گاۋۋا
سيىر جىلىنا قوش ايتىپ، بارىس جىلىنىڭ جاڭا ساپارىن باستادىق. جاڭا عانا وتكەن كوكتەم مەرەكەسىنىڭ دەمالىسىندا، ءبىز اياق الىسىمىزدى باياۋلاتىپ، باس قوسۋدىڭ شاتتىعىنا شومىپ، نەداۋىر تىنىستاپ قالدىق. كوزدى اشىپ - جۇمعانشا كوكتەم مەرەكەسىنىڭ دەمالىسى دا وتە شىقتى، ءار سالا، ءار كاسىپتەگى ادامدار جونىنەن ايتقاندا، جاڭا ءبىر جىلدىڭ كۇرەس ساپارى باستالدى دەگەن ءسوز، رۋحتى سەرپىلتىپ، ورنىقتى كوڭىل كۇيمەن جۇمىسقا ورالىپ، ەدەل - جەدەل قىزمەتكە كىرىسۋىمىز كەرەك.
باس قوسۋ قۋانىشى كوپكە دەيىن باسىلمايتىن شىعار، الدە شات مەرەيگە تولى كۇندەردىڭ قىزۋى وڭاي قايتپايتىن شىعار، بۇرىندارى كوكتەم مەرەكەسى دەمالىسى وتكەن سوڭ دا كوڭىل كۇيى ورنىعا قويماي، قىزمەت كۇيىنە ىلەسە الماي جۇرەتىندەر قاشاندا تابىلاتىن. مەرەكەدەن سوڭ ورنىقتى كوڭىل كۇيمەن جۇمىسقا ورالۋ ءتارتىپتىڭ تالابى، سونداي - اق جاۋاپكەرشىلىكتىڭ تياناعى، ونان دا ماڭىزدىسى، قىزمەت ستيلىنە، باسقارۋ ورەسىنە بولعان سىن. ەگەر مەرەكەدەن كەيىن ءتۇرلى قىزمەتتەر جەدەل قالپىنا قايتىپ، قالىپتى كۇيىنە تۇسپەسە، تۇس - تۇستا جايباسارلىققا سالىنىپ، باياۋ قيمىلداپ جۇرسە، قىزمەتكە نۇقسان جەتپەي قالمايدى، دامۋعا ىقپالى تيەدى، اسىرەسە، تەرەزەلىك ورىنداردا ەگەر جۇمىس بىتىرۋگە كەلگەن بۇقارا ەلەپ - ەسكەرىلمەي قالسا، قايتا - قايتا تويتارىسقا ۇشىراپ، كەدەرگىگە جولىقسا، اۋەلى، پارتيا مەن ۇكىمەتتىڭ وبرازىنا زيان جەتكىزەدى.
جىل ەسەبى كوكتەمدە. ءدۇن - دۇنيە جاندانىپ ءدۇر سىلكىنەتىن شۋاقتى كوكتەمدە جاقسى باستاما اشىپ، جاقسى قادام تاستاۋ، وتە - موتە، ماڭىزدى. كوڭىل كۇيدى مەرەكە كۇندەرىندەگى دىر - دۋدان جەدەل سەرگىتىپ، بويىمىزدى دەمالىستاعى شاشاۋ كۇيدەن رەتكە ءتۇسىرىپ، ورنىقتى كوڭىل كۇيمەن، سەرگىپ، سەرپىلىپ، ”كۇتە تۇرۋعا كەلمەيتىن“ كوكەي تەستىلىكپەن، ”باياۋلاتۋعا كەلمەيتىن“ داعدارىس سەزىمىمەن، ”بوس وتىرا المايتىن“ جاۋاپكەرشىلىك سەزىممەن قىزمەت كۇيىنە جەدەل ءوتىپ، كوكتەم ماۋسىمىن مىقتاپ يگەرىپ، ىرىقتىلىقتى قولعا كەلتىرىپ، كوكتەم مەرەكەسىنەن بۇرىنعى قىزمەتتەر مەن كەيىنگى قىزمەتتەردى ورگانيكالى ۇشتاستىرىپ، ءتۇرلى قىزمەت شارالارىنىڭ تەز ارادا ىسكە قوسىلۋىنا، ەرتەرەك العا باسۋىنا مۇمكىندىك جاساپ، ءتۇرلى ىستەردىڭ تاعى دا تىڭ ساتىعا كوتەرىلىپ، جاڭا بەت - بەينە كورسەتۋىن ىلگەرىلەتۋىمىز كەرەك.
(”لەپتى لەبىز“ ماقالا جولداۋ حات ساندىعى:xjrbplb@126.com)
