جاڭ چۇنلين بايىنعولين وبلىستىق پارتكوم تۇراقتى كوميتەت القاسىنىڭ پارتيا تاريحىن ۇيرەنۋ تاربيەسى ارناۋلى تاقىرىپتىق دەموكراتيالىق تۇرمىس جيىنىنا جەتەكشىلىك ەتتى
رەفورما، دامۋ، ورنىقتىلىق قىزمەتتەرىنىڭ تاعى دا تىڭ بەلەسكە كوتەرىلۋىن ىلگەرىلەتۋ كەرەك
انار بۇلت / شينجياڭ گازەتىنىڭ ءتىلشىسى ليۋ شياڭ 2 - ايدىڭ 8 - كۇنى كورلادان حابارلايدى. تاياۋدا اۆتونوميالى رايوندىق پارتكومنىڭ ورىنباسار شۋجيى، ۇگىت ءبولىمىنىڭ باستىعى جاڭ چۇنلين بايىنعولين وبلىستىق پارتكوم تۇراقتى كوميتەت القاسىنىڭ پارتيا تاريحىن ۇيرەنۋ تاربيەسى ارناۋلى تاقىرىپتىق دەموكراتيالىق تۇرمىس جيىنىنا جەتەكشىلىك ەتتى. جيىن باس شۋجي شي جينپيڭنىڭ ورتالىق كوميتەت ساياسي بيۋروسىنىڭ ارناۋلى تاقىرىپتىق دەموكراتيالىق تۇرمىس جيىنىندا سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا قۇرۋ ۇلى رۋحىن بار كۇشپەن اسقاقتاتۋدى، پارتيانىڭ 100 جىلدىق كۇرەسىنىڭ تاريحي تاجىريبەلەرىنە تاباندى بولۋدى جانە ونى دامىتۋدى، تاريح سەنىمىن بەكەمدەۋدى، ءداۋىر بورىشىن امالياتتا ايگىلەۋدى، حالىق ءۇشىن ىستەۋ ىنتا - ىقىلاسىن كۇشەيتۋدى، جاۋاپكەرشىلىك ارقالاۋعا، ىسكەرلىك كورسەتۋگە باتىل بولۋدى، حالىق بۇقاراسىن ىنتىماقتاستىرىپ، باستاپ، جاڭا ەمتيحان تاپسىرۋ جولىن جاقسى باسۋدى نەگىزگى تاقىرىپ ەتىپ، يدەيا جانە قىزمەت ءىس جۇزىندىگىمەن تىعىز بايلانىستىرىپ، سالىستىرىپ تەكسەرۋدى ىشكەرىلەي جۇرگىزىپ، پارتيالىلىق تالداۋ جاساپ، سىن جانە ءوز - وزىنە سىندى قاتاڭ ورىستەتتى.
اۆتونوميالى رايوندىق ءتارتىپ تەكسەرۋ كوميتەتىنىڭ، اۆتونوميالى رايوندىق پارتكومنىڭ پارتيا تاريحىن ۇيرەنۋ تاربيەسىنە ارالاپ جەتەكشىلىك ەتۋ 7 - گرۋپپاسىنداعى قاتىستى جولداستار جيىنعا قاتىناسىپ، جەتەكشىلىك ەتتى.
جاڭ چۇنلين ارناۋلى تاقىرىپتىق دەموكراتيالىق تۇرمىس جيىنىنىڭ قول جەتكىزگەن ناتيجەلەرىن تۇراقتاندىردى. ول بىلاي دەپ اتاپ كورسەتتى: بايىنعولين وبلىستىق پارتكوم تۇراقتى كوميتەت القاسى جيىننىڭ نەگىزگى تاقىرىبىن تىعىز ارقاۋ ەتە وتىرىپ، جيىن جوباسىن مۇقيات قاراپ، تۇراقتاندىرىپ، ارناۋلى تاقىرىپتىق دەموكراتيالىق تۇرمىس جيىنىن جوعارى ساپادا اشۋعا تولىق دايىندىق جاساعان. القا مۇشەلەرى سىن جانە ءوز - وزىنە سىندى قاتاڭ، مۇقيات ورىستەتتى ءارى تۇزەتۋ شارالارىن ايقىنداپ، يدەيانى بىرلىككە كەلتىرۋ، ورتاق تانىم ۇيىستىرۋ، ىنتىماقتى نىعايتۋ، قىزمەتتى جەبەۋ ماقساتىنا جەتتى.
جاڭ چۇنلين بىلاي دەپ اتاپ كورسەتتى: ساياسي قۇرىلىستى اناعۇرلىم كۇشەيتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى تۇراقتاندىرۋدى“ باتىل قورعاپ، ”ەكىنى قورعاۋدى“ باتىل ورىنداپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتاۋ كەرەك. نازاريالىق ۇيرەنۋدى اناعۇرلىم كۇشەيتىپ، شي جينپيڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرۋعا، امالياتقا جەتەكشىلىك ەتۋگە، قىزمەتتى ىلگەرىلەتۋگە تاباندى بولىپ، ۇدايىلانعان ۇيرەنۋ مەحانيزمىن اقاۋسىزداندىرىپ، كەمەلدەندىرىپ، جاڭا داۋىردەگى پارتيانىڭ جاسامپاز نازارياسىن ءتۇسىنۋدى، مەڭگەرۋدى ۇزدىكسىز تەرەڭدەتۋ كەرەك. ساياسى قابىلەتتى جوعارىلاتىپ، ”ەكى كەلەلى جاعدايدى“ كوكەيگە ۇيالاتىپ، ”مەملەكەتتىڭ زور ءىسىن“ ەستە بەرىك ساقتاپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، جۇيەلى وي - جەلىسىن ورناتىپ، رەفورمانىڭ، دامۋدىڭ، ورنىقتىلىقتىڭ ءتۇرلى قىزمەتىن تاعى دا تىڭ بەلەسكە كوتەرۋدى بار كۇشپەن ىلگەرىلەتۋ كەرەك.
جاڭ چۇنلين بىلاي دەپ باسا دارىپتەدى: حالىقتى وزەك ەتكەن دامۋ يدەياسىنا تاباندى بولىپ، بۇقارالىق لۋشيانمەن ويداعىداي ءجۇرىپ، حالىق تۇرمىسىن ۇزدىكسىز جاقسارتىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك. پارتيا قۇرۋ ۇلى رۋحىن اسقاقتاتىپ، پارتيا تاريحىن ۇيرەنۋ تاربيەسىنىڭ جەتىستىكتەرىن بەكەمدەپ، مۇرات - سەنىمدى نىعايتىپ، ناقتى ىستەۋ ستيلىن ساۋلەلەندىرىپ، جاۋاپكەرشىلىكتى تياناقتاندىرۋدى كۇشەيتىپ، كورىكتى شينجياڭ قۇرۋدىڭ قۋاتتى كۇشىن اناعۇرلىم ۇيىستىرۋ كەرەك. تۇزەتۋدى تياناقتاندىرۋدى ويداعىداي يگەرىپ، ارناۋلى تاقىرىپتىق دەموكراتيالىق تۇرمىس جيىنىنىڭ سوڭعى جۇمىستارىن ويداعىداي ىستەپ، پارتيا ستيلى، پاكتىك قۇرىلىسىن اناعۇرلىم كۇشەيتىپ، قىزمەت ستيلىن ونان ارى جاقسارتىپ، ءتۇرلى شارالاردىڭ تياناقتانىپ، ونىمدىلىك كورسەتۋىن ىلگەرىلەتىپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الۋ كەرەك.
