لي يفي اقسۋ ايماقتىق پارتكوم القاسىنىڭ پارتيا تاريحىن ۇيرەنۋ تاربيەسى ارناۋلى تاقىرىپتىق دەموكراتيالىق تۇرمىس جيىنىنا جەتەكشىلىك ەتتى
ءىس جۇزىندىك ارەكەت ارقىلى جاڭا جورىقتا ەكپىندەي ىلگەرىلەۋ كەرەك
□ انار بۇلت / شينجياڭ گازەتىنىڭ ءتىلشىسى ميھرىگۇل عوپۇر 2 - ايدىڭ 8 - كۇنى اقسۋدان حابارلايدى. تاياۋدا اۆتونوميالى رايوندىق پارتكومنىڭ ورىنباسار شۋجيى لي يفي اقسۋ ايماقتىق پارتكوم القاسىنىڭ پارتيا تاريحىن ۇيرەنۋ تاربيەسى ارناۋلى تاقىرىپتىق دەموكراتيالىق تۇرمىس جيىنىنا جەتەكشىلىك ەتتى. جيىن باس شۋجي شي جينپيڭنىڭ ورتالىق كوميتەت ساياسي بيۋروسىنىڭ ارناۋلى تاقىرىپتىق دەموكراتيالىق تۇرمىس جيىنىندا سويلەگەن ماڭىزدى ءسوزىنىڭ رۋحى سياقتىلاردى ىشكەرىلەي ۇيرەنىپ، دايەكتىلەندىرىپ، پارتيا قۇرۋ ۇلى رۋحىن كۇش سالا اسقاقتاتۋدى، پارتيانىڭ 100 جىلدىق كۇرەسىنىڭ تاريحي تاجىريبەلەرىنە تاباندى بولۋدى جانە دامىتۋدى، تاريح سەنىمىن بەكەمدەپ، ءداۋىر بورىشىن امالياتتا ايگىلەپ، حالىق ءۇشىن ىستەۋ ىنتا - ىقىلاسىن قويۋلاتىپ، باتىلدىقپەن جاۋاپكەرشىلىك ارقالاپ، ىسكەرلىك كورسەتىپ، حالىق بۇقاراسىن ىنتىماقتاستىرىپ، باستاپ، جاڭا ەمتيحان تاپسىرۋ جولىن ويداعىداي باسۋدى نەگىزگى تاقىرىپ ەتىپ، يدەيا جانە قىزمەت ءىس جۇزىندىگىمەن تىعىز بايلانىستىرىپ، ماسەلەنى مۇقيات تەكسەرىپ العا قويىپ، يدەيالىق جاقتا بۇكپەسىز پىكىر اۋىستىرىپ، پارتيالىلىققا تالداۋ جاساپ، سىن جانە ءوز - وزىنە سىندى قاتاڭ ورىستەتتى.
اۆتونوميالى رايوندىق ءتارتىپ تەكسەرۋ كوميتەتىندەگى، اۆتونوميالى رايوندىق پارتكوم پارتيا تاريحىن ۇيرەنۋ تاربيەسىنە ارالاپ جەتەكشىلىك ەتۋ 8 - گرۋپپاسىنداعى قاتىستى جولداستار جيىنعا قاتىناسىپ جەتەكشىلىك ەتتى.
اقسۋ ايماقتىق پارتكوم القاسىنىڭ جانە ءارقايسى القا مۇشەلەرىنىڭ سالىستىرىپ تەكسەرۋىن مۇقيات تىڭداعاننان كەيىن، لي يفي ارناۋلى تاقىرىپتىق دەموكراتيالىق تۇرمىس جيىنىنىڭ قول جەتكىزگەن تابىستارىن تولىق تۇراقتاندىردى. ول باعا بەرگەندە بىلاي دەپ اتاپ كورسەتتى: ايماقتىق پارتكوم القاسى جيىننىڭ نەگىزگى تاقىرىبىمەن تىعىز بايلانىستىرىپ، ماسەلەلەردى شىندىقتى ءىس جۇزىنەن ىزدەي وتىرىپ تەكسەرىپ العا قويىپ، بۇكپەسىز سىن ورىستەتتى، جاقسارتۋ شارالارىنىڭ باعىتتامالىلىعى كۇشتى بولدى، يدەيانى بىرلىككە كەلتىرۋ، ورتاق تانىم ۇيىستىرۋ، ىنتىماقتى نىعايتۋ، قىزمەتتى جەبەۋ ماقساتىنا جەتتى. تۇزەتۋدى تياناقتاندىرۋدى اناعۇرلىم ويداعىداي يگەرىپ، دەموكراتيالىق تۇرمىس جيىنىنىڭ ”سوڭعى جۇمىستارىن“ ويداعىداي ىستەۋ كەرەك.
لي يفي بىلاي دەپ باسا دارىپتەدى: ساياسي قابىلەتتى قاجىماس تاباندىلىقپەن جوعارىلاتىپ، ”ەكىنى تۇراقتاندىرۋدى“ باتىل قورعاپ، ”ەكىنى قورعاۋدى“ ادالدىقپەن امالياتتا ايگىلەپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، ”ەكى كەلەلى جاعدايدى“ كوكەيدەن شىعارماي، ”مەملەكەتتىڭ زور ءىسىن“ ەستە بەرىك ساقتاپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتاۋ كەرەك. نازاريامەن قارۋلانۋدى قاجىماس تاباندىلىقپەن كۇشەيتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى ماڭداي الدى ساياسي مىندەت ەتۋگە تاباندى بولىپ، جەتە ۇيرەنۋ، جەتە ءتۇسىنۋ، شىنايى تياناقتاندىرۋ جاعىنا تىنباي كۇش سالۋ كەرەك.
لي يفي مىنالاردى تالاپ ەتتى: پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىنەن ۇزدىكسىز اقىل - پاراسات، كۇش - قۋات قابىلداپ، پارتيا تاريحىن ۇيرەنۋ تاربيەسى جەتىستىگىن ۇزدىكسىز بەكەمدەۋ كەرەك. حالىقتى وزەك ەتكەن دامۋ يدەياسىن ىشكەرىلەي امالياتتا ايگىلەپ، حالىق تۇرمىسىنا قاتىستى ناقتى ىستەردى تىڭعىلىقتى ويداعىداي ىستەۋ كەرەك. جاڭا داۋىردەگى پارتيا قۇرىلىسىنىڭ باس تالابىن جالپى بەتتىك دايەكتىلەندىرىپ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ىشكەرىلەي ورىستەتىپ، ستيلى پاك، سالتى دۇرىس ساياسي ەكولوگيا جانە ءىس تىندىرىپ، ناتيجە شىعاراتىن تاماشا ورتا قالىپتاستىرۋ كەرەك. جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋ كەرەك. شينجياڭدى زاڭمەن جونگە سالۋ، زاڭ بويىنشا اكىمشىلىك جۇرگىزۋ تالابىن قىزمەتتىڭ ءارقايسى جاعىندا، تۇتاس بارىسىندا دايەكتىلەندىرىپ، تياناقتاندىرىپ، فورماشىلدىقتى، تورەشىلدىكتى باتىل تەجەپ، جاڭا ساپاردا جاڭا بەينە ايگىلەۋگە، جاڭا ىسكەرلىك كورسەتۋگە قۇلشىنۋ كەرەك.
