جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس كوكتەم مەرەكەسىن توپتىق قۇتتىقتاۋ ءماجىلىسىن وتكىزدى
شي جينپيڭ ءسوز سويلەدى
پارتيا ورتالىق كوميتەتى، مەملەكەتتىك كەڭەس اتىنان بۇكىل ەلدەگى ءار ۇلت حالقىنىڭ، شياڭگاڭ ەرەكشە اكىمشىلىك رايونىنداعى باۋىرلاستاردىڭ، اۋمىن ەرەكشە اكىمشىلىك رايونىنداعى باۋىرلاستاردىڭ، تايۋاندىق باۋىرلاستاردىڭ جانە شەتەلدەگى چياۋمين باۋىرلاستاردىڭ مەرەكەسىن قۇتتىقتادى
لي كىچياڭ باسقاردى، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتىناستى
1 - ايدىڭ 30 - كۇنى جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس بەيجيڭ حالىق سارايىندا 2022 - جىلعى كوكتەم مەرەكەسىن توپتىق قۇتتىقتاۋ ءماجىلىسىن وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
1 - ايدىڭ 30 - كۇنى جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس بەيجيڭ حالىق سارايىندا 2022 - جىلعى كوكتەم مەرەكەسىن توپتىق قۇتتىقتاۋ ءماجىلىسىن وتكىزدى. پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار استاناداعى ءار سالا قايراتكەرلەرىمەن ءبىر اراعا باس قوسىپ، كوكتەم مەرەكەسىن بىرگە قارسى الدى.
□ سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
شينحۋا اگەنتتىگىنىڭ 1 - ايدىڭ 30 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس 1 - ايدىڭ 30 - كۇنى تۇستەن بۇرىن حالىق سارايىندا 2022 - جىلعى كوكتەم مەرەكەسىن توپتىق قۇتتىقتاۋ ءماجىلىسىن وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ءسوز سويلەپ، پارتيا ورتالىق كوميتەتى، مەملەكەتتىك كەڭەس اتىنان بۇكىل ەلدەگى ءار ۇلت حالقىنىڭ، شياڭگاڭ ەرەكشە اكىمشىلىك رايونىنداعى باۋىرلاستاردىڭ، اۋمىن ەرەكشە اكىمشىلىك رايونىنداعى باۋىرلاستاردىڭ، تايۋاندىق باۋىرلاستاردىڭ جانە شەتەلدەگى چياۋمين باۋىرلاستاردىڭ مەرەكەسىن قۇتتىقتادى.
شي جينپيڭ بىلاي دەپ باسا دارىپتەدى: 100 جىلدان بەرى پارتيا مەن حالىقتىڭ قول جەتكىزگەن بارلىق تابىستارى ىنتىماقتاسا كۇرەس جۇرگىزۋدىڭ ناتيجەسى، ىنتىماقتاسا كۇرەس جۇرگىزۋ − جۇڭگو كوممۋنيستىك پارتياسى مەن جۇڭگو حالقىنىڭ ەڭ ايقىن رۋحاني بەلگىسى. 100 جىلدىق كۇرەس تاريحى بىزگە مىنانى ۇعىندىردى: ىنتىماق − كۇش، كۇرەس بولاشاققا باستايدى؛ ىنتىماقتاسا كۇرەس جۇرگىزەتىن ۇلتتىڭ عانا بولاشاعى بولادى، ىنتىماقتاسا كۇرەس جۇرگىزەتىن ساياسي پارتيا عانا جەڭىمپاز ورىندا تۇرا الادى. 100 جىلدىق كۇرەس تاريحى بىزگە تاعى مىنانى ۇعىندىردى: ايقىن كۇرەس نىساناسىن ارقاۋ ەتىپ قالىپتاسقان ىنتىماق عانا ەڭ بەكەم ىنتىماق، تىعىز ىنتىماققا سۇيەنىپ جۇرگىزىلگەن كۇرەس عانا ەڭ پارمەندى كۇرەس. ءبىز ىنتىماقتاسا كۇرەس جۇرگىزۋگە سۇيەنىپ، شۇعىلالى تاريحتى جاراتتىق، سونداي - اق ىنتىماقتاسا كۇرەس جۇرگىزۋگە سۇيەنىپ تاماشا بولاشاقتى اشۋىمىز كەرەك. ءبىر ميلليارد 400 ميلليوننان استام جۇڭگو حالقى تەك قاي - قاشان دا قول ۇستاسىپ بولاشاققا بىرگە بەت الاتىن، 95 ميلليوننان استام جۇڭگو كوممۋنيستەرى تەك قاي - قاشان دا حالىقپەن جۇرەكتەس بولىپ بولاشاققا بىرگە بەت الاتىن بولسا بولعانى، ءبىز، ءسوز جوق، جاڭا ەمتيحان تاپسىرۋ جولىندا جۇرتتى جالت قاراتاتىن كەرەمەتتەردى ۇزدىكسىز جاراتا الامىز.
پارتيا مەن مەملەكەت باسشىلارىنان لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار توپتىق قۇتتىقتاۋ ماجىلىسىنە قاتىناستى، لي كىچياڭ باسقاردى.
حالىق سارايىنىڭ قوناعاسى زالىندا شامدار جارقىراپ، قۋانىش قۇشاعىنا شومدى، ءار سالا قايراتكەرلەرى ءبىر اراعا شاتتىقپەن باس قوسىپ، مەرەيلى مەرەكەنى بىرگە قارسى الدى، زال ءىشى شاتتىققا، جاراستىققا تولى مەرەكەلىك بەينەگە ەندى.
تۇستەن بۇرىن ساعات 10 مولشەرىندە شات مەرەيلى مۋزيكا ءۇنى ىشىندە شي جينپيڭ قاتارلى پارتيا مەن مەملەكەت باسشىلارى زالعا كىرىپ، كوپشىلىككە قول بۇلعاپ قۇرمەت ءبىلدىرىپ، كوپشىلىكپەن ءوزارا امانداسىپ، كوكتەم مەرەكەسىنە تىلەكتەر ايتتى، بۇكىل زالدان قىزۋ شاپالاق ءۇنى كوتەرىلدى.
شي جينپيڭ سوزىندە بىلاي دەپ اتاپ كورسەتتى: ءوتۋ الدىندا تۇرعان ەگىنشىلىك كالەندارىنداعى شينچوۋ سيىر جىلى ءبىز تاريحتى قورىتىندىلاعان، وتكەنگە قايىرىلا قاراعان ءبىر جىل ءارى ءبىز تاريحقا قۇرمەت بىلدىرگەن، بولاشاققا بەت العان ءبىر جىل بولدى. بۇكىل پارتيا، بۇكىل ەلدەگى ءار ۇلت حالقى ەلپەك وگىز، تۇرەنشى وگىز، كومپىس وگىز رۋحىن ساۋلەلەندىرىپ، جۇڭحۋا ۇلتىنىڭ ۇلى گۇلدەنۋى جولىندا ۇزدىكسىز قاجىرلىلىقپەن كۇرەس جۇرگىزىپ، پارتيا مەن مەملەكەت ىستەرىن ىلگەرىلەتۋدە تىڭ دا كورنەكتى تابىستارعا قول جەتكىزدى. ءبىز جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن سالتاناتپەن قۇتتىقتادىق، جۇيەلى دە اۋقىمدى جۇرگىزىپ، شات - شادىمان بەينەگە شومىپ، جورىققا شىعۋ دابىلىن قاعىپ، قايراتتانا جەلكەن جايىپ، بۇكىل پارتيانىڭ، بۇكىل قوعامنىڭ جاڭا داۋىردە ەكپىندەي العا ىلگەرىلەۋىنىڭ تەلەگەي كۇشىن تاسقىنداتتىق. ءبىز پارتيا 19 - كەزەكتى ورتالىق كوميتەتى التىنشى جالپى ءماجىلىسىن اشتىق ءارى ءۇشىنشى تاريحي قاراردى شىعاردىق، كەدەيلىكتەن ارىلتۋدان قامال الۋ شايقاسىنىڭ جەڭىسىنە ۋاعىندا قول جەتكىزدىك، جاپپاي دوڭگەلەك داۋلەتتى قوعامدى ۋاعىندا ورناتتىق، ءبىرىنشى 100 جىلدىق كۇرەس نىساناسىن جۇزەگە اسىردىق، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستادىق، جۇڭحۋا ۇلتىنىڭ ۇلى گۇلدەنۋىنىڭ تاريحي ۇردىسىندە ايشىقتى پاراقتار جازدىق. ەلىمىز ەكونوميكالىق دامۋ مەن ىندەتتەن ساقتانۋ - تىزگىندەۋدە دۇنيە جۇزىندە الدىڭعى ورىندى ساقتاپ، جاڭا دامۋ ارناسىن قالىپتاستىرۋدا جاڭا قادام باسىپ، جوعارى ساپالى دامۋدا تىڭ تابىسقا قول جەتكىزدى، مەملەكەتتىڭ ستراتەگيالىق عىلىم - تەحنيكالىق كۇشى جىلدام زورايدى، رەفورما جاساۋدا، ەسىك اشۋدا جاڭا قادام تاستالدى، حالىق تۇرمىسىن قامتاماسىز ەتۋ پارمەندى، ءونىمدى بولدى، ەكولوگيالىق وركەنيەت قۇرىلىسى ءۇرتىس ىلگەرىلەدى، كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ قىزمەتىنە جاپپاي ورنالاستىرۋ جاسالدى، مەملەكەت قورعانىسى مەن ارميا قۇرىلىسى پارمەندى كەڭەيدى، شياڭگاڭدا بىلىقپالىقتى جونگە سالۋ جۇزەگە اسىپ، ”دەربەستەنۋگە“ قارسى تۇرىپ، بىرلىككە كەلۋدى جەبەۋ كۇرەسى ۇزدىكسىز كۇشەيدى، جۇڭگوشا ەرەكشەلىككە يە ءىرى ەل ديپلوماتياسى ۇزدىكسىز ىلگەرىلەدى، پارتيا تاريحىن ۇيرەنۋ تاربيەسىنىڭ تابىسى كورنەكتى بولدى، قوعامدىق كەلەلى جاعداي ورنىقتىلىقتى ساقتاپ، ”14 - بەسجىلدىقتىڭ“ تاماشا باستاماسى جۇزەگە اسىرىلدى. 100 جىلدىق وزگەرىس پەن عاسىرلىق ىندەت قاباتتاسقان كۇردەلى جاعدايدا ءبىزدىڭ وسى ناتيجەلەرگە قول جەتكىزۋىمىز بۇكىل پارتيانىڭ، بۇكىل ەلدەگى ءار ۇلت حالقىنىڭ جاڭا جورىقتا ەكپىندەي العا ىلگەرىلەۋ، جاڭا داۋىرگە ەڭبەك ءسىڭىرۋ قايراتى مەن سەنىمىن بارىنشا نىعايتتى.
شي جينپيڭ بىلاي دەپ باسا دارىپتەدى: وتكەن 100 جىلدا جۇڭگو كوممۋنيستىك پارتياسى حالىققا، تاريحقا ۇزدىك جاۋاپناما تاپسىردى. قازىر پارتيا بۇكىل ەلدەگى ءار ۇلت حالقىن ىنتىماقتاستىرىپ، باستاپ، ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا ەمتيحان تاپسىرۋ جولىنا قادام تاستادى. دۇنيە جۇزىندە حالىقتىڭ باقىتى جولىندا كۇرەس جۇرگىزۋدەن اساتىن ەڭ زور باقىت جوق. كوڭىلىمىزگە بۇقارانى ساقتاپ، قولىمىزعا اقيقاتتى ۇستاپ، ءومىردىڭ دۇرىس جولىن باسقان ءبىزدىڭ سەنىمىمىز كامىل، كۇشىمىز مىعىم. مەيلى جاعداي قالاي وزگەرسىن، مەيلى سىن - سايىس قانداي قاتاڭ بولسىن، ءبىز پارتيا قۇرۋ ۇلى رۋحىن اسقاقتاتىپ، ۋايىم مەن تارشىلىق ادامدى ءومىر سۇرۋگە جەتەلەيدى، جايلى، راقات تىرشىلىك زاۋالعا قاراي يتەرمەلەيدى دەيتىن ەجەلگى تاعىلىماتتى ەستە بەرىك ساقتاپ، قاشاندا ۇزاق بولاشاقتى كوزدەپ، امانشىلىقتا جامانشىلىقتىڭ بولارىن ويلاپ، تىعىز ىنتىماقتاسىپ، قاجىرلىلىقپەن كۇرەس جۇرگىزىپ، جۇڭحۋا ۇلتىنىڭ ۇلى گۇلدەنۋى سىندى تاريحي ۇلى ءىستى ۇزدىكسىز العا ىلگەرىلەتۋىمىز كەرەك.
شي جينپيڭ بىلاي دەپ اتاپ كورسەتتى: 100 جىلدىق كۇرەس تاريحىنا بولعان ەڭ تاماشا قۇرمەت − جاڭا كۇرەس تاريحىن جازۋ بولىپ تابىلادى. بيىلعى جىلدىڭ سوڭعى جارتىسىندا جۇڭگو كوممۋنيستىك پارتياسى مەملەكەتتىك 20 - قۇرىلتايىن اشىپ، وتكەن 5 جىلداعى قىزمەتتەردى قورىتىندىلاپ، بولاشاقتاعى ءبىر مەزگىلدەگى دامۋ جوباسىن دايىندايدى. ءبىز ەل ءىشى، حالىقارا سىندى ەكى كەلەلى جاعدايدى ءبىر تۇتاس جوسپارلاپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، دامۋ مەن حاۋىپسىزدىكتى ءبىر تۇتاس جوسپارلاپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، رەفورما جاساۋدى، ەسىك اشۋدى جاپپاي تەرەڭدەتىپ، جوعارى ساپالى دامۋدى ىلگەرىلەتىپ، حالىق تۇرمىسىن ءۇرتىس قامتاماسىز ەتىپ جانە جاقسارتىپ، ورنىقتى، اقاۋسىز ەكونوميكالىق ورتانى، ەل امان، جۇرت تىنىش قوعامدىق ورتانى، ستيلى پاك، سالتى دۇرىس ساياسي ورتانى كۇش سالا ساقتاپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋىمىز كەرەك.
شي جينپيڭ بىلاي دەپ باسا دارىپتەدى: جۇڭگونىڭ ءداستۇرلى مادەنيەتىندە بارىس اڭداردىڭ پاتشاسى، كۇشتىڭ، ەرلىكتىڭ، باتىرلىقتىڭ سيمۆولى. رىنيىن بارىس جىلىندا ءبىز ارىندى ايبىنمەن، تەبىندى قايراتپەن، جولبارىستاي تاۋ قوپاراتىن رۋحپەن جۇڭگوشا سوتسياليزم ۇلى ىستەرىنىڭ تاريحي جاڭا تاراۋىن ۇزدىكسىز جازۋىمىز كەرەك.
شي جينپيڭ سوڭىندا مىنالاردى ءبىلدىردى: بەيجيڭ قىسقى وليمپيادا سپورت جارىسى، مۇگەدەكتەر قىسقى وليمپيادا سپورت جارىسى باستالۋ الدىندا تۇر، جۇڭگو حالقى الدەقاشان ويداعىداي دايىندالىپ بولدى، الداعى جەردە دۇنيە جۇزىنە ۇنەمشىل، حاۋىپسىز، تارتىمدى وليمپيادا سپورت جارىسى سالتاناتتى جينالىسىن ۇسىنادى، جۇڭگولىق، شەتەلدىك قار - مۇز سپورتى ساڭلاقتارىنىڭ مىعىم قايراتقا كەلىپ، تاماشا ناتيجەلەر جاراتۋىن تىلەيمىن.
جۇڭگو كوممۋنيستىك پارتياسى ورتالىق كوميتەتىندەگى، مەملەكەتتىك حالىق قۇرىلتايى تۇراقتى كوميتەتىندەگى، مەملەكەتتىك كەڭەستەگى، ەڭ جوعارى حالىق سوتى مەكەمەسىندەگى، ەڭ جوعارى حالىق پروكۋراتۋراسىنداعى، مەملەكەتتىك ساياسي كەڭەستەگى، ورتالىق اسكەري ىستەر كوميتەتىندەگى باسشى جولداستار جانە ساقا جولداستار توپتىق قۇتتىقتاۋ ماجىلىسىنە قاتىناستى.
توپتىق قۇتتىقتاۋ ماجىلىسىنە ورتالىقتاعى پارتيا، ۇكىمەت، ارميا تاراۋلارىنداعى، بۇقارالىق تاراۋلارداعى جانە بەيجيڭ قالاسىنداعى جاۋاپتى جولداستار، ءارقايسى دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى، دەمالىسقا، زەينەتكە شىققان ساقا جولداستاردىڭ ۋاكىلدەرى، ايگىلى مامانداردىڭ، وقىمىستىلاردىڭ جانە استانانىڭ ءار سالاسىنداعى قايراتكەرلەردىڭ ۋاكىلدەرى دە قاتىناستى. ادەبيەت - كوركەمونەر قىزمەتكەرلەرى توپتىق قۇتتىقتاۋ ماجىلىسىندە تارتىمدى كونسەرت نومىرلەرىن قويدى.
