ما شيڭرۇي، ەركىن تۇنياز كوكتەم مەرەكەسى قارساڭىندا شينجياڭدا تۇراتىن اسكەري بولىمدەردەن، وزات قاھارمان ۇلگىلەردەن جانە نەگىزگى ساتىداعى كادرلاردان، بۇقارادان ارالاپ حال سۇرادى
بۇكىل شينجياڭداعى ءار ۇلت حالقىنا كوكتەم مەرەكەسى بايلانىسىمەن ىزگى تىلەك ءبىلدىردى، كوركەم شينجياڭنىڭ قوعامىنىڭ ورنىقتى، حالقىنىڭ تىنىش ءومىر، شات - شادىمان تىرشىلىك كەشىرۋىن تىلەدى
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 1 - ايدىڭ 31 - كۇنى ۇرىمجىدەن حابارلايدى. جۇڭحۋا ۇلتىنىڭ ءداستۇرلى مەرەكەسى كوكتەم مەرەكەسى كەلۋ قارساڭىندا، اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ءتوراعاسى ەركىن تۇنياز الەۋمەتتىك اۋماقتاردى، اسكەري كازارمالاردى، ورگانداردى، كاسىپورىنداردى، اۋىل - قىستاقتاردى ارالاپ، ءبىرىنشى شەپتەن تاپجىلماعان ءار ۇلت كادرلارىنا، جۇمىسشى - قىزمەتشىلەرگە، بۇقاراعا امانداسىپ، ولاردان حال سۇراپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ قامقورلىعى مەن حال سۇراۋىن جەتكىزىپ، بۇكىل شينجياڭداعى ءار ۇلت حالقىنا كوكتەم مەرەكەسى بايلانىسىمەن ىزگى تىلەك ءبىلدىردى.
ما شيڭرۇي، ەركىن تۇنياز شينجياڭ اسكەري رايونىنىڭ شەكارا قورعانىس ليان - دۇيى جانە اۋە ارمياسىنىڭ شينجياڭدا تۇراتىن اسكەري ءبولىمى سياقتى ورىنداردى ارالاپ، حال سۇراپ، شينجياڭدا تۇراتىن اسكەري بولىمدەردىڭ شينجياڭنىڭ رەفورماسىنا، دامۋىنا، ورنىقتىلىعىنا قوسقان ۇلەسىن تولىق تۇراقتاندىرىپ، شينجياڭدا تۇراتىن ازاتتىق ارميا كوماندير - جاۋىنگەرلەرىنە، قارۋلى ساقشى اسكەري ءبولىمى وفيتسەر - جاۋىنگەرلەرىنە، زاپاستاعى حالىق جاساقتارىنا جانە اكىمشىلىك قىزمەتكەرلەرگە مەرەكە بايلانىسىمەن قۇتتى بولسىن ايتتى جانە ولاردان شىنايى حال سۇرادى. ما شيڭرۇي، ەركىن تۇنياز شينجياڭدا تۇراتىن اسكەري بولىمدەردىڭ شينجياڭنىڭ ەكونوميكالىق، قوعامدىق دامۋىنا بۇرىنعىداي قولداۋ كورسەتىپ، ارميا مەن ۇكىمەت، ارميا مەن حالىق ىنتىماعىنىڭ جاڭا تاراۋىن بىرگە جازۋىن ءۇمىت ەتتى؛ شينجياڭنىڭ مەملەكەت قورعانىسى مەن ارميانى وسىزامانداندىرۋ قۇرىلىسىنا بار كۇشپەن قولداۋ كورسەتىپ، شينجياڭدا تۇراتىن اسكەري بولىمدەردىڭ رەال ماسەلەسىن شەشۋگە قۇلشىنىپ، تۇتاس قوعامدا اسكەريلەردى ارداقتايتىن جالىندى رايدى بەلسەنە قالىپتاستىراتىندىعىن ءبىلدىردى.
اۆتونوميالى رايوندىق اۋرۋدان ساقتانۋ - تىزگىندەۋ ورتالىعىندا، اۆتونوميالى رايوندىق اۋا رايى مەكەمەسىندە، مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگىندە، ءۇرىمجى جىلۋمەن قامداۋ (توبى) شەكتى سەرىكتەستىگىندە ما شيڭرۇي، ەركىن تۇنياز بىلاي دەپ باسا دارىپتەدى: ىندەتتەن ساقتانۋ - تىزگىندەۋدى ۇدايىلاندىرۋدى زاڭ بويىنشا، عىلمي، دالمە - ءدال ويداعىداي ىستەپ، ساقتانۋدى نەگىز ەتۋگە تاباندى بولىپ، سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ قىزمەتىن ۇزدىكسىز تىڭعىلىقتى، ناقتى، ەگجەي - تەگجەيلى ىستەپ، ءار ۇلت بۇقاراسىنىڭ ەمدەلۋ، قامداۋ سياقتى جاقتارداعى قاجەتىن تولىق قاناعاتتاندىرىپ، كومىر، ەلەكتر، مۇناي، گاز جەتكىزۋدى قامتاماسىز ەتۋدى، قامداۋدى ويداعىداي ىستەۋ، حالىقتىڭ ءومىرىنىڭ حاۋىپسىزدىگى مەن نەگىزگى تۇرمىس قاجەتىن ويداعىداي قامتاماسىز ەتۋ كەرەك. الەۋمەتتىك اۋماقتا، قىستاق تۇرعىندار كوميتەتىندە ما شيڭرۇي، ەركىن تۇنياز ءبىرىنشى شەپتەگى كادرلاردىڭ، جۇمىسشى - قىزمەتشىلەردىڭ ويلاعان، اسىققان، كوكسەگەن ماسەلەلەرىن دەن قويا تىڭداپ، بىلاي دەپ باسا دارىپتەدى: ءار دارەجەلى پارتكومدار مەن ۇكىمەتتەر نەگىزگى ساتىداعى كادرلارعا، اسىرەسە، شۇعىل، قيىن، قاتەرلى، اۋىر مىندەتتەردى وتەۋدىڭ ءبىرىنشى شەبىندە تۇرعان كادرلارعا كوڭىل ءبولىپ، قامقورلىق جاساۋى، فورماشىلدىققا، تورەشىلدىككە باتىل قارسى تۇرىپ، نەگىزگى ساتىنىڭ اۋىرتپالىعىن شىن مانىندە ازايتىپ، نەگىزگى ساتىداعى كادرلاردىڭ قىزمەتتەگى، تۇرمىستاعى قيىنشىلىقتارىن ويداعىداي شەشىپ، نەگىزگى ساتىنىڭ ءبىرىنشى شەبىندە قىزمەت ىستەۋ داڭق سەزىمىن، تابىس سەزىمىن جانە تاۋەلدىلىك سەزىمىن ۇزدىكسىز جوعارىلاتۋ كەرەك.
شينجياڭ جيۋديڭ اۋىل شارۋاشىلىق ونىمدەرىن تولايىم تاراتۋ، ساۋدا بازارى سياقتى تۇرمىستىق زاتتىق ماتەريالدارمەن قامداۋ ورىندارىنا بارعاندا، مەرەكەلىك زاتتار مول بولىپ، قامداۋ جەتكىلىكتى ەكەن. ما شيڭرۇي، ەركىن تۇنياز بازار باسقارۋشىلاردان، ساۋداگەرلەردەن، زات ساتىپ الىپ جۇرگەن بۇقارادان مەرەكە كەزىندەگى تۇرمىستىق زاتتىق ماتەريالدارمەن قامتاماسىز ەتۋ، قامداۋ جاعدايىن تاپتەشتەي ۇعىسىپ، قاتىستى تاراۋلارعا كوپ ءتۇرلى شارانى قاتار قولدانا وتىرىپ قامداۋ مەن قاجەتسىنۋدى رەتتەۋدى كۇشەيتۋدى، استىقپەن، مايمەن، ەتپەن، جۇمىرتقامەن، سۇتپەن، جەمىس - جيدەكپەن، كوكونىسپەن قامتاماسىز ەتۋدى، باعاسىن ورنىقتىرۋدى كۇشەيتۋدى، مەرەكە كەزىندە قامداۋدىڭ جەتكىلىكتى، ساپاسىنىڭ سەنىمدى، باعاسىنىڭ ورنىقتى بولۋىنا شىنايى كەپىلدىك ەتۋدى تاپسىردى.
”1 - شىلدە وردەنى“، ”حالىق ونەگەسى“ سياقتى پارتيا مەن مەملەكەتتىڭ ەڭ جوعارى داڭقىنىڭ يەگەرلەرىنەن، ءار شەپتەگى وزات قاھارمان ۇلگىلەردەن جانە تۇرمىسىندا قيىنشىلىعى بار بۇقارادان حال سۇراعاندا ما شيڭرۇي، ەركىن تۇنياز بىلاي دەدى: وتاندى ءسۇيىپ، ءوزىن ارناۋ رۋحىن بار كۇشپەن اسقاقتاتىپ، مۇنى جاڭا داۋىردەگى كۇرەسكەرلەردىڭ قۇن تالپىنىسىنا اينالدىرۋ كەرەك. جەر - جەر، تاراۋلار حالىققا تيىمدىلىك جاساۋ ساياساتتارىن دەن قويا تياناقتاندىرىپ، ءار ۇلت بۇقاراسىنىڭ ”شۇعىل، قيىن، ۋايىمداعان، ءزارۋ“ ماسەلەلەرىن شىن مانىندە ويداعىداي شەشىپ، قامقورلىق جاسالاتىن وبيەكتىلەرگە كوڭىل ءبولىپ، قامقورلىق جاساپ، اسىرەسە، قيىنشىلىعى بار بۇقارانى ەڭ تومەنگى شەكتەن تۇسىرمەي قامتاماسىز ەتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ كوڭىل ءبولۋىن، قامقورلىعىن ناقتى تياناقتاندىرىپ، جۇرەك تۇكپىرىنە شىنايى جەتكىزۋ كەرەك.
ما شيڭرۇي، ەركىن تۇنياز تاعى شينجياڭ ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ باس اترەتىن، قوعام حاۋىپسىزدىگى نەگىزگى ساتى ورىندارىن، ت، ب ارالاپ، بىلاي دەپ باسا دارىپتەدى: قوعام حاۋىپسىزدىگىن، ورنىقتىلىعىن بەلسەنە قورعاپ، قوعامدىق قايشىلىقتاردان تۋ باستان ساقتانىپ جانە ونى ازايتىپ، ءوندىرىس حاۋىپسىزدىگى شارالارىن قاتاڭ تياناقتاندىرىپ، ەلەۋلى، ەرەكشە، ءىرى ءوندىرىس حاۋىپسىزدىگى شىرعالاڭدارىنان ساقتانىپ، ونى تيىپ، ازىق - تۇلىك، ءدارى - دارمەك سياقتى حالىقتىڭ سالاماتتىعىنا ساياتىن ونىمدەردىڭ جانە قىزمەت وتەۋدىڭ حاۋىپسىزدىگىن قامتاماسىز ەتۋ دەڭگەيىن جوعارىلاتىپ، ءار ۇلت بۇقاراسىنىڭ كوكتەم مەرەكەسىن سالاماتتى، تىنىش، شات - شادىمان، بەرەكەلى وتكىزۋىنە مۇمكىندىك جاساۋ كەرەك.
اۆتونوميالى رايون باسشىلارىنان لي يفي، جاڭ جۋ، چىن ۋيجۇن، ءزۇمىرات وبۇل، ياڭ فاسىن، ءيۇسۇپجان مامەت، قادەن كابەن، ليۋ سۋشى، چيۋ شۋحۋا قاتارلىلار حال سۇراۋعا قاتىناستى.
