□ انار بۇلت/ شينجياڭ گازەتىنىڭ ءتىلشىسى بارشا تەگىس
1 - ايدىڭ 25 - كۇنى تۇستەن كەيىن سانجى قالاسى اشىلى قازاق اۋىلى ارداۋشۇي قىستاعىنىڭ تۇرعىنى امانجول سەيتقان قويلارىنا ءشوپ سالۋدا. ول كەلتەحات ەسكەرتپەسىن ەستىپ، قول تەلەفونىنىڭ ەكرانىنان بانكە ەسەپ نومىرىنە 60 مىڭ يۋان كىرگەنىن كوردى.
”وتە جاقسى بولدى، اقشانى دەرەۋ جولداپتى!“. امانجول شينجياڭ نا - يۋان مال شارۋاشىلىعى شەكتى جاۋاپكەرشىلىك سەرىكتەستىگىنىڭ (تومەندە قىسقارتىلىپ ”نا - يۋان مال شارۋاشىلىعى“ دەلىنەدى) باس ديرەكتورى پان جينجيانعا تەلەفون جالعاپ: ”پان ديرەكتور، مەندە تاعى ءبىراز قوي بار، ءبىر ايدان كەيىن ساتۋعا جارايدى، ۇمىتىپ كەتپەڭىز، ءا!“، - دەدى.
”سەرىكتەستىك ۇيگە كەلىپ ساتىپ الادى، باعاسى بازار باعاسىنان جوعارى“، - دەدى امانجول قۋانىشپەن.
2021 - جىلى اشىلى قازاق اۋىلى نا - يۋان مال شارۋاشىلىعىمەن سەلبەستىك قاتىناسىن ورناتىپ، ”اشىلىنى“ ساۋدا ماركاسى ەتىپ تىزىمگە الدىرىپ، ”سەرىكتەستىك + سەلبەستىك كووپەراتيۆى + مالشى“ ءتاسىلىن قولدانىپ، اشىلى قازاق اۋىلى قوي ەتى ماركاسىن ءتۇيىندى تۇردە تۇلعالاپ، مال شارۋاشىلىعىن كاسىپ سالالاندىرىپ تيجارات جۇرگىزۋدى بەلسەندى ىلگەرىلەتىپ، ساپالى بايلىققا سۇيەنىپ، ەلەكتروندى ساۋدا تۇعىرىنىڭ كومەگىندە، ينتەرنەت جەلىسىندە جانە ينتەرنەت جەلىسىنەن تىس ۇشتاسقان ساتۋ ۇلگىسىن قولدانىپ، جايلاۋ قوي ەتىنىڭ حوش ءيىسىن شار تاراپقا تاراتتى.
سانجى قالاسى چاڭنيڭ وڭتۇستىك جولىنداعى ”اشىلى“ قوي، سيىر ەتىن ارناۋلى ساتۋ دۇكەنىندە دۇكەن قىزمەتكەرى توڭازىتىلعان ەتتى كەسىپ، قوراپتاۋمەن قاربالاس، جەدەل جولداما جەتكىزۋشى انىقتاپ ساناۋدا. بىرنەشە ساعاتتان كەيىن وسى قوي ەتىن ۇشاقپەن فۋجيانعا جونەلتەدى.
”ءوزىمىزدىڭ ماركامىز بولعان سوڭ، قوي ەتىنىڭ ساتىلۋ ارناسى ءتىپتى دە كەڭەيدى، بيىل سەلبەستىك كووپەراتيۆى باعىمشىلىق كولەمىن كەڭەيتۋدى جوسپارلاپ وتىر“، - دەدى اشىلى قازاق اۋىلى بەرەكە مال شارۋاشىلىعى باعىمشىلىق سەلبەستىك كووپەراتيۆىنىڭ باستىعى وراز اقىن، نا - يۋان مال شارۋاشىلىعى وسى اۋىلداعى ءارقايسى كووپەراتيۆتە شوعىرلى باسقارۋ، جەم - ءشوپ بەرۋدى ساپالىلاندىرۋ، ىندەتتەن ساقتانۋ سياقتى جاقتاردا باۋلۋدى جانە جەتەكشىلىك ەتۋدى ورىستەتتى، سونداي - اق تاپسىرىس فورماسىندا ساتىپ الدى، 2021 - جىلى وسى اۋىلدان 23 مىڭ قوي ساتىپ الدى.
”جۋىقتا فۋجياننىڭ چۋانجوۋىنا 500 جاشىكتەن ارتىق جىنتىكتەي مانەرلەنگەن قوي ەتىن جونەلتتىك“، - دەدى پان جينجيان، - سەرىكتەستىك 4 - ايدا اشىلى قازاق اۋىلىنان 2000 شارشى مەتر كەلەتىن جىنتىكتەي مانەرلەۋ زاۆودىن سالادى، وندا توڭازىتۋ ءۇيى جانە سۋىق قامبا بار، جىلدىق ساتىلۋ سوماسى 50 ميلليون يۋانعا جەتەدى دەپ مەجەلەنىپ وتىر.
اشىلى قازاق اۋىلىنىڭ بازاردى كەڭەيتۋىنە كومەكتەسۋ ءۇشىن، فۋجيان ولكەسى چۋانجوۋ قالاسىنىڭ شينجياڭعا كومەكتەسۋ قولباسشىلىق شتابى شينجياڭعا كومەكتەسۋ بايلىعى ابزالدىلىعىنان تولىق پايدالانىپ ءارى چۋانجوۋ راديو - تەلەۆيزيا ستانسياسىمەن، سانجى قالالىق توعىسپالى اقپارات قۇرالدارى ورتالىعىمەن بىرلەسىپ كەڭ كولەمدە تانىستىرىپ، ساتۋ ارناسىن كەڭەيتىپ، ”اشىلى“ قوي ەتىن چۋانجوۋ قالاسى سياقتى جەرلەرگە ەنگىزىپ، تانىستىردى. قازىر ”اشىلى“ قوي ەتى بەيجيڭ، شاڭحاي سياقتى جەرلەرگە ءساتتى ساتىلۋدا.
”بيىل ءبىز ەرەكشە مال شارۋاشىلىعى كاسىپ سالاسىن ۇزدىكسىز زورايتىپ، كۇشەيتىپ، سويىس سيىر، سويىس قوي ءوندىرىس كولەمىن بەلسەندى كەڭەيتىپ، اۋىل - قسىتاق كاسىپ سالاسىن دامىتۋدىڭ جاڭا ۇلگىسىنە ىزدەنىس جاسايمىز“، - دەدى اشىلى قازاق اۋىلدىق پارتكومنىڭ مۇشەسى مۇقتار تايىر.
