□ انار بۇلت / شينجياڭ گازەتىنىڭ ءتىلشىسى لۋ فىڭباۋ، ەرىكتى ءتىلشى لي شۋان
2 - ايدىڭ 4 - كۇنى بەيجيڭ قىسقى وليمپيادا سپورت جارىسى باستالدى. سول كۇنى ۇرىمجىدەن التايعا بەت العان K9735 كەزەكشى پويەز تاعى ءبىر توپ شاڭعى اۋەسكەرلەرىن قارسى الدى، ولار شاڭعى جابدىقتارىن الىپ، التاي ايماعىنداعى ءارقايسى ءىرى قار شاڭعى الاڭدارىنا جول تارتىپ، ”قار - مۇز الەمىنە“ بارۋ ساپارلارىن باستادى.
كەشقۇرىم، جولاۋشىلار ىلگەرىندى - كەيىندى پويەزعا شىقتى، ۆاگونداعى قار شاڭعى اۋەسكەرلەرى جۇكتەرىن ورنالاستىرىپ بولعان سوڭ، شاڭعىلارىن قوياتىن جەر ىزدەي باستادى.
”ءسال كۇتە تۇرىڭىز، قوياتىن جەردى مەن تاۋىپ بەرەيىن“، - دەدى پويەز قىزمەتكەرى لياڭ شينۋي. ول جولاۋشىلارعا كومەكتەسىپ شاڭعىلاردى ەسىكتىڭ جانىنداعى ءبىر بۇرىشقا اپارىپ، مىقتاپ قويدى.
قار شاڭعى اۋەسكەرلەرىنىڭ ساپارعا شىعۋىنا قولايلى بولۋ ءۇشىن، جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگى ءۇرىمجى جولاۋشى تاسىمال بولىگى سولتۇستىك شينجياڭ پويەز اترەتى پويەزدان قار شاڭعى بۇرىشىن اشىپ، جولاۋشىلار الا جۇرگەن قار شاڭعى جابدىقتارىن جيناپ قويدى ءارى بايلاپ مىقتاپ قوياتىن ءجىپ دايىندادى.
”قار شاڭعى سياقتى جابدىقتاردىڭ كولەمى وتە ۇلكەن، پويەزدا قوياتىن جەر بولماۋىنان الاڭداپ ەدىك، پويەزعا شىققان سوڭ قىزمەتكەرلەر كومەكتەسىپ قار شاڭعى جابدىقتارىن قوياتىن جەر تاۋىپ بەردى، تاعى ۇقىپپەن بايلاپ بەردى، ەتەنەلىك دەگەن وسى عوي“، - دەدى جولاۋشى دى مىرزا.
پويەز جولعا شىققاننان كەيىن 9 - ۆاگون قىزمەتكەرى جاڭ تيڭجياڭ ساياحاتشىلارعا التاي ايماعىنداعى جانە ونىڭ توڭىرەگىندەگى ءدامدى تاعامدار مەن قاتىناس تاسىلدەرىن تانىستىرا باستادى.
قىس كىرگەننەن بەرى K9735 كەزەكشى پويەز ىركەس - تىركەس شار تاراپتان كەلگەن قار شاڭعى اۋەسكەرلەرىن قارسى الدى، پويەز قىزمەتكەرلەرى جولاۋشىلاردىڭ ساپارلاۋىنا قولايلى بولۋ ءۇشىن، ەتەنەلىكپەن ەرەكشە قىزمەت كورسەتۋگە دايىندالدى. ولار پويەزدان تۇسكەننەن كەيىنگى اۆتوكولىككە ءمىنۋ جەلىسىن، توڭىرەكتەگى كورىنىس اۋماقتارىن جانە ەرەكشە ءدامدى تاعامداردى ەستەرىندە قانىق ساقتاپ، جاڭادان كەلگەن جولاۋشىلارعا تانىستىرىپ ءتۇسىندىردى.
”پويەز قىزمەتكەرلەرى تاعى جولاۋشىلاردىڭ ماسەلەلەرىن جازىپ الىپ، سۇراستىرعاننان كەيىن ساياحات تۋرالى نۇسقاۋلىق بويىنشا جولاۋشىلارعا ءتۇسىندىرىپ، التايعا قار شاڭعى تەبۋگە، كوڭىل اشۋعا كەلگەن ءاربىر جولاۋشىعا ءوز ۇيلەرىنە كەلگەندەي اسەردى سەزىندىردى“، - دەدى پويەز باستىعى جاڭ تيڭ.
2 - ايدىڭ 5 - كۇنى ساعات 9دا پويەز كوكتوعاي اۋدانىنا جەتىپ، جولاۋشىلار ءبىر ءتۇن دەمالعان سوڭ، جۇكتەرىن جيناستىرىپ، وزدەرىنىڭ قار شاڭعى تەبۋ ساياحاتتارىنا اسىعا اتتاندى.
”بۇكىل ەلدىڭ جەر - جەرىنەن كەلگەن قار شاڭعى اۋەسكەرلەرىنە قىزمەت كورسەتكەنىمدى، ءوز تاسىلىممەن بەيجيڭ قىسقى وليمپيادا سپورت جارىسىنا دەم بەرگەندىگىمدى ماقتانىش ەتەمىن“، - دەدى جاڭ تيڭجياڭ.
