انار بۇلت / شينجياڭ گازەتىنىڭ ءتىلشىسى شى شين 2 - ايدىڭ 8 - كۇنى ۇرىمجىدەن حابارلايدى. اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىنەن ۇعىسۋىمىزشا، 2021 - جىلى رايونىمىزدىڭ مەملەكەت مەنشىگىندەگى كاسىپورىندار رەفورماسىنىڭ 3 جىلدىق ارەكەتىنىڭ جالپى تۇلعالىق ورىندالۋ مولشەرى ％95كە جەتىپ، تۇسىرىلگەن مىندەت - نىسانادان 25 پايىز اسىپ، A دارەجەلى بولىپ باعالانىپ، بۇكىل ەل كولەمىندە حابارلاندىرۋ شىعارىلىپ ماداقتالعان.
مەملەكەت مەنشىگىندەگى كاسىپورىندار رەفورماسىنىڭ 3 جىلدىق ارەكەتى اتقارىلعاننان بەرى اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى سوتسياليستىك بازار شارۋاشىلىعى رەفورماسى بەتالىسىنا تاباندى بولىپ، كاسىپورىنداردىڭ ومىرشەڭدىك كۇشىن ارتتىرۋدى، ونىمدىلىگىن جوعارىلاتۋدى وزەك، مەملەكەت مەنشىگىندەگى كاسىپورىنداردىڭ وزەكتى باسەكەلىك قۋاتىن جوعارىلاتۋدى نىسانا ەتىپ، جالپى بەتتىك كۇش سالىپ، كوپ تۇيىندە سەرپىلىس جاسادى، بۇكىل رايوننىڭ مەملەكەت مەنشىگىندەگى كاسىپورىندار رەفورماسىندا ۇزدىكسىز تىڭ سەرپىلىستەر جۇزەگە اسىرىلىپ، جاڭا ناتيجەلەرگە قول جەتتى، بۇكىل رايونداعى مەملەكەت مەنشىگىندەگى مال - مۇلىكتىڭ، مەملەكەت مەنشىگىندەگى كاسىپورىنداردىڭ جالپىلىق قۋاتى ۇزدىكسىز جوعارىلاپ، ءتۇرلى باستى كورسەتكىشتەر جاپپاي جاقسارىپ، ەكونوميكالىق دامۋدىڭ ”تۇراقتاندىرعىشتىق“، ”ورنىقتىرعىشتىق“ رولى كورنەكتىلەندى.
بىلتىردان بەرى بۇكىل رايونداعى مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىندار نازاردى نەگىزگى جاۋاپكەرشىلىككە، نەگىزگى كاسىپكە شوعىرلاندىرىپ، فۋنكتسياسى ايقىن، نەگىزگى كاسىبى كورنەكتى، ورنالاسۋى ۇيلەسىمدى، اينالىمى جوعارى ءونىمدى مەملەكەت مەنشىگىندەگى كاپيتالدىڭ جاڭا ورنالاسۋىن جەدەل قالىپتاستىردى. ”ءىرى نىساندارمەن“ ءىرى ستراتەگياعا قىزمەت وتەۋ ارقىلى اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى كاسىپورىنداردى نازاردى ستراتەگيالىق كەلەلى جاعدايعا شوعىرلاندىرا قارجى قوسۋعا جەتەكتەپ، جىبەك جولى ەكونوميكالىق بەلدەۋى، ”شينجياڭنىڭ ەلەكترىن سىرتقا جەتكىزۋ“، ”شينجياڭنىڭ كومىرىن سىرتقا تاسىمالداۋ“ سياقتى مەملەكەتتىڭ ماڭىزدى نىساندارىمەن بەلسەندى، ىرىقتى تۇردە توعىسىپ، 2021 - جىلى تۇراقتى مۇلىككە 60 ميلليارد 728 ميلليون يۋان قارجى قوستى، بۇل سايكەس مەزگىلدەگىدەن ％27.2 ارتتى.
سونىمەن بىرگە، ”ءىرى مەملەكەت مەنشىگىندەگى مال - مۇلىك“، ”ءبىر تۇتاس جۇيە“ دەگەنگە تاباندى بولىپ، ورتالىق كاسىپورىندارىنىڭ شينجياڭعا كومەكتەسۋ قىزمەتى ءماجىلىسىن جانە مەملەكەت مەنشىگىندەگى مال - مۇلىك، ورتالىق كاسىپورىندارىنىڭ شينجياڭنىڭ جوعارى ساپالى دامۋىنا دەم بەرۋ ءماجىلىسىن بەلسەنە وتكىزىپ، ورتالىق پەن جەرگىلىكتى ورىنداردىڭ سەلبەستىگىن كۇش سالا ىلگەرىلەتتى، اۆتونوميالى رايوندىق حالىق ۇكىمەتى ورتالىقتاعى 10 كاسىپورىنمەن ستراتەگيالىق سەلبەستىك جۇلگەلىك كەلىسىمىنە قول قويدى، ”14 - بەسجىلدىق“ مەزگىلىندە ورتالىق كاسىپورىندارىنىڭ شينجياڭداعى جالپى قوسقان قارجىسى ءبىر تريلليون يۋاننان اسادى. اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى ايماق، وبلىس، قالالار ەكونوميكاسىنىڭ جوعارى ساپالى دامۋىنا دەم بەرىپ، ايماق، وبلىس، قالالارمەن ستراتەگيالىق سەلبەستىك جۇلگەلىك كەلىسىمىنە، ءىشىنارا ايماق، وبلىس، قالالارمەن نىسان سەلبەستىك كەلىسىمىنە قول قويىستى، بۇعان ساياتىن سوما 80 ميلليارد يۋاننان استى. بيڭتۋان مەن جەرگىلىكتى ورىننىڭ توعىسپالى دامۋىن بەلسەنە ىلگەرىلەتىپ، اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى مەن بيڭتۋان مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى ستراتەگيالىق سەلبەستىك جۇلگەلىك كەلىسىمىنە قول قويىسىپ، باقىلاۋ - باسقارۋ كاسىپورىندارىن بيڭتۋان كاسىپورىندارىمەن ءار سالاداعى بىرلەسىپ قارجى قوسۋ سەلبەستىگىن كۇشەيتۋگە جەتەكتەدى.
مۇنان سىرت، جۇمىستاندىرۋدى شەشۋدى ەڭ ۇلكەن حالىق تۇرمىسى ەتۋگە تاباندى بولىپ، 34 باقىلاۋ - باسقارۋ كاسىپورنىن، شينجياڭدا تۇراتىن 54 ورتالىق كاسىپورنىن، 14 ايماقتاعى (وبلىس، قالا) مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىن ۇيىمداستىرىپ، سايكەستىرىپ، جوعارى مەكتەپ تاۋىسقان 22 مىڭ 828 وقۋشىنى قابىلدادى.
مەملەكەت مەنشىگىندەگى كاسىپورىندار رەفورماسىنىڭ 3 جىلدىق ارەكەتىنىڭ ۇزدىكسىز تەرەڭدەۋى كاسىپورىنداردىڭ دامۋ ومىرشەڭدىگى مەن ىشكى قوزعاۋشى كۇشىن پارمەندى كۇشەيتتى، 2021 - جىلى تۇتاس جىلدا تيجارات كىرىسى 539 ميلليارد 376 ميلليون يۋان بولىپ، سايكەس مەزگىلدەگىدەن ％53.3 ارتتى؛ پايدا جالپى سوماسى 22 ميلليارد يۋان بولىپ، سايكەس مەزگىلدەگىدەن ％155.3 ارتتى؛ جوعارىعا تاپسىرىلعان سالىق 18 ميلليارد يۋان بولىپ، سايكەس مەزگىلدەگىدەن ％42.9 ارتتى، مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىنداردىڭ تيجارات كىرىسى تاريحتاعى ەڭ جاقسى ورەگە جەتتى.
