ما شيڭرۇي تارباعاتاي ايماعىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
وتانشىلدىق تاڭداۋلى ءداستۇردى جالعاستىرىپ، شەكارانى كۇزەتىپ، شەكارانى قورعاپ، شەكارانى گۇلدەندىرىپ، حالىقتى بايىتىپ، ساياساتتان جاندى، ويداعىداي پايدالانىپ، سىرتقا ەسىك اشۋ دەڭگەيىن، ورەسىن جاپپاي جوعارىلاتۋ كەرەك
1 - ايدىڭ 28 - كۇنى اۆتونوميالى رايوندىق پارتكومنىڭ شۋجيى ما شيڭرۇي تارباعاتاي ايماعىندا تەكسەرۋ - زەرتتەۋ جۇرگىزدى. سۋرەتتە: ما شيڭرۇي ”1 - شىلدە وردەنىنىڭ“ يەگەرى ۋي دىيوۋدىڭ ۇيىنە بارىپ امانداسىپ، شەكارانى شارلاۋ، كۇزەتۋ احۋالىن ىشكەرىلەي ۇعىستى.
□ سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 1 - ايدىڭ 29 - كۇنى شاۋەشەكتەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 1 - ايدىڭ 28 - كۇنى تارباعاتاي ايماعىنا بارىپ، نەگىزگى ساتىداعى كادرلارعا، بۇقاراعا جانە شەكارا قورعانىس كوماندير - جاۋىنگەرلەرىنە امانداسىپ، ولاردان حال سۇرادى، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن ىشكەرىلەي دايەكتىلەندىرۋ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋ، شەكارانى كۇزەتۋ، شەكارانى قورعاۋ، شەكارانى گۇلدەندىرۋ، حالىقتى بايىتۋ، ۇلتتار ىنتىماعىن بەكەمدەۋ، دامىتۋ، سىرتقا ەسىك اشۋ دەڭگەيىن، ورەسىن جوعارىلاتۋ سياقتىلار جونىندە تەكسەرۋ - زەرتتەۋ جۇرگىزدى.
”1 - شىلدە وردەنىنىڭ“ يەگەرى ۋي دىيوۋ وتان ءۇشىن 50 نەشە جىل تاباندىلىقپەن شەكارا كۇزەتىپ، شەكارا لەنياسىنداعى ”ءتىرى شەكارا بەلگىسى“ اتاندى. اۆتونوميالى رايوندىق ەكى ءماجىلىس كەزىندە ۋي دىيوۋ ىستىق ىقىلاسپەن ما شيڭرۇي شۋجيدى ۇيىنە كەلىپ قوناق بولۋعا ۇسىنىس ەتتى. ءماجىلىس ەندى عانا اياقتالعاندا ما شيڭرۇي ونىڭ ۇيىنە امانداسا بارىپ، ۋي دىيوۋ وتانشىلدىق تاربيە بازاسى، شاعانتوعاي اۋدانى جيەك قالاشىعى شەكارا كۇزەتشىلەرى مىندەت وتەۋ ءتۇيىنى سياقتى جەرلەردى ارالاپ، شەكارانى شارلاۋ، قورعاۋ احۋالىن ىشكەرىلەي ۇعىسىپ، ءبىرىنشى شەپتەگى شەكارا كۇزەتشىلەرىنە كوكتەم مەرەكەسى بايلانىسىمەن تىلەك ءبىلدىردى. ما شيڭرۇي بىلاي دەدى: ۋي دىيوۋ جولداس اۋەلگى ماقساتتى، بورىشتى امالياتتا ايگىلەۋدىڭ كورنەكتى ۋاكىلى، ءۇن - ءتۇنسىز ءوزىن ارناعان قاراپايىم قاھارمان، ءبىزدىڭ ۇيرەنۋ ۇلگىمىز. پارتيا تاريحىن ۇيرەنۋ تاربيەسىنىڭ جەتىستىكتەرىن بەكەمدەپ، كەڭەيتىپ، وزات ۇلگىلەردىڭ اسقاق ءمورالىن زور كۇشپەن ساۋلەلەندىرىپ، قىزىل گەندى جالعاستىرىپ، قىزىل قان تامىردى ۇلاستىرىپ، بۇكىل قوعامدا وزاتتاردى قادىرلەۋدىڭ، جاقسىدان ونەگە الۋدىڭ تاماشا رايىن قالىپتاستىرۋ كەرەك. ءبىرىنشى شەپتەگى شەكارا كۇزەتشىلەرىنە كوڭىل ءبولىپ، قامقورلىق جاساپ، ولاردى قاسيەتتى مەملەكەت توپىراعىنىڭ قورعاۋشىسى، باقىتتى مەكەننىڭ قۇرۋشىسى بولۋعا بەلسەنە جەتەكتەۋ كەرەك.
وسىدان كەيىن ما شيڭرۇي ەمىل شەكارا قورعانىس ليانىنا، تاستى شەكارا قورعانىس ليانى اق تەرەك قاراۋىلحاناسىنا كەلىپ ارالاپ حال سۇرادى. ول بىلاي دەدى: «اق تەرەك» انىندە شينجياڭدا تۇراتىن شەكارا قورعانىس وفيتسەر - جاۋىنگەرلەرىنىڭ جالىندى ىنتاسى، ۇلەسكەرلىگى جانە تاباندىلىعى بەينەلەنگەن. كوپشىلىك قۇمدى بورانمەن كۇرەسىپ، شىلىڭگىر ىستىقپەن شايقاسىپ، قار جامىلىپ، مۇز توسەنىپ، وتان ءۇشىن شارلاۋعا شىعىپ، كۇزەتتە تۇرىپ، جاپا شەكتىڭىزدەر، سىزدەرگە جانە وتباسىڭىزداعىلارعا مەرەكەلىك تىلەك بىلدىرەمىن. ما شيڭرۇي بىلاي دەپ باسا دارىپتەدى: بورىش ارقالاۋدى ۇزدىكسىز كۇشەيتىپ، تاڭداۋلى ءداستۇردى اسقاقتاتىپ، وتاندى قورعاپ، شەكارانى كۇزەتۋ قىزمەت جاۋاپكەرشىلىگىن ادالدىقپەن اتقارىپ، شەكارا ءوڭىردىڭ حاۋىپسىزدىگىن، ورنىقتىلىعىن جانە ءار ۇلت بۇقاراسىنىڭ ءومىرىنىڭ، مال - مۇلكىنىڭ حاۋىپسىزدىگىن ويداعىداي قورعاۋ كەرەك. قوس قولداۋ بويىنشا بىرگە قۇرۋدى ۇزدىكسىز تەرەڭدەتىپ، ءار ۇلت وفيتسەر - جاۋىنگەرلەرىنىڭ مەرەكە كەزىندەگى تۇرمىسىن ويداعىداي قامتاماسىزداندىرىپ، كوپشىلىكتىڭ شادىمان، بەرەكەلى، حاۋىپسىز كوكتەم مەرەكەسىن وتكىزۋىنە مۇمكىندىك جاساۋ كەرەك.
شاۋەشەك قالاسى شينچىڭ ءمالىسى قاراءدوڭ الەۋمەتتىك اۋماعىنىڭ تۇرعىنى سالىقجان يمىن ون نەشە جىلدى ءبىر كۇندەي وتكىزىپ، ءوز ءۇيىنىڭ شاعىن اۋلاسىندا مەملەكەت تۋىن شىعارۋدى تاباندىلىقپەن جالعاستىرىپ، مەملەكەت تۋى استىندا وتانشىلدىق تاربيەسىن جانە ۇلتتار ىنتىماعى ۇگىت لەكسياسىن ورىستەتتى. سالىقجاننىڭ ۇيىندە ما شيڭرۇي ونىمەن ىقىلاسپەن اڭگىمەلەسىپ، بىلاي دەپ باسا دارىپتەدى: وتانشىلدىق تاربيەسى مەن ۇلتتار ىنتىماعى تاربيەسىن ۇزدىكسىز ىشكەرىلەي ورىستەتىپ، ءار ۇلت بۇقاراسىنىڭ كەڭ كولەمدە ارالاسۋىن، جاپپاي ىشتەسۋىن، تەرەڭ توعىسۋىن جەبەپ، اناردىڭ دانىندەي تىعىز ۇيىستىرىپ، جۇڭحۋا ۇلتى ورتاق تۇلعا تانىمىن ءار ۇلت كادر - بۇقاراسىنىڭ جۇرەك تۇكپىرىنە تامىر تارتتىرۋ كەرەك.
باقتى شەكارا وتكەلىندە ما شيڭرۇي تارباعاتاي ءتۇيىندى دامىتۋ - ەسىك اشۋ سىناق رايونى قۇرىلىسىنىڭ احۋالىنان بەرىلگەن مالىمەتتى تىڭدادى. ول بىلاي دەپ باسا دارىپتەدى: ىشكەرىلەي زەرتتەۋ جۇرگىزىپ، مەملەكەت بەرگەن ءتۇرلى قولداۋ ساياساتتارىنان تولىق ويداعىداي پايدالانىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن ىلگەرىلەتۋدى قوزعاۋشى ەتىپ، ورايدى يگەرىپ، باسىمدىقتى ساۋلەلەندىرىپ، ىندەتتەن ساقتانۋ - تىزگىندەۋ مەن باتىسقا ەسىك اشۋ قىزمەتىن ءبىر تۇتاس جوسپارلاپ ويداعىداي ىستەپ، تارباعاتاي ءتۇيىندى دامىتۋ - ەسىك اشۋ سىناق رايونى قۇرىلىسىن جەدەلدەتىپ، تەمىر جول سياقتى نەگىزدىك قۇرىلعىلاردىڭ ۇلاسۋىن، تۇتاسۋىن كۇشەيتىپ، ەرەكشە، باسىمدىققا يە كاسىپ سالالارىن دامىتىپ، ەكونوميكا - ساۋدا اۋىس - كۇيىسىن، سەلبەستىگىن تەرەڭدەتىپ، ءوندىرىس فاكتورلارىنىڭ شوعىرلانۋىن جەبەپ، شەكارانى گۇلدەندىرىپ، حالىقتى بايىتۋ مەن قالا - قالاشىقتاندىرۋ قۇرىلىسىن جەدەلدەتىپ، اشىق ەكونوميكالىق جاڭا ءتۇزىلىستى ۇزدىكسىز قۇرىپ، شەكارا بويىنداعى وڭىرلەر ەكونوميكاسى دامۋىنىڭ جاڭا ارتۋ ۇيەگىن تۇلعالاۋ كەرەك.
ما شيڭرۇي تاعى شاعانتوعاي اۋدانى جانكىسى اۋىلىنىڭ جانكىسى قىستاعىنا، شاۋەشەك گارمون مادەنيەتى كورمە زالىنا كەلىپ، اۋىل - قىستاق ساياحاتى ارقىلى جۇمىستانۋدى جەتەكتەۋ، ەرەكشە مادەنيەتتى جالعاستىرۋ، دامىتۋ سياقتىلارعا تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: تاڭداۋلى ءداستۇرلى مادەنيەتتى اسقاقتاتۋ مەن رەال مادەنيەتتى دامىتۋدى ورگانيكالى ۇشتاستىرۋعا شەبەر بولىپ، شينجياڭدى مادەنيەتپەن نارلەندىرۋ ينجەنەرياسىن ىشكەرىلەي اتقارىپ، ءار ۇلت مادەنيەتىنىڭ ءوزارا ۇلگى الىپ توعىسۋىن ىلگەرىلەتىپ، مادەنيەت پەن ساياحاتتىڭ توعىسا دامۋىن تەرەڭدەتىپ، اۋىل - قىستاق ساياحاتىن گۇلدەندىرىپ، ءار ۇلت بۇقاراسىن اناعۇرلىم كوپ تابىس سەزىمىنە، باقىت سەزىمىنە، حاۋىپسىزدىك سەزىمىنە كەنەلدىرۋ كەرەك.
اۆتونوميالى رايون باسشىلارىنان ءزۇمىرات وبۇل، قادەن كابەن قاتارلىلار تەكسەرۋ - زەرتتەۋگە قاتىناستى.
