كۇرەسكەرلىك بەينەمەن شينجياڭنىڭ ۇيىمداستىرۋ قىزمەتىنىڭ جاڭا جاعدايىن اشۋ كەرەك

اۆتونوميالى رايوندىق پارتكوم ۇيىمداستىرۋ ءبولىمىنىڭ باسشىلىق القاسى پارتيا تاريحىن ۇيرەنۋ تاربيەسى ارناۋلى تاقىرىپتىق دەموكراتيالىق تۇرمىس جيىنىن اشتى

كۇرەسكەرلىك بەينەمەن شينجياڭنىڭ ۇيىمداستىرۋ قىزمەتىنىڭ جاڭا جاعدايىن اشۋ كەرەك

　　انار بۇلت / شينجياڭ گازەتىنىڭ ءتىلشىسى جاڭ يانفاڭ 2 - ايدىڭ 8 - كۇنى ۇرىمجىدەن حابارلايدى. تاياۋدا اۆتونوميالى رايوندىق پارتكوم ۇيىمداستىرۋ ءبولىمىنىڭ باسشىلىق القاسى پارتيا تاريحىن ۇيرەنۋ تاربيەسى ارناۋلى تاقىرىپتىق دەموكراتيالىق تۇرمىس جيىنىن اشتى، جيىننىڭ نەگىزگى تاقىرىبىن ارقاۋ ەتىپ، ءىس جۇزىندىكپەن بايلانىستىرا وتىرىپ، ماسەلەنى ىشكەرىلەي تەكسەرىپ العا قويدى، باسشىلىق القاسىنىڭ مۇشەلەرى ءبىر - بىرلەپ سالىستىرىپ تەكسەرۋ جۇرگىزدى، يدەيالىق جاقتا بۇكپەسىز اۋىس - كۇيىس جاساپ، تۇزەتۋ شارالارىن ايقىنداپ، سىن جانە ءوز - وزىنە سىندى قاتاڭ، مۇقيات ورىستەتتى.

　　اۆتونوميالى رايوندىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى جاڭ جۋ جيىندى باسقاردى ءارى ءسوز سويلەدى. اۆتونوميالى رايوندىق پارتكوم پارتيا تاريحىن ۇيرەنۋ تاربيەسىنە ارالاپ جەتەكشىلىك ەتۋ 11 - گرۋپپاسىنداعى قاتىستى جولداستار جيىنعا قاتىناستى.

　　جاڭ جۋ بىلاي دەپ باسا دارىپتەدى: ۇيىمداستىرۋ ءبولىمىنىڭ باسشىلىق القاسى اينىماس ماقسات، بەرىك مۇراتپەن پارتياعا شارتسىز ادال بولىپ، ”ەكىنى تۇراقتاندىرۋدى“ قورعاۋدا، ”ەكىنى قورعاۋدى“ امالياتتا ايگىلەۋدە ونەگە كورسەتىپ، ونى پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋ، تياناقتاندىرۋ ارەكەتىندە ايگىلەپ، مىندەت وتەپ، جاۋاپكەرشىلىكتى ادا ەتۋدە، ءوز قىزمەتىن ويداعىداي ىستەۋدىڭ ناقتى ونىمدىلىگىندە ايگىلەپ، شينجياڭنىڭ ۇيىمداستىرۋ قىزمەتىنىڭ جاڭا جاعدايىن قۇلشىنا اشۋ كەرەك. اينىماس ماقسات، بەرىك مۇراتپەن نازاريامەن قارۋلانۋدى كۇشەيتىپ، تاريحي سەنىمدى نىعايتۋ، مۇرات - سەنىمگە تاباندى بولۋ جاعىندا ونەگە كورسەتۋى كەرەك. اينىماس ماقسات، بەرىك مۇراتپەن حالىق تۇرعىسىندا بەرىك تۇرىپ، اۋەلگى ماقساتتى ۇمىتپاۋ، بورىشتى ەستە بەرىك ساقتاۋ، بۇقاراعا قىزمەت وتەۋ، ۇيىستىرۋ جاعىندا ونەگە كورسەتۋ كەرەك. اينىماس ماقسات، بەرىك مۇراتپەن جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى مادەنيەتپەن نارلەندىرۋگە، حالىقتى بايىتىپ شينجياڭدى گۇلدەندىرۋگە، شينجياڭدى باياندى كوركەيتۋگە تاباندى بولىپ، تولىق، دالمە - ءدال بولۋ، زاڭ بويىنشا، عىلمي، انىق بولۋ جاعىندا ونەگە كورسەتۋ كەرەك. اينىماس ماقسات، بەرىك مۇراتپەن وزىنە - ءوزى توڭكەرىس جاساۋعا تاباندى بولىپ، پارتيانى جاپپاي قاتاڭ باسقارۋ، ءوزىن قاتاڭ تاربيەلەۋ، ءوزىن تارتىپكە شاقىرۋ جاعىندا ونەگە كورسەتىپ، پارتيا قۇرۋ ۇلى رۋحىن اسقاقتاتىپ، ءداۋىر بورىشىن امالياتتا ايگىلەپ، باتىلدىقپەن جاۋاپكەرشىلىك ارقالاپ، ىسكەرلىك كورسەتىپ، كۇرەسكەرلىك بەينەمەن جاڭا ەمتيحان تاپسىرۋ جولىن جاقسى باسىپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الۋ كەرەك.