قول ۇستاسا بولاشاققا اتتانۋدىڭ ىنتىماق سيمفونياسى
− ءتوراعا شي جينپيڭنىڭ بەيجيڭ قىسقى وليمپيادا سپورت جارىسىنىڭ باستالۋ سالتىنا قاتىناسقاندىعى جانە جەلىلەس سىرتقى ىستەر قيمىلدارىن وتكىزگەندىگى جونىندەگى ەستەلىك
شينحۋا اگەنتتىگىنىڭ تىلشىلەرى ليۋ حۋا، ياڭ يجۇن، ۋىن شين
”جۇڭگو حالقى مەرەيلى كوكتەم مەرەكەسىن شاتتانا تويلاپ جاتقان قۋانىشتى كۇندەردە جاڭا، كونە دوستارمەن بەيجيڭدە باس قوسقاندىعىما مەن ايرىقشا قۋانىشتىمىن“.
2 - ايدىڭ 4 - كۇنىنەن 6 - كۇنىنە دەيىن، مەملەكەت ءتوراعاسى شي جينپيڭ جۇڭگوعا كەلگەن شەتەلدىڭ مەملەكەت باسشىلارى، ۇكىمەت باسشىلارى، پاتشا اۋلەتى مۇشەلەرى جانە حالىقارالىق ۇيىمداردىڭ جاۋاپتىلارى سياقتى حالىقارالىق سيلى قوناقتارمەن بىرگە بەيجيڭ 24 - كەزەكتى قىسقى وليمپيادا سپورت جارىسىنىڭ باستالۋ سالتىنا قاتىناستى، ولاردى قارسى الۋ قوناعاسىن وتكىزدى ءارى جەلىلەس ەكى جاقتى كەڭەس وتكىزدى.
20 نەشە رەت سىرتقى ىستەر قيمىلى ءۇرتىس 3 كۇن شوعىرلى وتكىزىلدى. بەيجيڭ ”قىسقى وليمپيادا ۋاقىتىن“ باستاعان كەزدە، دۇنيە ءجۇزى شىعىستاعى جۇڭگوعا كوز تىككەن كەزدە، ءتوراعا شي جينپيڭ بەس قۇرلىقتاعى دوستارعا جۇڭگونىڭ ىقىلاستى قوناعۋارلىعىن ايگىلەدى.
وليمپيادا بەس ساقينالى تۋىنىڭ استىندا باس قوسىپ، بولاشاققا بىرگە اتتاندى. وسى رەتكى ”قىسقى وليمپيادا ۋادەسى“، ”كوكتەم مەرەكەسىندەگى كەزدەسۋ“ بەينە تاعدىرلاس بولىپ، قول ۇستاسا العا باسقان ىنتىماق سيمفونياسى ىسپەتتى بەيجيڭ قىسقى وليمپيادا سپورت جارىسىنىڭ ساحناسىندا اسقاق سەزىممەن شىعاندادى.
كوكتەمدەگى ۋادە
ەگىنشىلىك كالەندارى بويىنشا 1 - ايدىڭ 5 - كۇنى، بەيجيڭ قىسقى وليمپيادا سپورت جارىسى باستالعان ەكىنشى كۇن. ءتوراعا شي جينپيڭ مەن حانىمى پىڭ لييۋان حالىق سارايىنىڭ جينسى زالىندا قوناعاسى وتكىزىپ، قىسقى وليمپيادا سپورت جارىسىنىڭ باستالۋ سالتىنا قاتىناسقان سيلى قوناقتاردى قارسى الدى.
قوناعاسى باستالۋدىڭ الدىندا، ءتوراعا شي جينپيڭ مەن حانىمى پىڭ لييۋان سيلى قوناقتارمەن بىرگە وزدەرى تۇرعان ەلدەردىڭ، رايونداردىڭ، حالىقارالىق ۇيىمداردىڭ تۋلارىنىڭ سۋرەتى باسىلعان ماسكىنى تاعىپ، يىق تيىستىرە تۇرىپ، اپپارات كوزىنە قاراپ قول بۇلعاپ قۇرمەت ءبىلدىرىپ، باعالى توپتىق سۋرەتكە ءتۇستى.
«بەيبىتشىلىك − تاعدىرلاس ورتاق تۇلعا» اۋەنى كوتەرىلدى. ”وسىندا وتىرعان دوستاردىڭ جاڭا تيپتى ايدارشا ۆيرۋس وكپە قابىنۋ ىندەتى اكەلگەن قيىندىقتار مەن قولايسىزدىقتاردى جەڭىپ، سوناۋ الىستان بەيجيڭگە كەلىپ، قىسقى وليمپيادا سپورت جارىسى ءۇشىن الاقايلاپ، جۇڭگوعا دەم بەرگەندىگىنە ەرەكشە راقىمەت ايتامىن“، - دەدى ءتوراعا شي جينپيڭ.
بۇل شىنىمەن وڭاي - وسپاق قولعا كەلمەگەن باس قوسۋ.
دۇنيە جۇزىندە 100 جىلدا بولماعان زور وزگەرىس جەدەل قۇبىلىپ، جاڭا تيپتى ايدارشا ۆيرۋس وكپە قابىنۋ ىندەتى قايتا - قايتا ءورشي ءتۇستى. ۋاعىندا وتكىزىلگەن بەيجيڭ قىسقى وليمپيادا سپورت جارىسى، ۋادە بويىنشا كەلىپ جەتكەن ءار ەل، ءار رايون سپورتشىلارى مەن سيلى قوناقتار دۇنيە جۇزىنە ”اناعۇرلىم ىنتىماقتىلىق“ پەن ”بولاشاققا بىرگە اتتانۋدىڭ“ كۇشتى سيگنالىن تاراتتى.
بەيجيڭ دياۋيۇيتاي مەملەكەتتىك قوناق ءۇيى. كىرشىكسىز اپپاق اقشا قاردا قارا ورىك اعاشى بۇرشىك جارا باستادى.
1 - ايدىڭ 25 - كۇنى، ەگىنشىلىك كالەندارى بويىنشا كىشى كوكتەم مەرەكەسى. ءتوراعا شي جينپيڭ وسى ارادا بەيجيڭگە كەلگەنىنە كوپ بولماعان حالىقارالىق وليمپيادا كوميتەتىنىڭ ءتوراعاسى باحپەن كەزدەستى.
”بەيجيڭ قىسقى وليمپيادا سپورت جارىسىنىڭ ءتۇرلى دايىندىق قىزمەتتەرى توتەنشە ءساتتى بولدى، الاڭ - سارايلاردىڭ ادەمىلىگى، ىندەتتەن ساقتانۋ شارالارىنىڭ كەمەلدىلىگى، باياندى اينالىم ۇستانىمىنىڭ وزىقتىعى ادامدى سۇيىندىرەدى. ءبىز جۇڭگونىڭ ونىمدىلىگىنە، بەكىمىنە جانە ومىرشەڭدىگىنە ءدان ريزامىز!“، - دەپ ءتوراعا باح شىن جۇرەكتەن القادى.
8 جىلدىڭ الدى، رەسەيدىڭ سوچي قالاسى. ءتوراعا شي جينپيڭ بەيجيڭنەن وسى شاعىن قالاعا ارنايى كەلىپ، سوچي قىسقى وليمپيادا سپورت جارىسىنىڭ باستالۋ سالتىنا قاتىناسىپ، وليمپيادا سپورتىن جانە جاقسى كورشىنىڭ، جاقسى سەرىكتىڭ، جاقسى دوستىڭ وليمپيادا سپورت جارىسىن وتكىزۋىن قولدايتىندىعىن بىلدىرگەن بولاتىن.
سول كەزدە جۇڭگو بەيجيڭ، جاڭجياكوۋ 2022 - جىلعى قىسقى وليمپيادا سپورت جارىسىن وتكىزۋدى الدەقاشان ءوتىنىش ەتكەن بولاتىن. سوچيدەگى ساپارى كەزىندە ءتوراعا شي جينپيڭ ءتوراعا باحپەن اقتارىلا اڭگىمەدە بولدى:
”جۇڭگودا قار - مۇز سپورتى شانحايگۋانعا كىرە المايتىن. ەگەر قار - مۇز تۇرلەرىن ىشكى وڭىرلەرگە قاراي جالپىلاستىرا الساق، مەجەمەن 200 − 300 ميلليون ادامدى قاتىناسۋعا باستاي الامىز، وسىلايشا جۇڭگونىڭ قار - مۇز سپورتىنىڭ الاۋىن تۇتاندىرۋعا بولادى“.
2015 - جىلى حالىقارالىق وليمپيادا كوميتەتى 2022 - جىلعى قىسقى وليمپيادا سپورت جارىسىن وتكىزۋ ۇقىعىن جاريالاۋدان 2018 - جىلى كورەيا پيوڭچاڭ قىسقى وليمپيادا سپورت جارىسىنىڭ جابىلۋ سالتىندا جۇڭگو بۇكىل دۇنيە جۇزىنە شاقىرۋ جىبەرۋگە دەيىن، ودان 2022 - جىلى ”جۇڭگو دايىندالىپ بولعانعا دەيىن“...
ءتوراعا شي جينپيڭنىڭ تىكەلەي كوڭىل ءبولۋى مەن ىلگەرىلەتۋىندە، 2022 - جىلعى قىسقى وليمپيادا جوباسى بىرتىندەپ رەالدىققا اينالدى.
”مەن جانە ميلليارد جۇڭگو حالقى دۇنيە جۇزىندەگى دوستاردىڭ 2022 - جىلى بەيجيڭدە باس قوسۋىن قارسى الامىز! سىزدەردى قارسى الامىز، دوستاردى قارسى الامىز!“.
ءتوراعا شي جينپيڭنىڭ جۇڭگونىڭ اتىنان جاريالاعان ”قىسقى وليمپيادا ۋادەسىنە“ ءۇن قوسقاندار توپتالدى −
91 مەملەكەت پەن رايوننىڭ 3000عا جۋىق سپورتشىسى جارىس الاڭدارىندا بىردەي ونەر سايىسىنا ءتۇستى، كوپتەگەن ەلدەر جارىسقا قاتىناسۋعا تۇڭعىش رەت سپورتشى جىبەردى؛
بەس قۇرلىقتان كەلگەن 30 نەشە مەملەكەت باسشىسىن، ۇكىمەت باسشىسىن، پارلامەنت باستىعىن، ماڭىزدى پاتشا اۋلەتىنىڭ مۇشەلەرىن جانە حالىقارالىق ۇيىمداردىڭ جاۋاپتىلارىن قامتىعان 70كە تارتا مەملەكەتتىڭ، رايوننىڭ جانە حالىقارالىق ۇيىمنىڭ شامامەن 170 ۇكىمەت جاق ۋاكىلى وسى رەتكى جارىس سالتاناتىنا قاتىناستى؛
رەسەيدىڭ زۇڭتۇڭى پۋتين وسى رەت جۇڭگوعا كەلگەندە ءتوراعا شي جينپيڭ ونىمەن 2 جىلدان استام ۋاقىتتان بەرى تۇڭعىش رەت ”جەلىدەن تىس“ كەڭەس وتكىزدى؛
ورتا ازياداعى 5 ەلدىڭ مەملەكەت باسشىلارى ءتوراعا شي جينپيڭمەن بەينە ەكران باسشىلار باس قوسۋىن ەندى عانا وتكىزىپ بولىپ 10 كۇننەن كەيىن بەيجيڭگە كەلدى؛
كەيبىر ەلدەر مەن بەيجيڭ اراسىندا ۇشاقپەن ۇشۋعا 10 نەشە، ءتىپتى، نەشە 10 ساعات ۋاقىت كەتەدى، كەيبىر ەلدەردەن جارىسقا تەك ءبىر سپورتشى عانا قاتىناستى، اۋەلى، سپورتشى قاتىناسقان جوق... ولاردىڭ باسشىلارى سوندا دا جۇڭگوعا كەلىپ، وسى رەتكى ەرەكشە مانگە يە قىسقى وليمپيادا سپورت جارىسىنا ات سالىسۋدى ۇيعاردى.
مۇراتتاستاردىڭ اراسىن تاۋ مەن تەڭىز الىستاتا المايدى.
”كەزەكتە دۇنيە ءجۇزى ءبىر كەزەكتى تابىستى قىسقى وليمپيادا سپورت جارىسىنىڭ الەم حالقىنا ايقىن ينفورماتسيا تاراتۋىن قاجەت ەتەدى، ياعني ءارقانداي مەملەكەتتىڭ، ءارقانداي ۇلت، ءارقانداي دىندەگى حالىقتىڭ الاۋىزدىقتى قايىرىپ قويىپ، ىنتىماق پەن سەلبەستىكتى جۇزەگە اسىرۋىنا بولادى“. بىرلەسكەن مەملەكەتتەر ۇيىمىنىڭ باس حاتشىسى گۋتەرەستىڭ ءسوزى حالىقارالىق قوعامنىڭ جالپىلىق ءۇنىن بەينەلەدى.
”بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن ويداعىداي وتكىزۋ − جۇڭگونىڭ حالىقارالىق قوعامعا بەرگەن ايبىندى ۋادەسى“. ءتوراعا شي جينپيڭنىڭ ءوزى جوسپارلاپ، ءوزى ىلگەرىلەتۋدىڭ ارقاسىندا، ءبىر كەزەكتى قاراپايىم دا ۇنەمشىل، حاۋىپسىز، تارتىمدى وليمپيادا سپورتىنىڭ سالتاناتتى جينالىسى وزگەشە كۇيمەن باستالدى، ول ءار ەلدىڭ، ءار رايوننىڭ قار - مۇز ساڭلاقتارىنا ءوزىن باسىپ وزاتىن ساحنا ازىرلەپ قانا قويماي، ىندەت مازالاعان دۇنيە جۇزىنە قۋاتتى سەنىم جانە كۇش ۇستەدى.
وركەنيەتتىڭ قاۋىشۋى
”ءسىزدى ءبىر جۇپ ’بيڭدۇندۇندى‘ ەگىز بالاڭىزعا الا بارماقشى ەكەن دەپ ەستىدىم. ولاردىڭ دا بۇدان كەيىن قار - مۇز سپورتىنا قىزىعۋشىلىق تانىتىپ، ءسىز سياقتى قار - مۇز ساڭلاعىنا اينالۋىن ءۇمىت ەتەمىن“.
2 - ايدىڭ 6 - كۇنى تۇستەن كەيىن حالىق سارايىنىڭ شىعىس زالىندا ءتوراعا شي جينپيڭ ىلگەرى سپورتشى سالاۋاتىمەن قىسقى وليمپيادا سپورت جارىسىنا 5 رەت قاتىناسقان موناكونىڭ مەملەكەت باسشىسى حانزادا البەرەⅡگە وسىنى ايتتى.
جاناسىمدى اۋىس - كۇيىس، ەمىن - ەركىن ىقپالداستىق داياشى ەلدىڭ ىستىق ىقىلاسىن، قوناعۋارلىعىن ايگىلەدى، سونداي - اق ەندىگى كەزەكتەگى ”كوركەمدىكتەن ورتاقتاسۋ“ ونەگەلى ءسوزىن ورنەكتەدى.
”بيڭدۇندۇن“ جۇڭگوعا عانا ءتان مىسىق ايۋ وبرازىن اسقىن ەنەرگيالى كريستال قابىرشاقپەن ءوزارا ۇشتاستىرعان بەيجيڭ قىسقى وليمپيادا سپورت جارىسىنىڭ قۇت نىشانى، دۇنيە جۇزىنە جۇڭگو فاكتورىنىڭ وليمپيادا رۋحىمەن ءوزارا توعىسقان شەكسىز باۋراۋ قۋاتىن جەتكىزىپ، قىسقى وليمپيادا سپورت جارىسىنداعى اتى زاتىنا ساي جۇلدىزعا اينالدى.
2 - ايدىڭ 4 - كۇنى كوكتەم باسىنا تۋرا كەلدى. ءتۇن پەردەسىن جامىلعان مەملەكەتتىك دەنە تاربيە الاڭى ”قۇس ۇياسى“ الۋان تۇسكە بولەنىپ، سالتاناتى اسىپ، ”الەم حالقى ءبىر وتباسى“ ارمانى مەن تالپىنىسىنا ارقاۋ بولىپ، ”الەمنىڭ ۇلى بىرلىگى“ ەستەتيكاسى مەن رومانتيكاسىن ايگىلەدى.
ساعات 19دان 57 مينۋت وتكەندە ءتوراعا شي جينپيڭ مەن حانىمى پىڭ لييۋان حالىقارالىق وليمپيادا كوميتەتىنىڭ ءتوراعاسى باح قاتارلى حالىقارالىق سيلى قوناقتارمەن بىرگە ءتوراعالار مىنبەسىنىڭ ەكى جانىنان ءبىر - بىرىنە قاراي ءجۇرىپ، ءبىر ۋاقىتتا الاڭعا كىردى.
جۇڭگو مادەنيەتى مانىنە تولعان ”24 امال“ جاسامپازدىعىمەن ۋاقىتتى كەرى ساناۋدان وركەنيەت اۋىس - كۇيىسىن، توعىسۋىن ايگىلەگەن ”حۋاڭحى سۋىنىڭ“ ەڭ سوڭىندا ”قار - مۇز بەس ساقيناسىنا“ وزگەرۋىنە دەيىن؛ ەسىك اشۋ مەن بىرگە يگىلىكتەنۋ ماعىناسىن بەرەتىن ”جۇڭگو قاقپاسىنان“ وركەنيەت پەن تابىستى ايگىلەيتىن ”جۇڭگو تەرەزەسىنە“ دەيىن؛ دۇنيەگە ايگىلى 19 مۋزيكانىڭ جۇڭگونىڭ كورىكتى تاۋ - وزەنىمەن ءوزارا جاراسىم تابۋىنان ءزايتۇن بۇتاعى مەن جۇڭگو تۇيىنشەگى مازمۇنى توعىسىپ، ءبىر تۇلعا بولعان ”ۇلكەن قار گۇلىنە“ دەيىن...
جاڭاشا مازمۇنعا تولى، ادامدى ءتانتى ەتەتىن باستالۋ سالتى الەم حالقىنا جۇڭحۋا مادەنيەتى مەن وليمپيادا رۋحىنىڭ جاراسىمدى بىرگە ءومىر سۇرەتىندىگىن ۇعىندىردى، جاڭا داۋىردەگى جۇڭگونىڭ سەنىمدى، باۋىرمال، اشىق ءىرى ەل وبرازىن سەزىندىردى.
”تارتىمدىلىعىنىڭ ەلدەن ەرەكشە بولۋى ۇلى جۇڭگونىڭ قۋاتتى مەملەكەت كۇشى مەن ىقپال كۇشىن تولىق ايگىلەدى“، ”ەرەكشە سالتاناتتى، تارتىمدى بولدى، كورەرمەندەر وسى ءبىر سالتاناتتى جينالىستان كوزايىم بولدى“، ”جۇڭگونىڭ دامۋدا قول جەتكىزگەن شۇعىلالى تابىسىن ايگىلەدى، سونداي - اق دۇنيە ءجۇزىنىڭ بەيبىتشىلىگى مەن دامۋىن جەبەۋگە كەلەلى ۇلەس قوستى“...
سيلى قوناقتار ءتوراعا شي جينپيڭگە وسى سالتاناتتى جينالىستىڭ باستالۋ سالتىنا دەگەن شىنايى القاۋلارىن ءبىر - بىردەن ءبىلدىردى.
ادامدار 6 جىلدان استام ۋاقىتتىڭ الدىندا بەيجيڭنىڭ، جاڭجياكوۋدىڭ وليمپياداعا ءوتىنىش بەرگەن سوڭعى ۇمتىلىستاعى شەشۋشى ساتتەرىن ۇمىتقان جوق، ءتوراعا شي جينپيڭ دۇنيە ءجۇزى الدىندا: ”2022 - جىلعى قىسقى وليمپيادا سپورت جارىسىنىڭ جۇڭگودا وتكىزىلۋى جۇڭحۋا وركەنيەتى مەن دۇنيە جۇزىندەگى ءار ەل وركەنيەتىنىڭ اۋىس - كۇيىسىن، ءوزارا ۇلگى الۋىن ىلگەرىلەتۋگە پايدالى“ دەپ شىن پەيىلمەن تانىستىرۋ جاسادى.
”ءبىز ءبىر كەزەك قىسقى وليمپيادا سالتاناتتى جينالىسىن ويداعىداي وتكىزىپ قانا قويماي، ەرەكشە، تارتىمدى، بىرەگەي ەتىپ وتكىزۋىمىز كەرەك“. ءتوراعا شي جينپيڭنىڭ ماڭىزدى نۇسقاۋى مادەنيەت سەنىمىن ايگىلەيتىن، اۋىس - كۇيىستى، ءوزارا ۇلگى الۋدى جەبەيتىن قىسقى وليمپيادا سالتاناتتى جينالىسىن ويداعىداي وتكىزۋگە ايقىن بەتالىس كورسەتتى.
2 - ايدىڭ 5 - كۇنى. حالىق سارايىنىڭ شىعىس قاقپاسىنىڭ سىرتىندا قىزىل تۇمشامالى شامدار ”بولاشاققا بىرگە اتتانايىق“ جازبا ۇرانىمەن ءوزارا ۇندەستى. ۇلكەن قاقپانىڭ ىشىندە وزگەشە شاعىن كوكتەم مەرەكەسى ”بۇتحانا ساۋىعى“ وليمپيادا سپورت جارىسىنىڭ قارسى الۋ قوناعاسىنا قاتىناسقالى كەلگەن سيلى قوناقتاردى وزىنە باۋرادى.
كوكتەم مەرەكەسى قىسقى وليمپيادا سپورت جارىسىنا تۋرا كەلدى، مەرەكەلىك سۋرەت، كوكتەم بوساعالىعى، جۇڭگو تۇيىنشەگى، ءيىس ماي قاپشىعى، قيما سۋرەت، جيڭجۇي بەت الەمىشى سياقتى جۇڭگونىڭ حالىقتىق سالت - سانا مادەنيەتى قىسقى وليمپيادا نەگىزگى تاقىرىبى فاكتورىمەن شەبەرلىكپەن قابىسىپ، سيلى قوناقتاردىڭ ءالسىن - ءالى القاۋىنا يە بولدى. حانزادا البەرەⅡءوزى كىرىسىپ، وتباسىنداعى ەگىز بالاسىنا ”بيڭدۇندۇن“ ءمۇسىنىن جاسادى ءارى كۇلىمسىرەي: بىرەۋى جەتپەيدى، ءسوز جوق، ەكەۋ بولۋ كەرەك، - دەدى.
قارسى الۋ قوناعاسىندا جۇڭگو سيمفونيا وركەسترىنەن كەلگەن كوركەمونەرشىلەر جۇڭگونىڭ ءداستۇرلى مۋزيكاسى مەن ءارقايسى قۇرلىقتىڭ ۋاكىلدىك ءان - كۇيلەرىن الما - كەزەك ورىندادى. «كوكتەم مەرەكەسى بەتاشار كۇيىنەن» كامبودجا مۋزيكاسى « ا! جان سۇيىندىرەتىن ورمانعا» دەيىن؛ «ايعا ۇمتىلعان ارايلى بۇلتتان» تارتىپ ورتا ازيا مۋزيكاسى «تاڭ سامالىنا» دەيىن؛ «تولعان ايدان» ورتا شىعىس مۋزيكاسى «ءنىل وزەنى بويىنداعى ءان اۋەنىنە» دەيىن... مۋزيكا مەملەكەت شەكاراسىنان اتتاپ ءوتىپ، جۇرەكتەردى توعىستىردى. ۇقساماعان مەملەكەتتەر، ۇقساماعان رايوندار، ۇقساماعان وركەنيەتتەر وسى ارادا تىلدەسىپ، اۋىس - كۇيىس جاساسىپ، ءوزارا ءلاززات الدى.
بەيجيڭ قىسقى وليمپيادا سپورت جارىسى كەزىندە ءتوراعا شي جينپيڭ رەسەيدىڭ زۇڭتۇڭى پۋتينمەن بىرگە جۇڭگو - رەسەي دەنە تاربيە اۋىس - كۇيىسى جىلىنىڭ رەسمي باستالعاندىعىن جاريالادى، ارگەنتينانىڭ زۇڭتۇڭى فەرناندەزبەن بىرگە 2022 - جىلعى جۇڭگو - ارگەنتينا دوستىق سەلبەستىك جىلىنىڭ باستالعاندىعىن جاريالادى، تۇركمەنستانمەن ءوزارا مادەنيەت ورتالىعىن اشۋدى جەدەل تياناقتاندىرۋ كەرەكتىگىن ءبىلدىردى، كاتارمەن ورتا شىعىس وڭىرىندەگى تۇڭعىش مىسىق ايۋ سەلبەستىگىن باستاۋدى قالايتىندىعىن ءبىلدىردى، جۇڭگو جاق تاعى قىرعىزستانمەن كلاسسيكالىق شىعارمالاردى ءوزارا اۋدارۋ، باسپادان شىعارۋ جونىندەگى ەسكەرتپە حاتقا قول قويىستى...
”ادامزاتتىڭ بارلىق وركەنيەت جەتىستىكتەرى بۇكىل ادامزاتتىڭ بىرگە ءلاززاتتانۋىنا جانە ورتاقتاسۋىنا تاتيدى“.
ءتوراعا شي جينپيڭنىڭ ءسوزى باسقا وركەنيەتتى تەڭ تۇرعىدا قۇرمەتتەۋدى جەتكىزىپ، ءوزارا ءتۇسىنۋ، دوستىق، ىنتىماق سياقتى وليمپيادا رۋحىنىڭ ناعىز ءمانىن اشىپ كورسەتتى.
اعا جۇلدەگەردىڭ اڭگىمەسى
”وسى جولى جۇڭگو سپورتشىلارىنىڭ قانشا التىن مەدال جانە مەدالدار العانىنان گورى مەن ونىڭ ءبىزدىڭ كەيىنگى بولاشاعىمىزعا ۇستەيتىن قوزعاۋشى كۇشى مەن ومىرشەڭدىگىنە اناعۇرلىم نازار اۋدارامىن“.
قىسقى وليمپيادا سپورت جارىسى باستالۋدىڭ الدىندا ءتوراعا شي جينپيڭ باحقا وسىلاي دەدى.
8 جىلدىڭ الدىندا سوچيدا ءتوراعا شي جينپيڭ جۇڭگونىڭ قىسقى وليمپيادا ساڭلاقتارىمەن وليمپيادا جارىس الاڭىنداعى ”التىن مەدال كوزقاراسى“ تۋرالى ءسوز قوزعاعاندا:
”ناتيجە تەك قانا مەدال الۋدا نەمەسە قانشا مەدال الۋدا ەمەس، ودان دا ماڭىزدىسى، وليمپيادا رۋحىن ايگىلەپ، ءوزىن تىنباي قۇدىرەتتەندىرىپ، ءوز شەكتەمەلەرىن جەڭىپ، بۇرىنعى دەڭگەيىنەن اسىپ تۇسۋدە“، - دەدى.
2008 - جىلعى بەيجيڭ وليمپيادا سپورت جارىسىنا، مۇگەدەكتەر وليمپيادا سپورت جارىسىنا دايىندىق قىزمەتى باسشىلىق گرۋپپاسىنىڭ باستىعى بولعاننان جاڭا داۋىردەگى جۇڭگونىڭ 2014 - جىلعى نانجيڭ جاستار وليمپيادا سپورت جارىسىن ءساتتى وتكىزۋگە باسشىلىق ەتكەنگە، ونان 2022 - جىلعى بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن وتكىزۋگە ءوتىنىش ەتۋدى، وتكىزۋگە دايىندالۋدى ءوزى تىكەلەي ىلگەرىلەتكەنگە دەيىن ءتوراعا شي جينپيڭ مەن وليمپيادا سپورتى اراسىندا وزگەشە ءبىر بايلانىس بولىپ جاتتى.
”وليمپيادا سپورتىنىڭ ماقساتى − ادامنىڭ جان - جاقتى دامۋىن جۇزەگە اسىرۋ“. جۇڭگونىڭ جاڭا، اناعۇرلىم بيىك دامۋ ساتىسىنا كوتەرىلۋىنە مەڭزەس، بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن ويداعىداي وتكىزۋ جونىندە ءتوراعا شي جينپيڭ اناعۇرلىم اۋقىمدى ءورىستى جانە ۇزاق بولاشاقتى كوزدەدى.
2 - ايدىڭ 3 - كۇنى قىسقى وليمپيادا سپورت جارىسى باستالۋدان ءبىر كۇن ىلگەرى حالىقارالىق وليمپيادا كوميتەتىنىڭ 139 - رەتكى جالپى ءماجىلىسىنىڭ اشىلۋ سالتى بەيجيڭدە وتكىزىلدى، ءتوراعا شي جينپيڭ بەينە ەكراندا ءسوز سويلەدى.
”2008 - جىلعى ’ورتاق الەم، ورتاق ارماننان‘ 2022 - جىلعى ’بولاشاققا بىرگە اتتانۋعا‘ دەيىن جۇڭگو وليمپيادا سپورتىنا بەلسەنە ات سالىسىپ، وليمپيادا رۋحىن بۇلجىماستان اسقاقتاتتى، وليمپيادا مۇراتىنىڭ تاباندى تالپىنۋشىسى، ارەكەتتەنۋشىسى بولدى“.
”جۇڭگو قىسقى وليمپيادا سپورت جارىسىن وتكىزۋگە دايىندىق كورۋ ارقىلى 300 ميلليون ادامدى قار - مۇز سپورتىنا ات سالىسۋعا ءساتتى باستاپ، وڭىرلىك دامۋدى، ەكولوگيالىق قۇرىلىستى، جاسىل جاڭالىق اشۋدى، حالىق تۇرمىسىن جاقسارتۋدى ىلگەرىلەتىپ، الەمدىك قار - مۇز سپورتىنىڭ دامۋىنا ءتىپتى دە كەڭ كەڭىستىك ازىرلەدى“.
”دەنە تاربيە رۋحى − جۇڭگو رۋحىنىڭ ىقشام كورىنىسى. بۇنداي ەرلىكپەن سايىسۋ رۋحى ءدال ءبىزدىڭ ءداۋىرىمىزدىڭ ءبىر بەينەسى“، - دەدى ءتوراعا شي جينپيڭ.
2017 - جىلدىڭ باسىنان بەرى ءتوراعا شي جينپيڭ قىسقى وليمپيادا سپورت جارىسىن وتكىزۋگە دايىندىق قىزمەتىن ىلگەرى - كەيىن 5 رەت تەكسەردى. بەيجيڭ، يانچيڭ، جاڭجياكوۋ سىندى 3 جارىس رايونىنىڭ بارىندە ونىڭ ”قىسقى وليمپياداداعى اياق ءىزى“ قالدى. ”سۋ تەكشەسىنىڭ“ ”مۇز تەكشەسىنە“ اينالۋىنان جارىس الاڭ - سارايلارىن جاسىل ءتاسىل ارقىلى ەلەكترمەن قامداۋدى تولىق قامتۋعا دەيىن، جالپى حالىقتىڭ سالاماتتىعىن جەبەۋدەن جاپپاي دوڭگەلەك داۋلەتتىلىكتى جۇزەگە اسىرۋعا دەيىن، قار - مۇز سپورتىنىڭ قارىشتاپ دامۋىنان بەيجيڭدى، تيانجيندى، حىبەيدى سايكەستىرە دامىتۋعا دەيىن... ءتوراعا شي جينپيڭنىڭ وليمپيادانى جاسىل، بىرگە يگىلىكتەنەتىن، اشىق، پاك وتكىزۋ ۇستانىمىنىڭ جەتەكشىلىگىندە، بەيجيڭ قىسقى وليمپيادا سپورت جارىسى جۇرتتى تاڭ قالدىرعان تالاي - تالاي ”تۇڭعىشتار“ مەن ”بىرىنشىلەردى“ جاراتتى.
”مەن ءسىزدى قۇتتىقتايمىن، 300 ميلليون ادامنىڭ قار - مۇز سپورتىمەن اينالىسۋ نىساناسىن ورىندادىڭىز، اۋەلى، اسىرا ورىندادىڭىز“. ءتوراعا شي جينپيڭمەن كەزدەسۋ بارىسىندا باح جۇڭگونىڭ ۋادەنى ورىنداعاندىعىنا ءسۇيىندى. باح بىلاي دەپ قارادى: دۇنيە ءجۇزى كولەمىنەن الىپ قاراعاندا، قىسقى سپورت ءداۋىرىن بەيجيڭ قىسقى وليمپيادا سپورت جارىسىنان بۇرىنعى جانە كەيىنگى دەپ بولۋگە بولادى، ”ويتكەنى 300 ميلليون ادامنىڭ قار - مۇز سپورتىنا قاتىناسۋى قار - مۇز سپورتىنىڭ جاڭا ءداۋىرىن اشادى“.
2 - ايدىڭ 5 - كۇنى كەشقۇرىم، حالىق سارايىنىڭ شىعىس ۇلكەن زالى. باس حاتشى گۋتەرەسپەن ”300 ميلليون ادامنىڭ قار - مۇز سپورتىنا قاتىناسۋىنىڭ“ جۇزەگە اسىرىلۋ بارىسى جايلى اڭگىمەلەسكەندە، ءتوراعا شي جينپيڭ تەبىرەنىپ بىلاي دەدى:
”جۇڭگو قىسقى وليمپيادا سپورت جارىسىن وتكىزۋ ءۇشىن ’300 ميلليون ادامنىڭ قار - مۇز سپورتىنا قاتىناسۋىن‘ العا قويدى، جۇرت بەلسەنە ءۇن قوستى، بۇكىل جۇڭگودا قار - مۇز سپورتى ورىستەتىلدى، وڭتۇستىكتىڭ وزىندە حالىق بۇقاراسى جابال ات سالىستى“.
”بارىس جىلعى كوكتەم مەرەكەسىندە بەيجيڭ قىسقى وليمپيادا سپورت جارىسى وتكىزىلىپ، جۇڭگو حالقى شاتتىققا شومدى، سەنىمى ەسەلەپ ارتىپ، بەلسەنە العا باساتىن رۋح پەن كۇش - قۋاتتى ايگىلەدى. وسىنداي حالىقتى قۋاتتى تىرەك ەتكەن ءبىز ءارقانداي ءىستى ىستەي الامىز“.
بىرنەشە ساعاتتان كەيىن، استانا دەنە تاربيە سارايى. جۇڭگو قىسقا ارالىققا كۇش جالعاپ سىرعاناۋ قۇراماسىنىڭ ساڭلاقتارى چۇي چۇنيۇي، فان كىشين، جاڭ يۇيتيڭ، ۋ داجيڭ، رىن زىۋي اسقان قايسارلىقپەن بەيجيڭ قىسقى وليمپيادا سپورت جارىسىنا قاتىناسقان جۇڭگو قۇراماسىنىڭ العاشقى التىن مەدالىن الدى.
وسى ساتتە ولار ءبىر ايدان استام ۋاقىتتىڭ الدىنداعى ءتوراعا شي جينپيڭنىڭ ىقىلاستى جىگەرلەندىرگەن ءسوزىن استە ۇمىتا قويعان جوق:
”ومىردە قانشا رەت شايقاس ورايى كەلەدى دەيسىز! وسى ورايدى مىقتى ۇستاپ تابىسقا جەتىڭىزدەر. ۇزاق بارىستا شىڭدالىپ جەتىلەسىزدەر. وتە جاپالى، ايتسەدە ايانباي شايقاسۋعا تاتيدى. قاتتى ايازعا سۇيەك قارىر شىداماسا، توزبەسە، مەيحۋا گۇلى اڭقىتا الماس، جۇپار ءيىسىن وزگەشە“.
باح ايتقانداي، وليمپيادا سپورتىن ىلگەرىلەتۋ جونىنەن ايتقاندا، ءتوراعا شي جينپيڭ اتى زاتىنا ساي اعا جۇلدەگەر.
بولاشاققا بىرگە اتتانۋ
2 - ايدىڭ 4 - كۇنى كەشتەگى باستالۋ سالتىندا جون لەنوننىڭ «ويلاۋ» اتتى ءانىنىڭ تەربەۋىندە ۇستىلەرىنە قىزىل ءتۇستى سپورت كيىمىن كيگەن 24 سپورتشى شىمىر تۇلعاسىمەن مۇز ايدىنىندا سىرعاناپ، ۇزىننان - ۇزاق ءىز قالدىردى. ”اناعۇرلىم تەز، اناعۇرلىم ورەلى، اناعۇرلىم قۋاتتى − اناعۇرلىم ىنتىماقتى بولۋداي“ وليمپيادا ناقىلىنىڭ ۇندەۋىن كورنەكتىلەندىرىپ كورسەتتى.
بولاشاققا بىرگە اتتانايىق!
8 جىلدىڭ الدىندا سوچيدا ءتوراعا شي جينپيڭ مۇز دوپ سپورتىن مىسالعا الىپ، ىنتىماقتاسۋدىڭ، سەلبەسۋدىڭ ماڭىزدىلىعىن اتاپ كورسەتتى: ”بۇل سپورت جەكە ادامنىڭ كۇشى مەن شەبەرلىگىن قاجەت ەتىپ قالماستان، ۇجىمنىڭ سەلبەسۋى مەن سايكەسۋىن دە قاجەت ەتەدى، وتە تاماشا سپورت“.
8 جىلدان كەيىن بەيجيڭدە ءتوراعا شي جينپيڭ ”نۇح كەمەسىن“ مىسالعا الىپ، جۇڭگونىڭ ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ بەكىمىن جەتكىزدى: ”الەمدىك قىسىلتاياڭ سىن - سايىستار الدىندا، ىنتىماقتاسۋدى، سەلبەسۋدى كۇشەيتىپ، جاڭا ءداۋىردىڭ ’نۇح كەمەسىنە‘ بىرگە وتىرسا عانا، ادامزاتتىڭ بولاشاعى اناعۇرلىم كوركەم بولادى“.
بولاشاققا بىرگە اتتانايىق!
حالىقارادا ىندەت جاعدايى ءالى دە اۋىر بولسا دا، ءتوراعا شي جينپيڭ تاعى دا جايشىلىقتاعىداي جۇڭگوعا كەلىپ قىسقى وليمپيادا سپورت جارىسىنىڭ باستالۋ سالتىنا قاتىناسقان 20 حالىقارالىق سيلى قوناقپەن ءبىر - بىردەن بەتپە - بەت كەڭەس وتكىزدى. ءجيى سىرتقى ىستەر قيمىلدارىنىڭ كۇن ءتارتىبى تاڭەرتەڭنەن كەشكە دەيىن ورنالاستىرىلدى، ارالىقتا دەمالىس ۋاقىتى دا بولعان جوق.
بولاشاقتاعى ادامدار بۇرىنعىنى ەسكە العاندا، ءسوز جوق، 2022 - جىلى 2 - ايداعى رىنيىن بارىس جىلىنداعى جۇڭگونىڭ بەيجيڭىندەگى وسى ونەگەلى دە ماڭگىلىك ءساتتى ەسكە تۇسىرەتىن بولادى −
مەملەكەتتىك دەنە تاربيە الاڭى.
ءتوراعا شي جينپيڭ حالىقارالىق سيلى قوناقتارمەن بىرگە كۋا بولدى: قار - مۇز بەس ساقيناسى استىندا بارلىق ۋاكىلدەر ۇيىرمەلەرىنىڭ اتى جازىلعان ”كىشكەنە قار گۇلدەرى“ توپتاسا كەلە ۇلكەن ءبىر ”قار گۇلىن“ قۇرادى. ”2000 - جىلداردىڭ تۇلەگى سانالاتىن“ جۇڭگولىق 2 سپورتشى ەڭ سوڭعى الاۋدى ۇلكەن قار گۇلىنىڭ ىشىنە قاداپ، وزگەشە تاسىلمەن نەگىزگى الاۋدى ”تۇتاندىردى“.
بەيجيڭ، يانچيڭ، جاڭجياكوۋ جارىس رايونى.
كۇللى الەمدەگى قىسقى وليمپيادا ساڭلاقتارى ورتاق ارمانعا تالپىنىپ، ورتاق قۇندىلىق تانىمدارىن ايگىلەپ، ورتاق ەرەجەگە قۇرمەت ەتىپ، قۇلشىنا سايىسىپ، ەرلىكپەن العا ۇمتىلدى.
وسى كورىنىس ادامدارعا باسەكەسى قيان - كەسكى ارىپتەستەر بولسا دا، بەس ساقينالى تۋ استىندا بەيبىت قاتار تۇرىپ، ءوزارا قۇرمەت ەتىپ، سپورت اكەلگەن اسقاق سەزىمىنەن، شاتتىقتان جانە دوستىقتان ورتاقتاساتىندىعىن ۇعىندىردى.
ءبىز بولاشاققا بىرگە اتتانايىق!
ءتوراعا شي جينپيڭنىڭ ءسوزى ادامدارعا سەنىم جانە كۇش - قۋات بەردى −
”جۇڭگو ەگىنشىلىك كالەندارى بويىنشا بارىس جىلىن قارسى الىپ وتىر. بارىس − كۇش - قايراتتىڭ، جۇرەكتىلىكتىڭ، جان قيارلىقتىڭ سيمۆولى، وليمپيادا ساڭلاقتارىنىڭ بارىستاي قايراتتى بولىپ، تاماشا ناتيجەگە جەتۋلەرىن تىلەيمىن. مەن كوپشىلىكتىڭ بىرگە قۇلشىنۋىندا بەيجيڭ قىسقى وليمپيادا سپورت جارىسىنىڭ ۇنەمشىل، حاۋىپسىز، تارتىمدى وليمپيادا سالتاناتتى جينالىسى رەتىندە، ءسوز جوق، تاريح بەتىنەن وشپەس ورىن الاتىندىعىنا سەنەمىن“.
(جازۋعا قاتىناسقان تىلشىلەر: گاۋ پىڭ، كۇڭ شياڭشين)
(شينحۋا اگەنتتىگىنىڭ 2 - ايدىڭ 7 - كۇنى بەيجيڭنەن بەرگەن حابارى)
