انار بۇلت / شينجياڭ گازەتىنىڭ ءتىلشىسى حي حۇڭۋي
جەلىدە جاڭا جىلعا قاراعان ءتۇن تاماعىنا تاپسىرىس بەرۋ، زات ساتىپ العاندارعا حۇڭباۋ ۇسىنۋ، شياڭشىڭ ەستۋ، كينو كورۋ... كوكتەم مەرەكەسى دەمالىسىندا جەر - جەر تۇتىنۋدىڭ التىن مەزگىلىن مىقتى يگەرىپ، تۇتىنۋ كومەسكى كۇشىن جارىققا شىعارىپ، تۇتىنۋ بازارىنىڭ جاندانۋىنا، شالقۋىنا دەم بەردى. تۇتاس رايوندا كوكتەم مەرەكەسىندە تۇتىنۋ بازارى شالقىپ، جارقىن تۇيىندەر تولاسسىز جارىققا شىقتى.
2 - ايدىڭ 3 - كۇنى كورلا قالاسى حۇيجياشىداي زات ساتىپ الۋ الاڭىنىڭ كىرەر اۋزىندا الارماندار ماسكى تاعۋ، سكانەرلەۋ، دەنە تەمپەراتۋراسىن ولشەۋ سياقتى ىندەتتەن ساقتانۋ، تىزگىندەۋ شارالارىن ورىنداعاننان كەيىن، الاڭعا تارتىپپەن كىردى. كورلا قالاسىنىڭ تۇرعىنى جاڭ شۋان - ي 1 - قاباتتاعى زالدان التىن القا - مونشاق ساتىپ الدى. ”كوكتەم مەرەكەسى كەزىندە ءتۇرلى القا - مونشاق ساتىپ الۋدا ءبىرشاما زور تيىمدىلىك جاسالدى، اعامنىڭ قىزىنا ءبىر بارىس ءپىشىندى مونشاق الىپ بەرەيىن دەپ ءجۇرمىن“، - دەدى جاڭ شۋان - ي.
كوكتەم مەرەكەسى كەزىندە شينجياڭ حۇيجياشىداي ءتۇرلى بۇيىمدار شەكتى جارنا سەرىكتەستىگى تۇتاس شينجياڭداعى 20 ساۋدا دۇكەنىندە ءتۇرلى فورمادا ساتۋدى جەدەلدەتۋ قيمىلىن وتكىزدى، سونداي - اق بارلىق دۇكەننىڭ تيجارات ۋاقىتىن ۇزارتتى. وسى سەرىكتەستىك تيجارات باسقارۋ ورتالىعىنىڭ تيجارات باس باقىلاۋشىسى شىن كىياڭ بىلاي دەپ تانىستىردى: كوكتەم مەرەكەسى كەزىندە ساتىلىم سوماسى بىلتىرعى سايكەس مەزگىلدەگىدەن ％23، جالپى قاريدار مولشەرى بىلتىرعى سايكەس مەزگىلدەگىدەن ％18 ارتتى. سەرىكتەستىك تاعى ينتەرنەت، شاعىن باعدارلاما، تىكە تاراتۋ سياقتىلاردان پايدالانىپ، الارمانداردىڭ جەلىدە زات ساتىپ الۋىنا، جەدەل جولدامامەن ۇيگە جەتكىزىپ بەرۋگە شارت ازىرلەپ، شات - شادىمان ”بۇلتتىق زات ساتىپ الۋدى“ جۇزەگە اسىرىپ، تۇتىنۋدى زور دارەجەدە جەبەدى.
2 - ايدىڭ 4 - كۇنى كوكتەم مەرەكەسى سۋرەتحاناسى، جاڭا جىل تىلەك اعاشى، تىلەك جولبارىسىن سىزۋ، زات ساتىپ الىپ حۇڭباۋعا يە بولۋ سياقتى جاڭا جىل فاكتورلارى ءۇرىمجى قالاسىنداعى CCMALL شىداي الاڭىنىڭ ايدىنىن اسىردى، قالا تۇرعىندارى كوتەرىڭكى كوڭىلمەن ارالاي ءجۇرىپ زات ساتىپ الدى.
”بالا كەزىمىزدە ءار جىلى كوكتەم مەرەكەسىندە ءۇي ىشىمىزدەگىلەر سۋرەتحاناعا بارىپ سۋرەتكە تۇسەتىنبىز، بيىل وسى ارادان كوكتەم مەرەكەسى سۋرەتحاناسى اشىلىپتى، قىزمەتكەرلەر ءۇي ىشىمىزبەن سۋرەتكە تۇسۋىمىزگە كومەك كورسەتتى، سول ءبىر كەزگە قايتا ورالعانداي سەزىمدە بولدىم“، - دەدى ءۇرىمجى قالاسىنىڭ تۇرعىنى ۋاڭ شياۋحۋا.
شىداي الاڭى تيجارات ءبولىمىنىڭ جاۋاپتىسى ۋاڭ يانليڭ بىلاي دەپ تانىستىردى: كوكتەم مەرەكەسى كەزىندە ساۋدا سارايى كوكتەم مەرەكەسى باقشا سەرۋەنى سياقتى جەلىلەس قيمىلدار وتكىزدى، كۇندىك كەلىپ - كەتكەن ادامدار 23 مىڭ ادام - رەتكە جەتىپ، بىلتىرعى سايكەس مەزگىلدەگىدەن ％30 ارتتى.
تۇتاس شينجياڭداعى ءارقايسى كولەمدى وتباسى ەلەكتر جابدىقتارى بازارى كوكتەم مەرەكەسى كەزىندە ەسىگىن اشىق ۇستادى، ەلەكتر جابدىقتارى، سيفرلى ونىمدەر دۇكەندەرى ارت - ارتىنان ءتيىمدى توپتامالار شىعاردى.
ءۇرىمجى قالاسى دوستىق سولتۇستىك جولىنا ورنالاسقان شينجياڭ سۋنيڭ يگوۋ ساۋدا دۇكەنى كوزگە كورنەكتى ورىنعا ءوتىمدى جەدەلدەتۋ جارناماسىن جاپسىرىپ، ”ەسكىنى جاڭاعا اۋىستىرۋ“، ”مەرزىمگە ءبولىپ وتەپ، بەلگىلى قۇنعا جەتسە ارزانداتۋ“ سياقتى ءوتىمدى جەدەلدەتۋ جەلىلەس قيمىلدارىن ورىستەتتى. دۇكەن باستىعى جاڭ رۇي بىلاي دەپ تانىستىردى: جەلىدەن تىس زات ساتىپ العاندا، بەلگىلى قۇنعا جەتكەندە ارزانداتۋداي تيىمدىلىكتەن يگىلىكتەنۋدەن سىرت، ءنومىر جيناپ دولايلاستىرۋدان يگىلىكتەنۋگە بولادى، تيىمدىلىك ايتارلىقتاي جاسالدى.
كينوحاناعا بارىپ كينو كورۋ جاڭا جىلداعى سالتقا اينالدى. 2 - ايدىڭ 5 - كۇنى ءۇرىمجى شيڭحۇي كينو باقشاسى شىداي الاڭى ورنىندا كينو كورۋشىلەردىڭ اياعى ۇزىلمەدى. ”بيىل كومەديالىق فيلم «سىحايدى» كوردىم، وتباسىنداعىلارمەن بىرگە تارتىمدى كينو فيلم كورۋدىڭ ءوزى باقىت، جاڭا جىلدا قاشاندا كوڭىلدى جۇرسەك دەپ تىلەيمىن“، - دەدى قالا تۇرعىنى جاڭ شياۋچين.
”بيىل كوكتەم مەرەكەسىندەگى قويىلعان فيلمنىڭ ءتۇرى كوپ بولىپ، تۇرلىشە شوعىردىڭ قاجەتىن قاناعاتتاندىردىق“، - دەپ تانىستىردى دۇكەن باستىعى ۋ يان.
بارىس جىلىن شات مەرەيدە قارسى الۋ كوپتەگەن جاستاردىڭ تالعامىنا اينالدى. 2 - ايدىڭ 3 - كۇنى ءۇرىمجى قالاسى سايباق رايونىنا ورنالاسقان بەيشىڭ ۋىنچۋاڭ الاڭىنداعى شينجياڭ شياڭشىڭ بازارى اشىلعان كۇنى بەلەت لەزدە ساتىلىپ ءبىتتى.
”كونسەرتتى ءار كۇنى ءبىر مايدان ارتىق قويىپ وتىردىق، سولاي بولعان كۇندە دە زالدىڭ ءىشى ءار جولى كورەرمەندەرگە لىق تولدى“، - دەدى شينجياڭ جۇيشيان شياڭشىڭ بازارى مادەنيەت - كوركەمونەر شەكتى سەرىكتەستىگىنىڭ باس ديرەكتورى شۋە دىرۇي.
كوكتەم مەرەكەسى قىسقى وليمپيادا سپورت جارىسىنا ءدوپ كەلدى، قار - مۇز نىساندارى بويىنشا تۇتىنۋ ورلەۋى ۇزدىكسىز كوتەرىلىپ، مەرەكە كەزىندە جەر - جەردەگى مۇز شاڭعى، قار شاڭعى الاڭدارىنا، قار - مۇز تاقىرىبىنداعى باقشالارعا باراتىن قاريدارلار سانى كورنەكتى ارتتى.
2 - ايدىڭ 5 - كۇنى التاي قالاسى گەنەرال تاۋى حالىقارالىق قار شاڭعى دەمالىس ورنىندا شاڭعى تەبە ءجۇرىپ، كۇننىڭ باتقانىن تاماشالاۋعا بولاتىن ”كەشكى شاپاق قار شاڭعى جولى“ شاڭعى قۇمارلاردىڭ، ءسوزسىز، باراتىن جەرىنە اينالدى. ”رومانتيكالى ءارى قىزىقتى، بۇل ارادا قار - مۇز سپورتى شاتتىعىنا بولەنۋگە بولادى ءارى قىسقى وليمپيادا ساڭلاقتارىنىڭ قايراتىنا دا دەم بەرە الامىز“، - دەدى جياڭشيلىق ساياحاتشى لي شۇي.
شاڭعى الاڭىن جوبالاۋ تيجارات ءبولىمىنىڭ باس باقىلاۋشىسى چىن ياڭ بىلاي دەپ تانىستىردى: كوكتەم مەرەكەسى كەزىندە شاڭعى الاڭىندا ”قىسقى وليمپيادا سپورت جارىسىن قارسى الۋ الاۋ ءان - ءبي كونسەرتى“ جەلىلەس قيمىلى وتكىزىلدى، ءار كۇنى قابىلداعان ساياحاتشىلار 6000 ادام شاماسىندا بولدى، ەڭ كوپ بولعان كۇندەرى 10 مىڭ ادامنان اسىپ، بىلتىرعى سايكەس مەزگىلدەگىدەن ％127 ارتتى.
