ەركىن تۇنياز ءۇرىمجى قالاسىن ارالاپ تەكسەرۋ - زەرتتەۋ جۇرگىزدى
ءار ۇلت حالقىنىڭ مەرەكەنى امان - ەسەن وتكىزۋىن دەن قويا، ىقىلاس قويا قامتاماسىز ەتۋ كەرەك
انار بۇلت / شينجياڭ گازەتىنىڭ ءتىلشىسى ليۋ شياڭ 1 - ايدىڭ 31 - كۇنى ۇرىمجىدەن حابارلايدى. 1 - ايدىڭ 31 - كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ءۇرىمجى قالاسىندا كوكتەم مەرەكەسى كەزىندەگى قورشاعان ورتانىڭ اۋا ساپاسى، جولاۋشى تاسىمالىنا قىزمەت وتەۋ، قالا ورتا تازالىعى سياقتى قىزمەتتەر جونىندە ارالاپ تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: حالىقتى وزەك ەتكەن دامۋ يدەياسىنا تاباندى بولىپ، اۆتونوميالى رايوندىق پارتكومنىڭ ورنالاستىرۋى، تالابى بويىنشا ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، ءتۇرلى قىزمەت وتەۋ، قامتاماسىز ەتۋ قىزمەتىن دەن قويا، ىقىلاس قويا، بار كۇشپەن ويداعىداي ىستەپ، ءار ۇلت حالقىنىڭ مەرەكەنى امان - ەسەن، مەرەيلى وتكىزۋىنە شىنايى كەپىلدىك ەتۋ كەرەك.
ءۇرىمجى قالالىق قورشاعان ورتانى باقىلاۋ - ولشەۋ ورتالىق پۋنكتىندە ەركىن تۇنياز ءۇرىمجى قالاسىنىڭ جانە توڭىرەكتەگى ءوڭىردىڭ قورشاعان ورتا اۋا ساپاسىن وڭاۋ جاعدايىن ەگجەي - تەگجەيلى ۇعىستى. ول بىلاي دەپ اتاپ كورسەتتى: بيڭتۋان مەن جەرگىلىكتى ورىن ”ءبىر تۇتاس جۇيە“ يدەياسىن بەرىك ورناتىپ، ”ءۇرىمجى − سانجى − شىحىزى“، ”كۇيتۇن − مايتاۋ − شيحۋ“ وڭىرلەرىندە اتموسفەرانىڭ لاستانۋىنان ساقتانۋ جانە ونى وڭاۋ قىزمەتىن كۇشەيتىپ، ۇدايىلانعان ورنالاستىرۋ مەحانيزمىن تياناقتاندىرىپ، بيڭتۋان مەن جەرگىلىكتى ورىن سايكەسە قيمىلداۋ، بىرگە ساقتانىپ، بىرگە وڭاۋ ارقىلى ءتۇيىندى وڭىرلەردىڭ اتموسفەراسىنىڭ لاستانۋىنان ساقتانۋ جانە ونى تىزگىندەۋ نىسانا - مىندەتتەرىنىڭ ناقتاپ تياناقتانۋىن ىلگەرىلەتۋ كەرەك. جەر - جەر، قاتىستى تاراۋلار اۋا رايى، قورشاعان ورتا تاراۋلارىمەن بىرگە كەڭەسۋ مەحانيزمىن كەمەلدەندىرىپ، ءتۇيىندى وڭىرلەردى، ءتۇيىندى كاسىپ سالالارىن مۇقيات باسقارۋ - مەڭگەرۋدى كۇشەيتىپ، وڭىرلىك قورشاعان ورتانىڭ اۋا ساپاسىن تەز ارادا جاقسارتۋ كەرەك. ەكولوگيالىق ورتانى قورعاۋ مەن ەكونوميكانىڭ جوعارى ساپالى دامۋىنىڭ قاتىناسىن دۇرىس، ويداعىداي يگەرىپ، ءوزارا سۇيەنۋ مەن ديالەكتيكالىق بىرلىككە تاباندى بولىپ، ماسەلەنى باعدار ەتۋ مەن تومەنگى شەكتە ويلاۋعا تاباندى بولىپ، ەكولوگيانى الدىڭعى ورىنعا قويۋ مەن جاسىل دامۋعا تاباندى بولىپ، ەكولوگيالىق ورتانى جوعارى دەڭگەيدە قورعاۋ ارقىلى ەكونوميكانىڭ جوعارى ساپالى دامۋىن ىلگەرىلەتۋ كەرەك.
ەركىن تۇنياز ءۇرىمجى ۆوكزالى سولتۇستىك الاڭنىڭ بەكەتتەن شىعار اۋزىنا، ءۇرىمجى جوعارى جىلدامدىقتى تەمىر جول حالىقارالىق اۆتوكولىك جولاۋشى تاسىمال بەكەتىنە بارىپ، جولاۋشىلارمەن، جولاۋشى تاسىمال بەكەتىندەگى قىزمەتكەرلەرمەن ىشكەرىلەي اڭگىمەلەسىپ، ىندەتتەن عىلمي، دالمە - ءدال ساقتانۋ، ءوندىرىس حاۋىپسىزدىگى بويىنشا ساقتانۋ، تاسىمال كۇشىمەن قىزمەت وتەۋ، قامتاماسىزداندىرۋ سياقتى شارالاردىڭ تياناقتانۋ جاعدايىن مۇقيات تەكسەردى. ول بىلاي دەپ باسا دارىپتەدى: كوكتەم مەرەكەسى كەزىندە ىندەتتەن ساقتانۋ - تىزگىندەۋ قىزمەتىن شىن مانىندە ويداعىداي يگەرىپ، جۇيە كوزقاراسىنا تاباندى بولىپ، تۇتاس شينجياڭ ءبىر تۇتاس جۇيە دەگەنگە، سالاماتتىق كودتى ”ءبىر كودپەن جۇرۋگە“ تاباندى بولىپ، ادام اينالىمىنىڭ، زات اينالىمىنىڭ حاۋىپسىز، ءتارتىپتى، ىركىلىسسىز بولۋىنا شىنايى كەپىلدىك ەتۋ كەرەك. تۇرعىنداردىڭ ءجۇرىس - تۇرىس حاۋىپسىزدىگىن كۇش سالا قامتاماسىز ەتىپ، حاۋىپسزدىك ۇگىتى مەن حاۋىپسىزدىك تەكسەرۋىن ءجيى - ءجيى كۇشەيتىپ، سۇركەيلى اۋا رايى، جولاۋشىلار اعىنىنىڭ قاۋىرت ورلەۋى سياقتى ءتۇرلى شۇعىل جاعدايعا توتەپ بەرۋ جوبالارىن بەلسەندى تۇردە كەمەلدەندىرىپ، كوكتەم مەرەكەسى كەزىندەگى تاسىمال حاۋىپسىزدىگىنە شىنايى كەپىلدىك ەتۋ كەرەك. قىزمەت وتەۋ تانىمىن ونان ارى كۇشەيتىپ، جالپىلىق تاسىمالدى سەلبەسىپ سايكەستىرۋدى كۇشەيتىپ، تاسىمال كۇشىن ورنالاستىرۋدى ءبىر تۇتاس جوسپارلاپ، ءتىپتى دە ىڭعايلى قىزمەت وتەۋمەن قامتاماسىز ەتىپ، ءار ۇلت بۇقاراسىنىڭ ءجۇرىس - تۇرىس قاجەتىن ءتىپتى دە جاقسى قاناعاتتاندىرۋ كەرەك.
ەركىن تۇنياز تاعى ءۇرىمجى قالاسى يۇنتايشان كوشەسىندەگى ءبىر قورشاعان ورتانى قورعاۋ پۋنكتىنە كەلىپ، قورشاعان ورتا تازالىقشىلارىمەن ىقىلاسپەن اڭگىمەلەسىپ، ءاربىر ادامنىڭ قىزمەت، وتباسى جانە تۇرمىس جاعدايىن ەگجەي - تەگجەيلى ۇعىسىپ، ولاردىڭ رەتتى، تازا، كوركەم، جايلى قالا بەينەسىن، قورشاعان ورتاسىن قالىپتاستىرۋعا قوسقان ۇلەستەرىن تۇراقتاندىردى جانە ماداقتادى. ول بىلاي دەدى: كوپشىلىك قىزمەت بارىسىندا ءوز دەنساۋلىقتارىنا، اماندىقتارىنا كەپىلدىك ەتۋى، ىندەتتەن ساقتانۋ - تىزگىندەۋ مەن قىستان جىلى وتۋگە باسا ءمان بەرۋلەرى كەرەك. ءار دارەجەلى ۇكىمەتتەر جانە تاراۋلار قورشاعان ورتانى قورعاۋ قىزمەتىنە اناعۇرلىم باسا ءمان بەرىپ، قورشاعان ورتا تازالىقشىلارىنىڭ قىزمەت جانە تۇرمىس شارت - جاعدايىن ۇزدىكسىز جاقسارتىپ، تۇتاس قوعامدا قورشاعان ورتا تازالىقشىلارىنا قۇرمەت ەتەتىن، قورشاعان ورتا تازالىعى ءىسىن قولدايتىن، وركەنيەتتى، تازالىقتى قاستەرلەيتىن قويۋ راي قالىپتاستىرۋى كەرەك.
اۆتونوميالى رايون باسشىلارىنان چىن ۋيجۇن، جاروللا يسامدين قاتارلىلار تەكسەرۋ - زەرتتەۋگە قاتىناستى.
