تيانشان تورى
تيانشان تورى   ›   جاڭالىقتار   ›   شينجياڭ حابارلارى

شىڭىراۋ قىستاعىنىڭ جاڭا ۇيلەرى قالالىقتاردى ءتانتى ەتتى

□ انار بۇلت / شينجياڭ گازەتىنىڭ تىلشىلەرى ياۋ گاڭ، رىن جياڭ

  1 - ايدىڭ 20 - كۇنى ەرتەمەن ليۋ يۋەلۇن ەلەكترسيكلىنە ءمىنىپ جاڭا ۇيىنە كەلدى. ”ساتىپ العان 11 قالتا سەمەنت بۇگىن كەلەدى، كوكتەم مەرەكەسىنەن بۇرىن ەدەن كەرپىشىن توسەپ بولا الاتىن بولدىم“، - دەدى ليۋ يۋەلۇن.

  التاي قالاسى ءابيتان قالاشىعى شىڭىراۋ قىستاعىنا بارا قالساڭىز، قاز - قاتار سالىنعان حۇيجوۋ قۇرىلىسى ۇلگىسىندەگى ايىرىم - ايىرىم سالىنعان 2 قاباتتى شاعىن عيماراتتار كوز الدىڭىزعا تارتىلادى. ”240 شارشى مەتر، قوس قاباتتى، ەدەننەن جىلىنادى، اۋىز سۋ قۇبىرى مەن لاس سۋ ىعىستىرۋ قۇبىرى تولىق، ەدەنگە تۇتاسقان ۇلكەن تەرەزەدەن جارىق جاقسى تۇسەدى، ساراي ۇيدەن پارقى جوق دەۋگە بولادى“، - دەدى تىلشىگە جاڭا ءۇيىن كورسەتە جۇرگەن ليۋ يۋەلۇن ءوزىنىڭ اشەكەيلەۋ ويىن اڭگىمەلەپ.

  شىڭىراۋ قىستاعى التايدىڭ وڭتۇستىك قاقپاسىنا ورنالاسقان، توڭىرەگىندەگى 14 كيلومەترلىك اۋماقتا اۋەجاي، ۆوكزال، جولاۋشى تاسىمال بەكەتى سياقتىلار ورنالاسقان بولىپ، 3 جوعارى جىلدامدىقتى تاس جولمەن كورشىلەس جاتادى، قاتىناس ابزالدىلىعى وسى قىستاقتىڭ ساياحات كاسىبىن دامىتۋىنا نەگىز قالادى.

  2020 - جىلى قىستاق قىستاق تۇرعىندار ۋاكىلدەرىن قارامايلى قالاسى ورقى رايونى ورقى قالاشىعى شاعانساۋ قىستاعىن ەكسكۋرسيالاۋعا ۇيىمداستىردى. ”ولار تۇتاس قىستاق بويىنشا ساياحات كاسىبىن دامىتىپ، حالىقتىق تۇسەلحانا قۇرىپتى، جەرگىلىكتى ورىنداعى كادرلاردىڭ نىساننىڭ بولاشاعى جونىندەگى تانىستىرۋىن ەستىپ، قىستاق حالقىنىڭ باقىتتى تۇرمىسىن كورىپ، ەرەكشە ءتانتى بولدىم“. سول جولعى ەكسكۋرسيا ليۋ يۋەلۇنعا ەرەكشە اسەر قالدىرىپتى، ”سونىمەن قىستاعىمىز قالا - قالاشىقتاندىرۋ قۇرىلىسىن جۇرگىزگەندە، مەن ەڭ الدىمەن قول قويىپ، ماقۇل بولدىم“، - دەدى ول.

  ”ەگىنشى - مالشى سالاۋاتى وزگەرمەيدى، تۇرعىن ۇيلىك جەردەن پايدالانۋ ۇقىعى وزگەرمەيدى، كوللەكتيۆ تابىس ءبولىسى ۇقىعى وزگەرمەيدى“، وسى پرينسيپكە ساي 2021 - جىلى شىڭىراۋ قىستاعىنداعى 64 وتباسى تۇرعىنى وزدەرىنىڭ بوس جاتقان تۇرعىن ۇيلىك جەرلەرىن ىرىقتى تۇردە بوساتىپ بەرەدى ءارى قىستاق تۇرعىندارى وزدەرى تاڭداعان وكىلەتتى قۇرىلىس جۇرگىزۋشى جاققا شاقتىرىپ، مۇنى شىڭىراۋ قىستاعى پارتيا ياچەيكاسى، قىستاق تۇرعىندار كوميتەتى ءبىر تۇتاس جوبالاپ، ءبىر تۇتاس قۇرىلىس جۇرگىزىپ، شىڭىراۋ قىستاعىنىڭ قالا - قالاشىقتانۋ قۇرىلىسىن ىلگەرىلەتتى.

  اۋلاسى 400 شارشى مەتر، ءۇيدىڭ اۋدانى 80 − 240 شارشى مەترلىك 6 ءتۇرلى ءۇي ۇلگىسى بار بولىپ، قىستاق تۇرعىندارى وزدەرىنىڭ ەكونوميكالىق قۋاتىنا نەگىزدەلىپ وزدەرى تاڭدايدى. ءابيتان قالاشىعى پارتكومىنىڭ مۇشەسى گىڭ گۋاڭچاۋ تانىستىرىپ بىلاي دەدى: قىستاق تۇرعىندارىنىڭ اۋىل شارۋاشىلىق ماشينالارىن قويۋىنا قولايلى بولۋ ءۇشىن ءار وتباسىنا تاعى 24 شارشى مەترلىك تاۋەلدى پايدالانۋ ءۇيىن سايكەستى قۇرىلىس رەتىندە سالىپ بەردىك. ”قىستاق تۇرعىندارى اۋلاعا كوكونىس ەگۋگە داعدىلانعاندىقتان ءبىز 60 شارشى مەترلىك كوكونىستىك جەر جوبالادىق جانە وعان جەمىس اعاشىن وتىرعىزدىق“، - دەدى.

  ”كونە ءۇيىمنىڭ اۋدانى 100 شارشى مەتر بولاتىن، 1:1 بويىنشا اۋىستىرۋدان سىرت، مۇنىڭ ۇستىنە تاعى 200 مىڭ يۋان اقشا قوسىپ، 240 شارشى مەترلىك ءۇيدى تاڭدادىم. ساياحاتتىق حالىقتىق تۇسەلحانانى دامىتقاندا، ءۇي ۇلكەن بولعاندا عانا ءتىپتى دە كوپ ساياحاتشىلاردى قابىلداۋعا بولادى“، - دەدى ليۋ يۋەلۇن.

  تىلشىلىك ىستەگەن كۇنى 62 جاستاعى قىستاق تۇرعىنى چىڭ شۇيحاي جولداسىن ەرتىپ جوبا كارتاسىنىڭ الدىندا ءۇي ۇلگىلەرىن تاڭداپ تۇرعان ەدى. ”ءبىز اۋلاسىنان پايدالانۋ سالىستىرماسى جوعارى ءۇي ۇلگىسىن تاڭداماقپىز، جاتىپ - تۇراتىن ورنىمىز بولسا بولعانى“، - دەدى چىڭ شۇيحاي مەن جولداسى ەسەبىن جالعاستىرىپ جاتىپ.

  شىڭىراۋ قىستاعى پارتيا ياچەيكاسىنىڭ شۋجيى شى جيانشىڭ تانىستىرىپ بىلاي دەدى: قىستاق تۇرعىندارى ءوز ەرىكتەرى بويىنشا بولۋ پرينسيبىنە ساي قاتىناسادى، جەكە تىلەكتەرىنە قۇرمەت ەتىلەدى. ”وسى ايدا تاعى 100 نەشە وتباسى تۇرعىنى قول قويىپ، ماقۇل بولدى“، - دەدى شى جيانشىڭ.

  ”قازىر ءبىزدىڭ جاڭا ءۇيدى ەكسكۋرسيالايتىندار وتە كوپ، ماڭايىمىزداعى اۋدان - قالادا تۇراتىن تۇرعىنداردىڭ ءبارى ءبىزدىڭ تۇرمىسىمىزعا ءتانتى بولۋدا“، - دەدى ليۋ يۋەلۇن.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.