تيانشان تورى
تيانشان تورى   ›   جاڭالىقتار   ›   ەل ءىشى حابارى

جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس، ورتالىق اسكەري ىستەر كوميتەتى «ارميانىڭ ەڭبەك سىڭىرگەندەردى، داڭق اپەرگەندەردى سيلاۋ ەرەجەسىن» باسىپ تاراتتى

  شينحۋا اگەنتتىگىنىڭ 2 - ايدىڭ 8 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس، ورتالىق اسكەري ىستەر كوميتەتى «ارميانىڭ ەڭبەك سىڭىرگەندەردى، داڭق اپەرگەندەردى سيلاۋ ەرەجەسىن» (تومەندە قىسقارتىلىپ «ەرەجە» دەلىندى) باسىپ تاراتتى ءارى حابارلاندىرۋ شىعارىپ، جەر - جەردەن، تاراۋلاردان وسى بويىنشا مۇقيات اتقارۋدى تالاپ ەتتى.

  «ەرەجە» شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭنىڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن ىشكەرىلەي دايەكتىلەندىرىپ، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن جۇزەگە اسىرۋدى، حالىق ارمياسىن دۇنيە جۇزىندەگى بىرەگەي ارميا ەتىپ جاپپاي قۇرىپ شىعۋدى كوزدە ۇستاپ، شايقاسقا دايىن بولۋدى، شايقاسقا ىنتالاندىرۋدى كورنەكتىلەندىرىپ، جۇيەلى جوبالاۋدى كۇشەيتىپ، جاڭا ءداۋىر ەرەكشەلىگىنە باي، جاڭا ءتۇزىلىس ەرەكشەلىگىنە ۇيلەسەتىن، جاڭا بورىشتى، تالاپتى ايگىلەيتىن، نازاردى جاپپاي شايقاسقا دايىندالۋعا، شايقاس جۇرگىزۋگە شوعىرلاندىراتىن ارميانىڭ ەڭبەك سىڭىرگەندەردى، داڭق اپەرگەندەردى سيلاۋ جۇيەسىن ورناتتى.

  «ەرەجە» وردەن، داڭق اتاعى، سيلىق، سيلاۋ، ەستەلىك زناگى سياقتىلار بويىنشا سوعىس كەزى مەن جايشىلىقتاعى كەزدى، كاسىپ سالاسىن، قىزمەتكەرلەر ءتۇرىن پارىقتاندىرىپ، ارميانىڭ ەڭبەك سىڭىرگەندەردى، داڭق اپەرگەندەردى سيلاۋ جۇيەسىن جاپپاي قايتا سومدادى. «ەرەجە» قولباسشىلاردىڭ ەڭبەك سىڭىرگەندەرىن، داڭق اپەرگەندەرىن سيلاۋ شارالارىن جاسامپازدىقپەن ورناتىپ، نازاردى سوعىستا جەڭىسكە جەتۋگە، كۇش - قۋاتتى ارميانى قۇدىرەتتەندىرۋگە شوعىرلاندىراتىن وردەن، مەدال، ەستەلىك زناگىن جۇيەلى جوبالاپ، ارميانىڭ ەڭبەك سىڭىرگەندەردى، داڭق اپەرگەندەردى سيلاۋ ماراپاتىنا يە بولعانداردىڭ ماملەسىن ءبىر تۇتاس ارناعا ءتۇسىرىپ، سيلاۋ، شابىتتاندىرۋ فورماسىن بايىتتى. «ەرەجە» تاعى ارميانىڭ سىرتقا ساياتىن ەڭبەك سىڭىرگەندەردى، داڭق اپەرگەندەردى سيلاۋىن دا ولشەمدەندىردى.

  «ەرەجەنىڭ» جاريالانىپ اتقارىلۋى پارتيا مەن مەملەكەتتىڭ ەڭبەك سىڭىرگەندەردى، داڭق اپەرگەندەردى سيلاۋ ءتۇزىم جۇيەسىن كەمەلدەندىرۋ، اسكەري كاسىپتىڭ باۋراۋ قۋاتىن جانە اسكەريلەردىڭ بورىش سەزىمىن، داڭق سەزىمىن كۇشەيتۋ، وفيتسەر - جاۋىنگەرلەردى ارميامىزدىڭ ەرجۇرەك قاھارماندىق جىگەرى مەن باتىر دا قايسار شايقاس جۇرگىزۋ ستيلىن ساۋلەلەندىرۋگە تاربيەلەۋ، جەتەكتەۋ، بۇكىل ارمياداعى وفيتسەر - جاۋىنگەرلەردى ارميا قۇرۋدىڭ 100 جىلدىق كۇرەس نىساناسىن قايراتتانا جۇزەگە اسىرۋعا ىنتالاندىرۋ جونىنەن كەلەلى ماڭىز الادى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.