ما شيڭرۇي قۇمىل قالاسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
بايلىق ارتىقشىلىعىن ۇتىمدى پايدالانىپ، جاڭا ەنەرگيا كاسىپ سالاسىن ۇلعايتىپ، جاڭا باسىمدىق قالىپتاستىرىپ، ەكولوگيانى الدىمەن ويلاستىراتىن، جاسىل داميتىن جاڭا جولمەن جۇرۋگە قۇلشىنۋ كەرەك
ەركىن تۇنياز بىرگە تەكسەرۋ - زەرتتەۋ جۇرگىزدى
اۆتونوميالى رايوندىق پارتكومنىڭ شۋجيى ما شيڭرۇي 1 - ايدىڭ 30 - كۇنى قۇمىل قالاسىنا كەلىپ تەكسەرۋ - زەرتتەۋ جۇرگىزدى. سۋرەتتە: ما شيڭرۇي شينجياڭ شياڭشىڭ جاڭا ماتەريالدارى عىلىم - تەحنيكا شەكتى سەرىكتەستىگىندە كاسىپورىننىڭ ءوندىرىس اينالىمى، ونىمدەرىنىڭ ساتىلىمى سياقتى جاعدايلاردى ەگجەي - تەگجەيلى ۇعىسۋدا.
□ سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت/شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 1 - ايدىڭ 30 - كۇنى قۇمىلدان حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 1 - ايدىڭ 30 - كۇنى قۇمىل قالاسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، وڭىرلىك ورىن جانە ارنا، گۋمانيتارلىق جانە تاريحي، ەنەرگيا، بايلىق ارتىقشىلىعى سياقتى باسىمدىقتاردى تىعىز ارقاۋ ەتىپ، ۇزاق بولاشاقتىق شارالاردى كوبىرەك جوسپارلاپ، نەگىزدى بەكەمدەۋ شارالارىن كوبىرەك اتقارىپ، ءار ۇلتتىڭ ارالاسۋىن، ىشتەسۋىن، توعىسۋىن جەبەپ، جۇڭحۋا ۇلتى ورتاق تۇلعا تانىمىن بەرىك ورناتىپ، جاڭا ەنەرگيا كاسىپ سالاسىن دامىتىپ، زورايتىپ، وسى زامانعى كاسىپ سالاسىنىڭ جاڭا جۇيەسىن ورناتىپ، ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋ كەرەك. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز بىرگە تەكسەرۋ - زەرتتەۋ جۇرگىزدى.
كوكتەم مەرەكەسى تاياعاندا قۇمىلدىڭ ۇلكەندى - كىشىلى كوشەلەرىنە شامدان ءىلىنىپ، ءتۇستى تورعىندار بايلانىپ، قويۋ مەرەكەلىك لەپ ەستى، مەرەكەلىك زاتتار ساتىپ الىپ جۇرگەن ءار ۇلت بۇقاراسى قارا ءنوپىر بولىپ قايشالىسىپ، ايرىقشا دۋمانعا شومدى. ما شيڭرۇي جەكە - جەكە زوگۇڭ مادەنيەت باعىنا، باركول قازاق اۆتونوميالى اۋدانىنىڭ مادەنيەت جانە مۇراجاي ورنىنا بارىپ، تاريحي مادەنيەت مۇرالارىن قورعاۋ، جالعاستىرۋ، جۇڭحۋا ۇلتى ورتاق تۇلعا تاريحىن زەرتتەۋ سياقتى جاعدايلاردى ۇعىستى. ما شيڭرۇي بىلاي دەدى: شينجياڭدى مادەنيەتپەن نارلەندىرۋ ينجەنەرياسىن ىشكەرىلەي اتقارىپ، مادەني ەسكەرتكىشتەردى قورعاۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، قورعاۋ سەرپىنىن شىنايى ارتتىرىپ، لايىقتى، ۇيلەسىمدى دەڭگەيدە پايدالانىپ، تاريحتى اينا ەتىپ، كەيىنگىلەرگە وي سالىپ، جۇڭحۋا ۇلتى ورتاق تۇلعا تانىمىن بەرىك ورناتىپ، جۇڭگو ارمانىن جۇزەگە اسىرۋدىڭ سەنىمى مەن بەكىمىن نىعايتۋ كەرەك.
باركول جيانكۇن مال شارۋاشىلىعى كەدەيلىكتەن ارىلتۋدان قامال الۋدىڭ مەملەكەتتىك وزات كوللەكتيۆى. ما شيڭرۇي كاسىپورىن ءوندىرىسىنىڭ ءبىرىنشى شەبىنە بارىپ، ”كاسىپورىن + سەلبەستىك كووپەراتيۆىنىڭ شارۋالار وتباسىن جەتەكتەۋى“ ۇلگىسى ارقىلى سول جەردەگى باعىمشىلىق سەلبەستىك كووپەراتيۆى مەن ەگىنشى - مالشىلاردى بىرلەسە قيمىلداپ دامۋعا جەتەكتەۋ جاعدايىن ۇعىسىپ، بىلاي دەپ باسا دارىپتەدى: كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى ىلگەرىلەتىپ، ەگىن، مال شارۋاشىلىعى ونىمدەرىنىڭ ولشەمدى، جاسىل ءوندىرىسىن كۇشەيتىپ، ورگانيكالى، ەرەكشەلىككە يە كاسىپ سالالارىن ۇلعايتىپ، الۋەتتەندىرىپ، دامۋ جەتىستىكتەرىنەن اناعۇرلىم كوپ ءار ۇلت بۇقاراسىن يگىلىكتەندىرۋ كەرەك.
مەملەكەتتىك قايتا تۋىندايتىن ەنەرگيا ينفورماتسيالارىن باسقارۋ ورتالىعىنىڭ قۇمىل بولىمشە ورتالىعىندا ما شيڭرۇي ”شينجياڭ ەلەكترىن سىرتقا جەتكىزۋ“ بويىنشا تۇڭعىش ەرەكشە جوعارى كەرنەۋلى نىسان قۇمىل - جىڭجوۋ جەلىسىنىڭ قۇرىلىس، جۇمىس جۇرگىزۋ جاعدايىن، قۇمىلدىڭ قايتا تۋىندايتىن ەنەرگيامەن ەلەكتر شىعارۋ، وت ەلەكترى، ەلەكتر جەلىسى نىسانى جانە ەنەرگيالىق جابدىق جاساۋ كاسىبى دامۋىنىڭ قازىرگى احۋالىن ەگجەي - تەگجەيلى ۇعىستى. ما شيڭرۇي بىلاي دەپ اتاپ كورسەتتى: كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋدى، كومىر قىشقىل گازىن بەيتاراپتاندىرۋدى ارقاۋ ەتىپ، قۇمىلدىڭ ەنەرگيا - بايلىق ارتىقشىلىعىن تياناق ەتىپ، تازا، جوعارى ءونىمدى، وزىق، ەنەرگيا ۇنەمدەيتىن كومىر ەلەكترىن تىرەك ەتىپ، سەرپىندى ارتتىرىپ، كولەمدى جەل ەلەكتر، فوتوۆولتتىق ەلەكتر بازالارىن جوسپارلاپ، سالىپ، ەرەكشە جوعارى كەرنەۋمەن ەلەكتر جەتكىزۋ، ەلەكتر وزگەرتۋ جەلىلەرى، شينجياڭ ىشىندەگى تاماشا ەلەكتر جەلىسى جۇيەسى سياقتى دانەكەرلەردىڭ رولىن ساۋلەلەندىرىپ، تازا، تومەن كومىر قىشقىل گازدى، حاۋىپسىز، جوعارى ءونىمدى ەنەرگيا جۇيەسىن ورناتىپ، جاڭا باسىمدىق قالىپتاستىرۋ كەرەك.
ما شيڭرۇي تاعى حايجۋاڭ جەل ەلەكترى، شياڭشىڭ جاڭا ماتەريالدارى سياقتى كاسىپورىندارعا بارىپ تەكسەرۋ - زەرتتەۋ جۇرگىزىپ، بىلاي دەپ باسا دارىپتەدى: سەنىمدى بەكەمدەپ، تاباندىلىقتى ساقتاپ، قامداۋ جاعىنداعى قۇرىلىمدىق رەفورمانى نەگىزگى جەلى ەتىپ، ەكونوميكانىڭ دامۋ تاسىلىنە جەدەل بۇرىلىس جاساپ، جاساۋ كاسىبىن جابدىقتاردى جاڭالاۋعا جانە تەحنيكالىق جاڭارتۋعا قارجى قوسۋدى ارتتىرۋعا جەتەكتەپ، ناقتى ەكونوميكانى، اسىرەسە، جاساۋ كاسىبىن نىعايتىپ، كۇشەيتىپ، ساپالىلاندىرىپ، جاڭا ماتەريالدار مەن وزىق جاساۋ تەحنيكاسىنىڭ ءوزارا توعىسۋىن ىلگەرىلەتىپ، جاڭا ارتۋ تۇيىندەرىن كۇش سالا ۇلعايتىپ، دامۋدىڭ جاڭا قوزعاۋشى قۋاتىن قالىپتاستىرۋ كەرەك.
قۇمىل وزەنى ەكولوگياسىن قالپىنا كەلتىرۋ ينجەنەرياسىن تەكسەرىپ كورگەن سوڭ، ما شيڭرۇي وزەننىڭ ەكى جاعالاۋىنىڭ قورشاعان ورتاسىن جاقسارتۋ، وڭاۋ ءىسىن تۇراقتاندىرىپ، بىلاي دەپ باسا دارىپتەدى: تۇنىق سۋ، جاسىل تاۋ − باعالى بايلىق ۇستانىمىن مىقتاپ ورناتىپ، دامۋ مەن ەكولوگيا سىندى ەكى تومەنگى شەكتى ساقتاپ، ەكولوگيانى الدىمەن ويلاستىراتىن، جاسىل داميتىن جاڭا جولمەن جۇرۋگە قۇلشىنۋ كەرەك.
ما شيڭرۇي يجوۋ رايونى شانشي مەشتىندە، داشىزى مەشتىندە ءدىني قيمىلداردى زاڭ بويىنشا ورىستەتۋ، ءدىن ىستەرىن باسقارۋ سياقتى قاتىستى قىزمەت جاعدايلارىنا تەكسەرۋ - زەرتتەۋ جۇرگىزىپ، بىلاي دەپ باسا دارىپتەدى: پارتيانىڭ ءدىن قىزمەتى جونىندەگى نەگىزگى باعىتىنا تاباندى بولىپ، زاڭدىلارىن قورعاپ، زاڭسىزدارىن تەجەپ، ۇشقارىلىقتى اۋىزدىقتاپ، سىنالاپ كىرۋگە قارسى تۇرىپ، قىلمىسقا سوققى بەرىپ، شينجياڭدا ءىسلام ءدىنىن جۇڭگوشالاندىرۋ بەتالىسىنا تاباندى بولىپ، ءدىندى سوتسياليستىك قوعامعا ۇيلەسۋگە بەلسەنە جەتەكتەۋ كەرەك.
تەكسەرۋ - زەرتتەۋ بارىسىندا ما شيڭرۇي تاعى تەمىر جول، تاس جول سياقتى قاتىناس نەگىزدىك قۇرىلعىلارىنىڭ جۇمىس جۇرگىزۋ جاعدايىن ەگجەي - تەگجەيلى ۇعىستى، ول بىلاي دەدى: قۇمىل − شينجياڭنىڭ شىعىس ۇلكەن قاقپاسى، ىندەتتەن ساقتانۋ - تىزگىندەۋدى زاڭ بويىنشا عىلمي، دالمە - ءدال، ويداعىداي ىستەۋمەن بىرگە، كوكتەم مەرەكەسى كەزىندەگى تاسىمالدى قامتاماسىز ەتۋ، ونىڭ ىركىلىسسىزدىگىنە كەپىلدىك ەتۋ قىزمەتىن شىنايى ويداعىداي ىستەپ، كولىك اعىنىنىڭ، ادام اعىنىنىڭ بەتالىسىن الدىن الا بولجاپ، اۋا رايىنىڭ وزگەرىسىن ءجىتى قاداعالاپ، تالداۋ جاساۋدى، زەرتتەۋ - تۇجىرىمداۋدى، الدىن الا ساقتاندىرۋ بويىنشا جاتتىعۋدى كۇشەيتىپ، كوكتەم مەرەكەسى كەزىندەگى تەمىر جولدىڭ، تاس جولدىڭ ىركىلىسسىزدىگىنە، حاۋىپسىزدىگىنە، قوعامدىق كەلەلى جاعدايدىڭ ۇزدىكسىز ورنىقتى بولۋىنا شىنايى كەپىلدىك ەتۋ كەرەك.
اۆتونوميالى رايون باسشىلارىنان چىن ۋيجۇن، ءيۇسۇپجان مامەت، قادەن كابەن قاتارلىلار تەكسەرۋ - زەرتتەۋگە قاتىناستى.
