”14 - بەسجىلدىقتا“ جاقسى باستاما اشۋدى جۇزەگە اسىردى
2021 - جىلى شينجياڭ ەكونوميكاسى ％7.0 ارتتى
انار بۇلت / شينجياڭ گازەتىنىڭ ءتىلشىسى گاۋ فىڭ 1 - ايدىڭ 29 - كۇنى ۇرىمجىدەن حابارلايدى. اۆتونوميالى رايوندىق حالىق ۇكىمەتى اقپارات كەڭسەسىنىڭ اقپار جاريالاۋ ماجىلىسىنەن ۇعىسۋعا قاراعاندا، وڭىرلىك ءوندىرىستىڭ جالپى قۇنىن ءبىر تۇتاس ەسەپتەۋدىڭ ناتيجەسىنە نەگىزدەلگەندە، 2021 - جىلى شينجياڭنىڭ وڭىرلىك ءوندىرىس جالپى ءونىم قۇنى ءبىر تريلليون 598 ميلليارد 365 ميلليون يۋان بولىپ، سالىستىرمالى باعا بويىنشا ەسەپتەگەندە الدىڭعى جىلداعىدان ％7.0 ارتىپ، 2 جىلدا ورتا ەسەپپەن ％5.2 ارتقان.
اۆتونوميالى رايوندىق ساناق مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى شۇي جيانحۇي اقپار جاريالاۋ ماجىلىسىندە مىنالاردى ءبىلدىردى: 2021 - جىلى تۇتاس رايوننىڭ ەكونوميكالىق اينالىمى جالپى تۇلعالىق جاقتان ورنىقتى بولدى، نەگىزگى كورسەتكىشتەر بويىنشا نىسانا مىندەتتەر اسىرا ورىندالىپ، ”14 - بەسجىلدىقتا“ جاقسى باستاما اشۋدى جۇزەگە اسىردى.
ەكونوميكانىڭ جالپى مولشەرى تاعى دا تىڭ بەلەسكە كوتەرىلىپ، جالپىلىق ناقتى قۋات اناعۇرلىم كۇشەيدى. 2021 - جىلى شينجياڭنىڭ ءوندىرىس جالپى ءونىم قۇنىنىڭ جالپى مولشەرى الدىڭعى جىلداعىدان ％16 ارتىپ، مەملەكەت بويىنشا 23 - ورىندا بولىپ، الدىڭعى جىلداعىدان ءبىر ورىن العا ىلگەرىلەدى. تۇتاس رايوننىڭ 1 - كاسىپ سالاسىنىڭ ارتقان قۇنى 235 ميلليارد 606 ميلليون يۋان بولىپ، سايكەس مەزگىلدەگىدەن ％7.9 ارتتى؛ 2 - كاسىپ سالاسىنىڭ ارتقان قۇنى 596 ميلليارد 736 ميلليون يۋان بولىپ، سايكەس مەزگىلدەگىدەن ％6.7 ارتتى؛ 3 - كاسىپ سالاسىنىڭ ارتقان قۇنى 766 ميلليارد 23 ميلليون يۋان بولىپ، سايكەس مەزگىلدەگىدەن ％6.9 ارتتى.
جۇمىستانۋ جاعدايى ءۇرتىس جاقساردى. 2021 - جىلى تۇتاس رايوندا قالا - قالاشىقتاردا 477 مىڭ 400 ادام تىڭنان جۇمىستانىپ، تۇتاس جىلدىق نىسانا مىندەت ％103.8 ورىندالدى؛ اۋىل - قىستاقتارداعى ارتىق ەڭبەككۇشتەردەن 3 ميلليون 174 مىڭ ادام باسقا سالاعا ويىسىپ جۇمىستانىپ، تۇتاس جىلدىق نىسانا مىندەت ％115.4 ورىندالدى؛ قالا - قالاشىقتا تىزىمگە الدىرعان جۇمىسسىزدىق سالىستىرماسى ％2. 2 بولىپ، الدىڭعى جىلداعىدان 1. 1 پايىز تومەن بولدى.
يمپورت - ەكسپورت تۇراقتىلىقتى ساقتادى، ەكسپورت ءبىرشاما تەز ارتتى. 2021 - جىلى تۇتاس رايوننىڭ يمپورت - ەكسپورت جالپى سوماسى 156 ميلليارد 907 ميلليون يۋان بولىپ، الدىڭعى جىلداعىدان ％5.8 ارتىپ، ارتۋ قارقىنى الدىڭعى جىلداعىدان 15.3 پايىز جوعارىلادى.
ساناق ساندى مالىمەتى بىلتىر تۇتاس رايونىمىز ەكونوميكاسىنىڭ قۇرىلىمدى رەتتەۋ، قوزعاۋشى قۋاتتى اۋىستىرۋ، ساپانى جوعارىلاتىپ، ونىمدىلىكتى ارتتىرۋ سياقتى جاقتارداعى جاعدايىن دا كورسەتتى. 2021 - جىلى شينجياڭنىڭ ءۇش كاسىپ سالاسىنىڭ ەكونوميكاعا قوسقان ۇلەس سالىستىرماسى جەكە - جەكە ％16.3، ％33.2 جانە ％50.5 بولدى. تۇراقتى مال - مۇلىككە قوسقان قارجى (شارۋا وتباسىن قامتىمايدى) الدىڭعى جىلداعىدان ％15.0 ارتىپ، قارجى قوسۋ قۇرىلىمى ۇزدىكسىز ساپالىلاندى. قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى 358 ميلليارد 462 ميلليون يۋان بولىپ، الدىڭعى جىلداعىدان ％17.0 ارتتى؛ شينجياڭ كاسىپورىندارى ەلەكتروندى ساۋدا تۇعىرى ارقىلى توردا بولشەك ساتۋ سوماسى 42 ميلليارد 720 ميلليون يۋان بولىپ، الدىڭعى جىلداعىدان ％41.3 ارتتى. كولەمنەن جوعارى ونەركاسىپتىڭ پايداسى 191 ميلليارد 611 ميلليون يۋان بولىپ، الدىڭعى جىلداعىدان 1.96 ەسە ارتتى. تۇتاس رايونداعى قالا، اۋىل تۇرعىندارىنىڭ جان باسىندىق قولداعى تابىسى 26 مىڭ 75 يۋان بولىپ، الدىڭعى جىلداعىدان ％9.4 ارتتى، باعا فاكتورىن شىعارىپ تاستاعاندا، ءىس جۇزىندە، ％8.1 ارتتى.
شۇي جيانحۇي مىنالاردى ءبىلدىردى: كەلەسى قادامدا تۇتاس رايون ورنىقتىلىقتى ماڭداي الدى ورىنعا قويۋ، ورنىقتىلىق بارىسىندا ىلگەرىلەۋ جالپى ارناسىنا تاباندى بولىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، ”التىنى ورنىقتىرۋ“، ”التىنى قامتاماسىز ەتۋ“ قىزمەتىن ۇزدىكسىز جاقسى ىستەپ، كاسىپتەردىڭ ورنالاسۋىن ساپالىلاندىرىپ، ساۋداگەر شاقىرىپ، قارجى ەنگىزۋ تەبىنىن كۇشەيتىپ، ماكرولىق ەكونوميكانىڭ جالپى اۋقىمىن كۇش سالا ورنىقتىرىپ، ەكونوميكانىڭ جوعارى ساپالى دامۋىن جانە حالىق تۇرمىسىن جاقسارتۋدى ىلگەرىلەتىپ، قوعامدىق كەلەلى جاعدايدىڭ ورنىقتىلىعىن ساقتاپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الۋ كەرەك.
