− 300 ميلليون ادام قار - مۇز سپورتىمەن اينالىستى، شينجياڭدا مەن بارمىن (1)
□ انار بۇلت / شينجياڭ گازەتىنىڭ ءتىلشىسى جاڭ شياۋمي
بەيجيڭ 2022 - جىلعى قىسقى وليمپيادا سپورت جارىسىنىڭ تاياي تۇسۋىنە ىلەسە، جۇڭگو دەنە تاربيە ۋاكىلدەر ۇيىرمەسى سپورتشىلارىنىڭ قاتارى جۇرت نازارىن اۋداردى. سونىمەن بىرگە نازارعا ىلىنگەن تاعى ءبىر ”مەملەكەتتىك كوماندا“ بار − نەشە كۇننىڭ الدىندا مادەنيەت جانە ساياحات مينيسترلىگى مەن مەملەكەتتىك دەنە تاربيە باس مەكەمەسى بىرلەسىپ تۇڭعىش توپتاعى مەملەكەت دارەجەلى 12 قار شاڭعى ساياحاتى دەمالىس ورنىنىڭ تىزىمدىگىن جاريالادى، شينجياڭ ”ساڭلاعى“ التاي قار شاڭعى ساياحاتى دەمالىس ورنى، ءۇرىمجى نانشان قار شاڭعى ساياحاتى دەمالىس ورنى وسى تىزىمدىكتەن ورىن الدى.
شينجياڭداعى وسى 2 ”مەملەكەتتىك كوماندانىڭ ساڭلاعى“ وسى رەتكى تاڭدالۋدى باستاما ەتىپ، قار شاڭعى سپورت قۇرىلعىلارىن ۇزدىكسىز كەمەلدەندىرىپ، ساياحاتتاۋ، دەمالۋ بويىنشا قىزمەت وتەۋ دەڭگەيىن جوعارىلاتىپ، ساياحاتشىلارعا اناعۇرلىم كوپ تالعام ازىرلەپ جانە قىزمەت وتەپ، شينجياڭنىڭ قار شاڭعى سپورتىن ونان ارى جەبەپ، قار شاڭعى شارۋاشىلىعىنىڭ ساپاسىن ءوسىرىپ، دەڭگەيىن جوعارىلاتتى.
قار شاڭعى تەبۋمەن بىرگە، ساياحاتتاپ دەمالۋعا دا بولادى
”دوسىم ەكەۋىمىز 2 - ايدىڭ سوڭىندا شينجياڭعا باراتىن ۇشاق بەلەتىن الىپ قويدىق“. شينجياڭداعى قار شاڭعى ساياحاتى دەمالىسىن ەندى عانا اياقتاتقان شىجياجۋاڭنان كەلگەن قار اۋەسكەرى لي ميڭيۋان قايتا كەلۋدى جوسپارعا الدى. ول جوعارىدا اتالعان مەملەكەت دارەجەلى 2 قار شاڭعى ساياحاتى دەمالىس ورنىنىڭ ەكەۋىنە دە بارعان، سونداي - اق شينجياڭ جىبەك جولى حالىقارالىق دەمالىس رايونى اي - ۋىن جولىنىڭ جان كۇيەرى، ”وسى ارادا قاتارىنان 3 كۇن شاڭعى تەپتىم، ءار كۇنى اسپا اربا توقتاعانشا شاڭعى تەۋىپ قۇماردان ءبىر شىقتىم“.
”شاڭعى تەۋىپ بارىپ تاڭعى اس ساتىپ العاندىعى“ سەبەپتى ەڭ كوپ ىزدەلگەندەر تىزىمىنە كىرگەن ينتەرنەت دارىنى دانزىڭ ويلاماعان جەردەن التايدىڭ شاڭعى تەبۋ جارشىسىنا اينالدى. ماپ - مايدا مامىق قار، سىرعاناعان سايىن ادامدى جەلپىندىرە تۇسەتىن ”مامىق قار“ ونى التاي قالاسى گەنەرال تاۋى قار شاڭعى الاڭىنا كەلگەنىنە تاتيتىندىعىن سەزىندىردى. ول ءاسىلى شينجياڭدا ءبىر اي تۇرىپ، ودان باسقا جەرگە بارماقشى ەدى، اقىرى ”قىسقى ۋاقىتىن تۇگەلدەي التايدا وتكىزەتىن بولدى“.
لي ميڭيۋان مەن دانزىڭ سياقتى شاڭعى تەبۋ، ساياحاتتاپ دەمالۋ فورماسىمەن شينجياڭدا ۇزاق ۋاقىت تۇرعاندار بارعان سايىن كوبەيىپ كەلەدى.
”وسى رەت باعالانعان قار شاڭعى ساياحاتى دەمالۋ ورنى شاڭعى تەبۋ الاڭى عانا بولىپ قالماستان، كوپ يقۋات شوعىرلانعان رايون“، - دەدى اۆتونوميالى رايوندىق مادەنيەت جانە ساياحات مەڭگەرمەسى بايلىق اشۋ باسقارماسىنىڭ ورىنباسار باستىعى جوۋ حاۋ.
التاي قالالىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى يە سۋچين بىلاي دەپ تانىستىردى: 5S دارەجەلى شاڭعى تەبۋ الاڭىنان سىرت، التاي قالاسىندا تاعى 4A دارەجەلى 2 ساياحات كورىنىس ءوڭىرى، 3A دارەجەلى 7 كورىنىس ءوڭىرى، 7 ساۋدا - ساياحات كەشەنى، 9 ءدامدى تاعامدار كوشەسى، 6 كەشكى بازار، 100گە جۋىق ءتۇرلى سارا قوناق ءۇي، حالىقتىق تۇسەلحانا بار.
ءۇرىمجى نانشان قار شاڭعى ساياحاتى دەمالۋ ورنىندا شاڭعى تەبۋ الاڭىنان سىرت، ءبىر 5A دارەجەلى ساياحات كورىنىس ءوڭىرى، 4A جانە 3A دارەجەلى 5 ساياحات كورىنىس ءوڭىرى، ءبىر مەملەكەت دارەجەلى قىسقى وليمپيادا سپورت جارىسى سارايى، ءبىر قار - مۇز ەرەكشە شاعىن قالاشىعى، شيانلاي شاعىن قالاشىعى جانە قار ويىنى باقشاسىنان 10 نەشەسى بار. ”مول ساياحاتتاپ دەمالۋ بايلىعىنا سۇيەنىپ، ءبىز قار - مۇز تاقىرىبىندا كوپتەگەن ونىمدەر اشىپ، ۇقساماعان ادامداردىڭ ۇقساماعان ۋاقىتتاعى دەمالۋ قاجەتىن قاناعاتتاندىردىق“، - دەدى ءۇرىمجى قالاسى نانشان كورىنىس ءوڭىرىن باسقارۋ كوميتەتىنىڭ ورىنباسار مەڭگەرۋشىسى، ءۇرىمجى اۋداندىق مادەنيەت، دەنە تاربيە، راديو - تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ شۋجيى ۋي جيان - يە.
بايلىق ساپالى بولعاندىقتان، قىزمەت وتەۋ دە قالىسپاۋعا ءتيىس
جوۋ حاۋدىڭ بايقاۋىنشا، قار شاڭعىنى وزەك ەتكەن بايلىقتىڭ زور ابزالدىلىعىنىڭ، سونداي - اق شاڭعى تەبۋ + دەمالۋ كاسىپ كۇيى بايلىعىنىڭ، كوپ ءتۇرلى ”كۇندىز + كەش“ ساياحات دەمالۋ ونىمدەرىنىڭ ارقاسىندا شينجياڭنان 2 ورىن تاڭدالىپ وتىر ەكەن.
”ءبىزدىڭ بۇل جەر الەمدىك دەڭگەيدە“. التايدىڭ قار - مۇز بايلىعى تۋرالى توقتالعاندا، شينجياڭ التاي ساياحات دامۋ توبى شەكتى سەرىكتەستىگىنىڭ ورىنباسار باس ديرەكتورى، گەنەرال تاۋى حالىقارالىق قار شاڭعى دەمالۋ رايونىنىڭ جاۋاپتىسى شى جىچياڭ: ”قار مول، قار مەزگىلى ۇزاق، قار ساپالى، تەمپەراتۋرا جاقسى، كۇن نۇرى تولىق تۇسەدى، نەگىزىنەن جەل سوقپايدى“، - دەپ كوپتەگەن ابزالدىلىقتاردى ماقتانا اۋىزعا الدى.
كوپتەگەن قار اۋەسكەرلەرىن شينجياڭنىڭ قار شاڭعى الاڭدارى ”مامىق قارىنا، قىزمەت وتەۋىنە سۇيىنگەن جان كۇيەرلەرىنىڭ كوبەيۋىنە“ سۇيەنىپ باۋراپ وتىر. التاي قالاسىندا قوناق ۇيلەردەن قار شاڭعى الاڭدارىنا توتە باراتىن كولىكتەر بار، كوشە بويىنداعى اۆتوبۋزداردا، تاكسيلەردە ارناۋلى قار شاڭعى قوياتىن ورىندار بار. قار اۋەسكەرلەرىنە باعىتتالعان وسى جۇرەكتى جىلىتاتىن شارالار 2020 - جىلدان باستاپ جۇرگىزىلگەن، التايدىڭ ساياحات بويىنشا جان - جاقتى قىزمەت وتەۋىن جوعارىلاتۋداعى ناقتى ىستەر بولىپ تابىلادى. تۇنەيتىن ساياحاتشىلاردى قابىلداۋدى نەگىز ەتۋ وسى رەتكى باعالاپ تۇراقتاندىرۋ شارتىنىڭ ءبىرى. قازىر نانشان شاڭعى ساياحات دەمالىس ورنىندا شارۋالار، مالشىلار شاتتىعى ساياجايىنان 400دەن استامى، حالىقتىق تۇسەلحانادان 200دەن استامى بار. ۋي جيان - يە بىلاي دەدى: ”ماركالى حالىقتىق تۇسەلحانالار دا، شارۋالار، مالشىلار شاتتىعى ساياجايلارى دا بار، ءبىز جاتار ورىن، قابىلداۋ قۇرىلعىلارىن ۇزدىكسىز كەمەلدەندىرىپ، ءاربىرىنىڭ ءوز ەرەكشەلىگى بار تۇسەلحانا ۇلگىلەرىمەن قامدايمىز“.
وي جەلىسىن كەڭەيتىپ، ءىرى جارىس ىستەرىن كوزدەدى
”مەملەكەتتىك كومانداعا“ تاڭدالۋعا بەيجيڭ قىسقى وليمپيادا سپورت جارىسىنىڭ تاماشا ورايى قوسىلعان شينجياڭداعى 2 ”ساڭلاق“ ساقاداي سايلانىپ، قۇرىلعىلاردى ۇزدىكسىز كەمەلدەندىرىپ، قىزمەت وتەۋدى جوعارىلاتىپ، جاڭا ونىمدەر مەن ەرەكشە قيمىلدار اشىپ، اناعۇرلىم كوپ ساياحاتشىنى قار - مۇز ساياحاتى دەمالىس قيمىلدارىنا قاتىناسۋعا باۋراۋعا دايىندالۋدا.
”ءبىز ’قار - مۇز سپورتى + مادەنيەتتى سەزىنۋ‘ ماركاسىن جاراتۋىمىز كەرەك“. ۋي جيان - يە بىلاي دەدى: ءۇرىمجى نانشان شاڭعى ساياحات دەمالىس ورنى ءبىر جاعىنان، مەملەكەت دارەجەلى قار - مۇز جارىس ىستەرىن وتكىزۋگە بەلسەندىلىكپەن ءوتىنىش بەرسە، ەندى ءبىر جاعىنان، قار - مۇز ساياحات ونىمدەرىن بايىتىپ، شاڭعى ساياحات دەمالىسىنىڭ دامۋ كەڭىستىگىن كەڭەيتە تۇسەدى.
گەنەرال تاۋى حالىقارالىق شاڭعى ساياحات دەمالىس رايونى، سارقوبى قارلى دالا شاڭعى الاڭى مەملەكەتتىك دەنە تاربيە باس مەكەمەسى تۇراقتاندىرعان مەملەكەتتىك قىس ماۋسىمىنداعى قارداعى سپورت تۇرلەرىنە جاتتىعۋ بازاسى، حالىقارالىق شاڭعىشىلار بىرلەستىگى دالالىق قار شاڭعى FIS ۇپاي جيناۋ جارىسى (التاي بەكەتى)، مەملەكەتتىك اسقار تاۋ قار شاڭعىسى جۇلدە تالاسۋ جارىسى قاتارلى جارىس ىستەرىن ۇستىنە الىپ وتكىزىپ بولدى، 3 - ايدا تاعى مەملەكەتتىك دالالىق قار شاڭعى جۇلدە تالاسۋ جارىسى، اعا جۇلدەگەرلىككە تالاسۋ جارىسى قاتارلى 3 تۇردەگى مەملەكەت دارەجەلى قار شاڭعى جارىس ىستەرىن ۇستىنە الىپ وتكىزەدى. يە سۋچين بىلاي دەدى: ”ءبىز نەگىزدىك قۇرىلعىلاردى ۇزدىكسىز كەمەلدەندىرىپ، اناعۇرلىم جوعارى دەڭگەيدەگى جارىس ىستەرىن وتكىزۋدى قولعا كەلتىرىپ، جۇڭگوداعى ەڭ تاماشا ساياحات نىسانالى جەرىن، الەمدىك دەڭگەيدەگى قار - مۇز ساياحات دەمالىس رايونىن جەدەل قالىپتاستىرامىز“.
شينجياڭ قىسقى دەنە تاربيە سپورت قوعامىنىڭ ورىنباسار باستىعى ۋاڭ جيڭ بىلاي دەپ قارادى: قازىر شينجياڭنىڭ قار شاڭعى الاڭدارى مەملەكەت كولەمىندەگى قار اۋەسكەرلەرى اراسىندا بەلگىلى بەدەلگە جانە تانىمالدىلىققا يە بولدى، كەيبىر قار شاڭعى جولدارى ينتەرنەتتە تانىمالى، ءسوزسىز، باراتىن قار شاڭعى جولدارىنا اينالدى، وسى رەتكى تاڭدالۋ دا شينجياڭنىڭ قار - مۇز بايلىعى ءۇشىن جاسالعان اسا تاماشا ۇگىت بولىپ تابىلادى.
جوۋ حاۋ بىلاي دەدى: ”بيىل اۆتونوميالى رايوندىق مادەنيەت، ساياحات مەڭگەرمەسى ولكە دارەجەلى شاڭعى ساياحات دەمالىس ورىندارىن باعالاۋدى باستاپ، جەر - جەردىڭ قار - مۇز ساياحات ونىمدەرىمەن قامداۋىن ارتتىرىپ، قار - مۇز ساياحاتىنىڭ جوعارى ساپالى دامۋىن جۇزەگە اسىرىپ، بۇقارانىڭ قار - مۇز ساياحاتىنا بولعان تۇتىنۋ قاجەتىن قاناعاتتاندىرۋىن ىلگەرىلەتەدى“.
