تيانشان تورى   ›   جاڭالىقتار   ›   شينجياڭ حابارلارى

اسقاق سەزىممەن بولاشاققا ۇمتىلامىز

− رايونىمىزداعى كادرلار، بۇقارا بەيجيڭ قىسقى وليمپيادا سپورت جارىسىنىڭ باستالۋ سالتىن ايرىقشا ماداقتادى

□ انار بۇلت / شينجياڭ گازەتىنىڭ تىلشىلەرى

  2 - ايدىڭ 4 - كۇنى، كوكتەم باسى، بەيجيڭ قىسقى وليمپيادا سپورت جارىسى باستالىپ، وليمپيادا سپورت جارىسىنىڭ الاۋى قۇس ۇياسىندا تاعى دا تۇتاندى، سالتاناتتى جينالىستا بەس قۇرلىق ءبىر اراعا باس قوسىپ، گۇلدەنگەن زاماندى شاتتانا شىرقاپ، بىرگە تويلادى! شينجياڭ استانا بەيجيڭنەن شالعاي بولعانىمەن، الايدا تيانشان ۇلاندارىنىڭ جۇرەگى وليمپيادا سپورت جارىسىنىڭ شابىتىمەن الاۋلادى. رايونىمىزداعى كادرلار، بۇقارا باستالۋ سالتىنىڭ سالتاناتىنا تۇرلىشە تاسىلمەن نازار سالدى، ونى تاماشالادى. كوپشىلىك جابال مىنالاردى ءبىلدىردى: بەيجيڭ قىسقى وليمپيادا سپورت جارىسىنىڭ باستالۋ سالتى توتەنشە تارتىمدى بولدى، ادامدى تاڭ قالدىردى، دۇنيە جۇزىنە شۋاقتى، اشىق، ۇمىتكە تولى جۇڭگونى ايگىلەدى، ءبىز قىسقى وليمپيادا سپورت جارىسىن وراي ەتىپ، قايراتتانا، ەرلىكپەن ايانباي سايىسىپ، قار - مۇز ەكونوميكاسىنىڭ جوعارى ساپالى دامۋىن جەبەپ، رايونىمىزدىڭ ءتۇرلى ىستەرىنىڭ تىڭ ساتىعا كوتەرىلۋىن ىلگەرىلەتۋىمىز كەرەك.

  2 - ايدىڭ 4 - كۇنى كەش، قاراقاش اۋدانى قويشى اۋىلى كونە ارىق قىستاعى قىستاق تۇرعىندار كوميتەتىنىڭ جيىن زالىندا 80 نەشە تۇرعىن بىردە شاپالاق سوعىپ، بىردە قولدارىنداعى مەملەكەت تۋىن بۇلعاپ، جۇزدەرىنەن قۋانىش پەن تەبىرەنگەن لەپ ەستى.

  ”بەيجيڭ قىسقى وليمپيادا سپورت جارىسىنىڭ باستالۋى كوكتەم باسى امالىنا ءدال كەلدى، بۇل جاڭا باستامانى بىلدىرەدى. جاڭا جىلدى قارسى الىپ، گۇلدەنگەن زاماندا بارلىق كاسىپ شالقىدى“. شينجياڭ ءوندىرىس - قۇرىلىس بيڭتۋانى شيپاحاناسىنىڭ وسى قىستاقتا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي ۋاڭ شىڭشي: الداعى قىزمەتتە ”اناعۇرلىم تەز، اناعۇرلىم ورەلى، اناعۇرلىم قۋاتتى − اناعۇرلىم ىنتىماقتى بولۋداي“ وليمپيادا جاڭا ناقىلىن قوزعاۋشى كۇش ەتىپ، اۋىلداستاردى باستاپ، اسقاق جىگەرمەن قايراتتانا ۇمتىلىپ، مويىماس تاباندىلىقپەن العا ىلگەرىلەپ، اناعۇرلىم جارقىن بولاشاققا بىرگە قادام تاستايمىز!“، - دەدى.

  2 - ايدىڭ 4 - كۇنى كەشتە شاپشال سىبە اۆتونوميالى اۋداندىق اسىل تۇقىمدى قوي فەرماسى اۋماعىن باسقارۋ كوميتەتى ءبىر ءبولىم پارتيا مۇشەلەرىن، كادرلاردى بەيجيڭ قىسقى وليمپيادا سپورت جارىسىنىڭ باستالۋ سالتىن كورۋگە ۇيىمداستىردى. ”باستالۋ سالتىنىڭ ءار قىرىنان مەن مۇندالاعان جۇڭگو ەلەمەنتىنەن جۇڭحۋا ۇلتىنىڭ وسىنشاما رومانتيك ەكەندىگىنە، ۇلى وتاننىڭ وسىنشاما قۇدىرەتتى ەكەندىگىنە تەبىرەنەسىڭ!“، - دەدى باسقارۋ كوميتەتى پارتكومىنىڭ مۇشەسى حى ليڭ اسەرلەنە.

  2 - ايدىڭ 4 - كۇنى ءۇرىمجى اۋدانى بانفاڭگوۋ قالاشىعى باجياحۋ قىستاعىنىڭ شاندي قار شاڭعى سايران باعى دىر - دۋمان، ەرەسەكتەر بولسىن، الدە بالا بولسىن، بارلىعى شات مەرەيدە ويناپ ءجۇر. ساعات 19 اينالاسىندا ساياحاتشىلار بىرتىندەپ ازايدى، سونىمەن قار شاڭعى سايران باعىنىڭ جاۋاپتىسى جيا بين تەلەۆيزوردى دەرەۋ اشىپ، بەيجيڭ قىسقى وليمپيادا سپورت جارىسىنىڭ باستالۋ سالتىنىڭ باستالۋىن كۇتتى.

  مەملەكەت ءانى شىرقالىپ، مەملەكەت تۋى كوتەرىلگەندە جيا بيننىڭ كوڭىلى كولدەي تولقىپ: ”ايرىقشا ماقتانىش ەتەمىن، وتانىمىزدىڭ بارعان سايىن قۇدىرەتتەنە ءتۇسۋىن تىلەيمىن! بەيجيڭ قىسقى وليمپيادا سپورت جارىسىنىڭ تابىستى بولۋىن تىلەيمىن! بەيجيڭ قىسقى وليمپيادا سپورت جارىسىنىڭ شىعىس جەلىمەن شينجياڭنىڭ قار - مۇز ساياحاتىنىڭ دۋمانى بارعان سايىن اسا تۇسەتىندىگى، قار شاڭعى سايران باعى ساۋداسىنىڭ بارعان سايىن كۇسەت بولا تۇسەتىندىگى داۋسىز“، - دەدى.

  ”جۇڭگونىڭ دەنە تاربيە ساڭلاقتارى الاڭعا كىرگەندە جۇڭگو قىزىلى ’وتتاي لاۋلادى!‘“. موري قازاق اۆتونوميالى اۋدانىنىڭ شيجىر قالاشىعىندا باستالۋ سالتىنىڭ تىكە تاراتىلىمىن جاڭا عانا كورىپ بولعان ورتا مەكتەپ 2 - جىلدىعىنىڭ وقۋشىسى كاڭ بوياڭ توتەنشە شاتتاندى. دەنە تاربيە جاعىندا ارتىقشىلىعى بار كاڭ بوياڭ وسى دەمالىس كەزىندە قار شاڭعى تەبۋ ونەرىنە جاتتىعۋمەن بىرگە، بيڭحۋ ويناۋدى دا ۇيرەندى. ”وليمپيادا ساڭلاقتارىنان ۇيرەنىپ، قۇلشىنا ۇيرەنىپ، قاجىرلىلىقپەن جاتتىعىپ، ويىمداعى دەنە تاربيە داشۋەسىنە وتۋگە كۇش سالىپ، وتانىمىزدىڭ دەنە تاربيە ىستەرىنە كۇش قوسامىن“، - دەدى كاڭ بوياڭ.

  2 - ايدىڭ 4 - كۇنى كەش، ءۇرىمجى قالاسى تيانشان رايونى يان - ان جولى اۋماعى جيشۇن جولى سولتۇستىك الەۋمەتتىك اۋماعىنىڭ تۇرعىنى اينۇر مادەن ۇيىندەگىلەرمەن بىرگە تەلەۆيزوردىڭ الدىنا كەلىپ وتىرىپ بولعان - دى.

  ”بۇل كوز مەيىرىن قاندىرعان سالتانات بولدى“. اينۇر: باستالۋ سالتى ”ۇنەمشىل، حاۋىپسىز، تارتىمدى بولۋ“ ۇستانىمىن ايگىلەپ، كونسەرتتى دەن قويا دايىنداۋدان ارتيىستەردىڭ ايتارلىقتاي ورىنداۋىنا دەيىن جۇڭگو حالقىنىڭ اقىل - پاراساتى مەن شابىتى بەينەلەنىپ، ءىرى ەلدىك كەلبەت ايگىلەندى، - دەدى.

  باستالۋ سالتىنىڭ تىكە تاراتىلىمىن كورگەننەن كەيىن شينجياڭ اۋىل شارۋاشىلىق داشۋەسى اۋىل شارۋاشىلىعى ءىلىمى شۋەيۋانىنىڭ وقۋشىسى ءدىلنار وسمان تەبىرەنگەن كوڭىل كۇيىن باسا المادى. ول: دەنە تاربيە مەملەكەتتىڭ قۇدىرەتتەنۋ، ۇلتتىڭ گۇلدەنۋ ارمانىن ارقالاعان. جاڭا داۋىردەگى ارمانعا قۇلاش سەرمەۋشىلەر رەتىندە، وليمپيادا ساڭلاقتارى سياقتى ۇزدىكسىز قايسارلىقپەن سايىسىپ، ۇلەس قوسىپ، ءورىس اشا ۇمتىلىپ، وتانمەن بىردەي باعىتتا ءجۇرىپ، ءبىر نيەتپەن جۇڭگو ارمانىن بىرگە ورىنداۋىمىز كەرەك، - دەدى.

  شينجياڭنىڭ التايىنان كەلگەن دالالىق شاڭعى تەبۋ سپورتشىسى دىلنيگار يىلھامجان مەن سانشيدىڭ تاييۋانىنان كەلگەن سولتۇستىك ەۆروپا ەكى ءتۇرىنىڭ سپورتشىسى جاۋ جيا - ۋىننىڭ نەگىزگى الاۋدى بىرگە ”تۇتاندىرعاندىعىن“ كورگەندە، التاي ايماقتىق مادەنيەت، دەنە تاربيە، راديو - تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ شۋجيى ليۋ كىچۋان توتەنشە تەبىرەندى.

  ”بۇل شينجياڭنىڭ ماقتانىشى ءارى ادامزاتتىڭ شاڭعى مەكەنى التايدىڭ ماقتانىشى. ءبىز وعان دەم بەرەمىز، بارلىق قىسقى وليمپيادا ساڭلاقتارىن القايمىز!“. ليۋ كىچۋان: كەلەسى قادامدا التاي ايماعى گەنەرال تاۋى، كوكتوعاي، جىكبەلەڭ سىندى 3 ءىرى قار شاڭعى الاڭى قۇرىلىسىن جەدەلدەتەدى. سونىمەن بىرگە، قار - مۇز دارىندىلارىن باۋلۋ، جەتىلدىرۋ سەرپىنىن ارتتىرىپ، مەملەكەتكە ءتىپتى دە كوپ تاڭداۋلى قار - مۇز سپورتى زاپاس دارىندىلارىن اتتاندىرىپ، وتانعا داڭق اپەرەدى! - دەدى.

(ءتىلشى لي ياڭ، قاتىناسقان تىلشىلەر ءپاريزات ابدۇل، جاڭ يۇنمەي، جاڭ يانفاڭ، جاۋ شييا، لي شيڭ، لي لين، جاڭ تيڭ، ەرىكتى تىلشىلەر شى چيان، جاۋ جياجيڭ)

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.