□ انار بۇلت / شينجياڭ گازەتىنىڭ ءتىلشىسى ياڭ شۋحان
1 - ايدىڭ 23 - كۇنى ساعات 12 مولشەرىندە حوتان قالاسى تۇساللا قالاشىعى قارامەت قىستاعىنىڭ تۇرعىنى وبۇلاسەن ءماتنياز ءبىر تەگەنە جەم كوتەرىپ، ارتقى اۋلاعا قاراي داۋىستاپ بارىپ تاۋىق قوراعا كىرىپ ەدى، ون نەشە تاۋىق قاناتتارىن جايىپ، مويىندارىن سوزىپ وعان قاراي جەتىپ كەلدى.
بيىل 44 جاستاعى وبۇلاسەن قارامەت قىستاعىنىڭ باعىمشىلىق شەبەرى. ونىڭ ارتقى اۋلاسىنا بارساڭىز، تاۋىق، قازدار شاقىرىپ، سيىر - قويلار قوراعا تولىپ، گۇلدەنىپ - كوركەيگەن ەگىنشى وتباسى كورىنىسى مەن مۇندالايدى. بىرنەشە جىلدىڭ الدىندا ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتى مەن قىستاق ”ەكى كوميتەتىنىڭ“ كومەگىندە، وبۇلاسەن ءوز ءۇيىنىڭ ارتقى اۋلاسىنان پايدالانىپ ءۇي قۇستارى باعىمشىلىعىن دامىتتى، 500 تاۋىقتان بۇگىنگى 5000 نەشە تاۋىققا دەيىن جەتتى، تاعى شاعىن جەم مانەرلەۋ زاۆودىن سالىپ الدى، جىلدىق كىرىسى 200 مىڭ يۋاننان اسادى، ىرعىن تۇرمىسقا كەنەلدى.
اۋقاتتانعان وبۇلاسەن مۇنىمەن توقتاپ قالماي، قىستاقتاعىلاردىڭ ءوزى سياقتى اۋقاتتانۋىن ءۇمىت ەتتى.
”بىزدە مىناداي ءتامسىل بار: ەڭبەكشىل بولساڭ تورلەيسىڭ، جالقاۋ بولساڭ سورلايسىڭ“. وبىلاسەن بىلاي دەدى: بىرنەشە جىلدىڭ الدىندا ول نە ىستەسە اقشا تابا الاتىنىن بىلمەي داعدارعان ەدى. ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ ۇسىنىسىمەن، ول نيا قارا تاۋىعىن باقسا بولاتىندىعىنا كوزى جەتەدى ءارى ونى تاباندىلىقپەن جالعاستىرادى، قازىر ەڭبەكشىلدىك سيلاعان باقىتتى شىنايى سەزىندى.
وبىلاسەننىڭ ىقپالىمەن، جەتەكتەۋىمەن، ونىڭ ءىنىسى، كورشىسى سياقتى 10 نەشە ادام ىلگەرىندى - كەيىندى ودان باعىمشىلىق تەحنيكاسىن ۇيرەندى. ”تەك قاجىرلىلىقپەن ىستەسەك بولعانى، ءسوزسىز، تاماشا تۇرمىس كەشىرە الامىز“. ول قاسىنداعى ادامداردى ىلعي وسىلاي جىگەرلەندىرىپ كەلەدى.
قىستاق تۇرعىندارى وبىلاسەننىڭ سوزىنە ءشۇباسىز سەنەدى، ”ول ءار قادامىن نىق باسىپ، تاباندىلىقپەن ىستەپ ناتيجە شىعاردى، وعان ءبارىمىز سەنەمىز“. قىستاق تۇرعىنى ابدۇمامەت تۇرسۇننىڭ ايتۋىنشا، بۇل كۇندەرى ونىڭ دا شاعىن باعىمشىلىق الاڭى بار ەكەن، تۇرمىستارى بارعان سايىن شالقي ءتۇسىپتى.
”مەن قىستاقتاعى ءىشىنارا جاستاردىڭ جۇمىستان تۇسكەن سوڭ نە ىستەرىن بىلمەي ساندالىپ جۇرگەنىن كوردىم، شەبەرلىك كوپتىك ەتپەيدى عوي، ولار قالاسا، كەز - كەلگەن ۋاقىتتا كەلىپ باعىمشىلىق تەحنيكاسىن ۇيرەنۋىن قارسى الامىن“، - دەدى وبىلاسەن، - ەندىگى جەردە باعىمشىلىق كولەمىن ۇلعايتىپ، باعىمشىلىق سەلبەستىك كووپەراتيۆىن قۇرىپ، قىستاق تۇرعىندارىنا باعىمشىلىق تەحنيكاسىن ۇيرەتىپ، اناعۇرلىم كوپ ادامنىڭ كىرىستەرىن ارتتىرىپ، اۋقاتتانۋىنا مۇمكىندىك جاساۋدى ويلاستىرىپ ءجۇرمىن.
”قازىر قىستاق تۇرعىندارىنىڭ ەگىمشىلىك، باعىمشىلىق جانە باسقا شەبەرلىكتەردى ۇيرەنۋ ىنتاسى بارعان سايىن ارتا ءتۇستى“. قارامەت قىستاعى پارتيا ياچەيكاسىنىڭ شۋجيى لي ۋىنحۋا بىلاي دەدى: وسى جىلداردا قىستاق تۇرعىندارىنىڭ ءبارى اۋقاتتانعىسى كەلەدى، كوپشىلىك ىرىقتىلىقپەن ونەر ۇيرەنىپ، بۇكىل قىستاقتا جارىسا اۋقاتتانۋعا ۇمتىلۋداي تاماشا راي قالىپتاستى.
