2 - ايدىڭ 7 - كۇنى رىن زىۋي جارىستان سوڭ جارىس ناتيجەسىن قۇتتىقتاۋدا.
□ سۋرەتتى شينحۋا اگەنتتىنىڭ ءتىلشىسى شيۇڭ چي تۇسىرگەن
شينحۋا اگەنتتىگىنىڭ 2 - ايدىڭ 7 - كۇنى بەيجيڭنەن بەرگەن حابارى (تىلشىلەر ۋاڭ حىڭجى، جاڭ زىۋي). 2 - ايدىڭ 7 - كۇنگى سىڭار تاقتايمەن شاڭعى تەبۋ بويىنشا ەرلەردىڭ بەتكەيدە كەدەرگىدەن ءوتۋ شەبەرلىك شەشۋشى جارىسىندا جۇلدەگەر بولعان سۋ يميڭ جۇڭگوعا سىڭار تاقتايمەن شاڭعى تەبۋدىڭ تۇڭعىش قىسقى وليمپيادا مەدالىن الىپ بەردى، جاس ساڭلاق سۋ يميڭ ءبىر توپ جۇڭگو ساڭلاقتارىن باستاپ قىسقى وليمپيادا جارىس الاڭىندا ۇزدىكسىز تاريح جاراتتى. استانا دەنە تاربيە سارايىندا جۇڭگو قىسقا ارالىققا تەز سىرعاناۋ قۇراماسى جۇڭگو قۇراماسىنىڭ قورجىنىنا تاعى ءبىر التىن مەدال سالدى، رىن زىۋي ەرلەردىڭ 1000 مەترگە تەز سىرعاناۋ جارىسىنىڭ اعا جۇلدەگەرى بولدى.
بەيجيڭ قىسقى وليمپيادا سپورت جارىسىن وتكىزۋدى ءوتىنىش ەتۋ تابىسقا جەتكەندە سۋ يميڭنىڭ ءۇنسىز بەرگەن سەرتى بۇگىن شىندىققا اينالدى − ول جۇڭگو اتىنان قىسقى وليمپيادا سپورت جارىسىنا قاتىناسىپ قانا قالماستان، قىسقى وليمپيادا سپورت جارىس الاڭىنىڭ سيلىق مىنبەسىنە دە كوتەرىلىپ، جۇڭگونىڭ قىسقى وليمپيادا تاريحىنىڭ جاڭا تاراۋىن جازدى. قابىلەتىن ورنىقتى ساۋلەلەندىرۋ، تۇتاس جارىس الاڭىنداعى تۇڭعىش 1800 گرادۋستىق ارەكەتى ارقىلى سۋ يميڭ 2 - ايدىڭ 7 - كۇنگى سىڭار تاقتايمەن شاڭعى تەبۋ بويىنشا ەرلەردىڭ بەتكەيدە كەدەرگىدەن ءوتۋ شەبەرلىك شەشۋشى جارىسىنىڭ 2 - اينالىمىندا 88.7 ءنومىر الىپ، قىمباتتى كۇمىس مەدالدى ەنشىلەدى.
جۇڭگو قۇراماسى بەيجيڭ قىسقى وليمپيادا سپورت جارىسىنىڭ سىڭار تاقتايمەن شاڭعى تەبۋدى قامتىعان بارلىق جارىس تۇرىنە قاتىناستى، مۇندا كوپتەگەن ”تۇڭعىشتار“ بولدى − مەملەكەتتىك تاۋ شاڭعى ورتالىعى ”قار قارلىعاشتا“ 24 جاستاعى شۇي ميڭفۋ جارىستى ءساتتى اياقتاتتى؛ شوۋگاڭ قار شاڭعى ۇلكەن تۇعىردان سەكىرۋدە 17 جاستاعى حى جينبو ءوزىنىڭ ەڭ قيىن ارەكەتىن ورىندادى؛ مەملەكەتتىك قار اربا، قار شانا ورتالىعىندا 21 جاستاعى ۋاڭ پەيشۋان تۇڭعىش رەت جارىس الاڭىنا شىقتى... ناتيجەلەرىن ايرىقشا دەپ ايتۋعا كەلمەسە دە، ولار ءوز جارىس تۇرلەرىندە جۇڭگونىڭ قىسقى وليمپيادا سپورت جارىسىنا قاتىناسۋ تاريحىنداعى اقتاڭداقتاردى تولىقتادى، ونىڭ ۇستىنە شۇي ميڭفۋ ايتقانداي: ”بولاشاقتا، ءسوزسىز، بارعان سايىن جاقسى بولامىز، ويتكەنى ءبىز العاشقى قادامدى باستىق“.
ءۇمىت كۇتكەن گۋ ايليڭ دە ءوزىنىڭ قىسقى وليمپيادا سپورت جارىسىنداعى ”ءبىرىنشى قادامىن“ باستى، ايەلدەردىڭ شاڭعىمەن ۇلكەن تۇعىردان ەركىن سەكىرۋدىڭ شەشۋشى جارىسىنا قيىنشىلىقتاردى جەڭىپ ءساتتى جولداما العان سوڭ، 18 جاستاعى وسى بويجەتكەن بىلاي دەدى: ”ەرتەڭ قيىندىق دارەجەسى ءتىپتى دە جوعارى ارەكەتتى ورىنداسام دەيمىن“.
گۋ ايليڭنىڭ ارمانى قىسقى وليمپيادا سپورت جارىسىنىڭ التىن مەدالى عانا ەمەس، ول بىلاي دەدى: ءتىپتى دە كوپ جاستاردى بىرگە قار شاڭعى تەبۋگە ىقپال ەتۋ، باستاۋ ءوزىم جالعىز ”كوكتە دومالاۋىمنان “ دا ماڭىزدى ءارى وتە كەرەمەت ءىس.
جۇڭگو قىسقا ارالىققا تەز سىرعاناۋ قۇراماسى دا ءوز حيكىمەتتەرىن جالعاستى جازدى. وسى كەزەكتى قىسقى وليمپيادا سپورت جارىسىندا جۇڭگونىڭ تۇڭعىش التىن مەدالىن العان سوڭ، 2 - ايدىڭ 7 - كۇنى استانا دەنە تاربيە سارايىنان تاعى دا قۋانىشتى حابار تارادى، رىن زىۋي ەرلەردىڭ 1000 مەترگە تەز سىرعاناۋ جارىسىنىڭ اعا جۇلدەگەرى بولدى. سول كۇنگى قىسقا ارالىققا تەز سىرعاناۋ جارىسى ايرىقشا قيان - كەسكى بولىپ، ەرەجەگە قايشى كەلۋ ءجيى تۋىلدى، تورتتەن ءبىر شەشۋشى جارىستان جارتىلاي شەشۋشى جارىسقا، ونان شەشۋشى جارىسقا دەيىن نەگىزىنەن ءار مايدان جارىستا ناتيجەنىڭ قاتار رەتى تورەشىلەردىڭ شەشىم جاساۋىمەن بەلگىلەندى. جۇڭگو قۇراماسىنىڭ 3 ساڭلاعى ەرلەردىڭ 1000 مەترگە تەز سىرعاناۋ جارىسىنىڭ شەشۋشى جارىسىنا تۇگەلدەي جولداما الدى، ال دۇنيە ءجۇزى بويىنشا الدىڭعى بەس ورىندا تۇراتىن ساڭلاقتار تۇگەلدەي قاتاردان قالدى. شەشۋشى جارىستا ۆەنگريا قۇراماسىنداعى دۇنيە جۇزىلىك جارىسىنىڭ اعا جۇلدەگەرى ليۋ شاۋلين مارە سىزىعىن الدىمەن كەسكەنىمەن، تورەشىلەردىڭ قايتا - قايتا تۇراقتاندىرۋى ارقىلى ليۋ شاۋلينگە سوڭىندا ”ۇقساس ءبىر گرۋپپا جارىسىندا 2 رەت ەرەجەگە قايشىلىق جاساۋ“ سەبەبىنەن سارى كارتا ەسكەرتۋى بەرىلىپ، رىن زىۋي 1 - ورىنعا كوتەرىلىپ، ساپتاسى لي ۋىنلۇڭ ەكەۋى اعا جۇلدەگەرلىكتى، جۇلدەگەرلىكتى يەلەدى.
بەيجيڭ قىسقى وليمپيادا سپورت جارىسىندا 2 - ايدىڭ 7 - كۇنى جيىنى 9 التىن مەدال سىنعا ءتۇستى، شۆەتساريا، شۆەتسيا، نيدەرلاند، گەرمانيا، كانادا، سلوۆەنيا، جۇڭگو، يتاليا جانە رەسەي وليمپيادا كوميتەتى جەكە - جەكە ءبىر التىن مەدال الدى، التىن مەدال تاقتاسىندا شۆەتسيا قۇراماسى 3 التىن مەدالمەن ءبىرىنشى ورىندا تۇردى، جۇڭگو قۇراماسى 2 التىن، 2 كۇمىس مەدالمەن 4 - ورىندا تۇردى. 2 - ايدىڭ 8 - كۇنى 10 التىن مەدال سىنعا تۇسەدى.
