ەركىن تۇنياز ءۇرىمجى اۋدانىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
قىسقى وليمپيادا ورايىن مىقتاپ يگەرىپ، قار - مۇز ەكونوميكاسىن بار كۇشپەن دامىتۋ كەرەك
انار بۇلت / شينجياڭ گازەتىنىڭ ءتىلشىسى لي ياڭ 2 - ايدىڭ 4 - كۇنى ۇرىمجىدەن حابارلايدى. 2 - ايدىڭ 4 - كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ءۇرىمجى اۋدانىنا بارىپ، شاڭعى الاڭى، ەرەكشەلىككە يە حالىقتىق تۇسەلحانا ءتۇيىنى، اۋىل شارۋاشىلىعى كاسىپورنى سياقتىلاردى جۇمىس باسىندا كوزدەن كەشىرىپ، قار - مۇز بەن مادەنيەت، ساياحات كاسىپ سالاسىن توعىستىرا دامىتۋ، قار - مۇز سپورتىن ورىستەتۋ احۋالى، كوكتەم مەرەكەسى دەمالىسىنداعى كورىنىس ءوڭىرىنىڭ شارۋاشىلىق احۋالى سياقتىلارعا تەكسەرۋ - زەرتتەۋ جۇرگىزدى. ەركىن تۇنياز بىلاي دەپ باسا دارىپتەدى: ”مۇزدى القاپ، قارلى دالا دا باعالى بايلىق“ ۇستانىمىن تەرەڭ ءتۇسىنىپ، بەيجيڭ قىسقى وليمپيادا سپورت جارىسى اكەلگەن كەلەلى ورايدى مىقتاپ يگەرىپ، قار - مۇز كاسىپ سالاسىن بار كۇشپەن دامىتىپ، مادەنيەت پەن ساياحاتتى توعىستىرۋ، قامداۋدى ۇزدىكسىز ساپالىلاندىرۋ، كاسىپ سالاسى تىزبەگىن ۇزارتۋ ارقىلى قار - مۇز ەكونوميكاسىنىڭ جوعارى ساپالى دامۋىن ىلگەرىلەتۋ كەرەك.
شينجياڭ جىبەك جولى حالىقارالىق دەمالىس وڭىرىندەگى شاڭعى الاڭىنان شاتتانا كۇلىپ، قۋانا سويلەسىپ شاڭعى تەۋىپ قۇيىنداي جۇيتكىگەن ادامداردى كورۋگە بولادى. ەركىن تۇنياز شاڭعى الاڭىنىڭ جۇمىس جۇرگىزۋ جانە جالپىلىق قىزمەت وتەۋ، قابىلداۋ قۋاتى سياقتى احۋالدارىن جۇمىس باسىندا ۇعىستى. وسى دەمالىس ءوڭىرىنىڭ بيىل تاۋ شاڭعى جولىن كوبەيتىپ سالۋدى، سونداي - اق كەڭەيتىپ سالۋدى، تاعى جاڭادان ساياحاتشىلارعا قىزمەت وتەۋ ورتالىعىن، سونداي - اق مەيمانحانا، ت.ب سالۋدى جوسپارلاپ وتىرعانىن بىلگەننەن كەيىن، ەركىن تۇنياز مۇنى تولىق تۇراقتاندىردى. ول مىنالاردى تالاپ ەتتى: ىندەتتەن ساقتانۋ - تىزگىندەۋدى ويداعىداي ىستەۋمەن قاتار، قىزمەت وتەۋ تانىمىن شىن مانىندە كۇشەيتىپ، جەر - جەردەن كەلگەن ساياحاتشىلارعا ولشەمدى، ىجداعاتتى، ىڭعايلى قىزمەت وتەۋ كەرەك. ساياحات سايكەستى قىزمەت وتەۋ قۇرىلعىلارىن كەمەلدەندىرىپ، ونان ارى دەڭگەيىن جوعارىلاتىپ، دارەجەسىن ءوسىرىپ، قىزمەت وتەۋ، قابىلداۋ ورەسىن بار كۇشپەن جوعارىلاتۋ كەرەك. ساياحات حاۋىپسىزدىگىن باسقارۋدى كۇشەيتىپ، حاۋىپسىزدىك كومەسكى قاتەرىن مۇقيات اداقتاي تەكسەرىپ، جويىپ، ساياحاتشىلاردىڭ ءومىرى مەن مال - مۇلكىنىڭ حاۋىپسىزدىگىنە شىنايى كەپىلدىك ەتۋ كەرەك.
ءۇرىمجى شانيۋان ەكولوگيالىق اۋىل شارۋاشىلىعى شەكتى سەرىكتەستىگى − ميكرو ورگانيزم عىلىم - تەحنيكاسىن نەگىز ەتكەن ەگىمشىلىك، باعىمشىلىق اينالمالى ورگانيكالىق اۋىل شارۋاشىلىعى كاسىپورنى. كوكتەم مەرەكەسى دەمالىسىندا كوپتەگەن ساياحاتشى وسىندا كەلىپ كوكونىس ءۇزىپ، ورگانيكالى ازىقتاردان ءدام تاتتى. ەركىن تۇنياز زەردەلى جىلىجايعا كىرىپ، كاسىپورىننىڭ جۇمىستانۋعا باستاۋ، عىلىم - تەحنيكا زەرتتەپ اشۋ سياقتى احۋالدارىن تاپتەشتەي سۇراپ ۇعىستى. ول بىلاي دەپ باسا دارىپتەدى: ساپا ارقىلى اۋىل شارۋاشىلىعىن گۇلدەندىرۋگە، جاسىل تاسىلمەن اۋىل شارۋاشىلىعىن گۇلدەندىرۋگە، ماركا ارقىلى اۋىل شارۋاشىلىعىن كۇشەيتۋگە تاباندى بولىپ، حاۋىپسىز، ساپالى، جاسىل، ورگانيكالى كوكونس جانە مال، قۇس باعىمشىلىعى كاسىپ بازاسىن كۇش سالا تۇلعالاۋ كەرەك. ”اۋىل شارۋاشىلىعى + عىلىم - تەحنيكا + ساياحات + مادەنيەت“ سىندى دامۋ وي جەلىسىنە ساي، سەيىل - سەرۋەن اۋىل شارۋاشىلىعىن، ساياحات، عىلىم جالپىلاستىرۋ، زەرتتەۋ - تاربيەلەۋ سياقتىلارمەن بايلانىستىرىپ، كاسىپ سالاسى تىزبەگىن ۇزدىكسىز ۇزارتىپ، قۇن تىزبەگىن كەڭەيتىپ، ءتىپتى كوپ جەرگىلىكتى بۇقارانى كىرىستى ارتتىرۋعا جەتەكشىلىك ەتۋ كەرەك.
ەركىن تۇنياز تاعى شۇيشيگوۋ قالاشىعى پيڭشيلياڭ قىستاعىنىڭ ەرەكشەلىككە يە حالىقتىق تۇسەلحانا ءتۇيىنىن ارالادى ءارى شيانلاي شاعىن قالاشىعى كۋانجاي كوشەسى مادەنيەت - ساياحات جاياۋلار كوشەسىنە بارىپ، كوكتەم مەرەكەسى دەمالىسىندا ساياحاتشى قابىلداۋ احۋالىن تاپتەشتەي ۇعىستى، سونىمەن قاتار ساۋداگەرلەرمەن، ساياحاتشىلارمەن بەتپە - بەت اڭگىمەلەستى. ول بىلاي دەپ باسا دارىپتەدى: ساياحات ارقىلى شينجياڭدى گۇلدەندىرۋ ستراتەگياسىن شىن مانىندە ىلگەرىلەتىپ، ساياحاتتىڭ جاڭا كاسىپ كۇيىن جەدەل جەتىلدىرىپ، دامىتىپ، ساياحاتتىڭ وزىندىك ءمانىن ۇزدىكسىز ارتتىرىپ، ساياحاتشىلاردىڭ كوڭىلدى كەلىپ، قۋانا ساياحاتتاپ، رازىلىقپەن قايتۋىنا مۇمكىندىك جاساپ، ساياحات كاسىبىنىڭ جوعارى ساپالى دامۋىن ىلگەرىلەتۋ كەرەك.
ەركىن تۇنياز تاعى شينجياڭ قىسقى سپورتتى باسقارۋ ورتالىعىنا بارىپ، تەز سىرعاناۋ سارايى مەن قىسقا ارالىقتا تەز سىرعاناۋ سارايىنا كىرىپ، جاتتىعۋ جاساپ جاتقان سپورتشىلارعا امانداسىپ، ولاردان حال سۇراپ، ولاردى قاجىرلىلىقپەن جاتتىعىپ، قايسارلىقپەن شايقاسىپ، ورگە ۇمتىلىپ، ءتىپتى جاقسى ناتيجەگە قول جەتكىزۋگە شابىتتاندىردى.
اۆتونوميالى رايوننىڭ باسشىلارىنان ءيۇسۇپجان مامەت بىرگە تەكسەرۋ - زەرتتەۋ جۇرگىزدى.
