شي جينپيڭ پارتيا سىرتىنداعى قايراتكەرلەرمەن بىرگە كوكتەم مەرەكەسىن قارسى الدى
جۇڭگو كوممۋنيستىك پارتياسى ورتالىق كوميتەتى اتىنان دەموكراتيالىق پارتيا - توپتارعا، ساۋدا - ونەركاسىپشىلەر بىرلەستىگىنە جانە پارتيادا، توپتا جوق قايراتكەرلەرگە، بىرلىكساپتىڭ قالىڭ مۇشەلەرىنە ىقىلاستى سالەم جولدادى جانە كوكتەم مەرەكەسى بايلانىسىمەن باقىت تىلەدى
ۋاڭ ياڭ، حان جىڭ قاتىناستى
1 - ايدىڭ 29 - كۇنى شي جينپيڭ، ۋاڭ ياڭ، حان جىڭ قاتارلىلار بەيجيڭ حالىق سارايىندا پارتيا سىرتىنداعى قايراتكەرلەرمەن ءبىر اراعا شاتتىقپەن باس قوسىپ، مەرەيلى مەرەكەنى بىرگە قارسى الدى.
□ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
شينحۋا اگەنتتىگىنىڭ 1 - ايدىڭ 29 - كۇنى بەيجيڭنەن بەرگەن حابارى. جۇڭحۋا ۇلتىنىڭ ءداستۇرلى مەرەكەسى رىنيىن بارىس جىلعى كوكتەم مەرەكەسى كەلۋ قارساڭىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 1 - ايدىڭ 29 - كۇنى تۇستەن كەيىن حالىق سارايىندا دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارىمەن جانە پارتيادا، توپتا جوق قايراتكەرلەردىڭ ۋاكىلدەرىمەن ءبىر اراعا شاتتىقپەن باس قوسىپ، مەرەيلى مەرەكەنى بىرگە قارسى الدى. شي جينپيڭ جۇڭگو كوممۋنيستىك پارتياسى ورتالىق كوميتەتى اتىنان دەموكراتيالىق پارتيا - توپتارعا، ساۋدا - ونەركاسىپشىلەر بىرلەستىگىنە جانە پارتيادا، توپتا جوق قايراتكەرلەرگە، بىرلىكساپتىڭ قالىڭ مۇشەلەرىنە ىقىلاستى سالەم جولدادى جانە كوكتەم مەرەكەسى بايلانىسىمەن باقىت تىلەدى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ قاتىناستى.
جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ءتوراعاسى ۋان ىشياڭ، جۇڭگو دەموكراتيالىق وداعى ورتالىق كوميتەتىنىڭ ءتوراعاسى ديڭ جۇڭلي، جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ءتوراعاسى حاۋ ميڭجين، جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ءتوراعاسى ساي دافىڭ، جۇڭگو شارۋا - جۇمىسشى دەموكراتيالىق پارتياسى ورتالىق كوميتەتىنىڭ ءتوراعاسى چىن جۋ، جۇڭگو ادىلەت پارتياسى ورتالىق كوميتەتىنىڭ ءتوراعاسى ۋان گاڭ، 3 - قىركۇيەك ءىلمي قوعامى ورتالىق كوميتەتىنىڭ ءتوراعاسى ۋ ۋيحۋا، تايۋان دەموكراتيالىق اۆتونوميا وداعى ورتالىق كوميتەتىنىڭ ءتوراعاسى سۋ حۇي، مەملەكەتتىك ساۋدا - ونەركاسىپشىلەر بىرلەستىگىنىڭ ءتوراعاسى گاۋ يۇنلۇڭ جانە پارتيادا، توپتا جوق قايراتكەرلەردىڭ ۋاكىلدەرى سۇن چيشين، جياڭ جيە قاتارلىلار ۇسىنىس بويىنشا قاتىناستى. مەملەكەتتىك ساياسي كەڭەستىڭ ورىنباسار ءتوراعاسى لياڭ جىنيىڭ، باسشىلىق قىزمەت ورنىنان زەينەتكە شىققان دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ بۇرىنعى ءتوراعالارى، ءبىرىنشى ورىنباسار ءتوراعالارى جانە ۇنەمىلىك ىستەرگە جاۋاپتى ورىنباسار ءتوراعالارى دا ۇسىنىس بويىنشا قاتىناستى.
ديڭ جۇڭلي دەموكراتيالىق پارتيا - توپتاردىڭ ورتالىق كوميتەتتەرى، مەملەكەتتىك ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر اتىنان ءسوز سويلەدى. ول مىنالاردى ءبىلدىردى: جاڭا عانا وتكەن 2021 - جىل پارتيا مەن مەملەكەت تاريحىنداعى ءارى جۇڭحۋا ۇلتىنىڭ تاريحىنداعى بەلەستىك مانگە يە ءبىر جىل بولدى. وسى ءبىر جىل جۇڭگو كوممۋنيستىك پارتياسىنىڭ باسشىلىعىنداعى 100 جىلدىق كۇرەس تاريحىنا مۇراگەرلىك ەتىپ، جالعاستىرىپ، جۇڭحۋا ۇلتىنىڭ ۇلى گۇلدەنۋىنىڭ جاڭا نەگىزىن قالاپ، ەكىنشى 100 جىلدىق كۇرەس نىساناسىنا قادام تاستاعان جاڭا جورىقتى باستادى. جاڭا ءبىر جىلدا دەموكراتيالىق پارتيا - توپتار، ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جۇڭگو كوممۋنيستىك پارتياسى 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن تاعى دا تىڭ ەڭبەك ءسىڭىرۋ كەرەك.
ديڭ جۇڭليدىڭ ءسوزىن تىڭداعاننان كەيىن شي جينپيڭ ماڭىزدى ءسوز سويلەدى. ول بىلاي دەپ باسا دارىپتەدى: 2021 - جىل پارتيا مەن مەملەكەتتىڭ تاريحىنداعى بەلەستىك مانگە يە ءبىر جىل ءارى، ءسوز جوق، تاريح پاراعىنا جازىلاتىن ءبىر جىل بولدى. ءبىز ءبىر قىدىرۋ ءىرى ىستەردى، ماڭىزدى ىستەردى تىندىرىپ، ءبىر قىدىرۋ حاۋىپ - قاتەرلەردى، سىن - سايىستاردى جەڭىپ، پارتيا مەن مەملەكەت ىستەرىن ىلگەرىلەتۋدە تىڭ دا كەلەلى تابىستارعا قول جەتكىزدىك. ءبىز جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن سالتاناتپەن قۇتتىقتادىق، جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ التىنشى جالپى ءماجىلىسىن اشىپ، 3 - تاريحي قاراردى جاسادىق، پارتيا تاريحىن ۇيرەنۋ تاربيەسىن ورىستەتتىك، كەدەيلىكتەن ارىلتۋدان قامال الۋ شايقاسىنىڭ جەڭىسىنە ۋاعىندا قول جەتكىزدىك، جاپپاي دوڭگەلەك داۋلەتتى قوعامدى ۋاعىندا قۇرىپ شىقتىق، ءبىرىنشى 100 جىلدىق كۇرەس نىساناسىن جۇزەگە اسىردىق، جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىنا شەرۋ تارتۋدىڭ جاڭا جورىعىن باستادىق. ءبىز 100 جىلدىق وزگەرىس پەن عاسىرلىق ىندەتكە بايسالدىلىقپەن توتەپ بەرىپ، جاڭا دامۋ ۇستانىمىن تولىق، دالمە - ءدال، جان - جاقتى دايەكتىلەندىرىپ، جاڭا دامۋ ارناسىن قالىپتاستىرۋدا تىڭ قادامدار باسىپ، رەفورما جاساۋدى، ەسىك اشۋدى جالپى بەتتىك تەرەڭدەتىپ، حالىق تۇرمىسىن تىڭعىلىقتى، ءونىمدى قامتاماسىز ەتىپ، ەكولوگيالىق وركەنيەت قۇرىلىسىن ۇزدىكسىز ىلگەرىلەتىپ، ”14 - بەسجىلدىقتا“ تاماشا باستاما باستادىق. ءبىز حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، سىرتتان كىرۋدەن ساقتانۋعا، ىشتە قايتا بەلەڭ بەرۋدەن ساقتانۋعا تاباندى بولىپ، عىلمي، دالمە - ءدال، يكەمدى تۇردە نولگە تۇسىرۋگە تاباندى بولىپ، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋدى ۇدايىلاندىرۋدى باستان - اياق بايىپتىلىقپەن ويداعىداي يگەرىپ، ىندەتكە قارسى اتتانۋداعى حالىقارالىق سەلبەستىكتى بەلسەندىلىكپەن ورىستەتىپ، ەكونوميكالىق دامۋ مەن ىندەتتەن ساقتانۋ - تىزگىندەۋدە الەمدە الدىڭعى ورىندى ساقتادىق. ءبىز دامۋ مەن حاۋىپسىزدىكتى ءبىر تۇتاس جوسپارلاپ، ءار جاقتاعى حاۋىپ - قاتەرلەردەن ساقتانۋعا، جويۋعا ءمان بەرىپ، سوتسياليستىك بازار شارۋاشىلىعى ءتارتىبىن ارناعا ءتۇسىرىپ، سوتسياليستىك وزەكتى قۇن كوزقاراسىن اسقاقتاتىپ، بەلسەندى، اقاۋسىز، ومىرشەڭدىككە تولى دامۋ ورتاسىن قالىپتاستىردىق. بۇل ناتيجەلەردىڭ قولعا كەلۋى جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىنىڭ ناتيجەسى ءارى دەموكراتيالىق پارتيا - توپتاردى، ساۋدا - ونەركاسىپشىلەر بىرلەستىگىن جانە پارتيادا، توپتا جوق قايراتكەرلەردى قامتىعان بىرلىكساپتىڭ قالىڭ مۇشەلەرىنىڭ ءبىر نيەتپەن كۇرەس جاساۋىنىڭ ناتيجەسى. اماليات كوپشىلىكتىڭ ايتسا ايتقانداي جۇڭگو كوممۋنيستىك پارتياسىنىڭ جاقسى اقىلشىسى، جاقسى قولعاناتى، جاقسى قىزمەتتەسى ەكەندىگىن دالەلدەدى. وسى ورايدا مەن جۇڭگو كوممۋنيستىك پارتياسى ورتالىق كوميتەتى اتىنان كوپشىلىككە شىن جۇرەكتەن العىس ايتامىن!
شي جينپيڭ بىلاي دەپ اتاپ كورسەتتى: وتكەن ءبىر جىل كوپ پارتيا سەلبەستىگى ىستەرى قوماقتى جەتىستىكتەرگە قول جەتكىزگەن ءبىر جىل بولدى. دەموكراتيالىق پارتيا - توپتار، ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر جۇڭگو كوممۋنيستىك پارتياسى ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرىپ، نازاردى وزەكتى قىزمەتكە شوعىرلاندىرا وتىرىپ مىندەت اتقارىپ، جاۋاپكەرشىلىكتى ادا ەتىپ، بەلسەندىلىكپەن اقىل - كەڭەس بەرىپ، اقىل - پاراسات، كۇش - قۋات ۇيىستىردى. كەدەيلىكتەن ارىلتۋدى 5 جىل مەرزىممەن دەموكراتيالىق باقىلاۋ تابىسپەن اياقتالدى، چاڭجياڭنىڭ ەكولوگيالىق ورتاسىن قورعاۋدى دەموكراتيالىق باقىلاۋ قىزمەتىندە تاعى دا جاڭا جورىق باستالدى. دەموكراتيالىق پارتيا - توپتار ”سەلبەستىك اۋەلگى ماقساتىن ۇمىتپاي، ۇزدىكسىز قول ۇستاسا ىلگەرىلەۋ“ نەگىزگى تاقىرىپتىق تاربيە قيمىلىنىڭ جەتىستىكتەرىن بەكەمدەپ، تەرەڭدەتىپ، كوپ پارتيا سەلبەستىگى ىستەرىن ورنىقتىلىق بارىسىندا ىلگەرىلەتتى. مەملەكەتتىك ساۋدا - ونەركاسىپشىلەر بىرلەستىگى حالىقتىق شارۋاشىلىق قايراتكەرلەرىنىڭ مۇرات - سەنىم تاربيەسىن ىلگەرىلەتىپ، حالىقتىق كاسىپورىنداردى بىرگە بايۋدى جەبەۋگە ات سالىسۋعا جەتەكتەپ، ”10 مىڭ كاسىپورىن 10 مىڭ قىستاققا كومەكتەسۋ“ ارەكەتىن تابىسپەن اياقتاتىپ، ”10 مىڭ كاسىپورىن 10 مىڭ قىستاقتى گۇلدەندىرۋ“ ارەكەتىن ءساتتى باستادى.
شي جينپيڭ بىلاي دەپ باسا دارىپتەدى: بيىل جۇڭگو كوممۋنيستىك پارتياسىنىڭ 20 - قۇرىلتايى اشىلادى، بۇل پارتيا مەن مەملەكەتتىڭ ساياسي ومىرىندەگى ءىرى ءىس. ءار جاقتاعى قىزمەتتى 20 - قۇرىلتايدى قارسى الۋدى، 20 - قۇرىلتايدى جاقسى اشۋدى، 20 - قۇرىلتايدىڭ رۋحىن دايەكتىلەندىرۋدى ارقاۋ ەتىپ جوسپارلاۋ جانە ورىستەتۋ كەرەك. جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەس تۇزىمىنە تاباندى بولىپ جانە ونى كەمەلدەندىرىپ، ەڭ كەڭ وتانشىل بىرلىكساپتى بەكەمدەپ جانە دامىتىپ، جالپى بارىستىق حالىق دەموكراتياسىن دامىتىپ، ۇلى ىنتىماققا، ۇلى بىرلىككە باستان - اياق تاباندى بولىپ، بىرگە كۇرەس جاساۋ كۇشىن ەڭ جوعارى شەكتە ۇيىستىرۋ كەرەك. دۇرىس ساياسي بەتالىسقا تاباندى بولىپ، سانالى تۇردە يدەيادا، ساياسيدا، ارەكەتتە جۇڭگو كوممۋنيستىك پارتياسى ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، ىشكەرىلەي تەكسەرۋ - زەرتتەۋ جۇرگىزىپ، بەلسەندىلىكپەن اقىل - كەڭەس بەرىپ، ساياسي پارتيانىڭ كەڭەسۋ ناقتى ونىمدىلىگىن جوعارىلاتۋ كەرەك. يدەيالىق جەتەكتەۋ قىزمەتىن ىشكەرىلەي جاقسى ىستەپ، قالىڭ مۇشەلەردى دۇرىس پەن بۇرىستى پارىقتاۋعا، تۇرعىدا مىزعىماي تۇرۋعا جەتەكتەپ، وڭ ەنەرگيا ۇيىستىرۋ جانە تاراتۋ كەرەك.
شي جينپيڭ بىلاي دەپ اتاپ كورسەتتى: بيىل دەموكراتيالىق پارتيا - توپتار مەن ساۋدا - ونەركاسىپشىلەر بىرلەستىگى ورتالىق جانە ولكە دارەجەلى ۇيىمدارىنىڭ كەزەك اۋىستىرۋىن ورىندايدى. ساياسي وتكىزىپ بەرۋ - وتكىزىپ الۋدى تەرەڭدەتىپ، ساياسي ورتاق تانىمدى بەكەمدەپ، پارتيامەن ءبىر نيەتتە بولۋ، وتاندى ءسۇيىپ حالىق ءۇشىن ىستەۋ، شىن ىقىلاسپەن سەلبەسۋ، كاسىپتى ءسۇيىپ ءوزىن ارناۋ سىندى كوپ پارتيا سەلبەستىگىنىڭ تاماشا ءداستۇرىن ۇزدىكسىز جالعاستىرىپ، اعا بۋىنداردىڭ ساياسي سەنىمىن، قاستەرلى ونەگەسىن جانە جۇڭگو كوممۋنيستىك پارتياسىمەن قويۋ سۇيىسپەنشىلىگىن جالعاستىرىپ، جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى ىستەرىنىڭ ۇرپاقتار بويى جالعاسۋىنا شىنايى كەپىلدىك ەتۋ كەرەك. ادام ىستەتۋ دۇرىس بەتالىسىنا تاباندى بولىپ، كانديدات تاڭداۋدىڭ ساياسي وتكەلىن، پاكتىك وتكەلىن قاتاڭ يگەرىپ، كانديداتتىڭ مۇرات - سەنىمىن، ساياسي قاسيەتىن، ءمورالدىق جەتىلىمىن تەكسەرۋدى كورنەكتىلەندىرىپ، تاڭدالىپ شىققان جولداستاردىڭ شىن مانىندە سەنىمدى بولۋىنا، جاۋاپكەرشىلىك ارقالاۋعا باتىل بولۋىنا، كوپتى يلاندىرا الۋىنا شىنايى كەپىلدىك ەتۋ كەرەك.
شي جينپيڭ بىلاي دەپ باسا دارىپتەدى: دەموكراتيالىق پارتيا - توپتار ۇكىمەت ىسىنە ات سالىسۋشى پارتيالار قۇرىلىسىنىڭ نىساناسىمەن جانە پرينسيبىمەن تىعىز بايلانىستىرىپ، ساياسي مەڭگەرۋ قابىلەتىن، ۇكىمەت ىسىنە ات سالىسۋ، ۇكىمەت ءىسىن اقىلداسۋ قابىلەتىن، ۇيىمداستىرۋ، باسشىلىق قابىلەتىن، سەلبەسىپ بىرگە قىزمەت ىستەۋ قابىلەتىن جانە ءوز ماسەلەسىن شەشۋ قابىلەتىن ۇزدىكسىز جوعارىلاتىپ، ءوز قۇرىلىسىنىڭ جاڭا ونىمدىلىكتەرى ارقىلى ۇكىمەت ىسىنە ات سالىسۋشى پارتيالاردىڭ جاڭا بەت - بەينەسىن كورسەتۋ كەرەك. يدەيالىق ساياسي قۇرىلىستىڭ داۋىرلىگىن، باعىتتامالىلىعىن، ناقتى ونىمدىلىگىن كۇشەيتىپ، تىزە قوسا ىنتىماقتاسىپ كۇرەس جۇرگىزۋدىڭ يدەيالىق ساياسي نەگىزىن ۇزدىكسىز بەكەمدەۋ كەرەك. ءتۇزىم جۇيەسىن اقاۋسىزداندىرىپ، اماليات بارىسىنداعى جاقسى تاجىريبەلەردى، ءادىس - امالداردى دەر كەزىندە تۇزىمگە، ولشەمگە اينالدىرۋ كەرەك. نازاريا زەرتتەۋدى تەرەڭدەتىپ، ۇكىمەت ىسىنە ات سالىسۋشى پارتيالار قۇرىلىسىنىڭ تاجىريبەلەرىن مۇقيات قورىتىندىلاپ، ۇكىمەت ىسىنە ات سالىسۋشى پارتيالار قۇرىلىسىنىڭ زاڭدىلىعىن يگەرۋ كەرەك. مەملەكەتتىك ساۋدا - ونەركاسىپشىلەر بىرلەستىگى نەگىزگى ساتى ۇيىمدارى قۇرىلىسىن كۇشەيتىپ، قاراستى ساۋدا قوعامدارىنىڭ رەفورماسىن، دامۋىن ىلگەرىلەتىپ، جالپىلىق مەنشىككە جاتپايتىن شارۋاشىلىقتىڭ اقاۋسىز دامۋىنا جانە جالپىلىق مەنشىككە جاتپايتىن شارۋاشىلىق قايراتكەرلەرىنىڭ اقاۋسىز ەسەيۋىنە قىزمەت وتەۋ، جەبەۋ قابىلەتى مەن ورەسىن كۇش سالا جوعارىلاتىپ، قىزمەتتىڭ ساپاسى مەن ونىمدىلىگىن ۇزدىكسىز ارتتىرۋ كەرەك.
ديڭ شۋەشياڭ، يوۋ چۋان، دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ قاتىستى جاۋاپتىلارى، ورتالىقتىڭ قاتىستى تاراۋلارىنداعى جاۋاپتى جولداستار قيمىلعا قاتىناستى.
