شينحۋا اگەنتتىگىنىڭ 1 - ايدىڭ 29 - كۇنى شياڭگاڭنان بەرگەن حابارى (ءتىلشى حۋاڭ شيتيان). جۋىقتا باس شۋجي شي جينپيڭنىڭ «جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا سويلەگەن ءسوزى» كىتاپشاسى، «شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ سۇراۋ - جاۋاپتارى»، «جۇڭگو كوممۋنيستىك پارتياسىنىڭ قىسقاشا تاريحى»، «ماۋ زىدۇڭنىڭ، دىڭ شياۋپيڭنىڭ، جياڭ زىميننىڭ، حۋ جينتاۋدىڭ جۇڭگو كوممۋنيستىك پارتياسىنىڭ تاريحى جونىندەگى بايىمداۋلارىنان ءۇزىندى»، «جۇڭگو كوممۋنيستىك پارتياسىنىڭ 100 جىلدىق ءىرى ىستەر ەستەلىگى» سىندى 5 شىعارمانىڭ جۇڭگو تىلىندەگى فانتي نۇسقاسى بىرىككەن باسپا (توبى) شەكتى سەرىكتەستىگىنەن شياڭگاڭ، اۋمىن وڭىرىندە باسپادان شىعىپ تاراتىلدى.
جۇڭگو كوممۋنيستىك پارتياسى 19 - كەزەكتى ورتالىق كوميتەتى التىنشى جالپى ءماجىلىسى جانە جالپى ءماجىلىس ماقۇلداعان «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى جونىندەگى قارارى» شياڭگاڭداعى، اۋمىنداعى ءار سالا قايراتكەرلەرى اراسىندا ۇزدىكسىز كۇشتى اڭىس قوزعادى. ءار سالا قايراتكەرلەرى جۇڭگو كوممۋنيستىك پارتياسىنىڭ 100 جىلداعى ۇشان - تەڭىز ۇلى ەڭبەگىن جوعارى باعالاپ، شي جينپيڭ جاڭا ءداۋىر جۇڭگوشا سوتسياليزم يدەياسى جونىندەگى يدەيالىق مۇراتتاستىق پەن سۇيىسپەنشىلىك جاقتاعى مۇراتتاستىقتى ۇزدىكسىز كۇشەيتتى. ءار سالا وقىرماندارى وسى ۇلى يدەيانىڭ نازاريالىق قاسيەتىن، يدەيالىق تارتىمدىلىعىن، ءىس جۇزىندىك قۇنىن ءتىپتى دە جالپى بەتتىك، جۇيەلى ءتۇسىنۋدى، وتاندى ءسۇيۋ، شياڭگاڭدى ءسۇيۋ، اۋمىندى ءسۇيۋ سۇيىسپەنشىلىگىن وي - ساناعا ۇيالاتۋدى، مەملەكەتتى جونگە سالۋ امالياتىنا، گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسىنا ات سالىسۋدىڭ ءىس جۇزىندىك ارەكەتىنە اينالدىرۋدى ءۇمىت ەتتى. 5 شىعارمانىڭ جۇڭگو تىلىندەگى فانتي نۇسقاسىنىڭ باسپادان شىعىپ تاراتىلۋى شياڭگاڭ - اۋمىن وڭىرىندەگى ءار سالا وقىرمان دوستاردىڭ زامانىمىزداعى جۇڭگونىڭ دامۋ تابىستارىن، دامۋ سەبەبىن، دامۋ بولاشاعىن وقىپ ءتۇسىنۋى ءۇشىن، ونان دا ماڭىزدىسى، ءتوراعا شي جينپيڭنىڭ تەلەگەي تەرەڭ يدەياسىنىڭ تارتىمدىلىعىن، ارعى مەن بەرگىگە قانىق اسا مول مادەنيەت تارتىمدىلىعىن، باۋىرمال دا دارقان ادامگەرشىلىك تارتىمدىلىعىن جانە وسكەلەڭ شىنايى حالىقتىق سۇيىسپەنشىلىگىن، وتباسى - وتان سۇيىسپەنشىلىگىن، ۇلت سۇيىسپەنشىلىگىن، الەمدىك سۇيىسپەنشىلىگىن جالپى بەتتىك تەرەڭ ءتۇسىنىپ، ”يدەيا تەرەزەسىن“، ”باسپا تەرەزەسىن“ اشتى.
كەزەكتە بىرىككەن باسپا (توبى) شەكتى سەرىكتەستىگى شياڭگاڭ - اۋمىن وڭىرىندەگى 150دەن استام تۇلعالىق كىتاپ دۇكەندەرى وسى 5 شىعارمانىڭ جۇڭگو تىلىندەگى فانتي نۇسقاسىن جالپى بەتتىك سورەگە شىعاردى ءارى ءتۇيىندى تۇردە كورمەلەپ ساتتى، بىرىككەن باسپا (توبى) شەكتى سەرىكتەستىگىنە قاراستى مادەنيەت ەلەكتروندى ساۋدا تۇعىرى ”يبىن“، اقپارات - حابار تۇعىرى ”چىڭشينۋىن“، كىتاپقا باعا بەرۋ، كىتاپ تانىستىرۋ سىندى تاسىلدەر ارقىلى 5 شىعارمانىڭ ەلەكتروندى نۇسقاسىن تانىستىردى. كەلەسى كەزەكتە وسى توپ شياڭگاڭداعى شياڭگاڭ ارالىنىڭ، شينجيەنىڭ جانە جيۋلۇڭنىڭ ءارقايسى وڭىرلەرىنە بارىپ، وڭىرلىك زاڭ شىعارۋ كەڭەسىمەن، ءىرى تۇرعىندار اۋماعىمەن، جوعارى مەكتەپتەرمەن، تەحنيكۋمدارمەن، ت.ب سەلبەستىك ورناتىپ، الەۋمەتتىك اۋماققا باعىتتالعان ”الەۋمەتتىك اۋماق وتكەرمەلى كىتاپ وقۋ كۇنى“ جانە جاستار مەن جاس ءوسپىرىم وقۋشىلارعا باعىتتالعان ”جىلجىمالى كىتاپحانا“ سىندى الەۋمەتتىك يگىلىك وقۋ قيمىلى ارقىلى 5 شىعارمانىڭ جۇڭگو تىلىندەگى فانتي نۇسقاسىن ءتۇيىندى تۇردە تانىستىرماقشى.
