انار بۇلت / شينجياڭ گازەتىنىڭ ءتىلشىسى ساۋ حۋا 2 - ايدىڭ 8 - كۇنى ۇرىمجىدەن حابارلايدى. اۆتونوميالى رايوندىق ورمان شارۋاشىلىعى جانە جايلىم مەكەمەسىنەن ۇعىسۋىمىزشا، تاياۋدا رايونىمىز «اۆتونوميالى رايوننىڭ ورمان باستىعى ءتۇزىمى قىزمەتىن باعالاۋ ءادىسىن» (تومەندە قىسقارتىلىپ «ءادىس» دەلىندى) شىعارعان، مۇنان بىلاي ورمان باستىعى ءتۇزىمىن باعالاۋ ناتيجەسىن پارتيا، ۇكىمەت باسشى كادرلارىن جالپىلىق باعالاۋدىڭ ماڭىزدى دايەگى ەتەدى ەكەن.
«ادىستە» رايونىمىزدىڭ ورمان باستىعى ءتۇزىمى قىزمەتىن باعالاۋ كولەمى، پرينسيبى، مازمۇنى، ۋاقىتى، اتقارۋ تۇلعاسى، باسقىشى، ناتيجەسىن قولدانۋ سياقتىلار جونىنەن ەگجەي - تەگجەيلى بەلگىلەمە جاسالدى. رايونىمىزدىڭ ورمان باستىعى ءتۇزىمىن باعالاۋ قىزمەتى جىلىنا ءبىر رەت جۇرگىزىلەدى، 11 - ايدا باستالىپ، 12 - ايدىڭ سوڭىنان بۇرىن اقىرلاسادى. باعالاۋ مازمۇنى قىزمەت مەحانيزمىن باعالاۋ جانە قىزمەت نىساناسىن باعالاۋ سىندى ەكى بولىمنەن قۇرالادى. قىزمەت مەحانيزمىن باعالاۋدا ۇيىمدىق جۇيە قۇرىلىسى، ورمان شارلاۋدى باقىلاۋ - باسقارۋ قامتىلىپ، نەگىزىنەن، ورمان باستىعىن ورنالاستىرۋ، سونداي - اق ورمان شارلاۋ سياقتى احۋالدارعا باعالاۋ جۇرگىزىلەدى. قىزمەت نىساناسىن باعالاۋدا ورمان، جايلىم بايلىعىن قورعاۋ، ەكولوگيانى قالپىنا كەلتىرۋ، مەملەكەت جەرىن جاسىلداندىرۋ، جەمىس ورمان شارۋاشىلىعىنىڭ ساپاسىن جوعارىلاتىپ، ءونىمىن ارتتىرۋ، اپاتتان ساقتانۋ - تىزگىندەۋ سياقتى مازمۇندار قامتىلىپ، نەگىزىنەن، جىلدىق ورمان ءوسىرۋ، ءشوپ ەگۋ، قۇمنان ساقتانۋ، قۇمدى تىزگىندەۋ، ورمان جەتىلدىرۋ، ەگىستىك جەرلەردىڭ ىقتاسىن ورمانى، اۋىل - قىستاقتى جاسىلداندىرۋ، كورىكتەندىرۋ، جەمىس ورمان شارۋاشىلىعىنىڭ ساپاسىن جوعارىلاتىپ، ءونىمىن ارتتىرۋ، ورمان، جايلىم ءورت اپاتى، زياندى ورگانيزمدەردەن ساقتانۋ - تىزگىندەۋ سياقتى قىزمەتتەردىڭ ىلگەرىلەتىلۋ، تياناقتاندىرىلۋ جاعدايىنا باعالاۋ جۇرگىزىلەدى. باعالاۋ قىزمەتى ءوزىن تەكسەرۋ، ءوزىن باعالاۋ، اۆتونوميالى رايون دارەجەلى باعالاۋ، بەكىتۋ، تۇراقتاندىرۋ سىندى 3 باسقىش بويىنشا جۇرىلەدى.
«ادىستە» مىنالار بەلگىلەندى: باعالاۋ ناتيجەسى پارتيا، ۇكىمەت باسشى كادرلارىنىڭ جالپىلىق باعالاۋىنىڭ جانە جاراتىلىستىق بايلىقتار مەن مال - مۇلىكتەرگە مىندەتىنەن بوساعان سوڭ قازىنالىق تەكسەرۋ جۇرگىزۋدىڭ ماڭىزدى دايەگى ەتىلەدى. قىزمەتى كورنەكتى، ونىمدىلىگى ايقىن بولعاندارىن حابارلاندىرىپ ماداقتايدى؛ قىزمەتتى تياناقتاندىرۋى جەتەرسىز، جىلدىق باعالاۋى ءبىرشاما ناشار بولعاندارىن اۆتونوميالى رايوننىڭ باس ورمان باستىعى نەمەسە ورىنباسار باس ورمان باستىعى شاقىرىپ سويلەسىپ، مەرزىمدى ۋاقىتتا تۇزەتۋدى مىندەتتەيدى.
ۇعىسۋعا قاراعاندا، 2021 - جىلدىڭ باسىندا رايونىمىز ورمان باستىعى ءتۇزىمىن جاپپاي باستاپ اتقارىپ، ورمان باستىعى ءتۇزىمىنىڭ ۇيىمدىق جۇيە قۇرىلىسى، سايكەستى ءتۇزىم قۇرىلىسى، قىزمەت مەحانيزمى قۇرىلىسى، باعالاۋ جۇيەسى قۇرىلىسى سىندى ”ءتورتتى قاتار جۇرگىزۋدى“ ايقىن تۇراقتاندىرعان. «ءادىستىڭ» شىعارىلۋى رايونىمىزدىڭ ورمان باستىعى ءتۇزىمىن قۋزاۋ - تەكسەرۋ، باعالاۋ قىزمەت مەحانيزمىن قاراستىرۋىنا، ورناتۋىنا نەگىز قالاپ، ءار دارەجەلى جەرگىلىكتى پارتكومداردىڭ جانە ۇكىمەتتەردىڭ ورمان، جايلىم بايلىعىن قورعاۋ، دامىتۋ تۇلعالىق جاۋاپكەرشىلىگىن ونان ارى قاتايتىپ، رايونىمىزدىڭ ورمان باستىعى ءتۇزىمىن ”جاپپاي ورناتۋدان“ ”جاپپاي ونىمدىلىك كورسەتۋگە“ ويىسۋىن ىشكەرىلەي ىلگەرىلەتەدى.
