انار بۇلت / شينجياڭ گازەتىنىڭ ءتىلشىسى ۋي يۇڭگۇي
كەڭ دە تىنىستى اسپاپتار سەحىنا كىرگەندە ەلەكترمەن مەڭگەرىلەتىن ماي قىسىمدى الىپ سورەلى جابدىقتاردىڭ، جۋان دىڭگەكتەردىڭ قاتار - قاتار ءتىزىلىپ تۇرعاندىعىن كورۋگە بولادى، سوزىلعاندا ۇزىندىعى 12 مەترگە جەتەدى. تىرەۋ جۇيەسىنىڭ ءبىر شەتىندە ءبىر ادامنىڭ بويىنىڭ بيىكتىگىندەي 2 قازۋ ماشيناسى ورنالاستىرىلعان... بۇل جابدىقتار جۇڭگو كومىرى شينجياڭ قۇمىل ەنەرگيا سەرىكتەستىگىنىڭ دانانحۋ 7 - ءنومىرلى كومىر كەنىنىڭ زەردەلى كومىر قازۋ جۇيەسى.
”دايىندالىڭدار، جابدىق ىسكە قوسىلسىن“. 1 - ايدىڭ 27 - كۇنى بۇيرىق بەرىلىسىمەن دانانحۋ 7 - ءنومىرلى كومىر كەنى جالپىلىق قازۋ دايىندىق اترەتىنىڭ مۇشەسى زەردەلى كومىر قازۋ جۇيەسىندە جاتتىعۋ جۇرگىزۋدى باستادى.
”بۇل جابدىق ساعاتىنا 2500 توننا كومىر قازادى، زەردەلىلەنۋ ورەسى وتە جوعارى. جابدىق قۇدىققا ءتۇسىرىلىپ، ىسكە قوسىلعاننان كەيىن ءبىزدىڭ اترەت مۇشەلەرىمىز ماشينا كنوپكالارىن باسۋ ارقىلى جۇمىس جۇرگىزەدى نەمەسە ماشينادان الشاق جەردە، قۇدىق استى مەڭگەرۋ بولمەسىندە تۇرىپ مەڭگەرۋىنە دە بولادى، اۋەلى، جەر بەتىندەگى كەڭسە ىشىندەگى زەردەلى باسقارۋ - تىزگىندەۋ ورتالىعىندا وتىرىپ - اق مەڭگەرۋىنە دە بولادى، ادامسىز نەمەسە از عانا اداممەن كومىر قازۋدى جۇزەگە اسىردىق“، - دەدى جالپىلىق كومىر قازۋ دايىندىق اترەتىنىڭ ورىنباسار باستىعى گو چياڭچياڭ، كەزەكتە قۇدىق استىندا كومىر قازۋ بارىسىندا تىرەۋ جۇيەسىن مەڭگەرۋگە ءبىر باننەن نەبارى 4 − 5 ادام عانا قاجەت، قىزمەت ريتىمى دە وتە تەز. وسى زەردەلى جۇيە جالپىلاستىرىلىپ، پايدالانىلعاننان كەيىن ادام كۇشىن زور مولشەردە ازايتۋعا، سونداي - اق ءوندىرىس ونىمدىلىگىن جوعارىلاتۋعا، جۇمىسشىلاردىڭ حاۋىپسىزدىك قاتەرىن ازايتۋعا دا بولادى، ”كەنىمىزدىڭ زەردەلى كومىر قازۋ ماشيناسى قۇدىققا ءتۇسۋ الدىندا تۇر، اترەت مۇشەلەرى مۇنى اسىعا كۇتۋدە“.
دانانحۋ 7 - ءنومىرلى كومىر كەنىنىڭ زەردەلى باسقارۋ - مەڭگەرۋ ورتالىعىندا ون نەشە اتقارۋشى قىزمەتكەرلەر ەلەكتروندى ەكرانعا كوز الماي قاراپ، قۇدىق استىنداعى، قۇدىق ۇستىندەگى قازۋ، تاسىمالداۋ، حابارلاسۋ سىندى تۇتاس بارىستىق ءوندىرىس بۋىنىن باقىلاۋ - مەڭگەرۋ جانە ىڭعايلاستىرۋ سىندى قولباسشىلىق جۇمىستارىن ىستەۋدە.
”بۇل ارا زەردەلى كومىر قازۋ جۇيەسىنىڭ مەڭگەرۋ تۇعىرى. جابدىق قۇدىققا ءتۇسىرىلىپ ورناتىلىپ، سىناقتان وتكەننەن كەيىن ىسكە قوسۋ كنوپكاسىن باسۋ ارقىلى جەر استىنداعى كومىردى قازۋعا بولادى“، - دەدى دانانحۋ 7 - ءنومىرلى كومىر كەنى ماشينا - ەلەكتر اسپاپتارىن باسقارۋ ءبولىمىنىڭ ارناۋلى قىزمەتكەرى جاڭ شىشوۋ مەڭگەرۋ تۇعىرىنىڭ الدىنداعى كوك ءتۇستى كنوپكانى نۇسقاپ تۇرىپ.
2021 - جىلى 2 - ايدا اۆتونوميالى رايوندىق دامۋ جانە رەفورما كوميتەتى، اۆتونوميالى رايوندىق شۇعىل جاعدايعا توتەپ بەرۋ - باسقارۋ مەڭگەرمەسى، شينجياڭ كومىر كەن حاۋىپسىزدىگىن باقىلاۋ - تەكسەرۋ مەكەمەسى سياقتى 8 تاراۋ «اۆتونوميالى رايوننىڭ كومىر كەندەردى زەردەلىلەندىرۋ قۇرىلىسىن اتقارۋ جوباسىن» جاساپ، زەردەلىلەندىرۋ تەحنيكاسى مەن كومىر كاسىپ سالاسىنىڭ توعىسا دامۋىن ىلگەرىلەتتى. جۇڭگو كومىر ەنەرگياسى توبى شەكتى سەرىكتەستىگىنىڭ شينجياڭ قۇمىل ەنەرگيا سەرىكتەستىگى جوبادا جاسالعان جوسپارعا ساي 155 ميلليون يۋان قارجى قوسىپ، كەن قۇدىقتارىنىڭ زەردەلىلەنگەن ءوندىرىسىن باسقارۋ دەڭگەيىن جوعارىلاتىپ، ”سىمدى ينتەرنەت + سىمسىز ينتەرنەت“ ءبىر تۇلعالانعان كەن - تاۋ ونەركاسىپ زاتتىق ينتەرنەتىن بىرتە - بىرتە قۇردى. كەزەكتە تۇتاس كەندەگى 17 ءوندىرىس باسقارۋ قوسالقى جۇيەسىندە گەولوگيالىق قامتاماسىزداندىرۋ جۇيەسى، نەگىزگى كومىر اينالىمى تاسىمال جۇيەسى، تازارتۋ - سۇرىپتاۋ جۇيەسى سىندى 12 قوسالقى جۇيەدە زەردەلىلەندىرۋدى جۇزەگە اسىردى.
”زەردەلىلەنگەن كومىر قازۋ جۇيەسىنىڭ ىسكە قوسىلىپ پايدالانىلۋى ءبىزدىڭ بيىلعى قىزمەتىمىزدەگى ماڭىزدى تۇيىندەردىڭ ءبىرى“. جۇڭگو كومىر ەنەرگياسى توبى شەكتى سەرىكتەستىگىنىڭ شينجياڭ قۇمىل ەنەرگيا سەرىكتەستىگى پارتكومنىڭ شۋجيى ما جيان مىنالاردى ءبىلدىردى: زەردەلىلەنگەن كەن قۇدىعىن قۇرۋ ادامنىڭ ورنىنا بۇكىلدەي اۆتوماتتاسقان جابدىق پايدالانۋ دەگەندىك ەمەس، مۇندا تەحنيكانىڭ تەتىگىن مەڭگەرگەن جۇمىسشىلاردىڭ جۇمىس اتقارۋىنا، جابدىقتاردى قورعاۋىنا جانە باسقارۋىنا تۋرا كەلەدى. ”وسى جابدىقتى جەر بەتىندە بىرلەسىپ ىڭعايلاۋ، بىرلەسىپ سىناۋ جانە جابدىقتاردى مەڭگەرۋ، قورعاۋ سىندى قىزمەتكەرلەردى باۋلۋ جۇمىسى ورىندالدى، مولشەرمەن 4 - ايدا قۇدىققا ءتۇسىپ ورناتۋ جانە ىڭعايلاستىرۋ جۇمىستارىن ىستەپ، باسقا جۇيەلەرمەن سايكەسۋدى ورىنداۋعا كۇش سالادى. بيىل جىل سوڭىنا بارعاندا تۇتاس كەن زەردەلىلەنگەن كەن قۇدىعى قۇرىلىسىن نەگىزىنەن ورىنداپ، كەمەلدى سايكەسكەن زەردەلىلەنگەن ءوندىرىس باسقارۋ جۇيەسىن قالىپتاستىرادى. سول كەزدە ءبىزدىڭ جۇمىسشىلارىمىز كاستيۋم كيىپ، گالىستۋك تاعىنىپ، تاپ - تازا كۇيدە جەر بەتىندەگى مەڭگەرۋ ورتالىعىندا وتىرىپ - اق كومىر قازاتىن بولادى“، - دەدى ما جيان.
