− 24 - كەزەكتى قىسقى وليمپيادا سپورت جارىسىنىڭ باستالعاندىعىن قىزۋ قۇتتىقتايمىز
حالىق گازەتى باسماقالاسى
بۇگىن تۇندە بەس جۇلدىزدى قىزىل تۋ، بەس ساقينالى تۋ جۇڭگو مەملەكەتتىك دەنە تاربيە الاڭىندا باياۋ كوتەرىلگەندە، جۇڭحۋانىڭ بايتاق دالاسىندا ىنتىماقتىڭ، دوستىقتىڭ، بەيبىتشىلىكتىڭ سالتاناتتى وركەسترى شىعاندايدى.
بۇگىن تۇندە بايىرعى وليمپيادادان الىنعان الاۋ بەيجيڭنىڭ تۇنگى اسپانىندا لاۋلاي جانىپ، ەكپىندەي ىلگەرىلەگەن جۇڭگو بايىرعى وليمپيادامەن تاعى ءبىر رەت قول ۇستاسا العا ىلگەرىلەيتىن بولادى.
بۇگىن تۇندە شار تاراپتان كەلگەن كونە - جاڭا دوستار دۇنيە ءجۇزىنىڭ شىعىسىندا ءبىر اراعا باس قوسادى، ادامزات قوعامى ”بولاشاققا بىرگە اتتانايىق“ دەپ جارىسا ءۇن قاتادى.
بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن جاقسى وتكىزۋ پارتيامىز بەن مەملەكەتىمىزدىڭ ءىرى ءىسى، ميلليارد جۇڭگو حالقىنىڭ وليمپيادا سپورت جارىسىمەن تاعى ءبىر رەت ىقىلاستى قاۋىشۋى، گۇلدەنىپ - كوركەيگەن، اشىق، وزىنە سەنىمدى جۇڭگونىڭ حالىقارالىق قوعامعا بەرگەن ايبىندى ۋادەسى. باس شۋجي شي جينپيڭ سالتاناتپەن: ”ءبىز ءبىر كەزەك قىسقى وليمپيادا سالتاناتتى جينالىسىن ويداعىداي وتكىزىپ قانا قويماي، ەرەكشە، تارتىمدى، بىرەگەي ەتىپ وتكىزەمىز“ دەپ جاريالادى.
2015 - جىلى بەيجيڭ جاڭجياكوۋمەن بىرلەسىپ 24 - كەزەكتى قىسقى وليمپيادا سپورت جارىسىن وتكىزۋ ۇقىعىنا يە بولعاننان بەرى، جاسىل، بىرگە يگىلىكتەنەتىن، اشىق، پاك وليمپيادا سپورت جارىسىن وتكىزۋ ۇستانىمىن ورتاعا قويۋدان جارىستى ۇنەمشىلدىكپەن، حاۋىپسىز، تارتىمدى وتكىزۋ تالابىنا دەيىن، ”مۇز جىبەكباۋدىڭ“، ”قار قۇتىنىڭ“ بۇرالا بيگە باسۋىنان ”300 ميلليون ادامدى قار - مۇز سپورتىنا قاتىناسۋعا جەتەكتەۋ“ نىساناسىنىڭ الدىن الا جۇزەگە اسۋىنا دەيىن... تالاي رەتكى تۇندەلەتىپ جۇمىس ىستەۋمەن، تالاي رەتكى قامال الىپ، قيىنشىلىقتاردى جەڭۋمەن، جۇڭگو ايتقانىن، ءسوز جوق، ورىنداپ، ىسىنەن، ءسوز جوق، ناتيجە شىعارىپ، ”قىسقى وليمپيادا جوباسىن“ بىرتىندەپ رەالدىققا اينالدىردى.
باس شۋجي شي جينپيڭ 2022 - جىلعى جاڭا جىلدى قۇتتىقتاۋ سوزىندە بىلاي دەپ باسا دارىپتەدى: ”ءبىز شىن كوڭىلمەن دۇنيە جۇزىنە وليمپيادانىڭ سالتاناتتى جينالىسىن تارتۋ ەتەمىز. دۇنيە ءجۇزى جۇڭگودان ءۇمىت كۇتۋدە، جۇڭگو دايىندالىپ بولدى“. وليمپيادا ”بەيجيڭ ۋاقىتىنا“ تاعى ءبىر رەت اياق باسقاندا، بىزدە دۇنيە جۇزىنە ءبىر كەزەك تاماشا، ەرەكشە، ەرەن وليمپيادا سالتاناتتى جينالىسىن سيلاۋعا سەنىم دە، قابىلەت تە بار! بىزدە وليمپيادا سپورت جارىسى دامۋى تاريحىنا بوياۋى قانىق رەڭ قوسۋعا بەكىم دە، سەنىم دە بار!
دەنە تاربيە قوعامنىڭ دامۋى مەن ادامزاتتىڭ العا باسۋىنىڭ ماڭىزدى بەلگىسى، وليمپيادا سپورتى بۇكىل ادامزاتتىڭ ورتاق بايلىعى. بەس ساقينالى تۋ استىندا تۇرلىشە ءوڭىردىڭ، تۇرلىشە ءناسىلدىڭ سپورت ساڭلاقتارى ءبىر جارىس الاڭىندا باس قوسىپ، تۇرلىشە ەتنوس، تۇرلىشە سەنىمدەگى حالىقتار ءبىر ارماندى مۇرات ەتتى. ادامزات ءۇشىن بەيبىتشىلىككە، دوستىققا تالپىنۋ دانەكەرىن ازىرلەۋ − وليمپيادا سپورتىنىڭ داڭقىنىڭ تياناعى؛ دۇنيە جۇزىنە تىلدەسۋ، اۋىس - كۇيىس جاساۋ كوپىرىن سالۋ − وليمپيادا سالتاناتتى جينالىسىنىڭ قۇن بەتالىسى. 100 جىلدان استام بەلەستى باسىپ وتكەن حالىقارالىق وليمپيادا سپورتى ادامنىڭ جان - جاقتى دامۋىن جۇزەگە اسىرۋدا، ءار ەل حالىقتارىنىڭ دوستىعىن نىعايتۋدا، دۇنيە ءجۇزىنىڭ بەيبىتشىلىك، دامۋ، العا باسۋ ىستەرىن جەبەۋدە بەلسەندى رول اتقارۋدا. بۇگىن وليمپيادا رۋحى مەملەكەت شەكاراسىنان اسىپ ءوتىپ، بۇكىل دۇنيە جۇزىندە جۇرت جۇرەگىنە تەرەڭ ۇيالادى، وليمپيادا سپورت جارىسى ءار ەل سپورتشىلارىنىڭ داڭق پەن ارماندى ىسكە اسىراتىن ماڭىزدى ساحناسى بولىپ قانا قويماي، دۇنيە جۇزىندەگى ءار ەل حالىقتارىنىڭ تۇسىنىستىكتى ارتتىراتىن، دوستىقتى تەرەڭدەتەتىن ماڭىزدى تۇعىرىنا دا اينالدى.
وليمپيادا ۇلكەن شاڭىراعىنىڭ ءبىر مۇشەسى رەتىندە، جۇڭگو وليمپيادا سپورتىنىڭ تاباندى قاتىسۋشىسى ءارى وليمپيادا قۇندىلىعىنىڭ بەلسەندى ىلگەرىلەتۋشىسى. گەرا عيباداتحاناسىنان 10 مىڭ شاقىرىمدىق ۇلى قورعانعا دەيىن، وليمپيا تاۋىنان چومولاڭما شىڭىنا دەيىن، 100 نەشە جىلدىڭ الدىنداعى ”وليمپيادا سپورتى 3 ساۋالىنان“ بۇگىنگى ”قوس وليمپيادا قالاسىنا“ دەيىن، 2008 - جىلعى بەيجيڭ جازعى وليمپيادا سپورت جارىسىنىڭ وسى زامانعى وليمپيادا سپورتىنىڭ تاريح پاراعىنا قىپ - قىزىل جۇڭگو تاڭباسىن ايشىقتاپ تۇسىرگەنىنەن 2014 - جىلعى نانجيڭ جاستار وليمپيادا سپورت جارىسىنىڭ دۇنيە جۇزىنە ءبىر رەتكى تارتىمدى دا ايشىقتى، ومىرشەڭدىك كۇشكە تولى، جۇڭگو ەرەكشەلىگىنە يە جاستىق كوكتەم سالتاناتتى جينالىسىن سيلاۋىنا دەيىن، تاريحى ۇزاق وليمپيادا مەن تامىرى تەرەڭ جۇڭحۋا وركەنيەتى قوسىلىپ، توعىسىپ، دۇنيە ءجۇزىن جالت قاراتقان شىت جاڭا وليمپيادا سپورتى تاراۋلارىن ۇزدىكسىز جازدى. 2022 - جىلعى قىسقى وليمپيادا سپورت جارىسىنىڭ، مۇگەدەكتەر قىسقى وليمپيادا سپورت جارىسىنىڭ جۇڭگودا وتكىزىلۋى جۇڭگو دەنە تاربيەسىنىڭ دۇنيە جۇزىلىك وليمپيادا سپورتىمەن بىرگە ەكى جاقتى بىردەي يگىلىككە كەنەلتۋ جاعدايىن اشۋىنىڭ تاماشا ورايى، ءسوز جوق، جۇڭگو حالقىنىڭ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ سەنىمىن ونان ارى كۇشەيتىپ، دۇنيە جۇزىنە جارقىن، باي - قۇدىرەتتى، اشىق، ۇمىتكە تولى مەملەكەت وبرازىن كورسەتىپ، جۇڭحۋا وركەنيەتىنىڭ دۇنيە جۇزىندەگى ءار ەل وركەنيەتتەرىمەن اۋىس - كۇيىس جاساپ، ءوزارا ۇلگى الۋىن ىلگەرىلەتەدى، ءسوز جوق، جۇڭگو حالقىنىڭ وليمپيادا سپورتىنا دەگەن قىزۋ ىنتاسىن ونان ارى قاۋلاتىپ، وليمپيادا قىسقى سپورت جارىسىنىڭ دامۋى مەن وليمپيادا رۋحىنىڭ تارالۋىنىڭ جاڭا دەڭگەيىن جاراتادى!
قازىر دۇنيە جۇزىندە 100 جىلدا بولماعان زور وزگەرىس پەن جاڭا تيپتى ايدارشا ۆيرۋس وكپە قابىنۋ ىندەتىنىڭ الەمدە كەڭ تارالۋىنىڭ قاباتتاسقان ىقپالىنان ءار ەل حالىقتارىنىڭ بەيبىتشىلىككە، دامۋعا دەگەن ءۇمىت - تىلەگى ءتىپتى دە كوكەي تەستىلەنىپ، ادىلدىككە، تۋراشىلدىققا دەگەن ءۇنى ءتىپتى دە كۇشەيىپ، سەلبەسىپ تەڭ يگىلىككە كەنەلۋگە دەگەن تالپىنىسى ءتىپتى دە بەكەمدەلە ءتۇستى. 32 - كەزەكتى جازعى وليمپيادا سپورت جارىسى باستالۋدىڭ الدىندا، حالىقارالىق وليمپيادا كوميتەتى 100 نەشە جىل جالعاسقان وليمپيادا ناقىلىنا ”اناعۇرلىم ىنتىماقتى“ دەگەن ءسوزدى قوسىپ، دۇنيە ءجۇزىنىڭ ءبىر نيەتپەن ىنتىماقتاسىپ، ۋاقىتشا قيىنشىلىقتى بىرگە جەڭۋگە دەگەن ارمانىن بەينەلەدى. 76 - كەزەكتى بىرلەسكەن مەملەكەتتەر ۇيىمى جينالىسى اقىلداسىپ، ءبىر اۋىزدان بەيجيڭ قىسقى وليمپيادا سپورت جارىسى كەزىندە سوعىس توقتاتۋ قارارىن ماقۇلداپ، بەيجيڭ قىسقى وليمپيادا سپورت جارىسىنىڭ ادامزاتتىڭ ىنتىماقتىلىعىن، توزىمدىلىگىن جانە حالىقارالىق سەلبەستىكتىڭ باعالى قۇنىن ايگىلەۋدىڭ ورايى بولاتىندىعىن باسا دارىپتەدى. بەيجيڭ قىسقى وليمپيادا سپورت جارىسى جۇڭگونىڭ ەگىنشىلىك كالەندارى بويىنشا بارىس جىلىنا تۋرا كەلدى، جۇڭگو مادەنيەتىندە جولبارىس ەرلىك پەن كۇشتىڭ سيمۆولى. قازىر ادامزات ءدوپ كەلىپ وتىرعان قاتاڭ سىن - سايىس الدىندا، ۇلكەن اۋقىمعا ۇيلەسىپ، جۇدىرىقتاي جۇمىلىپ، كۇش ۇستىنە كۇش قوسىپ، بارىستاي ايباتتى بولىپ، العا ىلگەرىلەۋ جولىنداعى ءتۇرلى قاتەرلەر مەن كەدەرگىلەردى ەرلىكپەن جەڭگەندە عانا، ىندەتتەن كەيىنگى داۋىردەگى تاماشا دۇنيە ءجۇزىن بىرگە جاراتىپ، ادامزاتقا ءۇمىتتىڭ شۇلەن شۇعىلاسىن تۇسىرۋگە بولادى. بەيجيڭ قىسقى وليمپيادا سپورت جارىسى جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرگى تۇڭعىش رەت ۋاعىندا وتكىزىلگەن الەمدىك امبەباپ دەنە تاربيە سالتاناتتى جينالىسى، ول وليمپيادا سپورتىنىڭ ادامزاتتىڭ ءوزارا ءتۇسىنىسۋى مەن اۋىس - كۇيىس جاساۋىن جەبەۋدەي ماڭىزدى بورىشتى ارقالاۋدا. ”بولاشاققا بىرگە اتتانايىق“ دەگەن تاقىرىپتىق ۇراننىڭ ”اناعۇرلىم تەز، اناعۇرلىم ورەلى، اناعۇرلىم قۋاتتى − اناعۇرلىم ىنتىماقتى بولۋداي“ وليمپيادا جاڭا ناقىلىمەن بىرگە ءار جاقتىڭ ىنتىماقتى، ىستەستىكتى كۇشەيتۋ، سىن - سايىسقا تىزە قوسا توتەپ بەرۋ، تاماشا بولاشاققا قادام تاستاۋىنىڭ ءتىپتى دە تەلەگەي كۇشىن ۇيىستىراتىندىعىنا كامىل سەنەمىز!
اسقاق مۇرات بولعاندا، دۇنيە كوپكە ورتاق بولادى. جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا باس شۋجي شي جينپيڭ: ”جۇڭگو كوممۋنيستىك پارتياسى ادامزاتتىڭ بولاشاعىنا، تاعدىرىنا نازار اۋدارادى، دۇنيە جۇزىندەگى بارلىق العاباسار كۇشتەرمەن قول ۇستاسا العا ىلگەرىلەيدى، جۇڭگو باستان - اياق دۇنيە ءجۇزى بەيبىتشىلىگىنىڭ قۇرۋشىسى، الەمدىك دامۋدىڭ ۇلەسكەرى، حالىقارالىق ءتارتىپتىڭ قورعاۋشىسى!“، - دەپ باسا دارىپتەدى. بەيبىتشىلىك، تاتۋلىق، جاراسىمدىلىق − جۇڭحۋا ۇلتى ۇمتىلىپ جانە جالعاستىرىپ كەلە جاتقان ۇستانىم، جۇڭگو كوممۋنيستىك پارتياسى باستان - اياق ادامزات ءۇشىن تىڭ دا اناعۇرلىم زور ۇلەس قوسۋدى ءوزىنىڭ بورىشى ساناپ، ادامزات دامۋىنىڭ زور اعىمى، دۇنيە ءجۇزى وزگەرىسىنىڭ زور ارناسى، جۇڭگو دامۋىنىڭ زور تاريحى تۇرعىسىنان سىرتقى دۇنيەمەن قاتىناستى دۇرىس تانىدى جانە ءبىر جاقتى ەتتى. بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن ءساتتى وتكىزۋ كۇللى الەمگە ورتاق دەنە تاربيە ءۇنى جانە وليمپيادا رۋحى ارقىلى ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ ءۇشىن ءبارىن قامتيتىن، ءبارىن سيعىزاتىن ساحنا ازىرلەپ، ءار ەل حالقىنىڭ تاماشا دۇنيە ءجۇزىن قۇرۋ ورتاق تالپىنىسى مەن ەڭ زور ورتاق تانىمىن ۇيىستىرىپ، دۇنيە جۇزىندەگى ەڭ ۇلكەن سەنترلەس شەڭبەردى سىزىپ شىعادى. بولاشاققا بەتتەۋدە تەك بۇلجىماستان تاريحتىڭ دۇرىس جاعىندا تۇرىپ، ادامزاتتىڭ العا باسۋى جاعىندا تۇرىپ، بەيبىتشىلىك، دامۋ، ادىلدىك، ادىلەتتىلىك، دەموكراتيا، ەركىندىك سىندى بۇكىل ادامزاتتىڭ ورتاق قۇندىلىعىن اسقاقتاتساق بولعانى، ءبىز، ءسوزسىز، ادامزات وركەنيەتىنىڭ العا باسۋىنا ۇزدىكسىز تۇردە زەيىن - زەردە مەن كۇش - قۋات ارناپ، تاريح تەگەرشىگىنىڭ نۇرلى بولاشاققا قاراي العا باسۋىن ىلگەرىلەتە الامىز!
بۇگىن تۇندە اشەكەيلى شامدار جايناپ، ۇلكەن شىمىلدىق اشىلادى. دەنە تاربيە ساڭلاقتارى الاڭعا كىرىپ، نىساناعا قاراي بار كۇشپەن ۇمتىلادى؛ دۇنيە ءجۇزى حالقى قول ۇستاسا ۋادەلەسىپ، بەيبىتشىلىكتىڭ، دوستىقتىڭ، العا باسۋدىڭ تاماشا اڭگىمەسىن بىرگە شەرتەدى. بۇل اسقاق سەزىم مەن ارماندى جەتكىزگەن ءسات، بۇل ەرلىك پەن كۇش - قۋاتتى ايگىلەيتىن ءسات، بۇل كۇرەس پەن ىنتىماقتى بەينەلەيتىن ءسات.
بولاشاققا بىرگە اتتانايىق!
(شينحۋا اگەنتتىگىنىڭ 2 - ايدىڭ 3 - كۇنى بەيجيڭنەن بەرگەن حابارى)
