□انار بۇلت / شينجياڭ گازەتىنىڭ ءتىلشىسى ياڭ شۋحان
الۋان ءتۇستى قۇستار ءۇي توبەسىنەن جاناي ءوتتى، قارلى تاۋ الىستان مۇنارلانا كوزگە شالىنادى، بارلىق باۋرايىنداعى شينجياڭ اسكەري رايونى تارباعاتاي بولىمشە اسكەري رايونىنىڭ تاستى شەكارا قورعانىس ليانىنىڭ راديوسىنان قۇلاققا تانىس «اق تەرەك» ءانى قالىقتادى، تامىلجىعان ءان اۋەنى تاۋ اڭعارىندا كوپكە دەيىن جاڭعىرىپ تۇردى. الىس - جۋىققا تانىمالى اق تەرەك قاراۋىلحاناسى وسى ارادا.
1 - ايدىڭ 30 - كۇنى ءتۇس الەتى، كۇن شۋاعىن توگىپ تۇر، اق تەرەك قاراۋىلحاناسىنداعى وفيتسەر - جاۋىنگەرلەر كوكتەم بوساعالىعىن جازىپ، ”福“ ءارىبىن جاپسىرىپ، تۇمشالامالى شام ءىلىپ، قاربالاستىققا ءتۇستى.
”ءبىرىنشى شەپتەن تاپجىلماعان جاۋىنگەرلەردىڭ كوكتەم مەرەكەسىن ويداعىداي وتكىزۋىنە مۇمكىندىك جاساۋ ءۇشىن، ءبىز كوپ بولىپ اقىل قوسىپ، كوپتەگەن تاماشا ادىستەر تاپتىق“. تاستى شەكارا قورعانىس ليانىنىڭ ليانجاڭى گو جى وفيتسەر - جاۋىنگەرلەردەن پىكىر الۋ، تاماق كەستەسىن جاساۋ جانە ساتىپ الۋ جوسپارىنان اسكەريلەر جۇبايلارىن، اسكەريلەردىڭ ءۇي - ىشىندەگىلەردى ەسكى جىلدىڭ سوڭعى كۇنىن بىرگە وتكىزۋگە ۇسىنىس ەتۋگە، كوكتەم بوساعالىعىن جازۋ، تەرەزە ورنەگىن جاپسىرۋعا دەيىن قاراۋىلحانانىڭ بارلىق جەرىندە جىلى لەپ ەستى...
2 - قاباتتاعى جيىن زالىندا 24 جاستاعى ورىنباسار ليانجاڭ حۋاڭ يۋانلەي كوكتەم بوساعالىعىن جازىپ جاتتى، ول قىزىل قاعازدى جايىپ، التىن ءتۇستى سياعا ماتىرىلعان ءجۇن قالاممەن ۇلكەن ”福“ ارىبىنەن ءبىر تالايىن جازدى، ”كوكتەم بوساعالىعى مەن ’福‘ ارىبىنەن مولشەرمەن 150 نەشەسىن جازدىم“، - دەدى حۋاڭ يۋانلەي كۇلىمسىرەپ.
گۇيجوۋدان كەلگەن حۋاڭ يۋانلەيدىڭ حاتكەرلىگىنىڭ تارباعاتاي بولىمشە اسكەري رايونىندا اتاعى بار. ”حاتكەرلىكتى كىشكەنتايىمنان ۇيرەنگەم، باستان - اياق جالعاستىرىپ كەلەمىن، اسكەري كازارماعا كەلگەننەن بەرى كوپ جازبايتىن بولدىم، سوندا دا نەگىزىم ءالى بار“، - دەدى حۋاڭ يۋانلەي.
ساقاداي سايلاندى. وسى ساتتە اق تەرەك قاراۋىلحاناسىنداعى 6 جاۋىنگەر سىرتقا شىعىپ شارلاۋ جۇرگىزۋگە دايىندالدى.
4 ساعاتتىق شارلاۋ ۇزاق، ونىڭ ۇستىنە كۇن سۋىق، وفيتسەر - جاۋىنگەرلەر توڭىرەكتى قالت جىبەرمەي باقىلايدى، شەكارا بەلگىسىنە جەتكەننەن كەيىن ولار دەرەۋ قاسات قاردى ارشىپ، اسا شەبەر ءارى مۇقياتتىلىقپەن شەكارا بەلگىسىن ءسۇرتىپ، شەكارا قورعانىس لەنياسىن تەكسەردى.
قاراۋىلحاناعا ورالعاننان كەيىن جاس جاۋىنگەرلەردىڭ تۇلا بويىنان جاستىق پەن ومىرشەڭدىك مەن مۇندالاپ تۇردى، ولار جاپا - تارماعاي جارىسا كوكتەم بوساعالىعىن جاپسىرىپ، قولدارىنا ”福“ ءارىبىن ۇستاپ سۋرەتكە ءتۇستى، اسكەري كيىمدەرىن كيىپ تۇسكەن ەڭ كەلىسكەن سۋرەتتەرىن جاڭا جىل تارتۋى رەتىندە ۇيىندەگىلەرگە جولداماقشى بولدى.
بيىل گۋاڭدۇڭدىق جاڭا اسكەر مو جينحۋان قاراۋىلحانادا تۇڭعىش كوكتەم مەرەكەسىن وتكىزدى، ليڭناننان شەكارا وڭىرگە كەلگەندە نەندەي اسەردە بولعاندىعى جونىندە ايالداعاندا، ول: ”اسكەري كيىمدى كيۋىمىز وتان مەن حالىقتىڭ شەكارا قورعانىس لەنياسىن بىزگە تاپسىرعاندىعىن اڭعارتادى، بۇل ءۇمىتتى قايتسەك تە اقتاۋىمىز كەرەك“، - دەدى. مو جينحۋان ءوزىنىڭ جاۋىنگەر سەرىكتەرىمەن بىرگە ۇتىلامالى تاياقشانى جالعاپ، اق تەرەك رۋحىن جالعاستىرىپ، ساۋلەلەندىرىپ، شەكارا قورعانىسىنا تامىر تارتىپ، وتاننىڭ شەكارا لەنياسىن ءىس جۇزىندىك ارەكەتىمەن ويداعىداي قورعايتىندىعىن ايتتى.
”سان مىڭداعان وتباسىنىڭ باس قوسۋى ءۇشىن، ءوز وتباسىنداعىلارمەن باس قوسپاۋ“ اق تەرەك قاراۋىلحاناسىنداعى وفيتسەر - جاۋىنگەرلەردىڭ شىنايى بەينەسى. تالاي جىلدان بەرى ءار ۇرپاق ”مەملەكەت قاقپاسىن قورعاۋشىلار“ شەكارا قورعانىسىنا تامىر تارتىپ، قاراۋىلحانانى ءوز ۇيىنە بالاپ، جاستىق شاعى مەن ىستىق قانىن ارنادى. ”وتان مەن حالىق الاڭسىز بولىڭىزدار!“ گو جى جاڭا ءبىر جىلدا ءوزىنىڭ وفيتسەر - جاۋىنگەرلەردى باستاپ، ءتىپتى دە قۇلشىنا قىزمەت ىستەپ، قاجىرلىلىقپەن جاتتىعىپ، ”مەملەكەت قاقپاسىن قورعاۋشىنىڭ“ جاۋاپكەرشىلىگىن شىن مانىندە ارقالاپ، وتاندى قورعاپ، شەكارانى كۇزەتۋ قىزمەت جاۋاپكەرشىلىگىن ادالدىقپەن ويداعىداي اتقارىپ، شەكارانىڭ حاۋىپسىزدىگىنە، ورنىقتىلىعىنا جاڭا داۋىردەگى اسكەريلەردىڭ كۇش - قۋاتىن ارنايتىندىعىن ءبىلدىردى.
