ادالدىقپەن مىندەت وتەپ، جاۋاپكەرشىلىكتى ادا ەتىپ، جاڭا ەمتيحان تاپسىرۋ جولىن ويداعىداي باسۋ كەرەك

اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى باسشىلىق القاسى

پارتيا تاريحىن ۇيرەنۋ تاربيەسى ارناۋلى تاقىرىپتىق دەموكراتيالىق تۇرمىس جيىنىن اشتى

ادالدىقپەن مىندەت وتەپ، جاۋاپكەرشىلىكتى ادا ەتىپ، جاڭا ەمتيحان تاپسىرۋ جولىن ويداعىداي باسۋ كەرەك

　　انار بۇلت / شينجياڭ گازەتىنىڭ ءتىلشىسى جاڭ يانفاڭ، ەرىكتى ءتىلشى لي نانا 2 - ايدىڭ 7 - كۇنى ۇرىمجىدەن حابارلايدى. تاياۋدا، اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى باسشىلىق القاسى پارتيا تاريحىن ۇيرەنۋ تاربيەسى ارناۋلى تاقىرىپتىق دەموكراتيالىق تۇرمىس جيىنىن اشتى، جيىننىڭ نەگىزگى تاقىرىبىن ارقاۋ ەتە وتىرىپ، اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى القاسىنىڭ جانە جەكەلەردىڭ يدەيا، قىزمەت امالياتىمەن تىعىز بايلانىستىرىپ، شىندىقتى ءىس جۇزىنەن ىزدەي وتىرىپ، ماسەلەلەردى تاۋىپ، تۇزەتىپ، پارتيالىلىق تالداۋ جاساپ، سىن جانە ءوز - وزىنە سىن ورىستەتتى.

　　اۆتونوميالى رايوندىق پارتكومنىڭ تۇراقتى مۇشەسى، ءتارتىپ تەكسەرۋ كوميتەتىنىڭ شۋجيى، باقىلاۋ - تەكسەرۋ كوميتەتىنىڭ مەڭگەرۋشىسى تيان شياڭلي جيىندى باسقاردى ءارى قورىتىندى ءسوز سويلەدى. اۆتونوميالى رايوندىق پارتكوم پارتيا تاريحىن ۇيرەنۋ تاربيەسىنە ارالاپ جەتەكشىلىك ەتۋ 11 - گرۋپپاسىنداعى قاتىستى جولداستار جيىنعا قاتىناستى.

　　جيىندا تيان شياڭلي اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى باسشىلىق القاسى اتىنان سالىستىرىپ - تەكسەرۋ جۇرگىزدى، سونداي - اق باستاماشىلدىقپەن وزىنە سالىستىرىپ تەكسەرۋ جۇرگىزدى. ونان سوڭ، القانىڭ وزگە مۇشەلەرى بىردەن - بىردەن سالىستىرىپ تەكسەرۋ جۇرگىزىپ، سىن جانە ءوز - وزىنە سىن ورىستەتتى.

　　تيان شياڭلي سوزىندە بىلاي دەپ اتاپ كورسەتتى: ساياسي بەتالىستى بەكەمدەپ، ”ەكىنى تۇراقتاندىرۋدى“ باتىل قورعاۋ، ”ەكىنى قورعاۋدى“ ادالدىقپەن امالياتتا ايگىلەۋ ساياسي سانالىلىعىن، يدەيا سانالىلىعىن جانە ارەكەت سانالىلىعىن شىن مانىندە كۇشەيتىپ، ءتارتىپ تەكسەرۋ، باقىلاۋ - تەكسەرۋ قىزمەتىنىڭ باستان - اياق دۇرىس ساياسي بەتالىستى بويلاپ العا ىلگەرىلەۋىنە شىنايى كەپىلدىك ەتۋ كەرەك. ساياسي تاباندىلىقتان جازباي، پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ كۇرەسى سىندى وسى قامال الۋ شايقاسىن، ۇزاققا سوزىلاتىن شايقاستى ۇزدىكسىز ويداعىداي جۇرگىزۋ كەرەك. ساياسي تانىمدى كۇشەيتىپ، پارتيا مەن مەملەكەت قىزمەتى كەلەلى جاعدايى تۇرعىسىندا، شينجياڭ قىزمەتى جالپى جاعدايى تۇرعىسىندا سانالىلىقپەن تۇرىپ، ءتارتىپ تەكسەرۋ، باقىلاۋ - تەكسەرۋ قىزمەتىن باعامداۋ جانە ىلگەرىلەتۋ كەرەك. ساياسي جاۋاپكەرشىلىك ارقالاۋدى كۇشەيتىپ، نازاردى جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋگە شوعىرلاندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋ، دامۋ مەن حاۋىپسىزدىكتى ءبىر تۇتاس جوسپارلاۋ قاتارلىلاردى ارقاۋ ەتە وتىرىپ، باقىلاۋ، تەكسەرۋدى كۇشەيتۋ كەرەك. ساياسي قاسيەتتى ايقىنداپ، زاڭمەن باسقارۋ وي جەلىسى جانە زاڭمەن باسقارۋ تاسىلىنەن سانالىلىقپەن پايدالانىپ، باقىلاۋدى كۇشەيتىپ، شىرىكتەسۋدى جونگە سالىپ، ماڭگى پارتيا مەن حالىقتىڭ ادال قورعاۋشىسى بولىپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الۋ كەرەك.