەي چاڭۋي). جۇڭحۋا ۇلتىنىڭ ءداستۇرلى مەرەكەسى كوكتەم مەرەكەسى كەلۋ قارساڭىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 1 - ايدىڭ 28 - كۇنى ورتا بولىك سوعىس رايونىنا بارىپ كوزدەن كەشىردى، حال سۇرادى، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان بارشا حالىق ازاتتىق ارمياسى كوماندير - جاۋىنگەرلەرىنەن، قارۋلى ساقشى بولىمدەرى وفيتسەر - جاۋىنگەرلەرىنەن، ارميانىڭ اكىمشىلىك قىزمەتكەرلەرىنەن، زاپاستاعى حالىق جاساقتارىنان شىنايى حال سۇرادى جانە ولاردىڭ كوكتەم مەرەكەسىن قۇتتىقتادى.
كوكتەم مەرەكەسىنىڭ تاياۋىمەن استانا بەيجيڭ دۋماندى مەرەكەلىك بەينەگە شومدى. تۇستەن كەيىن ساعات 4 مولشەرىندە شي جينپيڭ ورتا بولىك سوعىس رايونى بىرلەسىپ سوعىس جۇرگىزۋ قولباسشىلىق ورتالىعىنا كەلىپ، اۋەلى، سوعىس رايونى قۇرىلىسى جانە سوعىس رايونى بىرلەسىپ سوعىس جۇرگىزۋ قولباسشىلىق ورتالىعىنىڭ جۇمىس جاعدايى اڭىس ەتىلگەن كوپ مەديالى فيلمدى كورىپ، قاتىستى جاعدايلاردان بەرىلگەن مالىمەتتى تىڭدادى.
ونان سوڭ شي جينپيڭ ورتا بولىك سوعىس رايونىنىڭ شەتەلدەگى بەيبىتشىلىكتى قورعاۋ بولىمشە اترەتتەرىمەن بەينە ەكراندا سويلەستى. بەيبىتشىلىكتى قورعاۋ جاياۋ اسكەرلەر يىڭىنەن، ينجەنەريا اسكەرلەرى بولىمشە اترەتىنەن، ەمدەۋ بولىمشە اترەتىنەن، تىك ۇشاق بولىمشە اترەتىنەن كەلگەن جولداستار بىركەلكى قاتارعا تۇرىپ، رەت بويىنشا شي جينپيڭگە مالىمەت بەردى. شي جينپيڭ ولاردان، سونداي - اق ارميامىزدىڭ شەتەلدە مىندەت اتقارىپ جاتقان بارلىق وفيتسەر - جاۋىنگەرلەرىنەن حال سۇرادى. شي جينپيڭ بىلاي دەپ باسا دارىپتەدى: بەيبىتشىلىكتى قورعاۋ بورىشىن ادالدىقپەن اتقارىپ، دۇنيە ءجۇزىنىڭ بەيبىتشىلىگىن قورعاۋعا اناعۇرلىم كوپ جۇڭگو كۇشىن ارناپ، دۇنيە جۇزىنە جۇڭگو ارمياسىنىڭ تاماشا وبرازىن ايگىلەۋ كەرەك. بەيبىتشىلىكتى قورعاۋ مىندەت رايوندارىنىڭ ورتاسى كۇردەلى، حاۋىپسىزدىك ساقتىعىن كۇشەيتىپ، ىندەتتەن ساقتانۋ - تىزگىندەۋدى ويداعىداي ىستەۋگە ءمان بەرۋ كەرەك.
شاتىرلاعان شاپالاق ءۇنى ىشىندە شي جينپيڭ ورتا بولىك سوعىس رايونىنداعى وفيتسەر - جاۋىنگەرلەر ۋاكىلدەرىن ىقىلاسپەن قابىلداپ، كوپشىلىكپەن سۋرەتكە ءتۇسىپ ەستەلىك قالدىردى. شي جينپيڭ ورتا بولىك سوعىس رايونىنىڭ قۇرىلعاننان بەرى قۇرىلىس جۇرگىزۋ، دامۋ جانە مىندەت ورىنداۋ جاعدايىن تولىق تۇراقتاندىردى. ول بىلاي دەپ باسا دارىپتەدى: جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن ىشكەرىلەي دايەكتىلەندىرىپ، ءتۇرلى مىندەتتەردى جوعارى ولشەممەن ويداعىداي ورىنداپ، سوعىس رايونىنىڭ قۇرىلىس جانە سوعىسقا دايىندالۋ، سوعىس جۇرگىزۋ قىزمەتتەرىنىڭ جاڭا جاعدايىن ۇزدىكسىز اشىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋ كەرەك.
شي جينپيڭ سوڭىندا بىلاي دەپ باسا دارىپتەدى: كوكتەم مەرەكەسى تايادى، بەيجيڭ قىسقى وليمپيادا سپورت جارىسى باستالۋ الدىندا تۇر. بۇكىل ارمياداعى اسكەري بولىمدەر سوعىس دايىندىعى كەزەكشىلىگىن كۇشەيتىپ، مەملەكەتتىڭ حاۋىپسىزدىگى مەن قوعام ورنىقتىلىعىن ويداعىداي قورعاۋ كەرەك. جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىن ويداعىداي ىستەپ، مەرەكە كەزىندەگى تۇرمىستى ويداعىداي ورنالاستىرىپ، وفيتسەر - جاۋىنگەرلەردىڭ كوكتەم مەرەكەسىن شات - شادىمان، بەرەكەلى، حاۋىپسىز وتكىزۋىنە مۇمكىندىك جاساۋ كەرەك.
شۇي چيلياڭ، جاڭ يوۋشيا، ۋي فىڭحى، لي زوچىڭ، مياۋ حۋا، جاڭ شىڭمين قاتارلىلار قيمىلعا قاتىناستى.
