ما شيڭرۇي كوكتەم مەرەكەسى كەزىندە سانجىدا، تۇرپاندا، بايىنعوليندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
شينجياڭدى مادەنيەتپەن نارلەندىرىپ، جۇڭحۋا ۇلتى ورتاق تۇلعا تانىمىن بەرىك ورناتۋ كەرەك
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 2 - ايدىڭ 5 - كۇنى كورلادان حابارلايدى. كوكتەم مەرەكەسى كەزىندە اۆتونوميالى رايوندىق پارتكومنىڭ شۋجيى ما شيڭرۇي جەكە - جەكە سانجى حۇيزۋ اۆتونوميالى وبلىسىنا، تۇرپان قالاسىنا، بايىنعولين موڭعۇل اۆتونوميالى وبلىسىنا بارىپ تەكسەرۋ - زەرتتەۋ جۇرگىزدى، ول بىلاي دەپ باسا دارىپتەدى: باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭدى مادەنيەتپەن نارلەندىرۋ ينجەنەرياسىن ىشكەرىلەي اتقارىپ، جۇڭحۋا ۇلتى ورتاق تۇلعا تاريحىن، جۇڭحۋا ۇلتىنىڭ كوپ نەگىزدى، ءبىر تۇلعالى ارناسىن زەرتتەۋدى كۇشەيتىپ، جۇڭحۋا ۇلتى ورتاق تۇلعا تانىمىن ءار ۇلت كادرلارى مەن بۇقاراسىنىڭ جۇرەك تۇكپىرىنە تەرەڭ تامىر تارتتىرۋ كەرەك.
مەرەكەدە تيانشان الابىنىڭ بارلىق جەرىندە شامدار ءىلىنىپ، ءتۇستى تورعىندار بايلانىپ، ءىرى كورىنىس وڭىرلەرى دۋمانعا بولەندى. ما شيڭرۇي سانجى مەملەكەتتىك اۋىل شارۋاشىلىق عىلىم - تەحنيكاسى باقشا رايونى، تيڭجوۋ قار - مۇز الەمى، شينجياڭ تەاترحاناسى، باعراش كولى ساياحات كورىنىس ءوڭىرى سياقتى جەرلەرگە بارىپ، اۋىل شارۋاشىلىق تەحنيكتەرىمەن، كورىنىس ءوڭىرى قىزمەتكەرلەرىمەن، ادەبيەت - كوركەمونەر قىزمەتكەرلەرىمەن، ت.ب پىكىر اۋىستىرىپ، اڭگىمەلەسىپ بىلاي دەپ باسا دارىپتەدى: مادەنيەت پەن ساياحاتتىڭ توعىسا دامۋى − مادەنيەت قۇرىلىسى مەن ساياحاتتى دامىتۋدىڭ ىشكى تالابى جانە تابيعي ناتيجەسى، جاراتىلىستىق بايلىق پەن گۋمانيتارلىق بايلىقتان ويداعىداي پايدالانىپ، مادەنيەت مايەگى مەن مادەنيەت ەرەكشەلىگىن كورنەكتىلەندىرىپ، مادەنيەت پەن ساياحاتتىڭ ىشكەرىلەي توعىسۋىن، ءبىرىن - ءبىرى جەبەۋىن ىلگەرىلەتىپ، جاڭا قوزعاۋشى قۋاتتى تاسقىنداتىپ، جاڭا ابزالدىلىق قالىپتاستىرىپ، جاڭا دامۋدى جۇزەگە اسىرۋ كەرەك.
جەمسارى اۋدانى بەيتيڭ بايىرعى قالا جۇرتىندا، تۇرپانداعى بيزاكلىك مىڭ ءۇي مەن يارعۇل بايىرعى قالاسىندا، يانچي حۇيزۋ اۆتونوميالى اۋدانىنىڭ جەتى جۇلدىز بۇددا عيباداتحاناسى جۇرتىندا، بايىنعولين وبلىسى مۇراجايىندا ما شيڭرۇي ەجەلگى ەسكەرتكىشتەردى، بايىرعى جۇرتتاردى، مۇراجايداعى مادەني ەسكەرتكىشتەردى جانە ءىلمي جەتىستىكتەر كورمەسىن زەر سالا كورىپ، مادەني ەسكەرتكىشتەردى قورعاۋ جانە ونى زەرتتەۋ، تاڭداۋلى تاريحي مادەنيەتتى ساۋلەلەندىرۋ جاعدايى جونىندەگى تانىستىرۋدى تىڭدادى، سونداي - اق قاتىستى ماماندارمەن، وقىمىستىلارمەن جانە مادەنيەت ورىندارىنىڭ ۋاكىلدەرىمەن ىشكەرىلەي اۋىس - كۇيىس جاسادى. ول بىلاي دەپ باسا دارىپتەدى: جۇڭحۋا وركەنيەتى جاراسىمدى ءارى تۇرلىشە كوپ ۇلت مادەنيەتىنىڭ قۇنارلى توپىراعىنا تامىر تارتقان، تاريحى ۇزاق، دۇنيە جۇزىندەگى بىردەن - ءبىر ۇزىلمەي، بۇگىنگە دەيىن دامىپ كەلە جاتقان وركەنيەت. شينجياڭدى مادەنيەتپەن نارلەندىرۋ ينجەنەرياسىن ىشكەرىلەي اتقارىپ، جۇڭحۋا ۇلتىنىڭ ءداستۇرلى مادەنيەتى سىڭگەن مادەني ەسكەرتكىشتەردى ويداعىداي قورعاپ، ويداعىداي باسقارىپ، از ۇلت مادەنيەتىن قورعاۋعا جانە ونى جالعاستىرۋعا باسا ءمان بەرىپ، تاريحي مادەني مۇرالاردا قامتىلعان ۇلتتاردىڭ ارالاسۋ، ىشتەسۋ، توعىسۋ تاريحي ءمانىن ىشكەرىلەي اشىپ، جۇڭحۋا ۇلتى ورتاق تۇلعا تاريحىن، جۇڭحۋا ۇلتىنىڭ كوپ نەگىزدى، ءبىر تۇلعالى ارناسىن زەرتتەۋدى كۇشەيتىپ، تاريحتى سويلەتىپ، مادەني ەسكەرتكىشتەردى سويلەتىپ، جۇڭحۋا ۇلتى ورتاق تۇلعا تانىمىن بەرىك ورناتۋ كەرەك. ساياحاتتى دامىتۋدا تاريحي مادەني مۇرالاردى قورعاۋدى العى شارت ەتىپ، ساياحاتتى ادامداردىڭ جۇڭحۋا مادەنيەتىن سەزىنۋ، مادەنيەت سەنىمىن كۇشەيتۋ بارىسىنا اينالدىرۋ كەرەك.
تەكسەرۋ - زەرتتەۋ بارىسىندا ما شيڭرۇي تاعى مەرەكە كەزىندە ءبىرىنشى شەپتە تاپجىلماي ىستەپ جاتقان ءار ۇلت كادرلارىنا، جۇمىسشى - قىزمەتشىلەرىنە امانداسىپ، ولارعا مەرەكەلىك تىلەك ايتتى جانە ولاردان شىنايى حال سۇرادى. ما شيڭرۇي بىلاي دەپ باسا دارىپتەدى: ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى اناعۇرلىم ويداعىداي ءبىر تۇتاس جوسپارلاپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، قوعامدىق كەلەلى جاعدايدىڭ ۇزدىكسىز ورنىقتىلىعى مەن باياندى ورنىقتىلىعىن ساقتاپ، ىندەتتەن ساقتانۋ - تىزگىندەۋدى زاڭ بويىنشا، عىلمي، دالمە - ءدال ويداعىداي يگەرىپ، ءوندىرىس حاۋىپسىزدىگى شارالارىن قاتاڭ تياناقتاندىرىپ، كومىرمەن، ەلەكترمەن، جانار مايمەن، گازبەن، تاسىمالمەن قامتاماسىز ەتۋدى، قامداۋدى ويداعىداي ىستەپ، استىق، ازىقتىق ماي، ەت، جۇمىرتقا، ءسۇت، جەمىس - جيدەك، كوكونىس ونىمدەرىمەن قامداۋعا كەپىلدىك ەتۋدى، باعاسىن ورنىقتىرۋدى كۇشەيتىپ، تۇرمىسىندا قيىنشىلىعى بار بۇقاراعا دەن قويا، ىقىلاس قويا ويداعىداي قارايلاسىپ، تۇتاس شينجياڭ حالقىنىڭ كوكتەم مەرەكەسىن سالامات، كوڭىلدى، تىنىش، بەرەكەلى وتكىزۋىنە مۇمكىندىك جاساۋ كەرەك.
